هل ناخذ معنا كاش ولا فيزا؟

الأن هل بطاقات الصرف العادية, غير الفيزا, تشتغل جميعها في كندا؟

وكم ياخذون عموله على كل عملية صرف, هل هي نسبة أم مبلغ ثابت, وهل تختلف من بنك الى بنك؟

هل نحتاج الى فتح حساب في كندا, أو نكتفي بإستخدام بطاقاتنا السعودية؟

كم المبلغ التقريب اللي أخذه معي كاش من الرياض؟ يعني يمشي أحوالي في المطار أو أول يومين على ما أفهم وش السالفة؟

هل أحول الريالات الى دولارات كندية في مطار الملك خالد, ولا في مطار تورنتو, يعني هل فيه فرق في السعر ولا نفس الشيء, وهل ياخذون الكنديين ضريبة على العملية هذي. أو أخذ معي دولارات أمريكية؟

كم أقصى حد يمكنني أن أصرفه في الصرافات الكندية (السعودية 5000 ريال في اليوم)؟

هل أسئلتي بايخة؟:114:
هل أنا مزعج؟:114:

أوه معليش, حسيت إني مذيع على ذي الأسئلة:109:

يا هلا بك

شف أخوي اللي انا اعرفه انا البطاقات تشتغل واللي اضمنه لك هو بنك ساب لكن على كل صرفه تسحبها ياخذ عموله حوالي 40 ريال

اللي انا راح أسويه اعتقد انه الحل الامثل انا بروح بنك الراجحي بصرف لي شوية دولارات أمريكية عشان في مطار هثرو وشوية دولارات كندية عشان اول ما اوصل الى تورونتو والباقي راح اخليه شيكات سياحية واول ما اوصل كندا اروح عند اقرب بنك وافتح حساب عنده واودّع الفلوس اللي بالشيكات واهو راح يعطيك طلب عشان تعبيه وتحط عنوان العائلة او المحل اللي انت ساكن فيه عشان يرسل لك البطاقه حقت البنك وبهالطريقة مارح تخسر شي على سحباتك من الصرف والعمولة اللي ياخذها البنك مو كببيرة

والبطاقه توصل فب نفس اليوم او اليوم اللي بعده واذا خلصت من دورتك في كندا تروح تقفل الحساب

وبالنسبة للصرف لاتنسى تصرف من الراجحي لأنه في المطار ياخذ عموله اكثر بكثير من البنوك العادية


والمبلغ اللي تاخذه معاك لاتاخذ كثير انا ماراح اجلس فترة طويلة بالمطار عشان كذا باخذ معي قرابة 80 دولار امريكي كافي ومعقول جدا لأنك انت بتاكل وبتشرب وماراح تتسوق

وبالنسبة للصرافات كم كحد أقصى والله ماعندي علم


وبالنسبة حق اسئلتك ماشاء الله تصلح يحطونك بدال فيصل القاسم في الجزيرة

انا بالنسبة لي راح افتح حساب في كندا وبعدها احول عن طريق الانترنت من حسابي الى حسابي في كنده واغلب البنوك ما تاخذ عموله على التحويل عن طريق النت و البنوك الي تاخذ يكون مبلغ رمزي على العملية كلها وماكو يوم او اثنين ويكون كل شي مضبط بحسابك الجديد وبجذي تكون ما صرفت وبنفس الوقت اتحول متى ما بغيت على النت بدون عنا

شرايكم بطريقتي؟

انا سالت من مده عن الشيكات السياحية ولقيت اغلب البنوك لاغتها لان حسب كلامهم انها طريقة قديمة!

جميل جدا, الله يعطيك العافية أخوي صديق الهمس, زين انك علمتني على بنك الراجحي أزين.

بس ليه تحول الى دولارات أمريكية, حول الى كندية؟

جست اقيرل, والله حركتك قويه جدا, بس ما تدرين وشي الأوراق اللي يبونها البنوك الكندية عند فتح الحساب؟

أحد سمع عن بطاقة الماستر كارد حقت البنك الأهلي؟ رحت اليوم بأطلعها ولقيت السستم حقهم خربان, بس قوية من جد لا تفوتكم. وهذي مواصفاتها:

عادي لو تكوت طالب أ, غير موظف, وعادي لو ما يكون عندك حساب في نفس البنك.
نظامها أنك تعبيها كل شيوي, يعني تحول من حسابك لها, يعني ما فيها فلوس وتشتريبها ثمن تدفعلهم, وهذا يعني ايضا أن ما فيها فوائد, اللهم يأخذون منك أول ما تطلعها ميتين ريال, والظاهرنفس الشيء كل سنة.

