ممكن تردون علي لا تنطشوني بليز ؟
السلام عليكم
شلونكم خواتي واخواني الغاليين
بدخل بالموضوع على طول
حجزت لكندا ان شاءالله بتاريخ 21\7
على الخطوط الالمانية
وخط السير هو كويت - تورنتو - بانف - فانكوفر - كويت
والرحله مدتها 28 يوم وسعرها 1111 دينار كويتي احس ان السعر مناسب ولا شرايكم:114:
والفنادق راح تكون باذن الله
تورنتو --- دلتا
بانف --- الشيراتون
فانكوفر--- الشيراتون او ريجنسي
ابي اعرف رايكم بالسعر وبالفنادق والمناطق
واهم اهم اهم شي ابي اعرف اسامي اماكن التسوق السنعه اللي تبرد القلب :101:
والاماكن الترفيهيه الحلوه
والصراحه انا دخلت اغلب المواضيع مالقيت اللي ادور عليه الله يعافيكم ساعدوني
جزاكم الله خير مقدما
رد: ممكن تردون علي لا تنطشوني بليز ؟
اختي الكريمه
ان شاء الله راح اسافر لكندا مع عائلتي في الصيف وجمعت معلومات وانقلها لك كي تستفيدي وعندي كم سؤال على اي خطوط رحلتكم وهل حجزتم طيران داخلي وكم سعر التذكرة من تورنتو الى بانف والى فانكوفر وايش اسم الخطوط الداخليه
في فانكوفر
فندق شيرتون ممتاز جدااااا وكثير يمدحونه وقريب من الشوارع الرئيسيه والاسواق والمطاعم وريجنسي مااعرف بس ممكن افيدك عنه اذا محتاجه معلومات
الاسواق(البسيفك سنتر- ربسون استريت -قرانفل استريت)على فكرة ترى اسواقهم مو الى ذيك الدرجة وكل الاسواق اللي تشوفينها بكل مكان راح تلقين فيها نفس المحلات فلا تروحي الا الى هذي الاسواق لانها توسع الصدر وفيها كل المحلات الي في فانكوفر وبالنسبة الى الاماكن اشياء حلوة فيه ستانلي بارك هذا بارك مرة حلو تمشين فيه بس تراه كبير مرة وعلى فكرة اذا مشيتي بالسيارة غير اذا مشيتي برجولك ترى المشي برجولك احلى لان بتشوفي اشياء ماراح تقدري تشوفيها بالسيارة(نصيحة)بعد فيه في ستنالي بارك اكويرم هذي عالم الاسماك وفيه فاكتوريا هذي جزيرة في فانكوفر ايلند تروحي لها عن طريق الفيري انتي وسيارتك الفيري لمدة ساعة ونص هذي زي السفينة بس تنقلك من فانكوفر الى فكتورياوفكتورياحلوة مدينة صغيرة وكل شي زي فانكوفر بس فيها حديقة الزهور تجنن وكبيرة احسن من اللي في فانكوفر كبيرة مرة بس انتبهي فيها وحدة ثانيه صغيرة بوسط فكتوريا لكن هذي بعيدة شوي بين نانايمو وفكتوريا اظن اسمها بوتش قاردن وفيه بعد بفكتوريا زي القارب كبير ياخذك للوسط المحيط الهادي ويوريك اسماك القرش يتناقزون حولك وفيه بعد جزيرة تافينوهذي تجنن طبعا تروحي لها بالسيارة 3ساعات بين نانايمو وتافينووطبعا ماراح تحسي بالطريق لان الطريق كله بحر واشجار حتى يمكن تلاقي بالطريق غزلان ودببه وتافينوهي عبارة عن اكواخ وفنادق تجلسين فيها وتطل على المحيط الهادي لان هي الوحيدة اللي تطل على مصب المحيط الهادي بصراحة اذا مارحتي لها بتفوتك وغير كذا فيه بعد في فانكوفرمهرجانات في الصيف