عرض للطباعة
اهلين وسهلين ...
تو السفارة متصلة علي وطالبة مني بعد بكره احضر عندهم الساعة 9 الصباح ...
بخصوص مقابلة ( وانا طالب فيزة زيارة اللي هي 6 شهور لدراسة اللغةالانجليزية ) ...
السؤال ...
ايش طبيعة المقابلة ؟ ايش راح يسألون ؟
رجائي من اللي عنده معلومات واضحة وصحيحه يسعفني فيها ...
مشكورين ...:101:
كان الله في عونك ويسر لك امورك
بس اخوي كيف طلبتها انت هل عن طريق ارامكس ؟
اخي العزيز اموت بالسفر
السفارة راح تتحقق انك مسافر عشان الدراسة ...... بعض الاسئلة مثال :-
1س ما سبب في السفر وما هي المدة ؟
2س في اي مدينة راح تسافر ؟
3س كم المدة التي راح تستغرق في السفر اي كم مدة الدراسة وهل تكفي لتعلم اللغة ؟
4س ما اهيمة اللغة في السعودية ولماذ اخترت كندا بتحديد ؟
الرجاء الاجابة بكل صراحة لان الفيزا يعطونك بعد المقابلة 10 دقائق .
مع خالص تحياتي ابو عبدالاله
امين يارب ...
انا طلبتها عن طريق مكتب ... ( قالك انه اريح لي وهم يسون لي كل حاجه ) ...
لكن نصيحة سبب انهم بيسون لي مقابلة مع اني طالب فيزة زيارة ( والعادة المقابلة تكون للي طالبين فيزة طالب اللي مدتها سنه ) ... هو اهمال المكتب وتخيل الفيزة تطلع في 15 يوم ( هذا كلام السفارة ) وانا الحين لي شهرين ....
السفارة الامريكية جلس جوازي فقط يومين ....
الاهمال كان من المكتب ...
فلذلك انت قدم بنفسك عن طريق ارامكس او دي اتش ال ...
بشـّــر وش صار مع السفاره ؟؟
عسى كل شي زين ؟
يا اهلين وسهلين ...
معليش شباب كنت مسافر خارج المملكة وتوني راجع ...
ابد رحت للسفارة ودخلت ونادى على اسمي وجيت وقام يسألني اللي يسوي المقابلة الشخصية ... ليه بتروح لكندا ... ليه ماتدرس اللغة الانجليزية هنا يقصد في الرياض ... المهم كل اجاباتي كانت مقنعة ... لكن سألني انت كم لك متخرج من الجامعة قلت لي سنة تقريبا .. قال ايش سويت في هالسنة هل انت موظف ؟ قلت والله لا . انا مابي اتوظف انامتخرج من ادارة اعمال واعمل مع الوالد ... المهم في الاخير ... ( طبعا انتم عرفتوا قصتي مع المكتب وان الشخص سافر والسفارة تدق عليهم ماحد يرد وانا طحت فيها ) المهم مابعد قابلت حقين المكتب ( اللعن جدفهم ) ... المهم قالي احنا نأسف وراح اعطيك ورقة ابين فيها انك ماقنعتني انك راح ترجع لبلدك لما تروح تدرس انجليزي بكندا ... المهم انا بصراحه لواعطاني الفيزه ماقدر اروح الا بعد اربعة اشهر يعني على شهر 5 لاني مشغول مع الوالد .... واللي اعرفه ان لك مدة شهرين اذا ماسافرت تلغلى الفيزه .... فلحمد لله ...
عاد جتني لبنانية وقالت لي ترى يحق لك انك تقدم من جديد بعد ماتطلع من باب السفارة يعني ممكن تجينا بكره ... قلت لها النفس طابت يالغاليه وقامت تضحك ...
you have not satisfied me that you would leave canada at the end of the temporary period if you were authorized to enter
هذا هو الكلام اللي كنت اقوله لكم عط عليه علامة ....
يعني الا بالغصب يبوني اتوظف ...
ايش رايكم وتعليقكم ؟
انا عاد قلت في نفسي لو اني موظف وشوله اسافر ادرس انجليزي ...
اشكركم على اهتمامكم وكلك زوء ..
من غرااااابة موضوعي ... محد قدر يرد .... لوووووول
غريبة اخوي
انا طلبت الفيزا وجلست 15 يوم زي ماقالوا وجاتني
ولا احد دق علي ولا شي مع العلم اني طالب في الجامعة
الله يعينك ويوفقك
انا تو ماتصلو علي السفاره يقولون موعدك يوم الاحد الساعه 9
الله يعين..