أنا علمني عليها واحد مسافر العام الماضي لكندا وكان يمدحها مرة, بس المشكلة أنها تتأخر على ما تطلع.

خذ معك 500 دولار حال اسبوع يكفي واكثر

يختلخف من بنك الي بنك ويعتمد من العقد الي العقد


حول الريالات الى دولارات كندية


دولارات امريكيه نزله شويه

وماتاخذ 100 او 50 مرات في تزوير
https://www.otlaat.com/arabtravelers...68currency.jpg

خذ 20
https://www.otlaat.com/arabtravelers...n-Currency.jpg

دولارين

https://www.otlaat.com/arabtravelers...ollar_coin.jpg


https://www.otlaat.com/arabtravelers...bdb78coins.jpg

عمر مختار, هل أنت فاتح حساب هناك ولا وشلون مدبر عمرك؟

https://www.otlaat.com/arabtravelers...quote_icon.png المشاركة الأصلية كتبت بواسطة red devil
http://www.arabtravelersforum.com/tr...8/#post1301228

عمر مختار, هل أنت فاتح حساب هناك ولا وشلون مدبر عمرك؟

White Angel
خوي انا عايش بكندا

https://www.otlaat.com/arabtravelers...quote_icon.png المشاركة الأصلية كتبت بواسطة red devil
http://www.arabtravelersforum.com/tr...4/#post1301144

أحد سمع عن بطاقة الماستر كارد حقت البنك الأهلي؟ رحت اليوم بأطلعها ولقيت السستم حقهم خربان, بس قوية من جد لا تفوتكم. وهذي مواصفاتها:

عادي لو تكوت طالب أ, غير موظف, وعادي لو ما يكون عندك حساب في نفس البنك.
نظامها أنك تعبيها كل شيوي, يعني تحول من حسابك لها, يعني ما فيها فلوس وتشتريبها ثمن تدفعلهم, وهذا يعني ايضا أن ما فيها فوائد, اللهم يأخذون منك أول ما تطلعها ميتين ريال, والظاهرنفس الشيء كل سنة.

أنا علمني عليها واحد مسافر العام الماضي لكندا وكان يمدحها مرة, بس المشكلة أنها تتأخر على ما تطلع.



انا عندي هالبطاقة وسالت البنك اليوم عنها وقالي تقدر من اي مكان بالعالم تسحب باي عمله وناخذ فقط رسوم تحويل العملة

لكن لها ميزة اخرى وهي ان اهلك لو بيحولون لك فلوس يحولون عليها بدون رسوم للتحويل ولا شئ يحول كانه يحول لحساب عادي

السلام عليكم
اذا كان عندك فيزا اومستر كارد ما تحتاج كاش خذ معك مائة دولار كندي كافية حقة لمو زين واي شي تبغاة بالبطاقة انشاء الله لو دولار واحد
ولا تصرف من المطار لان المطار غالي



وشكراااااااااااااااااااااااااا

انا افضل انك تاخذ كاش وبطاقة ولما تخلص فلوسك الكاش اسحب مبلغ كبير يمشيك لمدة شهر او اسبوعين على اساس العمولة يحسبونها على كل سحبه من الصراف.

