استفسارات مهمه اول رحلة لنا الى اندونيسيا

السلام عليكم ..

اشكر لكم حرصكم ع مساعدة الجميع .. عندي كذا استفسار ..

هذي اول سفره لي ... انا وزوجتي .. لاكمالنا عشر سنوات ..

اول شي كان بمخططنا نروح بالي لكن الاغلبيه قالو ماتصلح عوايل ومشاكل وكذا صحيح هالكلام !

السؤال المهم .. 1-ابغى منطقة فيها منتجع او مسبح خاص .. وبراشوت ودبابات بحريه وهكذا من الاشياء الترفيهيه يعني شي يشبه بما يوجد في شواطى بالي .. اهم شي منتجع راىع مع الترفيه في الشاطى فين القاه .؟

2- افضل شركة اتصالات .؟
3- افضل مكان للصرافه موقعه فين وهل يوجد فرع للراجحي هناك زي الموجود بماليزيا ؟
4- الفنادق الافضل احجزها من موقع بوكنق ولا عادي احجز هناك .. يعني افككر اول يومين الفندق بجاكرتا احجزه من هنا والباقي هناك زين ولالا .؟

5- منطقة باندونق تنصحوني فيها .؟ وهل فيها منتجعات ؟

6- في اسواق رخيصه زي الموجوده بباندونق في جاكرتا القى ؟

بما انه اول مره اذا ممكن ترتبون لي الرحله وكم اجلس يوم بهالمناطق ..

حاليا التخطيط اللي مو مقتنع فيه كثير لجهلي طبعا عن الجزر اللي اقدر اروح لها كمان

جاكرتا - باندونق- بونشاك

باندونق قريت اني ممكن اروح لها من جاكرتا بالباص او سيارة خاصه صحيح ؟
احط لها 3 ايام ولا كثير .؟

قريت عن جزيرة لومبوك وانها تبعد عن جاكرتا ساعه ونص اقدر اروح لها بسيارة ولا تحتاج طياره ؟

سامحوني ع الاطاله بس محتااار جدا واحس من كثر مااقرأ ماعاد اجمع :)

يعطيكم العافيه جميعا
الرحله من يوم 17 ابريل الى يوم 27 ابريل

افيدوني بما عندكم واقتراحاتكم جزاكم الله خير

وعليكم السلام ورحمة الله وبركاته


اخي الكريم
المدة جدا قصيره
فياليت لو تزودها اقل شئ اربع ايام اذا كان فيها مجال للزيادة
وابشر ان شاء الله مايقصروا معاك الاخوان

بصراحة المدة قصيرة مثل ما قال مشرفنا الغالي يعني 9 أيام بين جاكرتا وبالي أو جاكرتا والجبل ..
وإذا تريد شواطئ وألعاب بحرية وفلل ومنتجعات راقية وبمسبح فطلبك في جزيرة بالي ..
لومبوك جزيرة قريبة من بالي وتحتاج طيران داخلي والفعاليات فيها قليلة ولكن للاسترخاء مناسبة
وفيها منتجعات وفنادق على الشاطئ ..
الكاش هو الأفضل ولا يوجد فرع لمصرف الراجحي ولكن ممكن توزع فلوسك بين روبيات وريال
بفئة 500 ريال وهناك تجد الصرافين في كل مول أو سوق أما بالي إذا كانت بجدولك دولار أو روبيات ..
باندونق لا يوجد لها مكان في جدولك القصير حتى لو تلغي بالي أو لومبوك ..
جاكرتا 1 -- بالي 6 -- جاكرتا 2
أو : جاكرتا 2 -- الجبل 5 -- جاكرتا 2
حدد خياراتك أولاً وبعدها تجد إجابات على بقية استفساراتك والجميع ما يقصروا إن شاء الله ..