حلوة مرة وبعد فيها ملاهي بس يعني مو الى ذيك الدرجة في شارع هستنق وفيه طبعا وسلر هذي جبال طبعا الطريق ياخذ ساعتين بالسيارة الناس يرحون لها بالبرد عشان يتزلجون وبعد بالصيف مااظن شينه لانها زي المدينة الصغيرة وفيه رشمند هذي بجنب المطار فيها سوق بس عادي زي الاسواق اللي في كل مكان ومافيه شي يميزها لان كل اللي في الداون تاون فيها ومطاعم كل مطاعمهم حلوة مرة هندي(راجا في شارع البراود وي في فانكوفر)لبناني (منى في شارع هورنمبي في الداون تاون -كرفان-كنق فلافل في شارع ديفي في الداون تاون ) والباقي كله كندي وصيني وتايلندي وياباني ومن ناحيه الفنادق احسن الفنادق هنا في كندا الشريتون والدلتا ولاتستغربي اذا شفتي اليابانين والصينين تحسبي انك بالصين لا حبيبتي انتي في فانكوفر لان هنا الشعب اغلبه شرق اسيا هنود وفيه كنديين بس مو مثل الصينين واليابانيين واتمنى اني مانسيت شي ادري انك تقولي ياكثر كلامها لكن معاليش عشان اعلمك فكرة عن المدينة تراها عموما حلوة وهي مدينة سياحيةبس بزيد بعض المطاعم
فية مطعم افغاني في سري اسمة كابل رهيب مرة
وفية مطعم ايراني اسمة شيراز في الداون تاون قريب من مطعم منى رهيب مرة اكلهم
وفية مطعم صيني في الداون تاون حلو مرة
المناطق السياحية:
*جسر كابيلانو المعلق (Capilano Suspension Bridge) وهو عبارة عن جسر خشبي طويل يمتد فوق نهر على ارتفاع كبير. ونا اقول لك لا يفوتك رغم اني ما اعتقد انك ممكن تمشي من اوله الي اخرة بسهولة. لكن اذا قدرت تمشي للجهة الثانية من الجسر منت نادم لان المطقة غاية في الجمال.
العنوان:3735 Capilano Road, North Vancouver
الموقع الالكتروني: http://www.capbridge.com/
*منتزه ستانلي (Stanley Park) وهو عبارة عن منتزة كبير جداً بجانب وسط المدينة فية الطيور والحيوانات الصغيرة طليقة في كل محل.
العنوان : Downtown, Vancouver
* رحلة بالقطار في جبال الروكي (Rocky Mountains ) رحلة انصحك فيها.
الموقع الالكتروني: http://www.rocky-mountains-vacation.com/
*جزيرة قراند فيل (Granville Island )وهي عبارة عن شبة جزيرة تقع ما بين وسط المدينة وغربها. فيها مجموعة من المحلات والمطاعم والعروض الترفيهية.
* عالم العلوم (Science World ) وهو عبارة عن محل يقدم عروض الثري دي واليزر رائعة جداً.
العنوان: 1455 Quebec Street, Vancouver
*مدينة الغاز (Gastown) وهو عبارة عن شارع بجانب وسط المدينة يعتبر من اقدم الشوارع في فانكوفير ، فية مجموعة من المطاعم والمحلات الي تبيع التحف الكندية ولازم تشتري من عندهم قبل ما تترك فانكوفير. وترا المطعم الهندي الي ذكرته لك موجود في الشارع.
*جبل قروس (Grouse Mountain ) وهو جبل عالى في شمال فانكوفير يستخدم في الشتي للتزلج ، وفي الصيف المناظر الطبيعية فيها غاية في الجمال.
