استفسار عن السفر الى الدمام من الكويت

السلام عليكم


اذا كنت اريد السفر الى السعودية من الكويت و كانت السيارة باسمي و طبعا اللي راح يسوقها هو زوجي!
ما هي الاجراءات؟

انا سمعت ان لازم يسجل اسمه اب مكان ؟ شنو و وين؟


شكرا

سلام عليكم اختي ما عندي اي فكره بس اذا كنتي انتي معاه ما فيه اي اجراءات بس اذا بوحد هذا شي ثاني تقريباً لازم تسويله تفويض سياقه من المرور احنا عندنا في السعويه لازم تفويض من المرور


اتمنى اني نفعتك وشكراً

السلام عليكم اختي

بالنسبة لهذا الموضوع ما اتوقع انه راح يكون ذو مشكلة كبيرة فبمكانكم تدخلون السعودية بأي وقت طالما انتي ( صاحبة السيارة ) موجودة مع زوجك ومعكم البطاقة العائلية . والاخوان في الجمارك السعودية ماراح يقصرون معاكم وبتتسهل اموركم انشاء الله . واتمنى لكم اقامة سعيدة بالدمام لاسيما بعد التطور والعمران اللي تشهده المنطقة . ولاتنسين اختي انتم ( راعين المكان واحنا الضيوف ) والله يحفظكم . ولو احتجتوا استفسارات اخرى عن السكن ماراح نقصر معاكم .

إن كان الزوج سيسافر على السيارة لوحد فهو يحتاج توكيل خاص فقط للسفر - وهذا التوكيل يعملونه في وزارة العدل

إما ان كنتم مع بعض فكما ذكر الاخوان

مشكوووووووورين للمساعدة , هذا من طيبكم

يبا ماكو الا العافيه روحو استانسو وعليكم بستين الف عافيه


عادي ترا سهالات :)

مافيه اي مشكله ان شاءالله اختي طالما انتي معاه وعشان تتطمنين اكثر تقدرين تروحين معاه النقل البري في منطقة الصليبيه وتعملين له توكيل سفر علي السيارة يحتاجون حضوركم والبطاقات المدنيه ورسوم دينارين لعدة سفرات

مو انا مابي اسوي توكيل عشان جذي اسال........

على العموم شكرا للرد و المساعده

لا توكــيل ولا حاجة أذا بغيتو تجون السعوديه ........!!


حياكم الله وبياكم عندنا .. وأنا موظف بالجمرك مفتش جمرك النويصيب

جزاااك الله الف خير الحين تاكدت ان عادي
يعطيكم العافية

سلام

وش نوع السياره؟

:106:

فيرست

ليش؟ النوع له اهمية؟
جيب