شكلي بتوهق مثلك اموت بالسفر..
وين مكان السفاره اموت بالسفر..انا منب من اهل الرياض..اخاف اضيع..هههههههههههههههه
لا لا تخاف ماراح تضيع ان شاء الله ....
شوف موقع السفارة في حي السفارات ... ومدخل الحي على شارع الملك خالد ... اذا دخلت راح يسألك الشرطي وين رايح تقوله لكندا ... ههههه والسفارة في الدوار الثالث تاخذ يسار وعموما لو سألت الشرطي راح يدلك ...
لا تخاف وخليك واثق ... لما توصل للسفارة يطلب منك البواب اسمك ويقولك تفضل ... انصحك تخليك جوالك في السيارة لانه ممنوع تدخل فيه ...
وبالتوفيق ...
هلا اموت بالسفر..وش تنصحني اقولهم...والاسئله تكون بالإنجليزي ولا فيه مترجم..؟
مرحبا اخي اموت بالسفر
يتضح من كلامك ان سبب تركيز السفارة على اجراء مقابلة ورفضهم للفيزا هو انك عاطل و هم خايفين تروح ولا ترجع لان ما اعندك شي ولو كنت مرتبط بعمل في بلدك او او جامعة كان صارت العملية اسهل بكثير وطلبو تعريف من جهة العمل وخلصت السالفة لذلك لو تحاول خلال هذي الفترة تدبر لك اي عمل يكون افضل
وهذا اللي انا ادري عنه مو ممكن بل اكيد ...
لكن انا ماني في حاجتهم وهم يتوقعون ان السعوديين او الخليجين راح يكونون مثل بعض الدول العربية او الاسوية ماراح يرجعون من الجوع او الفقر .... هذا اكبر غلط .. اصلن ايش اللي يخليني اهجر بلد احتضنتني وعلمتني واكلتني وشربتني وأروح اهاجر لدوله ماعرف فيها حتى الشارع ...
هذا التفكير الخاطئ للأسف اللي تفكر فيه السفارة ماتفرق بين خليجي والعربي بشكل عام ...
طيب انا ماني بحاجه عمل الحمدلله يعني غصب اعمل عشان يعطوني فيزه لا والف لا ....
وانا قلتها للبنانية اللي في السفارة قالتلي ترى تقدر تقدم من بعد ماتطلع من الباب قلت لها النفس طابت وان شاء الله خير من ربي ...
السلاااام شباااب..
ابشركم الحمدلله الامور تمام في المقابله..ومشت اموري بعد الدف والغرابيل..
لكن يبغون فحص طبي ..وان شالله تيسر امور الفيزه بعدها..
وجايينك جايينك يافانكوفر ان شالله..
الحمدلله مبروووك وعقبال تحيقيق طموحااااتك واااااامالك يارب
اموت بالسفر والخيره في ما اختاره الله وانا اختك انا قدمت من شهر رمضان فيزة علاج لابني وكلش تمام بس طلبوا ورقه من الجراح اللي في كندا وكنا نجالسين نستنى الروقه فجاه بدون مقدمات دزوا لنا جوزاتنا بارامكس وخطاب يقولون فيه لا تفكر تقدم مره ثانيه لزوجي ولنا لانه اسماءكم مسجله عندنا وعلاج ابنكم متوفر في بلدكم سبحان الله هذا الكلام من شهرين ونسينا الموضوع وبكيت من الصدمه كيف يتلاعبون فينا وقبل يوم يعني يوم الثلاثاء دقوا على زوجي وقالوا له دز جوزاتك جد جديد وتصدر فيزتك بكره زوجي انصدم قال اذا ابقول لزوجتي مو مصدقه قالت اللبنانيه انا ادق ابشرها دقت وربي كانت صدمه جلست ابكي قلت انتم صدمتنوا يوم رفضتوا الفيزه قبل شهرين مع انه تقول كلش اوكيه ودعيت لها وانبسطت وابشرك وصلت الفيزه امس مدتها 6 شهور بس ابسالك تلغي الفيزه اذا ماسافرت خلال شهرين متاكد ياليت ترد مع جزيل الشكر وربي يسهل عليك ويكتب لك الخيرات
اول حاجه الف مبروووك واتمنى الشفاء العاجل لابنك ياااااااااارب ...
بالنسبة لإستفسارك انا انصحك تتصلين على رقم السفارة وتضغطين رقم صفر وتتأكيدين من المأموره وهي راح تقولك ,/,,,
تحياتي