العنوان: 6400 Nancy Green Way, North Vancouver
الموقع الالكتروني: http://www.grousemountain.com/
*السينما.. بكل زاوية محل سينما وما شاء الله , البلد يقدر السينما ، لكن بادلك على مركز مشهور واسمه مجمع اسواق ميترو تاون (Metrotown Centre ) .. وهذا طال عمرك , اسأل عنه اي شخص بيقول لك معين تروح له ، كان اوصف لك انا ـ لكن ما اعرف بالضبط في اي منطقة انت موجود ، فالأسهل تركب الاسكاي ترين الرابط بين الشمال والجنوب المؤدي للداون تاون .. اركب المسار المتجه لعكس الداون تاون لين يوقفك على الاستيشن تبع (Metrotown) ... تزل منه يصير قبالك المجمع ..
و شارع beach avenue غير طبيعي لو حبيت تمشي على البحر ...... ومنطقة ال yale town فيها شارع homer و hamelton و mainland احلى مطاعم و المحلات هناك....تمشى على الmarina sideعلى البحر...و لاتنسى granville island ..بس روحلها في الweekend عشان يكون فيهاناس اكثر.... شوف south granville... راح تحس نفسك في لندن...
روح رحلات ski .. فيه عدة اماكن مثل cypress mountain, grouse mountain , mount seymour....
و طبعا فيه المولات .. richmond center , metro rown, okredg center, coquitlam center
روح شوف السنما ال i.max في richmond نسيت اسمها...
روح شوف ال متاحف اللي مالية البلد ..
the art gallery
space center
vancouver history museume
science world
شوف الكتيبات الصغيرة اللي فيها احسن المطاعم و المحلات و الnew events
رد: ممكن تردون علي لا تنطشوني بليز ؟
سؤال ثاني انتم عائله كبيره او مثلنا انا وزوجي وطفل؟
رد: ممكن تردون علي لا تنطشوني بليز ؟
راجعه بمعلومات عن بانف
انتظريني
وسؤالين كمان
متى بتسافرون بانف وفانكوفر بالتاريخ؟
وهل بتروحون شلالات نياجرا وبتنامون هناك او بتروحون وترجعون بنفس اليوم؟؟؟
رد: ممكن تردون علي لا تنطشوني بليز ؟
السلام عليكم
انا دخلت وشوفت الموضوع بس حاب اعطي بعض المعلومات عن تورنتو بالنسبة لموقع الفندق مرة كويس في الداون تاون وفية مول قريب منة اسمة ايتين سنتر اما بالنسبة للفندق كويس مش بطال انا ساكن اقبالة على طول في شارع ينج مع جرريد الي الفندق موجود فية واي خدمات انا موجود
وشكرااااااااااااا
رد: ممكن تردون علي لا تنطشوني بليز ؟
لاتفوتك مونتريال مرره حلووه واسواقها زينه..
رد: ممكن تردون علي لا تنطشوني بليز ؟
رد: ممكن تردون علي لا تنطشوني بليز ؟
اي والله كلام المغرور كفا ووفى
انا اقدر افيكد في تورنتو التسوق فيه ايتون سنتر في دنداس. وفيه على امتداد الداون تاون شارع( يونق) هذا كله محلات وماركات.
ثاني شي السينما منتشره في كل مكان .
ثالث شي الجزيرة ( سنتر ايلاند ) هذه مره حلوه ويروحون لها بالسفينة ) والاخ المغرور وفى وكفى بس الجزيرة تستاهل.
ثالث شي واذا كان عندك اولا او ما عندك ترا ( ونديرلاند ) الملاهي يبيلها يوم كامل ويفضل انكم تروحون لها في يوم عادي مو ويك اند, لانها بتكون مرره زحمه
رد: ممكن تردون علي لا تنطشوني بليز ؟
عزيزتي أم حمود ......
أسفه بس ودي أسأل نفس أسئلتك عن مونتريال :
1- أهم مراكز التسوق فيها
2- ألذ المطاعم العربيه
3-المناطق السياحيه
أسفه جدا اختي ام حمود لاني دخلت غلط في موضوعك بس مازلت أنتظر تفعيل عضويتي ...
