عرض للطباعة
السلام عليكم ورحمة الله وبركاتهحبيت أسأل عن الدراسه بالهند (جوا) بإذن الله ناوين نروح في شهر مارس ندرس لغه مدة 2-3شهور أنا وزوجي و3أطفال 2 بيدرسون وواحد صغير..لدي عدة إستفسارات واتمنى القى إجابات وافيه..
إذا فيه مكتب بالرياض ممكن تدلوني عليه بخصوص ترتيب برنامج (معهد_سكن_استقبال_جميع المتطلبات)
واذا مافيه الله يعينكم على استفساراتيhttps://www.otlaat.com/arabtravelers...82dsmilie3.gif
يعطيك العافيهUsas استفدت منه ولكن أطمع بالمزيد بأسرع وقت نظرا لضيق الوقت وشكرا لكم ..
هلا اختي
بخصوص الدراسة في قوا
افضل المعاهد بالترتيب
1 - اليرولنوج
2 - المايس
3 - الينفرسل
الكورس عباره عن ساعه ف اليوم
ويختلف سعره فيه ب ( 125 - 145 )
ف الشهر يعني
3 ساعات فاليوم ضرب 125 = 375 ريال
طبعا هذا المبلغ ف الشهر للشخص الواحد
ابحثي ف النت عن ايميلهم او ارقامهم وتواصلي معهم
انا درست ف بنغلور شهر في معهد
فاليو بوينت والمعهد كويس لكنهم يمدحون قوا
وانا انصحك تنزلين مثل هذا الموضوع في منتدى مبتعث وهناك بيفيدونك اكثر لان هذا للسياحه من الموبايل
z7mt7ky1 شكرا أخوي عالرد وجزاك الله خير كان بودي احد يفيدني بأسماء شقق مفروشه بالشهر وتكون قريبة من المعهد..
هلا خيتي
اليوم احد الزملاء قال لي بيروح للهند
وتحديدا قوا
وذكرت له هذا المعهد .. وشافه واقتنع
عموما انا راسلتهم ع انه يبي يتعلم
( قراءه - كتابه - مفردات - قواعد -
استماع ومحادثة )
لمدة 80 يوم ( شهرين ونص )
وبيروح بفيزه سياحيةة
وسألتهم عن هذي الاسئله
سكن طلاب اذا متوفر
وعن قيمة الكورسات الاجمالية
وانتظر الرد خلال يومين لان عندهم
اجازه يوم السبت والاحد
على فكره ترى عندهم قائمة بالاسعار
عندهم كورس ( كتابه ومفردات )
40 ساعه بالشهر
في اليوم ساعه
السعر 270 ريال
لكني سألتهم عن الاجمالي
اذا عندك اسئله ارسلها لهم بلغيني
واي شي تحتاجونه لا يردك الا الكيبورد
واذا بغيتي موقعهم ابحثي عنه في قوقل
ترى المعهد اللي اتكلم عنه هو اليرولنوج
بالتووفيق من الموبايل
وبخصوص السكن
انتي اهم شي شوفي المعهد المناسب
ومووقعه وبعدها يحلها الف حلال
لان اغلب المعاهد يعرفون لهم عوائل او حتى سكن يتعاونون معه
المهم هذي المعلومات والباقي امرها سهل
* المده اللي بتجلسون ف الهند ؟
* المعهد اللي تبونه ؟ من الموبايل
يعطيك العافيه أخوي عالمجهود اللي تبذله لمساعدة أخوانك هنا بالمنتدى..
