انا مسافر الى مدينة فان كوفر ممكن مساعدتكم

بسم الله الرحمن الرحيم


اخواني اخواتي اتمنى منكم المساااعده لاني مسااافر على عماه ما ادري وش السالفه


انا مسافر ادرس لغة انجليزيه في فان كوفر في كندا وعدي بعض الاستفسااارت واتمنى مساعدتكم وبالخااص الاخ اسبرانزا

السؤال الاول : انا مسافر في نهاية شهر جون وبقعد هناك الى اوقست كيف راح تكوون الاجواء في هذا الوقت بارده حراه؟

السؤال الثاني: جهازي الجوال من نوع نوكيا N91 والسؤال هل يعمل هناك ؟ وما هي افضل وارخص بطاقة اتصال بالسعوديه؟ وكيف نظام شريحة الجوال هناك؟

السؤال الثالث: انا ودي اروح لنياقرا فولس بس ما اعرف كيف راح ارووح لها يعني طياره او باص او قطار ؟ وكم تبعد نياقرا عن فان كوفر؟

االسؤال الرابع:ما رأيكم في مدينة فان كوفر بشكل عام والعيش فيها انا قريت في الانترنت انها من افضل 10 مدن في العالم من حيث المعيشه بس مو متاكد احتاج تاكيد اثر؟ غير كذا كيف اهل فان كوفر هل هم ودودين يعني ما في عنصريه او استهزاء بالدين او يزعجونا ان احنا تررست ؟

السؤال الخامس: انا راح ادرس في معهد اسمه Ef بس ويقع في مبنى ديكو في وسط المدينه بس ما ادري في احد سمع في هالمعهد وووشرايه فيه؟؟

السؤال الاخير : انا ابي اشتري كميره بس محتاار وابي موصافت معينه مثل انها تكون وب كام وووتصور فيديو ووصور عاديه يعني فوتو؟؟


انا داري ان غثيتكم بهل الاسئله وطولت عليكم واتمنى مسااعددتكم

وان شاء الله اول ما راح ارجع راح اكتب لكم عن كل شي شفته في هاذي المدينه وبالصوور انشاء االله

تحياتي ...

انشاء الله الأخوان مايقصرون معاك فانكوفر ..

بس ممكن اسألك سؤال .. ؟؟

كم خ

انشاء الله الأخوان مايقصرون معاك فانكوفر ..

بس ممكن اسألك سؤال .. ؟؟

كم جلست وقت الفيزا على ماطلعت ؟؟؟؟

لأن محسوبك له شهر وأسبوعين ولحد الحين ماطلعت ..

vancouver is very beutiful city , weather is very nice in the summer, but niagra falls are very far from vancouver, you should go to toronto first then go from there by bus..... our mobiles are morking there, enjoy your trip to canada,,,

gahez اخوي الله انا الى الان الفيزا ما طلعت بس هم قالو 15 يوم وصار لي الحين اسبوع ونص يعني نتظر وفي واحد من الشباب صار له 3 اسابيع وما طلت والله ما ادري وش سالفتهم

اخوي wooden ما قصرت والف شكر على مساعدتك

مشكووووووور اخوي برق الجنووووووب
على المعلومه وزين قلت لي عشااان اكلم ناس هناك
يضبطوون الترب لنا

مرسي

والله بصراحه انا منتظر الرد من الخبراء

اذا ما عليهم امر

about the (ef)it's one of the best istitute they have many branch around the world i'm going to study at ef in usa

im sorry to wright in english because idon't have arabic keyboard at this moment

مو مشكله اخووي دريم لينر اهم شي فهمنا وش قصدك

ومشكووور على المساعده

غير كذا ان عجبتني طريقة تعليم الـــ Ef شرح لي اياه واحد في مكتبهم

وما قصرت اخوي

السؤال الاول : انا مسافر في نهاية شهر جون وبقعد هناك الى اوقست كيف راح تكوون الاجواء في هذا الوقت بارده حراه؟

-
هذه أفضل فتره بالسنه للمدينة ويكون الجو معتدل إلى بارد قليلً مع هطول أمطار كل كم من يوم

السؤال الثاني: جهازي الجوال من نوع نوكيا N91 والسؤال هل يعمل هناك ؟ وما هي افضل وارخص بطاقة اتصال بالسعوديه؟ وكيف نظام شريحة الجوال هناك؟

[mark=FFFF00]-
نظام الإتصالات مختلف عن المملكة ولكن فيه أجهزه تشتغل على النظامين تقدر ترجع للمميزات جوالك أو تسأل محلات الإتصالات , هل هل هو يشتغل على ترددين .[/mark]

السؤال الثالث: انا ودي اروح لنياقرا فولس بس ما اعرف كيف راح ارووح لها يعني طياره او باص او قطار ؟ وكم تبعد نياقرا عن فان كوفر؟