الله يجزاك بالجنه ويوفقنا لما يحبه ويرضاه:101:
رد: ممكن تردون علي لا تنطشوني بليز ؟
هلا اختي القلب المرحوم
عندي سؤال
انت متى راح تروحين مونتريال وين راح تسكنين
ومعلومات عن مونتريال
تشتهر مدينة مونتريال بالمراكز التجارية المغلقة التي تتكيف مع طبيعة الجوالبارد جداً في هذه المدينة. هناك بعض المراكز المشهورة مثل " إيتون " و" لابي " وهذه المراكز توفر غالباً جميع المواد الاستهلاكية ما عدا الخضار والمأكولات. كما توجد المراكز التجارية المكونة من مجمعات تجارية منفردة. هناك أيضاً مجمعات بروفيقوا وهي مجمعات كبيرة للسوبر ماركت، وللتسوق الليلي تشتهر محلات ( بروفي سواغ ) و( ديبانوغ ).
في منطقة الـ Nuns Island حيث يسكن معظم الزملاء السعوديين يوجد مجمع تجاري كبير اسمه القرية ( Le Village ) يشتمل على مطاعم، سوبارماركت، بروفيقو، مغسلة ملابس، محل صحف ومجلات، فرع لبنك Royal، عيادات طبية، ومكتب سياحي.
يقع هذا المجمع على Place du Commerce Boul. ، كما يوجد بجواره مجمعات فيديو، بنك مونتريال، مطاعم. ومن أهم المراكز التجارية الكبيرة في مونتريال المراكز التالية:
Ogilvy Place Bonaventure
1307 Ste. Catherine O. 901 rue de la Gauchetiere O.
Tel.: 514 842-7711 Tel.: 514 397-2325, 514 397-2222
Peel قرب مترو Bonaventure قرب مترو
Promenades de la Cathedral Complexe desjardins
625 Ste-Catherine O. Ste-Catherine O. معSt -Urbain تقاطع
Tel.: 514 849-9925 Tel.: 514 281-1870
Mc Gillقرب مترو Place des arts قرب مترو
Holt Renew Eaton
1300 Sherbrooke O. 677 Ste-Catherine O.
Tel.: 514 842-5111 Tel.: 514 284-8411
Peel قرب مترو McGill قرب مترو
Centre Eaton La Baie
705 Ste-Catherine O. 585 Ste-Catherine O.
Tel.: 514 288-3708 Tel.: 514 281-4422
McGill قرب مترو McGill قرب مترو
Place Ville-Marie Place Montreal Trust
1, Place Ville-Marie Ste-Catherine O. مع McGill College تقاطع
Tel.: 514 861-9393 Tel.: 514 843-8000
Bonaventure قرب مترو McGill أوPeel قرب مترو
البوديوم: وهو المعب الالومبي الي اقامات عليه كندا الالعاب الالومبيه في السبعينات تم تحويله الى الى حديقه مغطاة تجمع انواع من النباتات والحيونات من بيئات مختلفه بالاضافه الى البرج العالي تصعد له بعربه زائد حديقة الحشرات والزهور كلها في نفس البلد يفضل زيارته في الصباح رح يستغرق منك تقريبا 3-4 ساعات
2- الاسواق في وسط البلد وقريب من الفندق الي انت فيه شارع اسمه سانت كاثرين فيه اسواق ومحلات كثيره اما اذ كنت ترغب في اسواق اخرى يوجد سوق اسمه كارفور لافال سوق كبير مغطى "مول" او سوق اسمه ارقنيونف في منقه اسمها لاسال
3- الحدائق يوجد حديقه اسمها اوكا بارك تبعد عن مونتريال 52 كيلو من وسط البلد فيها غابات وبحيرة تقدر تستاجر فيها قارب او سيكل بحري وتشوي وترتاح فيها اشجار كثيفه ومناطق تخييم والطريق الى يمر باسواق جانبيه تقدر توقف فيها وتستمتع
4- الملاهي يوجد ملاهي اسمها لاروند جميله جدا تقدر تقضي فيها يوم كالمل وقريبه من الداون تاون