المده تقريبا من شهرين ونص إلى 3شهور
المعهد اليرولنوج (موقعه بالضبط وين اسم المنطقه)
4ساعات باليوم لمدة شهر كم سعرها بالريال ؟؟ ,,,,علما بأن الأشخاص اللي بيدرسون أنا وزوجي وأطفالي(10_7)سنوات ولدي طفل 2سنتين ماادري وش بيكون وضعه هل فيه حضانه وبكم أسعارها؟؟
السكن(اتمنى القى شي حلو ويفتح النفس سوآء شقه أو فله مع ذكر الأسعار)
جزاك الله خيرأخوي ودمتم بود
بسرد لك معلومات فيها صور بإذن الله
هلا ي خيتي
الله يعافيك وهذا واجبنابخصوص المعهدهذي الصوره فيها ارقام التواصل معهم وايميلهم وبرضو موقعهم
الموقع : قوا - بانجيموهذي الصوره توضح لك قائمة بالاسعار15 روبية = ريال سعوديبخصوص السكنمن الافضل تتواصلين مع المعهد نفسه عشان يأمنون لكم سكن
قريب منهم ومثل ما قلت لك تواصلي معهم افضلوهذا الرابط يخص معهدهم اللي في قوامجموعة نصائح لكم* بما انكم بتروحون شهرين ونص استخرجوا فيزه " سياحية "
ومدة الفيزه السياحية ثلاثة شهور وهي ارخص واسرع من فيزة الطالب* افضل وقت لاستخراج الفيزه السياحية هو قبل ما تروحون بأسبوع
لا تقروشين زوجد وتبهذلينه يروح للسفاره ومن هالقبيل
افضل حل يروح للمحل اللي استخرج منه التذكره ويعطيه جوازاتكم
وهو يستخرج الفيزه بس ياخذ مقابل* التذكره خلوها ذهاب بدون عوده لان في بعض الاحيان
تمسك مع اللي في المطار ويسألونكم ثلاث شهور سياحه ..؟
ف عشان تتفادون هالنقطه التذكره تكون ذهاب فقط
ولا سمح الله اذا ما عجبتكم الاوضاع ما تخسرون ثمن تذكرة العوده* تواصلي مع المعهد افضل من المكاتب عشان تفّهمينهم رغباتك
بعض المكاتب شغله الشاغل هو " الربح "* كوني على دراية تاامه ان الهند موب مثل نظافة السعودية
وشعبها متفتح وعندهم كل شي عاادي يعني كل هالاشياء خليها في بالك
وخصوصاً انكم بتروحون لجزيرة مشهوره والوضع فله هناكاي استفسار انا حاضر وبجاوب باللي اعرفه
وبالتوفيق ي رب
جزاك الله خير أخوي وجعله في موازين أعمالك معلوماتك أفادتني كثير,,ولكن حبيت أسأل عن الفيزا الدراسيه والسياحيه (الأسعار) وبالنسبه للتذكره سعر الذهاب فقط غالي نفس سعر الذهاب والعوده لذا سوف يتم حجزها(ذهاب وعوده) والحجز بيكون عن طريق النت (بدون مكتب) وبكذاالفيزا زوجي بيستخرجها , بقى طفلي الصغير وش بيكون وضعه (هل يوجد حضانه أم لا) والسياره أعتقد اننا بنحجزها بالشهر أفضل ولا وشرايك؟؟
وآسفه للإطاله..
يا هلا ي خيتي
اللهم امين
الفيزة السياحية
شروطها
1 - تذكرة الطيران
2 - حجز الفندق ( السكن )
3 - ناسيه والله
طبعا لها تسعيرتين
المستعجلة خلال يومين تجهز ب 600 ريال
العادية خلال اسبوع تكون جاهزه ب 450 ريال
وهذي الفيزة المكتب يسنعها لكم
والفيزة السياحية تستخرج اذا مدة السفر لا تزيد عن ثلاثة شهور
يعني من 80 يوم - 85 يوم
فيزة الطالب هذي شروطها
1 - الجواز الأصلي
2 - صورتين شخصيه لصاحب الجواز مقاس 3,5×4
3 - صورة بطاقة الاحوال المدنيه
4 - الضمان البنكي ( شهاده مصرفيه ) بقيمة 7000 ريال سعودي
5 - شيك ( صك السفر ) بقيمة 2000 دولار أمريكي تروح للبنك وتطلب منهم شيك بنفس القيمه وهم يعطونك
6 - ورقة القبول الأصليه من المعهد أو الجامعه اللي بتدرس فيها
7 - ورقة تعريف بالراتب للوالد ومصدقه من وزارة الخارجيه والغرفه التجاريه
8 - رسوم الفيزا بقيمة 368 ريال سعودي مدتها 6 شهور
9 - تعهد من ولي الامر بتحمل جميع النفقات طبعاً بخط اليد ينكتب عادي لو أي احد يكتبه ويوقع لازم باللغه الانجليزيه طبعن كل طلباتهم بالانجليزي لازم
10 - ورقه فيها أسئله تخص طالب الفيزة
وهذي الفيزة اذا بتجلسون اكثر من ثلاثة شهور حتى ستة شهور فأكثر
بخصوص التذكره انتم شوفوا اللي يريحكم لكن الأفضل هو ذهاب بدون عوده
وكل الطلاب يسوون كذا
اما الاطفال الله يخليهم هذا ي خيتي مالي علم عنهم
لكن سبق وان درست في بنغلور وكانت فيه عائلة عراقية
معهم اطفال ويجون للمعهد ...
