نصيحتكم بالنسبه للسفر في فبراير الاجواء مناسبه؟ مدة السفر والجدول

السلام عليكم ورحمة الله وبركاته

اخواني بغيت استشيركم بالنسبه للسفر في يناير هل الاجواء مناسبه او لا خصوصا اني انا والمدام ومعي طفلين سنه ونص وثلاث سنوات
عندي مبدأيا خيارين للوقت بسبب اسعار التذاكر 2 فبراير او 16 فبراير ومدة الاقامه13 ليله و14 يوم هل الوقت مناسب او ابحث في مايو مثلا افضل
مع العلم اني لم يسبق لي زيارة اندونيسيا رغم تخطيطي السابق لزيار تها ولاكن ماحصل نصيب

استفساري الاخر بالنسبه للجدول انا افضل الراحه اول يوم اللي هو الخميس في جاكرتا والجمعه اطلع البنشاك لاكن كم اقعد فيها؟

بعد البنشاك افكر اطلع باندونق كم المده المناسبه لها وهل فيه مناطق افضل منها تغني عنها

بالي افكر اجعل لها نصيب الاسد من وقتي افكر بالبقاء فيها 5 ليالي وابقي ليله قبل العوده في جاكرتا لصعوبة التنقلات بالاطفال
فهل الوقت يكفي لباقي المناطق او اقلل من بالي او ازيد مدة السفر كم يوم لان توزيعي

جاكرتا ليله
البونشاك ؟
باندونق ؟
بالي 5 ليالي
جاكرتا ليله
هل 6 ليالي تكفي للبنشاك وباندونق ولا اكنسل وحده منها او ازيد مدة الرحله مع ان الزياده صعبه علي شوي او انقص من بالي

جاكرتا هل تستحق البقاء فيها ام اتركها للمرور والراحه فقط مثل مارتبت

انتظر مساعدتكم لاني محتار

عليكم السلام
شوف...باندونق مافيها ذاك الزود خصوصا ان معكم أطفال وأيضا انتو رايحين بالي وفيها مايغني عن الجميع لذا اقترح عليك التالي:
جاكرتا:1
بالي:6
بونشاك:4
جاكرتا: 2

.

و عليكم السلام و رحمة الله و بركاته ..

عندي مبدأيا خيارين للوقت بسبب اسعار التذاكر 2 فبراير او 16 فبراير ومدة الاقامه13 ليله و14 يوم هل الوقت مناسب او ابحث في مايو مثلا افضل

شهر يناير من الاشهر الممطره في اندونيسيا ,,
و السفر بمواسم الامطار اكثر متعه .. طبعاً حسب ذوقكم ..

استفساري الاخر بالنسبه للجدول انا افضل الراحه اول يوم اللي هو الخميس في جاكرتا والجمعه اطلع البنشاك لاكن كم اقعد فيها؟

البقاء في جاكرتا يوم للراحه ممتاز ..
وبالنسبه ليوم الجمعه , حاول تطلع لبونشاك من بدري ,, قبل الظهر مثلاً ..
لتجنب ازدحام الطريق ..
و تكفيك 4-5 ايام في بونشاك ..

بعد البنشاك افكر اطلع باندونق كم المده المناسبه لها وهل فيه مناطق افضل منها تغني عنها

اذا بتطلع بالي ,, الافضل توفير ايام باندونق لها ..
و اذا ودكم بالمره تزورون باندونق
ممكن تخلي 3 ايام بونشاك .. و 3 ايام باندونق ..
و تطلع من مطار باندونق على بالي ..

جاكرتا هل تستحق البقاء فيها ام اتركها للمرور والراحه فقط مثل مارتبت

نعم تستحق ..
و حاول ترتب جدولكم بحيث ما يكون التنقل مرهق ..


رحله سعيده ..
و بالتوفيق ..

.
.
.

الله يعطيكم العافيه شكلي باخذ برايك يا ام عزيز بالنسبه للترتيب
بس اللي يهمني الان اذا سافرت في فبراير بغض النظر عن ذوقي
لاكن هل ممكن يخرب جو الرحله بسبب الامطار
التنقلات مثلا تكون معقده وزحام شديد زي الرياض وجده وقت الامطار او اماكن كثيره تغلق بسبب الامطار
الوحل يكون في الاماكن المثاليه للسياح خصوصا وان معاي اطفال صغار يعني عربيه وقلق
حنا هنا ننهبل اذا شفنا المطر ونلاحقه لاكن ماجربت الامطار الغزيره والمستمره بصراحه