خايف من طيران العربية ومن وين اصرف العملة في المطار وهل القاء سيارات استاجر من عندهم

والله اني متورط وابي فزعتكم اليوم حجزت من الرياض الى الشارقة عن طريق طيران العربية اول مرة اجربه هل طائراتهم جديدة ومواقيتهم تقلع في نفس الموعد

وهل اذا جيت المطار القا صرافين او من وين اصرف عملتهم وبالنسبة ابي استاجر سيارة القى في مطار الشارقة وسعرها يكون ب 100 ريال وكيف طريقتهم وش المطلوب فزعتكم ياخواني والله اني متورط مالي الا الله ثم انتم

طيران العربية - طيران اقتصادي ممتاز وفي نظري افضل من بعض شركات الطيران الكبرى انا حاجز عليه مع العائلة.

لذا تطمن (ملاحظة: خلك في المطار قبل الاقلاع بساعتين لانه اذا راحت عليك الرحلة راحت فلوسك وتدفع قيمة تذكرة مرة اخرى ، يعني تذكرة مسبوقة الدفع).

الصرافين موجودين بمطار الشارقة وخارج المطار.

قيمة اجار السيارات من المطار حسب النوع ولاكن خارج المطار ارخص ، المطلوب جواز السفر و رخصة القيادة و بطاقة ائتمانية (اذا ما عندك بطاقة ائتمانية فيوجد مكاتب خارج المطار تاخذ منك مبلغ تقريبا 900 درهم كتأمين وبعد تسليم السيارة بعشرة ايام تعيد لك المبلغ على حسابك اذا ما عليك مخالفات مرورية).

ياخوي ياليت تفيدني كم ياخذون في صرف العملة في 1000 ريال داخل المطار كم ياخذون وبالنسبة لسيارات اذا جيت استاجر خارج المطار يعني وشلون اصل لهم ابي مكاتب تكون رخيصة وقريبة على شان اذا جيت ارجع السيارة وهل الكيلوات مفتوحه او يحسبون علي وداخل المطار كم ياخذون تامين انا عندي بطاقة اءتمانية هل يسحبون منها ولا وشلون وكم الشارقة الى دبي لان السكن في دبي ...... وجزاك الله الف خير والله ريحتني https://www.otlaat.com/arabtravelers...76eaa41s87.gif

أخوي وناسة

أما عن العملات حين تنزل من الطائرة

و تبي تستلم الشنط موجود محلات الصرافة الأنصاري و سالم و غيرها

و بالنسبة لسعر الصرف 100 ريال سعودي تساوي 97.5 و عليك الحساب !!!

اما سيارات التأجير ,,, ما عندي خلفية عنها

إللي بيأخذ تاكسي لدبي يركب في تاكسي المشروع الوطني أفضل و أرخص
لأن تاكسي دبي يحسبوا حاجات مالها داعي ,,

.
.
تحيتي

وناسه وناسه

طيران العربيه جيد جدا" وهو من افضل الطيران الاقتصادي وموعيدهم جيده

الصرف كل 100 ريال سعودي ب 97,5 لو لقيت اقل لا تصرف واصرف من الصرافات الموجوده في المولات

دايم اصرف شي بسيط من المطار والباقيي خله برا المطار الصرافات منتشره بكثره في المولات

فيه محلات ايجار سيارات والاسعار تقريبا" 120 واكثر
الاوراق :
صورة جواز سفر - بطاقه ائتمانيه - رخصه سسارية المفعول

بصراحة
طيران العربية مراااا حلووووو مرتبين جداً
ومطار الشارقة ممتاز وفيه كل شي ومافيه تعب زي مطار دبي من ناحية الكبر والمساحات الكبيرة

بعد ماتستلم الشنط وانت خارج بتلقى على يمينك الصرافين وعلى يسارك محلات تأجير السيارات
وبالنسبة للسيارات المستأجره لاتخاف ماهي محسوبة بالكيلو مترات بل بالايام يعني عيش حياتك واتهنى
وبالتوفيق

من خلال تجربتي كانت المواعيد مظبوطه بالدقيقه والمسافه بين الكراسي افضل من السعوديه صحيح الطياره صغيره 6 كراسي في الصف بس انا ما اعتبرها مشكله

