رايح للفلبين مع أبنائي وأحتاج معلومات
السلام عليكم ورحمة الله وبركاته
أرجو من أصحاب الخبرة المساعدة في رحلتي أنا وأسرتي الكبيرة نوعا ما
7 أشخاص مابين أبناء وبنات
حيث سنقضي 25 يوم
لكن أحتاج من يساعدني عن أماكن السكن المناسبة
الرحلة ستبدأ بإذن الله في 27 يوليو
أحتاج سكن مناسب في مانيلا أول ثلاثة أيام أو حسب نصيحتكم
وأيضا كيف أنظم الرحلة بطريقة مناسبة
من حيث المناطق التي تستحق الزيارة للعوائل
هل هنالك مكاتب تنظم لي الرحلة ؟
أم تكون حسب مايصلني منكم يا إخوان ؟
أنا للحين ما حجزت فنادق ولا شي
فقط إستخرجت التذاكر
ياليت أحد يرشدني
شاكر ومقدر لكم جميعا
رد: رايح للفلبين مع أبنائي وأحتاج معلومات
وعليكم السلام ورحمة الله وبركاته
بالنسبة للسكن راح يكون في منطقة راقيه اسمها مكاتي وان شاءالله راح تنبسطوا كثير فيها
والسكن خياراته كثيرة وانا راح اعطيك الخيارات وانته تقدر تختار بينهم وتقدر بعدها تسأل اي سؤال عن السكن وماراح نقصر معاك ان شاءالله :
فندق هوليدي ان الفندق موقعه جدا مميز ملاصق لمول Glorrita 2
http://www.booking.com/hotel/ph/holiday-inn-amp-suites-makati.ar.html?aid=358324
فندق فريزر
http://www.booking.com/hotel/ph/fraser-place-manila.ar.html?aid=358324
فندق اسكوت
http://www.booking.com/hotel/ph/ascott-makati-makati-city.ar.html?aid=358324
بالنسبة لاماكن السياحه كثيرة اول شئ عندكم حوض السمك جميل جدا
او تروحون رحلة في الصباح الى منطقة تقاي تاي تبعد ساعتين عن مانيلا
او تزورون منطقة لاقونا فيها العاب مائية اسمها Splash Water او تزورون النهر وتروحون رحلة في القوارب الصغيره على طول النهر الى الشلال الكبير وتستاهل التجربه
طبعا تقدر تنسق الرحله بأنفسكم او انكم تستأجرون فان مع سواق وبهاذي تقدر تتواصل مع الفندق يفيدكم بكذا شغلات
لو حبيتوا تسافرون لمدة ساعه بالطيارة تزورون جزيرة بوراكاي برضو تستاهل الزيارة طالما انكم في الفلبين
وان شاءالله اكون افدتك
واذا عندك استفسارات اخرى ماراح نقصر معاك ان شاءالله
تحياتي
رد: رايح للفلبين مع أبنائي وأحتاج معلومات
شكرا أخي
jakall
الله يحفظك ويوفقك على سرعة التجاوب
الفنادق اللي ذكرت إما مليانه أو أسعارها عليه بالمرة
إذا ممكن فنادق 4 أو 3 نجوم وتكون خدمتها حلوه
نبي نريح أول ثلاث أيام ونتمشى في مانيلا ونتعرف عليها
وبعدين نبي نطلع للأماكن والجزر اللي تنصحوننا فيها
إذا كان فيه مكاتب أو أحد يكون دليل لنا بالرحلة ويكون موثوق فياليت تفيدوننا بهالشي
وفيه شي ثاني ياغالي ( ولا يهونون حبايبنا )
سألت عن استخراج التأشيرة وقالو لي إني أقدر أحصل عليها من المطار في مانيلا لمدة 21 يوم
المشكلة إننا بنجلس 25 يوم
وش الحل يالحبايب ؟؟
أنتظر رد من عنده نظر
وله مني الدعاء
رد: رايح للفلبين مع أبنائي وأحتاج معلومات
تفضل الفندق هذا ان شاءالله يكون مناسب وقريب جدا من المولات
http://www.booking.com/hotel/ph/aim-conference-center-manila.ar.html?aid=358324
او هذا
