هذا اللي مخوفني من السفر لكندا

السلام عليكم
اخواني انا ودي اروح ادرس لغة الصيفية الجاية لفانكوفر وراسلت كذا معهد
لكن فيه شئ مخوفني من السفر
انا انسان ما عمري بعدت عن اهلي اكثر من اسبوعين
ولله الحمد شبه مستقيم ومالي في البنات والخراب
المهم خايف من شيئين اذا رحت هناك
الأول : خايف من الناحية الصحية يعني اخاف امرض هناك ولا شئ وما عندي احد ينتبه لي
لأني اعاني من بعض الامراض الخفيفة والله الشافي
الثاني: خايف اخرب واطيح في الفتن هناك وهذا السبب هو اللي مخلي الوالدة رافضة الفكرة وتقول اذا تزوجت روح مع زوجتك ان شاء الله لو تسكن هناك ما عندي مانع


وانا اريد اسافر للتعلم
أو للاحتكاك بالعالم واكتساب مهارات وخبرة في الحياة على الأقل
اريد رأيكم ؟؟؟

بالصراحة اعتقد كلام الوالدة الله يحفظها لك سليم مائة في المائة السبب انه نفس الشي صار لي من الوالدين الله يحفظهم :109: تخيل !!!!!!!!!!!

لا ازيدك من الشعر بيت انا كان بودي اسفر اول ما اتخرج قالوا لا لين ما تتزوج و اذا جيت اتزوج قالوا وين تشتغل :112: يالنشبه حوالي ثلاث سنوات و انا احارب :11ight: ولازلت :105: و ان شاء الله قرب الفرج ..............اتمنى لك التوفيق و اهم شئ رضى الوالدين لا تفكر تطلع وهم زعلانين عليك اذا تبغى ربنا يوفقك و تتسهل امورك ..........

وعليكم السلام والرحمة

هلا فيك اخوي ..

انا ما اؤيدك بوجهة نظرك هذي ,, مو شرط انك تتزوج علشان ما تتعرض للفتن ,, وابليس وانا اخوك واحد مو للمتزوجين ابليس والعزابي ابليس ثاني هههههه

الشخص من نفسه يضبط الكنترول عندهـ واذا هو راعي خرابيط صدقني ما يرده ولا اي شئ ,,

واما اذا هو قاضب دربه وراعي علوم غانمة صدقني بيعينه ربي ويحفظه ... واهم شئ ان يكون عندك مبدأ وهدف ...

انت رايح تدرس مو رايح تخربط .. والدشرة بكل محل ,,,

أبد رح وتوكل على الله وخل ايمانك قوي واحفظ الله يحفظك .

وعلى فكرة يوجد بـ اتوا جاليه اسلامية واذا بغيت معلومات عنهم علمني اوصيهم عليك واعطيك ارقام الجالية و مدير الجالية اعرفه شخصياً ...

بالتوفيق اخوي :)

بسم الله الرحمن الرحيم
هلا وغلا اخوي ابو فيصل :)
ووالله وانا جالس ادور بين هالبوابات اشتقت لكندا و كان موضوعك اول واحد بوجهي :)
عاد لما دخلت وقريته و شفته يتكلم عن كندا قلت عاد ما يصير الا ارد عليك :)
شوف اخوي انا كنت هناك قبل سنه يعني الصيف قبل الماضي .
وكنت رايح ادرس لغه و كنت خايف لا اروح و اطييح لي بعيله قشران او امرض او ازهق او اشتاق لاهلي لاني كنت نفس حالتك ان خربتها مرة شهر بالكثير :)
و الحمدالله رحت و رجعت وكان ودي اطول اكثر :)
بصراحه الي يبي يدج و يبي الخراب بيحصله بكل محل مثل ما قال اخوي القيصر
و الي يبي يدرس و ينبسط بدون ما يخربها بيحصل هالشيء .
انا بصراحه انصحك تروح و بيني وبينك كل ما كان بدري ازين لان اغلب الي بيكونون معاك شباب :)
و على فكرة ترى اغلب المعاهد هناك يقدرون المسلمين يعني المعهد الي انا كنت فيه كان مخلي واحد من الفصول مصلى لكن بنص الاجزة امتلت المدرسه و شالوه .
و يوم الجمعهخ دوامهم يكون قصير علشان الي يبي يروح يصلي الجمعه بجماعه .
و انا اعتبرها من احلى تجاربي الي مريت فيها .
وعلى فكرة ترى فانكوفر مدينه مرة حلوة و فيها الطبيعه و الاسواق و القهاوي و كل شيء يعني تجمع بين الاثنين الطبيعه و الصخب او الزحمه :)
و طبعا انا ما اقولك اعص كلام الاهل بالعكس لالا تروح الا وهم راضين عنك لكن انت شوي شوي حاول تقنعهم .
والله يوفقك للي فيه خير و مصلحه لك
تحياتي لك اخوك
ksa

