رحلتي السياحية الى الولايات المتحدة الأمريكية مايو 2013م

[center]https://www.otlaat.com/arabtravelers...be906f6015.gifوحبيت اشارككم تجربتي المنتاازة .
احدثكم الآن مباشرة من الولايات المتحدة الأمريكية والعودة ان شاء الله بتاريخ 25/05/2013م وحبيت أنزل لكم تقرير عن رحلتي بالكامل وبالتفصيل من الألف إلى الياء من الآن لأني بكون مشغول لما ارجع بالسلامة ان شاء الله علماً بأني أول مرة أسافر خارج إطار الدول العربية والحمد لله سهالات وتوفقنا بالرحلة هذي وانبسطتنا آخر انبساط.جهزوا البيبسي والشاهي والفشار والمكسرات لأن التقرير شوي دسم وببربر فيه عليكم الين تقولون لا يكثر https://www.otlaat.com/arabtravelers...be906f6028.gif وعلشان يستفيد جميع الأعضاء بسرد لكم الرحلة كاملة مع نصائح ومعلومات تهم المسافر لأول مرة إلى أمريكا وكيفية التجهيز للسفر والتقديم للتأشيرة وحجز التذاكر والفنادق والسيارة الى الوصول والعودة بإذن الله فبسم الله نبدأ:

التجهيز للسفر

- ارسل صورة من الجوازات مع التأشيرة إلى ايميلك الخاص لأنك بتحتاجهم اذا ضيعت الجوازات لا قدر الله.
- احرص يكون معاك بطاقة فيزا لأنها مهمة جداً لحجوزات التذاكر والفنادق وإيجار السيارة, انا استخدم فيزا تسوق الراجحي ممتازة لكن عيبها ان سعر صرف الدولار بـ 3.80 ريال ويمكن 3.82 ريال.
- لازم تجيب معاك رخصة القيادة, كل رخص القيادة معتمدة بشرط تكون مكتوبة باللغة الإنجليزية.
- بالنسبة للعزبة لا تجيب معك رز أو اندومي أو سوائل ممنوع واخذوهم علينا بالمطار والخضار و الفواكه لو جبتها وشافوها مخيسة او فيها عفن ياويلك ويلاه عليها غرامات مالية باختصارجيب معك معلبات فقط سواءً بهارات أو أكل لازم يكون معلب وما يكون مفتوح وبتتسهل امورك.
- تجهيز الكاميرا وعدة التصوير.- حول لك مبلغ 2000 دولار من صراف معتمد بالسعودية, انا اتعامل مع العمودي للصرافة والدولار بـ 3.76 ريال والباقي خله في بطاقة الفيزا.- مظلة ضرورية جداً للمطر والشمس.- اشتري لك جوتي رياضي اكرمكم الله او نعال طبي.- أدوية بسيطة = حرارة, كحة, كريم شمس, بندول اكسترا, بخاخ للأنف.
- ملابس شتوية وصيفية.- سجادة صلاة.- اسرع طريقة لتحويل الاموال لجميع انحاء العالم عن طريق Western Union وكيلها في السعودية إنجاز فيفضل لو احد من اخوانك عنده بطاقة انجاز علشان يحول لك عند الحاجة لا قدر الله.- حمل هالبرامج لجوالك (IPray,Sygic, Zabiha, Booking, Kayak, Skyscanner, Google Maps) مهمة جداً جداً وبشرحها لكم بالتقرير.- جيبو معاكم أفياش وشواحن وهذي منافذ و افياش امريكا

https://www.otlaat.com/arabtravelers...e906f6Port.jpg

الكاميرا المستخدمة

كانون 550D

https://www.otlaat.com/arabtravelers...n-EOS-550D.jpg

التخطيط للرحلة

شهرين كاملين.

اعضاء الرحلة

انا وزوجتي فقط وبناتي الله يحفظهم تركتهم عند امي وعمتي لأنهم توهم صغار وبيتعبون كثير خصوصاً انها اول مرة.

الوجهه

نيويورك و اورلاندو فقط.

تاريخ السفر

من 9/5/2013 إلى 25/5/2013

مدة الرحلة

18 يوم – يوم السفر ويوم العودة مايحسب لأنك بتوصل تنخمد على خشتك ومالك خلق تروح اي مكان https://www.otlaat.com/arabtravelers...906f6nbl6i.gif

تقسيم الأيام

5 ايام نيويورك و 13 يوم اورلاندو.

الحصول على الفيزا
حطيت موضوع متكامل عن حصولي على الفيزا اسمه تجربتي مع الفيزا الأمريكية – قنصلية الظهران بهذا الرابط

تجربتي في استخراج الفيزا الامريكية الظهران

معلومات هامة عن امريكا

(الإنترنت)

الإنترنت في امريكا سريع وكل شي مفتوح جميع المواقع مفتوحة فإنتبهو وعلموا عيالكم وأهلكم فديتكم وخلوهم ينتبهون اذا بغو يستخدمون النت.

(شرائح الجوال)

تقدر تشتريها من المطار بتلقون مكاتب لشركة AT & T وT.Mobile والشريحة تقريباً بـ 70 دولار مع انترنت مفتوح لمدة شهر واتصال محلي مفتوح لمدة شهر.

انا عن نفسي ماشريت شرائح لأني لما وصلت أمريكا على طول اتصل بشبكتهم وصرت استقبل الرسايل والمكالمات بس بشرط انك تشحن رصيد قبل ماتسافر.

