فكرة مجنونه نرجو المساعدة

السلام عليكم ورحمة الله وبركاته

شلونكم شباب أنا عضو جديد بالمنتدى وابي مساعدتكم

عندى كم استفسار وانا واثق ان محد راح يساعدني إلا شباب المنتدى الله يعطيهم العافيه

إن شاءالله بنسافر لامريكا شهر 7 وحجزنا على القطريه من الكويت لنيويورك ......

الاهل الله يسلمهم تركوا كل الترتيبات علي .......خصوصا إن الجميع اتفقوا على road trip across usa

وخط السير من نيويورك للوس انجلوس بالسيارة والرجعه لنيويورك بالطيارة ( حنا 5 الوالد والوالدة و3شباب )

انا ودي بنصايحكم يعني توافقونا على السفر بالسيارة ؟؟؟؟؟

وابي أفضل خط سير من نيويورك للوس انجلوس والمدن اللي نمر فيها والمسافة بين كل مدينة والثانيه؟؟؟؟

لا تتركوووووني ترا انا حايس وماني عارف من وين نبدي ؟؟؟؟؟؟

اخوي سعد انصحكم برحلة من نيويورك لشلالات النياقرا فولز والعودة لزيارة المناطق الشرقية للولايات اتلانتك ستي واشنطن دي سي اورلاندوا ميامي , ثم الطيران لسان فرانسسكوا واستلام سيارة والتجول بكاليفورنيا ( لوس انجلس حتي سان دييقو ) والمرور بعدها على لاس فيقس ,

بالتوفيق , , ,

https://www.otlaat.com/arabtravelers...quote_icon.png المشاركة الأصلية كتبت بواسطة waleed8818
http://www.arabtravelersforum.com/tr...4/#post5011554

اخوي سعد انصحكم برحلة من نيويورك لشلالات النياقرا فولز والعودة لزيارة المناطق الشرقية للولايات اتلانتك ستي واشنطن دي سي اورلاندوا ميامي , ثم الطيران لسان فرانسسكوا واستلام سيارة والتجول بكاليفورنيا ( لوس انجلس حتي سان دييقو ) والمرور بعدها على لاس فيقس ,

بالتوفيق , , ,

مشكور وما قصرت اخوي ......حنا مو ناوين على اورلاندو وما نبي الروحه بطيارة .....فخطتنا البدايه من نيويورك

نأجر سيارة ونروح فيها للوس انجلوس (الهدف) ومن هناك لسان فرانسيسكو ولاس فيغاس وسان دييغو...ثم الرجعة

طيران لنيويورك

انصحكم بعد نيويورك الشلالات ومنها على شيكاقو

وتاخذو الطريق على الحدود الكندية الين سياتل ومنها الى اوريغن ومنها الى كاليفورنيا !!

اتمنى لكم التوفيق ,,

اخيرا يا امباكت قلت سياتل

https://www.otlaat.com/arabtravelers...1199108798.jpg

والرحله راح تكون حلوه والتقرير هذا راح يساعدمن ولو بشئ بسيط

http://www.arabtravelersforum.com/travel298075/

بالتوفيق لكم

https://www.otlaat.com/arabtravelers...quote_icon.png المشاركة الأصلية كتبت بواسطة impact
http://www.arabtravelersforum.com/tr...0/#post5012710

انصحكم بعد نيويورك الشلالات ومنها على شيكاقو

وتاخذو الطريق على الحدود الكندية الين سياتل ومنها الى اوريغن ومنها الى كاليفورنيا !!

اتمنى لكم التوفيق ,,



حيالله مشرفنا العزيز .....مشكور على الرد ....ممكن تعطيني موقع يحدد المسافة بين المدن؟؟؟

https://www.otlaat.com/arabtravelers...quote_icon.png المشاركة الأصلية كتبت بواسطة ahmad059
http://www.arabtravelersforum.com/tr...4/#post5012964

اخيرا يا امباكت قلت سياتل

https://www.otlaat.com/arabtravelers...1199108798.jpg

والرحله راح تكون حلوه والتقرير هذا راح يساعدمن ولو بشئ بسيط

http://www.arabtravelersforum.com/travel298075/

بالتوفيق لكم



مشكور أخ أحمد تصدق عاد من يوم قررنا إن رحلتنا تكون بالسيارة كل يوم أدخل على هالموضوع وصراحه

ما قصرت الاخت داس بتقريرها الرائع ......

انت تنصحني إن نتبع نفس خط السير اللي مروا فيه بالضبط ؟؟؟؟؟

ما فيه خط ثاني يكون أسهل وأقرب؟؟؟؟؟

^^^

اذا قررت كذه خطة مشرفنا امباكت حلوه

بس عندي لك نصيحه وحده لا تحاول حاول توقف في عدة مدن عشان ترتاح اذا انت السواق ولا تتعب نفسك مرره

أكيد بوقف وارتاح .....بالنسبة للسواق حنا 3 وكل واحد ياخذ دور....