ما ازيد على كلام الاخوان

اللي يبي الخراب بيلاقيه في اي مكان

احرص على الصلاة اذا سافرت وصدقني ماراح تتعرض لشيء باذن الله

شاكر لكم جميعا
والله يعيني لي شهرين وانا احاول في الوالده
والوالد مكتم مو موافق ولا معارض بس ساكت واظنه موافق
واليوم جا خبر بيخرب سفرتي وهو ان زواج اختي بالصيفية وامي تقول كيف تسافر وما تحضر عرس اختك لكن بكلم ابو نسب ياخر العرس او يقدمه

ما راح ارتاح الا لين اروح كندا

اخوي ابو فيصل

اول شيء الله يبارك لك بزواج اختك

وما اقدر ازيد على كلام الشباب بس انا رحت الصيف الماضي وكنت متخوف مثلك لكن صدقني بعد اول اسبوع كل شيء سيزول واحب انبهك وحسب كلام كثير من الشباب اللي سافروا للدراسة : اول اسبوع وحتى الثاني احيانا راح تطفش ويضيق صدرك وهذا طبيعي لأنك جيت لبيئة مختلفة فتحتاج وقت حتى تتكيف معها انما بعد كذا راح ترتاح ويصير كل شيء روتيني عندك

اهم شيء شوف اللي تماشيه هو مين ؟؟؟

واحرص على الأوربيين والجنوب امريكيين لأنهم هم اللي بيطورون لغتك وغالبا بيكونوا جديين في هدف دراسة اللغه

احرص على اداء الجمعة في اي مركز اسلامي

احذر الصينيين فهم غالبا ما يكونون سيئين

واهم شيء كن انسان ذو مباديء ولا تتنازل عنها ابدا

تحياتي لك وان شاء الله تتيسر امورك وتروح بالسلامة

اخي اول شي اذا انت مصرررر نصيحه من القلب لا تسوي و لا شي قبل ما تصلي استخارة ركعتين اربع الذي تقدر عليه ..................و تشوف انك كان لك نصيب ربنا راح يفتحا عليك و تسافر مو بكرة اليوم اذا ربنا اراد لك ..............

تحياتي.

أخي الكريم , في أي مكان في العالم تذهب إليه حتى في نفس بلدك هنالك كل المعاصي أذا أنت بحثت عنها و أقول لك من خبرة في السفر إلى عدة دول منها فرنسا بلد الأغواء و ألمانيا و حتى كندا فمن فضل الله كان كل همي عملي و دراستي و تعلم كل جديد و مفيد من هذه البلدان , و لكن لا تنسى أخي العزيز أن أبليس يترصد لك في كل مكان لذلك اتقي الله في كل ما تفعل و اعلم أنه يراك في أي مكان تكون فيه و نصيحة أخيرة إياك أن تسافر ووالديك غير راضين عن سفرك فرضاهما من رضى الله عز وجل و بارك الله فيك ووفقك لكل ما تحب و ترضاه .

بسم الله الرحمن الرحيم
اول شيء الله يتمم على اختك بكل خير
ثاني شيء انا مدري والله يعني بعض الاخوان قالوا ممكن انك تتظاييق اول اسبوع او اسبوعين
لكن بصراحه و الحمد الله يعني
اني من اول يوم انبسطت ممكن من اول ساعه لاني اول ما وصلت للعيائله الي بسكن وياهم طلعوا حبيبين و لقيتهم مجهزين لي هدايا و كاتبين لي اوراق باسمي و حاطين علم السعودية :)
وشوي و قالوا يالله نطلع نمشيك بحارتنا و كانت منطقتهم مرة روعه و لزموا علي الا يعزموني على ايسكريم
يعني من جد دلعوني اول يوم :)
وانا من وقتها حابهم و انبسطت وياهم
يعني ترى في احتمال انك تحصل شغلات تعجبك و تنبسط من اول يوم وما تحس اننك بروحك و لكن مرات ممكن ما تصادف شيء يحسسك بهالشيء و تطفش اول الايام و بعدها تتعود على الحياة هناك :)
على العموم الله يتمم لك بكل خير
اخوك
ksa

الأخksaمع وافر التقدير والأحترام لك ولكافة من تفاعل مع موضوع أخونا ابو فيصل وبصراحة معلومات قيمة وستفدنا منها جميعا لاكن عندي طلب ممكن أنك ترشدني على هذة العائلة الى سكنه معها أو المكتب الى دلك عليها لأني انشاء الله ابدرس لغة في فانكوفر لمدة سنة طبعا العائلة ابسكن عندهم تقريبا 3شهور والأن محتار في العائلة

ولك مني جزيل الشكر:24:

ksa لك ألف ألف ألف تحيه أنت والأخوان مثل مهل ومحمد محسن عمري محمد ورحال والقصير وألف شكرا هذي فزعت الأخوان ومهي غريبه عليكم ....... أشكركم هذا النصائح فادتني كثير لأني مسافر لكندا بعد شهر 2/2/1428 هل في نصائح تنصحوني شباب رايح فانكوفر للدراسه 6 شهور بالله النصائح

