عرض للطباعة
بسم الله الرحمن الرحيم
أسعد الله صباحـ / مساء الجميع بكل خير
شدّني في هذا المنتدى التعاون والترابط والتآلف بين الأخوة والأخوات الأعضاء
وأحببت أن تكونوا جزءا ً من اختياري لرحلة العمر
بإذن الله زواجي في الصيف هذا وللحين محتار في شهر العسل
يعني تقريبا بسافر 6/7/2012 وللحين ماحددت الوجهة
وأبي اقتراحاتكم لا هنتم
مدة الرحلة من 10 الى 14 يوم
الميزانية المقترحة لاتزيد عن 20.000 ريال
وياليت اللي يقترح دولة يقول سبب الاختيار وشو اللي يميزها
بـ انتظار ارآئكم واقتراحاتكم
صباح الخير اخوي عازف
والف مبروك مقدما
بالنسبه للا اقتراحات فهي كثيره وتعتمد على حسب ميولك ورغبتك من مناظر طبيعيه او اماكن التسوق
ميزانيتك طيبه ولله الحمد انا افضل انك تدخل تقرأ ببوابات دول جنوب وشرق اسيا
واقرأ تقارير الاعضاء وراح تحصل الي يناسبك هذا افضل حل ياغالي لاننا مانعرف بالضبط وش ترغب ولا ودنا تدعي علينا بشهر العسل هههههههه
تحياتي لك
والله قريت واحتررررت
أنا أبي مكان احصل فيه الطبيعة والهدوء والنظام
وبنفس الوقت يكون فيه اماكن كثير ازورها
وتسوق ومتنوع وأسعار مقبولة
وترفيه وألعاب وكذا
أتمنى تفيدوني مشكورين
حياك الله اخوي
بالنسبة للطبيعة والتماشي والهدوء مايبغالها كلام ( ماليزيا - اندونيسيا ) بلدان ساحرة في جمالها
رحلة موفقة
والله ياخوي اعتقد الدولة اللي تناسب رغبتك و المدة اللي انت حاطها مع الميزانية هي اندونيسيا ... خذ لك لفة على بوابة اندونيسيا و بتلقى الاخوان ما قصرو في التقارير التفصيلية... ولا تنسى تحط بالي في مخططك اذا قررت
يعطييييييكم العافية
اذا ماعندك مشكله في تايلاند ، انا اشوفها افضل دوله في جنوب شرق اسيا من رخص وفنادق فخمه ورخيصه وجزر واماكن جميله
و ٢٠ الف وبالصيف توديك تايلاند ( بانكوك + شنغماي + بوكيت ) اسبوعين مع تسوق