http://www.booking.com/hotel/ph/the-copa-businessman-s.ar.html?aid=358324
او
http://www.booking.com/hotel/ph/y2-residence-hotel.ar.html?aid=358324
او
http://www.booking.com/hotel/ph/q-residences-salcedo.ar.html?aid=358324
وكلها تعتبر جيده ومناسبه وانته تختار اللي يعجبك
بالنسبه لمكتب سياحي راح يطلبون كثير لكن انته تقدر تراسل الفندق اللي راح تنزل فيه وتسألهم عن الرحلات
وهما راح يفيدوك طالما انك ساكن عندهم وماراح يقصرون معاك والافضل انك تراسلهم عن طريق الايميل
بالنسبه للفيزا تفضل الموضوع هذا راح يفيدك كثير
http://www.arabtravelersforum.com/travel900699/
واذا عندك استفسارات اخرى ماراح نقصر معاك ان شاءالله
تحياتي
رد: رايح للفلبين مع أبنائي وأحتاج معلومات
ياربي يعطيك العافية
أبشيك عليهم وأشوف المناسب لنا
ولو فيه فنادق أو شقق عائلية زيادة فأكون ممنون
شااااااااااااااااااااااكر يا غالي
ولا نستغني عنك وعن اللي عندهم خبرة
رد: رايح للفلبين مع أبنائي وأحتاج معلومات
الله يعافيك ان شاءالله
شيك عليهم خذ راحتك واذا عندك استفسارات اخرى حاضرين ان شاءالله
تحياتي
رد: رايح للفلبين مع أبنائي وأحتاج معلومات
حجزت في مانيلا 4 أيام عن طريق بوكنج
ماقصر أخونا jakall بالفزعة
وإستفساري :
هل تكفي لزيارة أماكن مميزة ؟
وماهي الأماكن التي تستحق الزيارة ؟
وإذا فيه أماكن تستلزم الحجز ياليت تعطوننا خبر
انا مثل ما خبرتكم أبقضي أنا والأسرة 25 يوم
وأبي أقسم الرحلة في الفلبين بطريقة حلوة ومرتبة
وهل يتم التنسيق للتجول والترحال قبل ما اسافر للفلبين ؟
أو إذا وصلت للفندق بالفلبين ؟
أدري إني أشغلتكم معي خصوصا أخونا الرائع jakall
رد: رايح للفلبين مع أبنائي وأحتاج معلومات
حاضرين في الخدمه ماتشيل هم ان شاءالله
بخصوص 4 ايام في مانيلا تقدورن تزورون العاب مائية اسمها Splash water وموقعها في منطقة لاقونا المكان حلو للاطفال والكبار والتمشيه فيه حلووة
وفي ملاهي Star city اسم المنطقة pasay
وفي رحلة على النهر بالقوارب الخشبيه ممتعه جدا كل اثنين في قارب الين توصلون الى الشلال وتقدرون تشربون عصيرات هناك وترتاحون (تستاهل التجربه لو تحبون المغامرات)
اسم المكان لاقونا باقسنقهان وبالانجليزي Laguna Pagsanjan Falls
وفي الاكوريوم عالم الماء او حوض الماء برضو حلوو كله اسماك موقعه في وسط مانيلا
وتقدروا تروحون اكبر مول في اسيا اسمه Mall of Asia توجد داخل المول افضل سينما IMAX
لو حبيت تسافر مناطق اخرى ماراح نقصر في الاجابات على كل استفساراتك
تحياتي
رد: رايح للفلبين مع أبنائي وأحتاج معلومات
السلام عليكم
انا في الفلبين الان ومريت على السفاره وسجلت الجوازات واعطوني ورقه مكتوب فيها مدت الاقامه 30 يوم مكتوبه بخط اليد باين انها معدله واكثر من ذالك يحتاج للمراجعة السفاره لم اسال بس حبيت اخبرك بالموضوع
وانت حتي تتاكد كلم السفاره وشف ردهم عليك
مانيلا مشكلتها بالزحمه والتكاسي يهبلون فيك بالاسعار
بوراكاي جميله جدا والجو رايق اخذت فيها خمس ايام مع العيال وكان ودنا نجلس اكثر