توصل بالسلامة ان شاء الله تعالى
من خلال اخر زيارة لي هناك بالنسبة لاستئجار السيارات من خلال محلات المطار او خارجه كلها جميلة والكيلو مفتوح وراح تلاقي السيارة فل بنزينها ووقت ماترجع ان لم تفول السيارة سيتم خصم قيمة البنزين من سعر السيارة وقت اعادتها ولن تحتار ان شاء الله في اي سؤال يحيرك .

https://www.otlaat.com/arabtravelers...quote_icon.png المشاركة الأصلية كتبت بواسطة وناسة وناسة
http://www.arabtravelersforum.com/tr...3/#post4306923

ياخوي ياليت تفيدني كم ياخذون في صرف العملة في 1000 ريال داخل المطار كم ياخذون وبالنسبة لسيارات اذا جيت استاجر خارج المطار يعني وشلون اصل لهم ابي مكاتب تكون رخيصة وقريبة على شان اذا جيت ارجع السيارة وهل الكيلوات مفتوحه او يحسبون علي وداخل المطار كم ياخذون تامين انا عندي بطاقة اءتمانية هل يسحبون منها ولا وشلون وكم الشارقة الى دبي لان السكن في دبي ...... وجزاك الله الف خير والله ريحتني https://www.otlaat.com/arabtravelers...08b4a41s87.gif



هلا اخوي وناسة وناسة

امورك ان شاء الله كلها ممتازة

بالنسبة لصرف العملة تصرف في السعودية او في الشارقة بالمطار او خارج المطار الفارق بسيط لا تفكر كثير.

اما السيارة استأجر من المطار لان عندك بطاقة ائتمانية وعلى شان لما تعيد السيارة يكون في المطار على طول والكيلوات مفتوحة كما ذكر الاخوان (لا تنسى تاخذ معك رخصة القيادة سارية المفعول)

بخصوص السكن اذا بتروح كل يوم دبي افضل اسكن هناك صحيح ان المسافة قصيرة جدا بين دبي والشارقة لا كن الطريق زحمه جدا جدا بينهم وخاصة مع ذهاب الموظفين وعودتهم ، يوجد في دبي السكن الغالي والرخيص حسب ميزانيتك وموقع السكن والافضل تحجز قبل ذهابك ويمكن للأخوان في شركة عرب لينك ان تنظم لك ذلك.

ترجع بالسلامة

مساء الخير

يالغالي انا كنت في دبي قبل ثلاث اسابيع ومسافر عن طريق طيران العربية

بصراحة طيران جيد ودقيق في مواعيد الاقلاع

وفي مطار الشارقة يوجد صرف للعملات ولا تشيل هم

ومقابل لهم محلات لتأجير السيارات ويفضل انك تحجز بالنت قبل يطلع لك السعر ارخص

ومكاتب التأجير الموجودة اكثر من 6 محلات بس اذكر : بدجت و دولار لتأجير السيارات

تلاقي مواقعهم بالنت


اتمنى اني افدتك

والله انكم ريحتوني من جد انتم انتم اخواني نصائح وارشادات من جد من فضل الله ثم جهودكم والله كان ماسافرت من جد ..... بس زوتها شوي عليكم ابي احجز سيارة استاجرها من الرياض وشلون الطريقة ومن اي مكاتب
تكون ارخص والقا السيارة جاهزة .. وش قصدهم بنظام سالك وهل في سيارتهم الاجار القارمن على شان مانضيع

الصرافين موجودين بالمطار....

وطيران العربيه حلو .....

وتأجير السيارات لازم يكون معك بطاقه ائتمانيه...والوحيد اللي بدون بطاقه ائتمانيه (بدجت) بس ترهن عندهم (الجواز)و مبلغ تقريبا 1000 درهم تأمين...والجي بي اس موجود عندهم وعليه رسوم تقريبا 20 درهم....

رسوم سالك...هذي شريحه اكترونيه تلصق في الزجاج الامامي للسياره ..لان بعض الشوارع بدبي عليها بوابات تحصيل رسوم...يعني كل ماتعدي من تحت البوابه يخصم من الشريحه اتوقع 4 دراهم...وعليك الحساب...

طبعا اذا رجعت تسلم السياره يحسبلك كم مره عديت من بوابات تحصيل ويخصمها عليك....

انا اذكر استأجرت صني من عند بدجت ب120 درهم...

وسلامتك.