-النياقره بعيد ولازم تأخذ طياره من فانكوفر لنياقره , وعلى ما أذكر الأسعار التذاكر غاليه



االسؤال الرابع:ما رأيكم في مدينة فان كوفر بشكل عام والعيش فيها انا قريت في الانترنت انها من افضل 10 مدن في العالم من حيث المعيشه بس مو متاكد احتاج تاكيد اثر؟ غير كذا كيف اهل فان كوفر هل هم ودودين يعني ما في عنصريه او استهزاء بالدين او يزعجونا ان احنا تررست ؟

رائعه و أتمنى أنهم ما تغيرو بعد الأحداث

السؤال الخامس: انا راح ادرس في معهد اسمه Ef بس ويقع في مبنى ديكو في وسط المدينه بس ما ادري في احد سمع في هالمعهد وووشرايه فيه؟؟

---------------------------------------------

السؤال الاخير : انا ابي اشتري كميره بس محتاار وابي موصافت معينه مثل انها تكون وب كام وووتصور فيديو ووصور عاديه يعني فوتو؟؟
كوداك 5ميجا بيكل مع طابعه حرارية


نصيحة

لاتنسى تزور ويسلر , القريبه جداً من فانكوفر ,,,, وراح تدعيلي

مرحبا
عندي معلومه اتمنى انها تفيدك
غالبية المعاهد تبدأ في شهر جولاي وبما انك مسافر على جون فالأفضل انك تسجل من هناك اضمن لك غير كذا تختار اللي ترتاح له والأقرب للسكن
أنا ناويه اسجل من هناك ورحلتي غدا لفانكوفر
وبالتوفيق

مرحبا
عندي معلومه اتمنى انها تفيدك
غالبية المعاهد تبدأ في شهر جولاي وبما انك رايح في جون الأفضل انك تسجل هناك اضمن لك وغير كذا تختار اللي ترتاح له والأقرب للسكن
أنا بسجل من هناك ان شاء الله والليله رحلتي

وبالتوفيق

مرحبا
عندي معلومه اتمنى انها تفيدك
غالبية المعاهد تبدأ في شهر جولاي وبما انك رايح في جون فالأفضل انك تسجل هناك اضمن لك وغير كذا تختار اللي ترتاح له والأقرب للسكن
أنا بسجل من هناك ان شاء الله والليله رحلتي
وبالتوفيق

مشكووووورين وما قصرتووا

يا شباب وجزاكم الله الف خير
والله يوفقنا اجمعين

بسم الله الرحمن الرحيم

هلا والله وغلا أخوي فان كوفر .. ومن جد انا مشتاااااق لهذا المنتدى صاااار لي فترة انشغلت فيها وبقوة .. والحمد فظيت شووووي .. :101:
عموماً ..

أبدأ معك من البدااااية ..

أول شي اختيااااار موفق انك اخترت فانكوفر .. وصراحة هي مدينة جداً جداً جميلة .. وبصراحة ما ودي ابااالغ في وصفها عشان ما تتخيل .. بس صدقني بتنبسط فيها كثير .. :24:

وأنا كنت في فانكوفر الصيف الماااااضي .. ومن جد ودي ارجع لها .. وإن شاء الله لي عودة لها قريباً ..

وبالنسبة لسؤالك عن أهلها .. والله هم من أطيب الشعوووووب اللي قابلتهم في حيااااتي .. شعب حبييييييييييب إلى أبعد درجة .. شعب مساااااعد .. شعب يحب الأخرين .. شعب ما عنده عنصرية أبداً .. وانتبه لموضوووووع العنصرية .. لا تتكلم عن العنصرية معهم .. هو ما يحبووون هالمواضيع .. عشان كذا لا تفتح هالمواضيع .. ---- مجرد نصيحة ..
المهم .. في امااااكن كثيرة لازم تزورها في فانكوفر .. وصدقني بتنبسط فيها ..
وبالنسبة لسؤالك .. عن نوع الجوال وهل يشتغل وإلا لأ ؟؟
بصراحة ماعندي خلفية .. بس أنا كان معي ايميت .. وكان شغال معي زي الحلاوة ..
وبالنسبة لأفضل بطاااقة اتصال للسعودية .. في بطاااايق كثير .. وفي وحدة كنت احب استخدمها وممتازة .. اسمها Big Time . . هذي ممتازة ..

اما بالنسبة لموضوع نياقرا فولز .. والله :114: المشكلة انها مررررة بعيدة عن فاااانكوفر .. تبعد خمس ساااعاااااااات بالطياااارة .. واسعاااار التذاكرغالية هناااااااااك .. وأحسن حل .. انك ترتب رحلتك من هناااا .. بحيث انك في لرجعة تقلع من فانكوفر إلى تورنتو ومن تورنتو إلى ... المهم تنزل ترانزيت في تورنتو .. وكذا تنزل تورنتو .. بدون تكاااليف زااايدة :24:

وبالنسبة لمعهد الـ EF عهد معروووف وموقعه في الدااااون تااااون وكل شي قريب منه .. بس للأسف ماعندي خلفية عن الدراااسة فيه ..