والحين قاعد اسوي سيرج على خط سيرنا على حسب كلام الاخ امباكت وطلع كالتالي

من نيويورك لشلالات نياجرا 7 ساعات

شلالات نياجرا لشيكاغو 9 ساعات

شيكاغو لمينابولس 7 ساعات

مينابولس لداكوتا الجنوبية 7 ساعات

داكوتا لوايومنغ 8ساعات لايداهو 10 ساعات

ايداهو لسياتل 11 ساعه

سياتل لاوريغون 6 ساعات

اوريغون لسان فرانسيسكو 9 ساعات

سان فرانسيسكو للوس انجلوس 6ساعات

لوس انجلوس للاس فيغاس 4 ساعات وبس وبعدنا نرجع لنيويورك طيران

ملاحظة ( في مدن نرتاح فيها يوم وفيه يومين ) شرايك توافقني الراي ؟؟؟؟؟؟؟

أرجو الرد

^^^

انا معاك بس المدن الي تشوف فيها شي يستحق تزورها اقعد فيها يومين ثلاثة اما اذا فيه مدينة مافيها شي ارتاح وكمل

المسافة على المخطط مالك راح تاخذ منكم 88 ساعة ( حسب تقديرات قوقل ماب ) يعنى 3 ايام و 16 ساعة بدون توقف !!!!

الفكرة حلوة بس يمكن تكون متعبة !!!

اعتقد ممكن تفكرون تلغون المدن اللى بالاحمر و تطيرون من شيكاقو الى سياتل

من نيويورك لشلالات نياجرا 7 ساعات

شلالات نياجرا لشيكاغو 9 ساعات

شيكاغو لمينابولس 7 ساعات

مينابولس لداكوتا الجنوبية 7 ساعات

داكوتا لوايومنغ 8ساعات لايداهو 10 ساعات

ايداهو لسياتل 11 ساعه

سياتل لاوريغون 6 ساعات

اوريغون لسان فرانسيسكو 9 ساعات

سان فرانسيسكو للوس انجلوس 6ساعات

لوس انجلوس للاس فيغاس 4 ساعات وبس وبعدنا نرجع لنيويورك طيران


https://www.otlaat.com/arabtravelers...ctureid=237790

https://www.otlaat.com/arabtravelers...quote_icon.png المشاركة الأصلية كتبت بواسطة ahmad059
http://www.arabtravelersforum.com/tr...6/#post5013256

^^^

انا معاك بس المدن الي تشوف فيها شي يستحق تزورها اقعد فيها يومين ثلاثة اما اذا فيه مدينة مافيها شي ارتاح وكمل




أكيد هذا اللي بنسويه وراح اخذ معلومات اكثر عن كل مدينه والاماكن اللي تستاهل الزياره ....

أشكر تواجدك ومرورك أخوي أحمد وجزاك الله ألف خير

شكثر راح تقعدون فى امريكا ؟

أخي العزيز عزيز والله من كثر ما أقول لاهلي عنك عرفوك ( سيفت كل تقاريرك علشان استفيد منها بالسفر)

انا قريت لك رد في موضوع سابق وكان الاخ السائل يسأل عن نفس الموضوع فحفظته قلت اكيد بستفيد منه

والخطة اللي كنت حاطها كالتالي ( أنا غيرت فيها شوي)

ميامى a الى اورلاندو b حوالى 4 ساعات بالسيارة و بعدين ال ساوث كارولاينا c حوالى 7 ساعات و بعدين الى نورث كارولاينا d حوالى 4 ساعات وبعدين واشنطن دى سى e حوالى 5 ساعات و بعدين نيويورك f حوالى 5 ساعات و بعدينg لشيكاقو 12 ساعة و hكانساس 8 ساعات و i نيومكسيكو 12 ساعة و jفينكس 9 ساعات و k لوس انجلس 6 ساعات

أنا راح ابدي من نيويورك لشيكاغو للوصول للوس انجلوس

سؤالي أي خط افضل وأسهل اللي أنا ذكرته في البداية والا اللي انت ذكرته

شاكر مرورك وما قصرت

28 يوم بالضبط وعلى فكرة نبي الروحه من نيويورك للوس انجلوس بسيارة والرده طيران لنيويورك

مجرد راى شخصى 12 مدينة بالسيارة فى 28 يوم بس ! ..... اعتقد متعبة جدااا السالفة مو بس سواقة تبون تستمتعون بالمدن و تشوفونها

( مثال : سانفرانسيسكو وفيقاس وشيكاقو على الاقل يبيلهم 3 ليالى كل وحدة )


نصيحة خلها على مرحلتين بالسيارة

نيويورك ليلتين
نياقرا فولز ليلة
شيكاقو 3 ليالى

بعدين طيران الى سياتل 3 ليالى وتكملون بالسيارة
اوريقون ليلتين
سان فرانسيسكو 3 ليالى
لوس انجلس6 ليالى
سان دييغو 3 ليالى
لاس فيقاس 3 ليالى
طيران لنيويورك ليلتين

https://www.otlaat.com/arabtravelers...quote_icon.png المشاركة الأصلية كتبت بواسطة aziz20012001
http://www.arabtravelersforum.com/tr...6/#post5013496

مجرد راى شخصى 12 مدينة بالسيارة فى 28 يوم بس ! ..... اعتقد متعبة جدااا السالفة مو بس سواقة تبون تستمتعون بالمدن و تشوفونها

( مثال : سانفرانسيسكو وفيقاس وشيكاقو على الاقل يبيلهم 3 ليالى كل وحدة )


نصيحة خلها على مرحلتين بالسيارة

نيويورك ليلتين
نياقرا فولز ليلة
شيكاقو 3 ليالى

بعدين طيران الى سياتل 3 ليالى وتكملون بالسيارة
اوريقون ليلتين
سان فرانسيسكو 3 ليالى
لوس انجلس6 ليالى
سان دييغو 3 ليالى
لاس فيقاس 3 ليالى
طيران لنيويورك ليلتين



خوش راي وانا اقتنعت بكلامك حتى الاهل ارتاحوا للخطة ......

مشكور اخوي وما قصرت