5- هناك شارع قريب من الفندق حقك اسمه شيربروك استريت تروحه مشي ملايان متاحف من مختلف الاشكال
6- تروح مكان اسمه اولد مونتريال او اولد بورت فيه الفتره هذي سرك ويوجد فيه معرض العلوم ويوجد فيه واجه على النهر مع رحلات نهريه مع العشى كما ان المنطقه اثريه يعني تشوف الكنائس القديمه وتدخلها وامباني القديمه والمنطقه ملايانه بي الكفي شوبز الجميله على الطراز الفرنسي
7- هناك منطقة منتجعات اسمها مونت ترومبلانت فيها بحيرة كبيره وفنادق ومنتجعات ومزارع وطبيعه خلابه تبعد تقريبا ساعه او ساعه ونص بالكثير بالسياره
رد: ممكن تردون علي لا تنطشوني بليز ؟
شكرا لكل المشاركين بهذا الكم الهائل من المعلومات.
لكن هل أحد يعرف مواقع في تورنتو ممكن تفيدني بأهم العروض الفنية والموسيقية والمسرحية, وكذلك للمتاحف والجاليريات, ونفس الشيء للمهرجانات السينمائية والثقافية؟
رد: ممكن تردون علي لا تنطشوني بليز ؟
أخي العزيز المغرور ....
بأذن الله راح اكون هناك بعد أسبوعيين من الأن ومازال البحث جاري عن سكن ....
شكراّ جزيلاّ
رد: ممكن تردون علي لا تنطشوني بليز ؟
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة المغرور
http://www.arabtravelersforum.com/tr...0/#post1302480
سؤال ثاني انتم عائله كبيره او مثلنا انا وزوجي وطفل؟
بعد قلبي يالمغروره تسلمين يالغاليه خوووووووووش معلومات ماشاءالله وجزاكي الله خير
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة المغرور
http://www.arabtravelersforum.com/tr...4/#post1302494
راجعه بمعلومات عن بانف
انتظريني
وسؤالين كمان
متى بتسافرون بانف وفانكوفر بالتاريخ؟
وهل بتروحون شلالات نياجرا وبتنامون هناك او بتروحون وترجعون بنفس اليوم؟؟؟
وانا بانتظارج يالغاليه
افاا عليج بس سؤالين كلي لج :106:
شوفي قلبي ان شاءالله 217 اكون بتورنتو باذن الله اعقد 8 ايام واروح بانف اعقد اسبوع واروح فانكوفر اعقد فيها ان شاءالله 12يوم
وبالنسبه لشلالات نياجرا وايد قالولي انها تهبل بالليل وان شاءالله ننام هناك
انزين بسألج امدحولي كروس يطلع من فانكوفر حق ألاسكا بلاد الشمس وان شاءالله بنروح بس قاعده اشوف تكاليفها ونضبطها شرايج انتي سمعتي عنها
بصراحه مابي اطوف شي لان البلد بعيد ومو كل سنه بنروح هناك
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة محمد الى كندا
http://www.arabtravelersforum.com/tr...3/#post1302693
السلام عليكم
انا دخلت وشوفت الموضوع بس حاب اعطي بعض المعلومات عن تورنتو بالنسبة لموقع الفندق مرة كويس في الداون تاون وفية مول قريب منة اسمة ايتين سنتر اما بالنسبة للفندق كويس مش بطال انا ساكن اقبالة على طول في شارع ينج مع جرريد الي الفندق موجود فية واي خدمات انا موجود
وشكرااااااااااااا
تسلم اخوي محمد الغالي وماقصرت
اشوه طمنتني عالفندق :106:
جزاك الله خير
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة sweet heart**
http://www.arabtravelersforum.com/tr...4/#post1302694
لاتفوتك مونتريال مرره حلووه واسواقها زينه..