افضل شي تراسلين المعهد عن " السكن و الحضانة "
المواصلات ف الهند رخيصة جداً
اسعارها من ريالين حتى عشره ريال
انتم تعودوا عليها وعلى الدرووب وبعدها شوفوا الاوضاع
حاضرين ي خيتي واعتذر ع القصور
مشكور أخوي ماقصرت ,,الله يعطيك العافيه ..يعني الفيزة الدراسية سعرها أقل من السياحيه(هل الفيزة تستخرج لكل شخص أم للجواز)
بالنسبه للمعهد راسلتهم من يومين ولا ردوا عليhttps://www.otlaat.com/arabtravelers...1bsmilie20.gif
^^^
الفيزا تستخرج لكل جواز
مشكور أخوي الله يجزاك خير..
هل الرد من المعهد يأخذ وقت طويل ؟؟؟طولوا ماردوا عليhttps://www.otlaat.com/arabtravelers...11dd7ae000.gif
انا ردوا علي وقالوا ارسل صورة من الجواز من الموبايل
ادخلي ع الرابط وارسلي لهم الرساله
وحطي نوع الرساله مهم ( important )
http://www.eurolangoa.com/GeneralEnquiries.html من الموبايل
مرحبا
كيفك اختي
حبيت اسألك وش صار عليك بالدراسه بالهند
رحتوا او لا ؟
لاني ناوية اسوي مثلك بإذن الله ومحتارة بين غوا او بنقلور ! من الموبايل
طيب ياجماعة وش الفرق بين
eurolangoa
&
Increadible English
احد الاخوة كانت ينصح فيه
الله ييسر اموركم في الدراسة
انا اشوف ان الكل مخدوع بقوا
انا حاليا في قوا
نصيحة محب لكم
انا انخدعت بقوا وكثير ناس مثلي قالوا ان من كثر الاجانب بشدة تحصل هندي
بس للاسف كله كذب
وبالنسبة للمعاهد نظامهم زفت
الكلمات تدرسها لحالها والقرامر في جهة والكونفرزيشن في وادي ليست مثل الكتب الامريكية او البريطانية
وبالنسبة لاسوأ شي في قوا الي هو " البوليس " بس مجرد يعرف انك عربي والله ماتمر إلا بإهانه انا قعدت 4 ساعات في المطر وإهانات والله لو احد معاه كاميرا ويشوف يمكن يبكي لما يشوفني
لازم يكون معك بايك المعاهد في وادي والمدرسات الخصوصيات في وادي آخر والطرق ضيقة
بالنسبة ل اللهجة
اللهجة الهندية عبارة عن مزيج بين الهندية والانجليزية ماتفهم شي من الي في الشارع بس باﻹشارة إذا بغيته يوصفك .. من بعد "go street " كله هندي . اكسنتهم تعبان للغاية وحتى المدرسات ، وهم مدرسات فيه حروف ياكلونها مثل" v " الى "w" و "k"الى "ق" والبوليس شدد الان على الطلاب الي جايين بفيزة سياحة وفي اي لحظة بسفرني
في ماليزيا بإمكانك تدرس بفيزة سياحة والاحلى من كذا بإمكانك تغير الفيزا السياحية الى طالب بس في الهند كله مايمديك من اول ماطبيت مطار مومباي وانا انهان
والعوائل وما ادراك ما العوائل
هناك بعض الناس يسمع انه فيه عائلات بريطانية في قوا
اقول صح فيه عائلات بريطانية وهم ثنتين بس كلهم شرابين صايعين ومايتكلمون معك حاطينك في شقة وهم في شقة ويقول لك "عائلة" والله واحد اعرفه مع وحدة من العائلتين مسكين الله ملعوب عليه فلوس بدون اي فائدة ياجماعة الخير لا حد يصدق الشركات كلها حق فلوس والعوائل الهندية اخس والعن الى الان انا في قوا واسأل الطلاب الي ساكنين في عوائل ماحد مدح لي اي عائلة وانا جاي بفيزة سياحة وباقي شهر وارتاح من العفانة الي انا فيها والله مافيه واحد اسأله وش رايك في قوا يقول " انخدعت " كلهم ندمانين بس خلاص الله يصبرنا ويصبرهم
اخيرا انصح الكل انه يسافر للفلبين او ماليزيا او تدرس في بلدك وش المشكلة وتعيش بكرامة ومعاهد قوية ومناهج مرتبة ومنظمة .
هذا رقمي في الهند اي استفسار انا موجود تقريبا ليوم 4 /11 / 2013
9673891549 من الموبايل