المهم أنا لازم امشي .. وأنا في الخدمة .. أي سؤااااااااااااال وأنا حااضر...

أخوك : مجوااااااااال :surf

هلا اخوي

فانكوفر مدينة جميلة واهلها طيبين لكن مشكلتها كثرة الشاينيز .. كأنك في بكين!

سياحة روعة ... طبيعة خلابة ... شاطيء نادر الوجود ... تنظيم عجيب ... تقدر ترتاح من الباصات وحوستها اذا سكنت في بيت قريب للسكاي ترين ... بيريحك من بلاوي الباصات وغثاها ...

مدرسة الاي اف سبق ودرست فيها الصيف الماضي .. وضعها مايطمن!

اذا تقدر تغيرها يكون افضل .

انا نفس الحكاية ادور على معهد ممتاز وش رايكم؟ ةالسكن كمان ما ادري كيف حيكون
والله اني منبلش

السلام عليكم انا الان في فانكوفر وابحاول ارد على اسئلك
بالنسبه للجو رائع مع حراره شوي الظهر والعصر وانا الان لي اسبوعين هنا وماشفت المطر الا يومين الفجر بس .
اما بالنسبه للجوال فأنا جوالي (الشيطان) وشغال ميه ميه وخويي الي رايح معي معه جوال n70 وشغال تمام . مجرد انك تتصل على الاتصالات وتقولهم يعممون جوالك وخلاص
سؤال نياقرا . الطيار غاليه ومدة الطريق 5 ساعات والقطار ارخص طبعا لكن الطريق ياخذ منك يومين رايح ويومين جاي (قضى وقتك على الطريق) لكن يمر بمناظر خلابه جدا وانت اعلم
اما بالنسبه لمدينه فانكوفر فهي صراحتا مدينه روعه وكل شي ببالك موجود الا (البر) يعني أيس تمل هناك والشعب جدا جدا جدا ودود وحبييييييييييييب الى ابعد الحدود خاصتا الكنديين الاصليين وماراح تصدق هالشي ذا الا اذا وصلت ان شاء الله ولا عندهم عنصريه ولا يعرفونه الا اللهم ما يحرصون على الامريكيين لانهم يقولون ان الامريكيين شايفين ارواحهم علشان كذا مايحرصون عليهم ولا تخاف من ناحية الدين انا رجال ملتحي ولا لاحظت شي ابد عليهم بالعكس يسولفون معي ويضحكون والمعهد تعاملهم معي ممتاز والجيران دايم يسلون علي وسواليف انا وياهم يعني مافيه مضايقه ابد ابد (بالعكس احس ان المضايقه الي القاه بالسعوديه اشد قسم بالله وهذا شي انا مجربه )
اما بالنسبه للمعهد الي انت اخترت صراحتا ما اعرف عنه شي لكن احرص انه ما يكون فيه سعوديين لاني دخلت على معهد لقيت فيه 6 سعوديين قلت لهم والله يا انت كثيرين قالوا ما شفت شي قلت وشلون؟ قالوا فيه معهد عندهم 80 طالب سعودي 12 طالبه سعوديه قلت (تمام ادرس بالسعوديه اصرف ) فأنت تأكد بارك الله فيك .
اما بالنسبه للكاميره فانا معي كميرة ديجيتال والحمدلله مكفيتني وكل شي لكن يفضل يكون معك ويب كام علشان الاهل وخوياك اذا صرت تبيهم يشوفونك هناك على الهواء خصوصا ان الانترنت عندهم سريعه جدا
(انا الانترنت الي عندي بالبيت وايرلس سرعته 800 )

والله يوفقك ويوصلك بالسلامه ولا تخاف ترى كل شي واضح وسهل جدا اصعب شي مر علي مطار الرياض وفي امان الله

بااااااااااااااااااااااااااااااااااااااااااااااااا اااااااااااااك

مشكوررررررررررررررررررررررررين

اخوي ما ادري ايش اسمك , انا ضبطت وضعي للدراسة في معهد Ef في فانكوفر وأخذت معلومات عنه من

معهد Ef الي في الخبر .. ولحد الحين ما ادري ان كان المعهد زين للدراسة او لا . ولكن فيه مشكلة وهي

مشكلة العايلة ما تقدر تختار العايلة الي بتسكن عندهم , يقولك انت بتروح وانت وحظك !!

ولكن اتمنى من اخواننا الي موجودين في فانكوفر لو يقدرون يجيبون لنا كم معلومة عن هالمعهد.