هلا وغلا بسويت هارت والله كان ودي اروح مونتريال بس للاسف ماضبطت :110:
رد: ممكن تردون علي لا تنطشوني بليز ؟
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة aljareah
http://www.arabtravelersforum.com/tr...7/#post1303717
اي والله كلام المغرور كفا ووفى
انا اقدر افيكد في تورنتو التسوق فيه ايتون سنتر في دنداس. وفيه على امتداد الداون تاون شارع( يونق) هذا كله محلات وماركات.
ثاني شي السينما منتشره في كل مكان .
ثالث شي الجزيرة ( سنتر ايلاند ) هذه مره حلوه ويروحون لها بالسفينة ) والاخ المغرور وفى وكفى بس الجزيرة تستاهل.
ثالث شي واذا كان عندك اولا او ما عندك ترا ( ونديرلاند ) الملاهي يبيلها يوم كامل ويفضل انكم تروحون لها في يوم عادي مو ويك اند, لانها بتكون مرره زحمه
يسلمووو يالجريح وصج والله المغرور والمغروره كفوا ووفوا :24:
وجزاك الله خير على هالمعلومات يالغالي
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة القلب الرحوم
http://www.arabtravelersforum.com/tr...1/#post1308941
عزيزتي أم حمود ......
أسفه بس ودي أسأل نفس أسئلتك عن مونتريال :
1- أهم مراكز التسوق فيها
2- ألذ المطاعم العربيه
3-المناطق السياحيه
أسفه جدا اختي ام حمود لاني دخلت غلط في موضوعك بس مازلت أنتظر تفعيل عضويتي ...
الله يجزاك بالجنه ويوفقنا لما يحبه ويرضاه:101:
افاا عليج يالقلب الرحوم عزيزه وغاليه واذا محد رد عليج بهالموضوع اكتبلج موضوع ثاني عن مونتريال ولاتزعلين خاطرج يا عسل
رد: ممكن تردون علي لا تنطشوني بليز ؟
الشكر الجزيل لكل من شارك بهالموضوع واخص بالشكر المغرور والمغروره
رد: ممكن تردون علي لا تنطشوني بليز ؟
https://www.otlaat.com/arabtravelers...quote_icon.png المشاركة الأصلية كتبت بواسطة أم حموود
http://www.arabtravelersforum.com/tr...1/#post1317521
وانا بانتظارج يالغاليه
افاا عليج بس سؤالين كلي لج :106:
شوفي قلبي ان شاءالله 217 اكون بتورنتو باذن الله اعقد 8 ايام واروح بانف اعقد اسبوع واروح فانكوفر اعقد فيها ان شاءالله 12يوم
وبالنسبه لشلالات نياجرا وايد قالولي انها تهبل بالليل وان شاءالله ننام هناك
انزين بسألج امدحولي كروس يطلع من فانكوفر حق ألاسكا بلاد الشمس وان شاءالله بنروح بس قاعده اشوف تكاليفها ونضبطها شرايج انتي سمعتي عنها
بصراحه مابي اطوف شي لان البلد بعيد ومو كل سنه بنروح هناك
هلا والله حبيبتي ام حمود والله يرزقك بالذريه الصالحه
شكرا على الكلام الحلو جدول تنقلكم مشابه لجدولنا ونفس الخطوط
20-7 تورنتو
25 نياجرا
28 بانف
2-8فانكوفر 8 ايام ثم العوده:110:
ان شاء الله نلتقي فيهم كلهم وكلمة السر المغروره ام حمود( اسم ولدي)
رد: ممكن تردون علي لا تنطشوني بليز ؟
