حساب تكاليف رحلتي الى باريس

السلام عليكم ورحمة الله وبركاته

اعزائي الاعضاء أتمنى أن تفيدوني بحساب تكاليف رحلتي الى باريس

انا طالع انا واخوياي وعددنا 3 أشخاص

وعندي بعض الأستفسارات ,,

1/ بالنسبه للفيزا الشنغن , ماهي شروطهم بحكم أني طالب واثنين من أصحابي عاطلين ؟
( المال متوفر الحمد لله لأكني قريت ان لابد تعريف راتب ومدري ايش )
وبالنسبه لي الفيزا حقتي 6 شهور وانتهت قبل كم شهر ,, هل يلزم حضوري ولا فقط مكتب يخلصها لي ؟

2/ كم تكاليف 3 اشخاص لمدة 10 أيام ,
مع العلم اني طلعت باريس قبل كذا مع اخوي وعارف كل شي بس خايف أني الخبط بالتكلفه

أ/ السكن حسبته طلع ب 7080 ريال 10 ايام في اللاديفانس ( أفضل منطقة عندي )
ب/ التذاكر حسبتها طلعت علينا ب 2800 للشخص الواحد
ج/المترو حسبته لمدة 10 ايام ل 3 أشخاص ب 1000 ريال تقريباً
د/ الأماكن السياحيه حسبتها ( برج أيفل و اللوفر ) 3 أشخاص 500 ريال تقريباً

باقي الأكل , بيكون نظام وجبات سريعه ( غداء وعشاء ) كم تكلفة المطاعم لأني ناسيها , ماك و كويك ؟
بالنسبة للأفطار بتقضى من مول المواسم الأربعه . ضروري الماء والقهوه

,,

هذا الي حسبته واشوف مافيه شي ناقص ,, ممكن تعلموني اذا فيه شي ناقص ولا بس هذي هي كل الأمور ؟؟

والف الف شكر لكم جميعاً ,,

والله يجزاكم كل خيييييييييير ولجميع من يعطيني لو معلومه بسيطه ,,

للمعلومية رحلتي بتكون 13 يونيو

وعليكم السلام

بخصوص استفسارات الفيزا في قسم مختص في المنتدى راح يساعدونك بكل استفساراتك

بالنسبه للمصروف فيختلف من شخص للثاني بس دامكم شباب فما راح تكلفون وايد

اذا ناوين تزورون ديزني فلا تنسى تحسب التذاكر

..

بروكسيل مدينه جميله جدا وامنه كثير ممكن تفكر فيها لو قريت عنها
دزني فيها العاب للكبار والصغار
ممكن تاخذون الاستديو بس ترحون لها من بدري
لان فيه العاب تقفل باوقات معينه مثل 2 ونث وكذا
البارك احسه حق اطفال بالاغلب عكس لااستديو
فرساي دام معكم 10 ايام لابد من زيارته 15 يورو للسخص الواحد للقصر الملكي
و18 يورو للقصر الملكي مع مبيت ماري انطوانيت
ممتع جدا لا يفوتكم
وانت احسب ان الصرفيه بمعدل 75-100 يورو للشخص باليوم .
مع التذاكر والاكل من غير التسوق ودزني لاند

ما راح تخسر شي اذا رحت غير باريس

التقارير والاستفسارات تسهل لك الكثير

البارك فيه العاب للكبار

..

انترلاكن لانها اقرب لباريس
اذا كنت محظوظ ولقيت قطار مباشر من باريس الى انترلاكن المده بتكون 4 ساعات ونص
بس بهاالاماكن الافضل لكم تستاجرون سياره
والافضل بعد تلغون هالمدينتين اللي يبي لها مده اكبر من كذا وومافيها متعه الا بسياره
روحوا بالاربع ايام لبروكسيل ومن بروكسيل يوم لبروج ويوم لغنت
من باريس لبروكسيل ساعه وثلث ومن بروكسيل لبروج وغنت وحده ساعه والثانيه نص ساعه
والتنقلات بالقطار
شوف تقارير عن بلجيكا ب بوابة دول اوروبا اخرى وبتشدك ع طول

..


زيلامسي نسيت اذكر عنها شيء
بعيده جدا عن باريس
1000 كيلو اتوقع او شيء هيك
وما فيها مطار زيلامسي اقرب مطار لها يبعد ساعه ونص ساعتين

الله يسعدك يا romh اشكرك على سرعة الرد والجميع مايهوووووووون

ع كذا زيلامسي بعيده وبتنشطب بصراحه مافينا حيل كل هالسافه هذي ,,, وبالنسبه لإنترلاكن حصلت قطار من باريس وفعلا المدة طلعت لي اربع ساعات ب 177 دولار الظاهر ,, بس اذا كنا بنروح لها بنروح بالقطار وبنستاجر سياره هناك, الي عاجبني بهالمنطقه هذي ان اخوي زارها ومدحها لي كثير وشفت الفديو والصور مره خياليه بس احسها حقت متزوجين مو شباب ههه علشان كذا قلت اخصص لها 4 ايام بحكم انها مدينه هاديه ومافيها حركة بس مناظر خلابة ,,

اما بروكسل .. اكذب عليك اذا قلت لك اعرف عنها شي .. لكن بحثت عنها وطلعت لي صورة لما شفتها قلت واااااااااااااااااو ( وفتحت فمي بصراحه هههههههه )

https://www.otlaat.com/arabtravelers...e_brussels.jpg
كثيييييييير تعجبت من المباني والتصميم , انا شخص انبسط على الاماكن هذي وتجذبني وهذا الي ابيه . وبصراحه دخلتها في راااااااسي والحين طيراااااان الى قسم دول اوروبا اخرى

..

ههههههههههههه
بالعكس انترلاكن جميله جدا وطبيعتها اجمل وتنفع للكل
خاصه للكشتات وشغل جبال السوده خخخ
بروكسيل لانها اقرب لك وفيها مطار ممكن عودتك تكون منها
فيه مدينتين قراب منها مره جميله بعد
انترلاكن لو قلنا 3 ايام تقضي فيها واليوم الرابع يبيك تروح لاقرب مدينه فيها مطار عشان تقلع اليوم الثاني
يعني احس ما تسوى عليك تستاجر سياره بهالثلاث ايام
الا اذا تزيدون على المده يومين كذا بيضبط الوضع
بروكسيل جمممميله جدا جدا وكلها عرب من الجنسيه المغربيه والشاميه
يعني تحس انك بين اهلك وناسك خخ
هذي صورة ساحه القراند
مكان اعجز عن وصفه خاصه اني زرتها بوقت شتاء ومطر ودرجه حراره 0
مع محلات الشوكلاته اللي حولك بكل مكان والوافل البلجيكي بالكريمه شيء صراحه لا يوصف

يوم بروكسل
يوم بروج
يومين امستردام

انترلاكن اذا ما تحب الطبيعه لا تروح لها
اذا ما تحب السياره ممكن الباس يفيدك ةوفيه موضوع مثبت بقسم سويسرا للعمده ابوعزيز أقرا
بروكسل بروج امستردام ممكن بوابه اوربا الاخري تفيدك
لكن هنا الاخوات بعد زارن بروكسل وخبرتهم كافيه ورائعه