الجزيره مليانه كوريين شعب قمة الفله من الموبايل
رد: رايح للفلبين مع أبنائي وأحتاج معلومات
مشكورين جميعا
ما قصرتو
الأماكن اللي ذكرتها يا أخ jakall حلوه وبالفعل تستحق الزيارة
وإن شاء الله أسير عليهم
بالنسبة لمانيلا ابجلس فيها 4 او 5 ايام بالكثير
وبعدها حسب ما اطلعت عليه بالنت أبروح سيبو وبوراكاي
الباقي من الرحلة 20 يوم
لو فيه اماكن غيرها وعلى الدرب ياليت تقولونها لي
عشان ارتب الحجوزات معهم
أما بالنسبة للفيزا فأعتقد إن ما قامت به السفارة معك بشأن التعديل فأعتقد إن مافيه شي يقلق . وبالتأكيد فيه تفاهم بين الطرفين
السعودية والفلبين
وإن شاء الله أسألهم عن الموضوع
شكرا للجميع وطابت أوقاتكم
رد: رايح للفلبين مع أبنائي وأحتاج معلومات
في مكان اسمه المطعم العائم وراح يعجبكم كلكم ان شاءالله لانه فعلا رائع وساحر
والاجواء فيه حلوووه والاشجار الخضراء من كل مكان والمطعم على الماء والدخول بدون الاحذيه اعزك الله
وهذا تقرير مفصل عن المكان ويستاهل الزيارة
http://www.arabtravelersforum.com/travel795871/
بالتوفيق ان شاءالله
تحياتي
رد: رايح للفلبين مع أبنائي وأحتاج معلومات
أشكر الجميع الشكر الجزيل على تفاعلهم مع الموضوع
ويارب يكون فيه فايده لي ولقارئي الموضوع
يا إخوان أنا حجزت عن طريق بوكنج في مانيلا لأربعة أيام
وفيه مناطق حسب ما قلتو لي مخطط أروح لها بإذن الله
لكن إذا حبيت أروح لمناطق ثانية مثل سيبو
هل أحجز وانا هناك في مانيلا ؟
أم لازم أضبط أموري قبل السفر ؟
لأن بصراحة جربت أضبط أموري من هنا لكن تشوشر مخي من كثر الأماكن اللي يستوجب زيارتها
الشي الثاني :
بالنسبة للأمور المالية
بعض الأصدقاء نصحني آخذ معي دولارات واخلي معي فيزا لزوم الفنادق والطيران والأشياء الرسمية
وقالو لي لازم تسجل ما معك من دولارات بالمطار
أبي نصيحة الخبراء بالنسبة للتنقل والحجز في الفنادق من منطقة لمنطقة
وكذلك التنقلات بين الأماكن اللي تستحق الزيارة في كل منطقة
هل أطلب سائق من الفندق ؟
أم أخلي الفندق يرتبون لي بكج ؟
وأبي نصيحتكم بالنسبة للأمور المالية
دمتم بخير
وكل رمضان والجميع بصحة وسلامة
رد: رايح للفلبين مع أبنائي وأحتاج معلومات
عزيزي بالنسبة انك تزور سيبو وانته في فندقك في مانيلا مايصير
لانه لازم تسافر بطياره من مدينة مانيلا الى مدينة سيبو ومدة الرحلة ساعه و 20 دقيقة
اخوي الافضل انك تصرف فلوسك من هنا بيسو وتخلي اقل شئ 2500 سعودي طوارئ لسمح الله للامور الاخرى
وان شاءالله امورك طيبه ولو ما احتجتها ترجع هنا فيها عادي ماتحولها
بخصوص تسجيل الدولارات اللي معاك هاذي معلومه غلط اصلا كل المسافرين معاهم دولارات وهذا شئ شخصي مايتدخل فيه احد
اما بالنسبة للاماكن اللي تحتاج فنادق او لا
اذا كانت المناطق اللي تبغى تزورها داخل مدينة مانيلا او حتى تبعد ساعتين تقدر تزورها بنفس اليوم وترجع اخر اليوم
اما اذا كانت المنطقة مدينة اخرى الافضل انك ترتب حجوزاتك على فنادق في المدينة اللي راح تزورها
والافضل تحجز من موقع بوكنق وانته هنا قبل السفر عشان الاسعار واختلافها
