ردكم الله لايهينكم ي اهل الخبرة

السلام عليكم اخواني بقولكم موضوعي باختصار
انا طالب في الاقامة ونويت اسافر الفلبين سياحة وبالفعل حجزت على 6 فبراير وعلى ماسمعت من المنتدى ان الفيزة سهله رحت السفارة اللي بالرياض وحصلت اللي هناك مستقعد وخرب علي وشديت معه بالكلام وقال مافي فيزا وقام يعقد علي بالشروط
وش رايكم فيه احد يعرف مكتب يخلص اموري ويكون سعره معقول لان والله مابقى شيء على الرحلة الا اسبوع او وش رايكم اطلع جدة اخلصها او الدمام لو فيه بالله منتظر ردكم لان والله عكر جو سفرتي


حسبي الله عليه https://www.otlaat.com/arabtravelers...b03d747002.gif

وعليكم السلام ورحمة الله وبركاته
هما شديدين شويه في السفارة في الاسئلة ولازم تكون شارب عصير ليمون قبل تروحلهم https://www.otlaat.com/arabtravelers...b03d747004.gif
لكن عموما هما طيبين ومرحبين للكل ومايعرفون العنصرية اطلاقا
لكن نصيحتي لك لو انك تقدر تجي جده ان شاءالله تاخذها في 7 ايام عمل وهذا شئ اساسي
وضروري تكون تذاكرك والفندق مطابقة في التواريخ وهذا برضو شئ اساسي
تحياتي

اشكررررك ي الغالي :)الحمد لله اليوم عطوووني الورقة وبرجع لهم تاريخ 6 فبراير الساعة 10 علما ان رحلتي 6 فبراير الساعة 3 العصر
تتوقع يعطوووني او ياجلونها عشان لو فيه احتمالية 1 بالميه اني اجيهم ويقولون ماخلصت اروح ااجل رحلتي يوم ثاني
والا ماتصير انهم ياجلون ؟ بالله رد الله يعافيك

عزيزي عدد ايام الحصول على الفيزا 7 ايام عمل بعد كذا تجي وتدفع مبلغ اخر ويعطونك ورقة اخرى
ورا حيعطونك الجواز بعد نص نهار
يعني لو رحلتك 6 فبراير وموعد الفيزا بنفس اليوم انصحك تأجل رحلتك يوم كمان لانه
ماتدري ايش يصير معاك في السفارة واغلب الظن انهم راح يعطونك الفيزا يوم 7 فبراير
وانته لك الخيار في التأجيل
تحياتي