أحلى رحلة تسوق في الاسواق التقليدية الشعبية في أبوظبي

أخواني السلام عليكم ورحمة الله وبركاته

في ظل التطور وعالم السرعة اللي وصلنا له ولله الحمد..
والكثير من المعالم والأشياء القديمة اللي تعودنا عليها بدأت تختفي .. ومن الأشياء اللي كلنا تعودنا على وجودها وأكيد أكيد زرناها .. الأسواق التقليدية الشعبية ..

الحلو فالسوق الشعبي انكم تقدرون تتسوقون فجو بسيط وبطابع تراثي قديم.. وزيادة على هذا ان الأسعار تكون دائما معقولة والواحد يجرب المبايعة مع العاملين ويحاول ينقص فالأسعار ..

ومن أهم الأسواق التقليدية أو الشعبية اللي بعدها موجودة ف http://www.arabtravelersforum.com/travel401475.html :
سوق السجاد والسمك والخضروات والفواكه في الميناء
وسوق مركز التجارة العالمي - اللي هو مكان السوق القديم السابق في أبوظبي واللي تم تطويره وبناءه على هيئة مركز مغلق بس فيه الطابق التقليدي البسيط..
http://www.arabtravelersforum.com/travel400110.html

طبعا كلنا نعرف أن السمك من أهم الأطباق عندنا ..

وشو أحسن مكان لشراء السمك غير سوق السمك اللي قرب ميناء زايد، اللي تقدرون تلاقون فيه السمك الطازج بكل أنواعه ..

https://www.otlaat.com/arabtravelers...WlcbHRWwuE6P0A

وطبعا اللي يدل على جودة السوق هو عدد الناس اللي تزوره كل يوم وانا واحد منهم طبعا لووول

https://www.otlaat.com/arabtravelers...3QPZKD2Dgvm4lw

وبالقرب من سوق السمك تلقون سوق الخضار والفواكه
بالنسبة لي أحب أخذ الفواكه والخضار من هالسوق ، لأن فيه الكثير من المحلات وتقدر تفاوض في الأسعار وتبايع وتشوف أنواع مختلفة من الفواكه والخضار اللذيذة ..

احساس جميل لما تنزلون لسوق الخضار وتشوفون الخضروات الطازجة والخيارات العديدة اللي عندهم وبالنسبة لي ما قدرت الا ان اشتري كل الفواكه والخضروات اللي اشتهيتها في ذاك اليوم.

https://www.otlaat.com/arabtravelers...h08XInqrp2AXuw

ومثل ما ذكرت فالبداية .. بجنب هالأسواق يوجد سوق السجاد

https://www.otlaat.com/arabtravelers...mXFUoHcaHiFqvA

واحب اشارككم بمعلومة قالي إياها واحد من البائعين ان سعر السجاد يُحدد بعدد العقد اللي تكون في البوصة المربعة فكلما زاد عدد العقد كان السجاد أجود واغلى ..

فلما تشترون سجاد لا تنسون هذه المعلومة المهمة وحاولوا قد ما تقدرون تاخذون فكرة عن اسعار السجاد قبل الشراء.

والجميل في هالنوع من الأسواق انه السعر قابل للتفاوض مثل ما قلت وهالشي من الأمور اللي تخلي للشراء والتسوق فهالمكان متعة بحد ذاتها،

أعترفلكم اني مب شاطر فالمفاوضة على الأسعار، لكن لازم يوم أروح مثل هالأسواق يكون معاي حد شاطر لووول.. فحاولوا قد ما تقدرون تحصلون على أرخص الأسعار في السوق.

وإذا تبون تزورون سوق شعبي فيه الكثير من المعروضات التراثية التقليدية أكيد بيكون سوق المركز التجاري العالمي خياركم ..

في كل مرة أزور السوق القى شي مميز ومختلف، وخاصة انه فيه أكثر من ٢٥٠ محل تلاقون فيها مشغولات يدوية وعبي ومجوهرات وحناء وعطور وملابس تراثية وغيرها الكثير ..

https://www.otlaat.com/arabtravelers...Mtz56LK8BnKolw

https://www.otlaat.com/arabtravelers...tGn72YVSBRsTAg

ومن الأماكن اللي أحب ازورها بعد هي سوق مدينة زايد اللي فيه أكثر من ٤٠٠ محل لبيع المستلزمات المختلفة من الأقمشة للإكسسوارات للملابس والعطور . . وبالإضافة بعد للذهب واللي تخصص له مبنى كامل
ومركز مدينة زايد مكانه في طريق المطار وطريق المرور

https://www.otlaat.com/arabtravelers...xuP8beSUWf85IA

وهذه صورة لسوق مركز مدينة زايد من الخارج

https://www.otlaat.com/arabtravelers...86_bZ2wDy2raAA

https://www.otlaat.com/arabtravelers...WLFu3WFbJs46JA

والحلو انه بهالسوق انكم تلاقون الذهب على يمينكم ويساركم وفيه الكثير من الخيارات اللي بتحبونها.