بسم الله الرحمن الرحيم
هلا وغلا اخوي hathlan اذا تحب ممكن اعطيك ايميل الاب في هذي العائله و تتفاهم معاه ؟
لانهم هم متعاقدين مع المعهد الي ىانا كنت فيه وهو كنيدين كولج
اذا تبي ترسلهم و تتفاهم معاه انا مستعد و الايميل حقه موجود عندي اذا ودك ياليت تعطيني خبر
تحياتي لك اخوك
ksa

هلا وغلا اخوي عاشق سويسرا :)
وش تبي نصايح عن وشو ؟
عن اماكن الزياره او المعاهد و اماكن الدراسه او الاكل او التعامل او السكن :)
و انشاء الله انا حاظر و الاخوان ما يقصرون هنا الله يعطيهم العافيه
تحياتي لك اخوك
ksa

الله لايهينك يا ksa ...

(1) ياليت تعطيني تكلفة الدراسة في كندا لمدة ثلاث شهور؟
(2)مانوع الكورسات اللي يدرسونها في معاهدهم؟
(3) بنظرك ماهي أرخص وأغلى منطقة بكندا؟
(4) كم عادة تكلفة السكن مع عائلة أسبوعياً؟
(5) هل لديك معهد معين تثني عليه لمن يود صقل مهارة المحادثة بشكل كبير عندهم؟
(6) ياليت تنزل لي بعض روابط معاهد اللغة في كندا؟

أتمنى تجيبني على كل سؤال لو سمحت ...

كتبت لك اخوي الرد لكنه انمسح وانا عندي بكرة اختبار انشاء الله اول ما اخلص ارد عليك مرة ثانيه
اسف للتاخير مقدما
تحياتي لك
اخوك
Ksa

بسم الله الرحمن الرحيم
اخوي اول شيء اسف على التاخير
ثاني شيء هذي الاجوبة على اسئلتك وانشاء الله تفيدك
بالنسبه للسؤال الاول
كلفني المعهد 18 الف تقريبا لشهرين ونص طبعا مع الهوم ستي :)
بالنسبه للسؤال الثاني
في الغالب يكون جدولهم بالصباح تكون بخصوص القرمر و الريدنج و اساسيات الانجليزي
و بالنسبه للكورسات الي بعد بريك الغداء تكون متنوعه وكل طالب يختار الي يبي ومنها الادارة و الاغاني و التعامل او معلومات عامه ومحادثه
اما بالنسبه للسؤال الثالث
ما اكذب عليك انا ما رحت بكندا الا لفانكوفر و انا اشوف ان اسعارها معقولة شوي اما بالنسبه للمناطق الثانيه مدري عنها والله
اما بالنسبه للسؤال الرابع
تتراوح تكلفه السكن مع العائله تقريبا من 25 الي 35 دولار كندي يعني يعتمد على حسب كل عيلة و اذا بالاكل او بدون و شغلات من هذا النوع
اما بالنسبه للسؤال الخامس
انا والله انصح بالمعهد الي كنت ادرس فية و حتى موقعه كان مرة حلو لكن الحين يقولون نقلوا لمكان ثاني وسط الداون تاون تقريبا
وهو
Canadian College Of English Languaga
على ما اتذكر كان اختصارة CCEL

بالنسبه للشغله السادسه
كان ودي افيدك والله لكني للاسف ما اعرف معاهد كثير هناك
الي اعرفهم محدودين الي درست فيه و اسبكت و الاي اف EF
وفي كم واحد مستواهم بصراحه ضعيف

تحياتي لك اخوي و اسف مرة ثانيه على التاخير
اخوك
KSA

الاخ Ksa وش رايك الكنيدين كولج انا انشا الله رايح لها بعد شهر انشالله ووش الافضل احجز الهوم ستي عن طريقهم او عن طريق مكتب ثاني ووش اصول العائلات اللي تسكن عندهم هناك

هلا وغلا اخوي وحيد العمر
بالنسبه للكنيدين كولج بصراحه انا اعجبتني و انبسطت فيها
لكن الي اعرفة انهم الحين انتقلوا الى مكان ثاني و تقريبا صاروا بالداون تاون
اما بالنسبه للعائلة الي كنت ساكن وياهم مدري وش اصولهم بالضبط لكن الي اتوقعه اوروبيين
تحياتي لك
اخوك
ksa

مرحبا،،،،
ممكن الاستفسار عن دراسة اللغة في كندا،،،
و عن طريقة الحصول على قبول مبدئي دون دفع رسوم،، لاني أهدرت الكثير من المال على المعاهد و السفارات( ألمانيا و النمسا و غيره) بس ما جربت كندا لسه،،،،
و حاب أتعلم لمدة 3 شهور دروس مكثفة لانه لغتي صارت جدا سيءة
وهل ممكن السكن هناك مع عائلة هناك و العمل ...
و جزاكم الله الف خير
و اخر دعوانا الحمد لله رب العالمين