في فنادق كثيرة ترتب رحلات لزوارها في الفندق ولكن تأكد انه السعر دبل اذا كنت لحالك اما اذا كنتوا مجموعه افضل بكثير
وراح يوفرون لك سائق وسيارة وجدول للرحله بسعر معين حسب المنطقة وبعدها
ولاتشيل هم الفلوس كثير البلد أمان لكن تجنب انك تبرز فلوسك امام الكل دائما احتفظ بالفكة في جيب والدسم في جيب أخر
وان شاءالله امورك طيبه وراح تنبسط بأذن الله
رحلة موفقه واي استفسارات اخرى حاضرين ان شاءالله
تحياتي
رد: رايح للفلبين مع أبنائي وأحتاج معلومات
اصدرت السلطات الفلبية يوم امس 17 رمضان 14 يونية في الصحف والتلفزيون تحذير لسكان الفلبين من اعصار كبير قادم خلال من الفترة 16 يونية الى 24 منه وطلبت من السكان الاستعداد والحذر لكل الاحتمالاات الناتجة من الاعصار والرياح الشديدة في تلك الفترة
رد: رايح للفلبين مع أبنائي وأحتاج معلومات
https://www.otlaat.com/arabtravelers...quote_icon.png المشاركة الأصلية كتبت بواسطة المسافر دوما
http://www.arabtravelersforum.com/tr...3/#post8299203
اصدرت السلطات الفلبية يوم امس 17 رمضان 14 يونية في الصحف والتلفزيون تحذير لسكان الفلبين من اعصار كبير قادم خلال من الفترة 16 يونية الى 24 منه وطلبت من السكان الاستعداد والحذر لكل الاحتمالاات الناتجة من الاعصار والرياح الشديدة في تلك الفترة
عزيزي هذا الشئ يحصل سنويا في الفلبين
وهاذي المره اسم الاعصار قليندا وسرعة الرياح راح تكون مابين 61 الى 100 كيلومتر في الساعه
وتم تقييم العاصفه بانها من الدرجة الثانيه في ميترو مانيلا
وبعض المناطق الاخرى الدرجة الثالثه
قوة الاعصار تعتبر عادية بالنسبة للاعصارات في السنة الماضيه او اللي قبلها
الله يحمينا جميعا
تحياتي
رد: رايح للفلبين مع أبنائي وأحتاج معلومات
شكرا ألف شكر لتفاعل الجميع مع موضوعي
باقي قليل على السفر
محتاج شقة تكون جميلة وواسعه وآمنه في مكاتي وتكون قريبة من الأسواق الكبيرة
وإذا فيه فنادق لديها نظام غرفتين أو ثلاث غرف وصالة ومطبخ ويخدموننا بالتنقلات
للأماكن اللي خططت عليها ، أو يكون لهم برامج خاصة يكون عز الطلب
وإذا فيه أرقام للتواصل مع الفندق ياليت تلحقوننا فيه
ولو ما احد رد علي فلكم جميعا الشكر
ماقصرتو بالمعلومات السابقة
والله إستفدت كثيييييييييير منكم
شكرا للجميع للأعضاء وللمشرفين ولهذا المنتدى الرائع
رد: رايح للفلبين مع أبنائي وأحتاج معلومات
تفضل عزيز الكريم
هاذي شقه من غرفتي نوم والفندق رائع
http://www.booking.com/hotel/ph/fraser-place-manila.ar.html?aid=358324
او
http://www.booking.com/hotel/ph/joya-lofts-and-towers.ar.html?aid=358324
او
http://www.booking.com/hotel/ph/jmm-apartments-suite.ar.html?aid=358324
اغلب الشقق ماتكون متوفر في قلب مكاتي لكن تحتاج تمشي لمدة اقصاها 20 دقيقة
او تاخذ تاكسي لمدة 8 دقايق انته واختيارك لكن الفنادق متوفره في قلب مكاتي وفي وسط المولات بالظبط
ان شاءالله تناسبك واي استفسارات اخرى ماراح نقصر معاك
تحياتي