وهذه باختصار جولتنا على الأسواق الشعبية في أبوظبي والصراحة التسوق بهالأسواق ممتع أكثر من مجرد تسوق ..

واللي يجربها يعطيني رايه :)

ماشاء الله شيء جميل وحلو

يعجبني اكثر شي سوق السمك لان المأكولات البحرية مفضلة عندي

تسلم الايدي على الموضوع ,,,

الشكر لك أخي usas

ما شاء الله عليك كلك ذوق

مشكلتنا نحنا محبي السمك ما نرضى باي مكان ... بدنا دائما الأفضل والطازج أكثر

ذوقنا رفيع أخوي ما اعرف شو أقول أكثر https://www.otlaat.com/arabtravelers...94d69c3004.gif

ما شاء الله أسواق رائعة. أعتقد من أفضل التجارب على الإطلاق خلال السفر زيارة الأسواق الشعبيه.. ممكن نشتري أسماك ولكن سوق الذهب نتفرج و-نروح https://www.otlaat.com/arabtravelers...a5d1648005.gif

هههههه أختي فاديا صحيح كلامك

خلينا على السمك أفضل

الميناء "الايرانين " سوقهم شي شي ماله صوره ..." مواعينهم حلوة "

مدينة زايد مدمرها الوساخة اقسم بالله اكره اخطف ع حمام عزكم الله
شو ريحة البواليع في المكان كله "قرف" ..اللي حادني عليه سوق الذهب
تحديدا محل سالم الشعيبي https://www.otlaat.com/arabtravelers...a5d1648004.gif
بشكل عام جميع المراكز في العاصمة سواء كبيرة او صغيرة مرافقها زبالة
عكس مدينة العين تماما ..مادري هم يتعاملون من شركة مقاولات زفته
ولا العيب من الناس ...يبالها سنين ابوظبي الين تستوعب التقدم اللي وصلت له دبي ...

شكرا ع هالجولة
ودمت بود اخوي

الله يسامحك اظن بالغت بتعبيرك

ممكن انت يومها كنت متضايقة من شي
لكن انا ازور المنطقة دائما وما اشوف اللي شفته

وما يزور السوق الشعبي هذا العدد الكبير من الناس

اعتقد كل شخص له ذوقه الخاص ، لكن انا بنفسي ما امدح الا بالأماكن اللي تستحق

وكل مدن الامارات خير وبركة

ابدا ما بلغت هذا رأيي الشخصي وصدقني كثير ناس يوافقوني الرأي ...
تعال بس وشوف شكلي ما اروحه "مجبوره بعض محلات الذهب هناك مميزة"
ع طول اتلثم مع ان شكلي يكون غلط بس ماهمني اهم شي ما اشم الريحة https://www.otlaat.com/arabtravelers...a5d1648002.gif
مدينة زايد بالذات هذا لحد يجب سيرته مفروض يسون له الف صيانة وصيانة ...https://www.otlaat.com/arabtravelers...48smilie38.gif
عندك كمان حمامات "الله يعزك" المشرف مول دون المستوى وزيها كثيررررر
كمان اختلاف الجنسيات في ابوظبي اكيد له دور ..
بس بذمتك في اي وجه مقارنة بين مولات دبي ومولات أبوظبي؟؟

هلا أختي عناقيد الربيع

اشكرج على رأيج وعلى حرصج على توصيل فكرتج عن سوق الذهب

الاماكن الشعبية دائما وفي اي بلد تكون لها طابع خاص وميزة خاصة تعتمد ع طبيعة التجارة اللي تجري فيها والعدد الكبير من الزائرين كل يوم
وما اذكر اني شفت في السوق الشعبي بدبي اختلاف كبير عن اللي بأبوظبي

وانا أختي مثلج .. اتنقل بين دبي وأبوظبي وأحب في مولات أبوظبي طابعها المميز وروحها الدافئة

ان شاء الله نشوف تطور ونماء أكثر فكل مدن الإمارات

وشكرا لج مرة أخرى

وأخواني ادعوكم تتفضلون على موضوع أخوي وصديقي وليد المميز اللي عن سوق السمك الجديد في المشرف مول

موضوع كثير جميل ومفيد
http://www.arabtravelersforum.com/travel400717.html

https://www.otlaat.com/arabtravelers...quote_icon.png

وأخواني ادعوكم تتفضلون على موضوع أخوي وصديقي وليد المميز اللي عن سوق السمك الجديد في المشرف مول

موضوع كثير جميل ومفيد
http://www.arabtravelersforum.com/travel400717.html






لكني اوعدك عن قريب اكون في قلب السوق لمعرفة الفكرة التصميمية للمشروع
حيث اني استعد لزيارتة قريبا

ياسلام على الشعبي وعلى تقريرك الشعبي



واحلى شي في سوق السمج ريحة السهج https://www.otlaat.com/arabtravelers...37b5d83004.gif