الله يوفقك

السلام عليكم

اخوي انصحك انك تصرف لك كم دولار من السعوديه 500$

وخل معاك فيزا لنكبات

وخل باقي فلوسك شيكات سياحيه

واول ماتاصل لمدينتك رح للبنك وافتح حساب طالب واصرف كل الشيكات الي معك فيه وعلى كذا بتصير مرتاح........... نصيحه لاتشيل معك كاش كثيررر
عود نفسك على البطاقه

مووفق

السلام عليكم
انا عندي لك طريقة مررررة حلوووة تروح للبنك الاهلي وتقووله ابي بطاقة ماستركارد (مسبوقة الدفع) بطاقة انت تعبيها فلوووس قبل ماتشي من السعودية وتسحب من اي مكان بالعالم على حسب عملة المنطقة او تخلى الوالد يحط لك فيها فلوووس كا مابين فترة وفترة بس ياخذ الرقم الي عليها

وارجواااا اني اكون قد قدمت الافادة للجميع

ودعوواااااتكم لنا يأخوانا ومشكورييييييييييييييين

اخوكم سلطان
مغادر الى تورونتو بـ23جون بأذن الله تعالى

تحبون وجع الراس

اخوي اذا معك فيزاء سعودية ريح عمرك استخدمها ولاتشيل هم بس استخدمها في الامكان الكبيره عشان ماتتعرض للسرقة

بالنسبة للصرف خذ معاك اقل شيء الف دولار كندي خلها في بوكك

والشيكات السياحيه والخربطة هذي فك نفسك منها كلها كلام فاضي وتستخدم في عام ال70

احنا في عام 2008

بالنسبة للفتح الحساب في كندا اسهل منه مافيه روح الى اي بنك وانصحك في الرويل بنك
قولهم ابي افتح حساب ومعي 20 دولار دقايق وانفتح لك الحساب
وهذي السالفة ليش شيكات سياحية وليش وجع راس وليش وليش وليش
بعدها حط افلوسك في حسابك اذا كنت طالب راسل السفاره بالحساب بس
تقدر تطلع فيزا من كندا ونفس الشيء بثواني بشرط انك تحط مقابل يعني تبي فيزا مليون دولار
حط عندهم مليون دولار تأمين بس
اذا عندك سوشل سيكرتي تقدر تطلع فيزا بدون تأمين

سلام عليكم

شباب انا مغادر انشاء الله تورنتو 9 يوليو . كم سعر الدولار الحين انا اخبره 2.5 عام 2000 كم الحين ؟؟
وبعدين شباب انا افكر ازور مدينه ثانية بعد ما اخلص دورتي لاني مال من تورنتو مادري وين اروح ووشلون احجز عن طريق النت ابي مدينه قريبه من تورنتو ورخيصة وجوها رائع ولافيها تعصب ؟؟؟؟؟؟وش تقترحون ؟؟؟

3.2 تقريبا يساوي

.................................................. ........ 3.5.................................ز

يا شباب انا عايش وادرس بكندا وتحديدا باوتاوا , انصحك بالاتي:
1- لا تصرف ولا هللة من اي مطار, لان رسومهم عااااااااالية جدا, روح البلد واصرف من اي محل صرافة.
2- اذا كان معك في حدود 15000 ريال سعودي, للمعيشة, اصرفها دولار كندي من السعودية وانتبه عليها اكثر من نفسك, واول ما توصل كندا, روح بنك اسمه (td Canada Trust) وافتح حساب طالب وخذ بطاقة الصراف وانت واقف( يعني بنفس الوقت) واطلب منهم بطاقة فيزا (وتجيك في خلال اسبوع)
3-المكائن في كندا, تسحب لحتى 800 دولار كندي
4-سعر الصرف الان 3.34

وبالتوفيق للجميع........

تشكر جودي على المعلومات القيمة بس ودي اشورك وين اروح بعد ما اخلص من تورنتو لان عندي اسبوع فاضي انا شخصيا افكر اروح اوتاوا وش رايك وش تشور بعدين وشلون احجز من النت ؟؟؟؟

https://www.otlaat.com/arabtravelers...quote_icon.png المشاركة الأصلية كتبت بواسطة zeer
http://www.arabtravelersforum.com/tr...7/#post1306447

شباب انا مغادر انشاء الله تورنتو 9 يوليو . كم سعر الدولار الحين انا اخبره 2.5 عام 2000 كم الحين ؟؟
وبعدين شباب انا افكر ازور مدينه ثانية بعد ما اخلص دورتي لاني مال من تورنتو مادري وين اروح ووشلون احجز عن طريق النت ابي مدينه قريبه من تورنتو ورخيصة وجوها رائع ولافيها تعصب ؟؟؟؟؟؟وش تقترحون ؟؟؟



hahahahah it is 3.51 now
3.51