معلومات بسيطة تفيد اي سعودي قادم الى كندا

السلام عليكم ورحمة الله وبركاتة
هذا الموضوع الثالث مادري الرابع مادري الخامس المهم :-

اذا الله اراد ووصلت لك الفيزا الكندية باظرف البني راح تلاقي معاها رسيت او فاتوره بملبغ 125 دولار كندي
أكيد الكل فهم قصدي المبلغ هذا انت دفعته عشان تحصل على الفيزا الكندية وأكيد ياحظي دافع المبلغ من جيبك (اشوى انك ماخذها من امك مسكينه مادري ابوك ) وقافله معاك بس شتسوي تبي الفيزا بالي هيبه
طيب اكيد انت سعودي وبطل وفرحان اخذت الفاتوره ورميتها شتبي فيها اهم شيء وصلت لك الفيزا
طيب تدري هذي الفاتوره تقدر تسترجع فلوسك الي دفعتها من الملحقية بشرط انك ترسل لهم الفاتوره هذي + تطبع الصفحة هذي وتحط بيناتك
http://www.saudibureau.org/Form22.pdf

لاتصير ذكي مره ومن اول ماتوصل ترسها خل شوي عندك دم وارسلها بعد ماتستلم الراتب :)

بالنسبة للرواتب

اول شيء راح يوصلك مساعده بسيطة وقبل ماتكلم عن هالموضوع
كلمة شكر كلمة وفاء كلمة ابو كلمة حب ماتوفي حق
الملك عبدالله بن عبدالعزيز آل سعود الله يحفظه يارب ويخليه لنا ذخر

يتم ارسال مبلغ بسيط للمساعده وراح يجيك بعد تقريباً شهر من وصولك
فيه ناس تقول اول ماتجي وفيه ناس تقول بعد اسبوع ومادري ايش انا راح اتكلم عامياً
اكثر الأخوان وصل شيك المساعده بعد شهر و10 ايام

تبلغ قيمة الشيك على حسب مده بداية دراستك يعني بالعادة 700 او 900 دولار
بالاضافة الى نزول راتبك يعني مشاءا الله تبارك الله تستلم راتب + مساعده

صورة من شكل الشيك

https://www.otlaat.com/arabtravelers...69ffb20953.jpg

الشيء الأخير الي انا حاب اتكلم فيه وسبق ونزلت موضوع عنه
بس الحين راح اقول لكم اسامي ماتاخذون منهم لا سكن ولا عائلة لانهم حرمية
اولهم : شخص يدعى ايهاب مصري الجنسية ( حرامي ونصاب كبير ) وعايش في فانكوفر ارجو الحذر منه
ثاني : الدكتور حاتم سوداني الجسنية ( مسوي شخص طيب وهو يلعب على الحبلين ) عايش في الرياض وقريباً راح يتم تصفيقه بس ارجع
ما اقصد التشهير ولا حاجة بس ابي افيد اخواني السعوديين او العرب
وا اعتقد راح يتم ايقاف العضوية بعد هذا الموضوع

والله يوفقنا وياكم

جزاك الله خير وغفر لك ولوالديك واخوانك ..


هذا الشيك للي مبتعث فقط صح

يعني الي متعنيين ورايحين على حسابهم الخاص مالهم لا حق ولا باطل . . .

نعم اخوي للطلاب المبتعثين

وللعلم اخوي عندي 3 اشخاص اعرفهم جايين على حسابهم

وحولوا على حساب الحكومه والموضوع ماطول ولا شيء وهذا والله يشهد

يمكن فيه ناس طولت مواضيعهم بس الاخوان سبحان من يوم ماجو ارسلوا اوراقهم وانقبلوا وكل شيء لذالك لا احد يتردد في ارسال اوراقه للملحقية

جزاك الله خير على النصح

هلا أخوي مستر أفواكادو....والله انا جي عن بروح عن طريق مكتب الدكتور حااتم ..مدحله لي شخص ويقول كويس..وبجربه انشاله الصيفيه هاذي...

كيفكم انا سويت الي علي وبينت لكم

الباقي عليكم اعرف كل سعودي يحب يجرب تقوله يمين يقولك يسار

لذالك الباقي عليكم انا سويت الي يمليه على ضميري والله يوفق الجميع

بس لاتنسون بعد ماتوصولن بالسلامه ان شاء الله ابي اسمع منكم كيف تمت عملية السرقة منكم
لانه كل وحده لها شكل وخصوصاً مع كبير العصابة المصري ايهاب

تحياتي لكم ..

وش صار على السوداني (عسى تم تصفيقه ههههههههههههههه ) والله ضحكتني ؟؟؟؟؟؟؟؟؟؟؟؟

والله ناوين عليه انا والشباب سرقنا الله ياخذه
لا هو ولا المصري المشكله كم سعودي ولا 20 الف واحد

كلهم نفس الضحكة

والله غبنه لكن ماعللمتنا وشلون ضحك عليكم هو في مكتب سياحي ولا خطوط انا مهتم بالموضوع ابروحه انشاء الله بداهيه انا على فكره بالرياض

المشكلة ان ربعنا طيبين يجي هذا واشكاله وكلمتين حلوة يلعب على الناس ويلهفون الدراهم الله لايفوقهم

شكرا اخوي على النصح والموضوع الجميل

حياكم الله وتستاهلون كل خير

يعطيك العافية اخوي الف شكر على النصيحة وماقصرت

الشيء الأخير الي انا حاب اتكلم فيه وسبق ونزلت موضوع عنه
بس الحين راح اقول لكم اسامي ماتاخذون منهم لا سكن ولا عائلة لانهم حرمية
اولهم : شخص يدعى ايهاب مصري الجنسية ( حرامي ونصاب كبير ) وعايش في فانكوفر ارجو الحذر منه
ثاني : الدكتور حاتم سوداني الجسنية ( مسوي شخص طيب وهو يلعب على الحبلين ) عايش في الرياض وقريباً راح يتم تصفيقه بس ارجع
ما اقصد التشهير ولا حاجة بس ابي افيد اخواني السعوديين او العرب

والله يوفقنا وياكم

مساك الله بلخير اخوي d60
انا اتعامل مع نفس الشخص الي ذكرته في موضوعك
والى الحين ماسافرت ياليت توضح المشاكل الي واجهتها
وئكون لك شاكر

ابشرك خذيت منه فلوسي كامله وبغيت اضربه بعد وياشباب ترى حاتم حرامي في السكن نصيحه ابعدو عنه....وبذات في السكن


الله يوفقنا جميعا

ههههههه يعطيك العافية حبيبي وفعلا هاللي اسمه الدكتور حاتم أنا قلت عنه سابقا انه شخص متغطرس من دخلت عنده وهو يمدح في نفسه ومعارفه ونا اعرف السفير ونا اعرف نائب السفير ونا اعرف واللي يمدح نفسه نصاب وازعجني وعرفت انه من جنبها وسحبت عليه ورحت لمكتب ثاني ،، بس بخصوص البعثات لاتعشم الشباب فيها كثير لانها للاسف صعبة جدا وخاصتا ً أني في الفترة الأخيرة سامع كلام ان الحكومة تفكر تلغي فكرة الأبتعاث لان العلماء حرموها والله أعلم ،،، وبالتوفيق للجميع

لااا يكوووون الدكتور حاتم السوداني اللي في الرحلات الذهبية

اللي دائما وهو فاتح فمه مغير يضحك من غير سبب

الحمد لله والشكر


بالله قولوا لي ضرووري

لاني على وشك أتعامل معه