(الحياة الإجتماعية)

شعب امريكا من اطيب الشعوب اللي قابلتهم في حياتي للامانه بغض النظر عن أي شيء لكنها دولة متفتحة جداً يعني ممكن في اي لحظة تلقى منظر مخل قدامك حضن وبوس سواءً في الشارع او المطعم او الباص او الملاهي خصوصاً اورلاندو لأنها ملتقى السياح يعني في اي مكان ولا تقول والله مادريت انهم كذا https://www.otlaat.com/arabtravelers...4c5dffa029.gif وكلن في حالة هناك مالهم شغل في احد – اعذروني على الصراحة لكن علشان يستفيد الجميع.

(النقاب والحجاب في امريكا)

النقاب في امريكا عادي جداً ولقيت منقبات ومحجبات كثير في امريكا لكن المشكلة الوحيدة ان النقاب يلفت الأنظار بشكل غير طبيعي وتلقى العالم كلهم يناظرون في المنقبة وكأنها معلم سياحي وتلقاهم يحاولون يصورونها لأن بعضهم اول مرة يشوف النقاب على الطبيعة. اما بالنسبة للحجاب فهو ممتاز مع لبس نظارة شمسية كبيرة واموركم بتكون تمام التمام وماراح تلقى احد يناظر فيك والحمد لله امريكا ملياااااانه محجبات.

(تفصيل العباية المناسبة لأمريكا)

انصح بتفصيل عباية لأخواتي المسافرات تكون خفيفة والوانها حلوة وغامقة وتقدرون تطبعون صور من النت وتودونهم للخياط يفصلها لكم, وهذي صور عبايات من النت.

https://www.otlaat.com/arabtravelers...5dffaAbaya.jpg

(نظرتهم للمحجبة)

بصراحة قمة الإحترام والتقدير للمحجبات احرجوني بأخلاقهم ودايما مبتسمين لنا بكل احترام.

(البقشيش في امريكا)

الصورة هذي تشرح لكم كيف تعطيهم بقشيش.

https://www.otlaat.com/arabtravelers...SA+Tipping.jpg

الميزانية

20000 ريال = 5334 دولار (شامل جميع الحجوزات والتماشي ولا يشمل تذاكر الطيران) تزيد الميزانية بزيادة عدد الاشخاص.

المصروف اليومي

60 دولار إلى 70 دولار.

تذاكر الطيران

جميع الحجوزات تمت عن طريق الإنترنت لأنها ارخص من مكاتب الطيرانتقريباً بـ 500 ريال والحجز تم ببطاقة فيزا تسوق الراجحي وأفضل المواقع للحجز عن طريق النت موقع KAYAK و موقع SKYSCANNER

خط السير

الذهاب 16 ساعة (البحرين – لندن - نيويورك) طيران الخليج = 1201.80 $ = 4543 ريال

ملاحظة/ ضروري قص البوردينغ عن طريق الموقع قبل الرحلة بـ 24 ساعة وحجز المقاعد الحلوة قبل الزحمة عن طريق الدخول لموقع الطيران واختيار Manage My Booking

العودة 18 ساعة (اورلاندو – واشنطن - البحرين) خطوط UNITED = 676 دينار بحريني = 6760 ريال

حجز 2 مقاعد على نفس الخطوط = 42 $ = 159 ريال

الطيران الداخلي

على خطوط JETBLUE إلى أورلاندو ساعتين ونص 2 مقاعد = 253.80 $ = 960 ريال – مهم جداً الحجز قبل السفر باسبوعين على الأقل لأن الأسعار تزيد ويسمح بشنطة واحدة مجاناً لكل مسافر و اليكم طريقة حجز الطيران الداخلي عن طريق شركة JETBLUE:

الدخول على موقع الشركة وتحديد التاريخ والوجهه ذهاب فقط او ذهاب وعودة بحسب جدول الرحلة

https://www.otlaat.com/arabtravelers...faJet+Blue.jpg

تحديد الوقت والسعر يظهر بالزاوية لعدد شخصين

https://www.otlaat.com/arabtravelers...Jet+Blue+1.jpg

تعبئة بيانات المسافرين بنفس معلومات الجواز

https://www.otlaat.com/arabtravelers...Jet+Blue+3.jpg

اختيار المقاعد محددة باللون البرتقالي

https://www.otlaat.com/arabtravelers...Jet+Blue+4.jpg

بعد الدفع عن طريق فيزا تسوق الراجحي تطلع لك شاشة التاكيد ويرسلون لك ايميل تاكيد الحجز اطبعة وخله عندك

https://www.otlaat.com/arabtravelers...Jet+Blue+5.jpg

حجز السيارة

ضروووووووووووووووووووري تحجز سيارة لأورلاندو فقط مهمة جداً جداً وقبل ما احجز السيارة شيكت على الشركات اللي لهم مكتب بمطار اورلاندو الدولي MCO وهي :

https://www.otlaat.com/arabtravelers...ec7MCO+Car.jpg

وهذي الشركات اللي مالهم مكتب بمطار اورلاندو الدولي MCO

https://www.otlaat.com/arabtravelers...CO+Car+off.jpg

النسبة لحجز السيارة كان عن طريق موقع CARRENTALS وهو موقع ممتاز يعطيك ارخص حجوزات سيارات لجميع الشركات تقريباً وانا حجزت السيارة لأورلاندو فقط لأن نيويورك مايبيلها سيارة ابد كل شي جنبك بس يبيلها قوة مشي https://www.otlaat.com/arabtravelers...ec7smilie2.gif واخترت شركة DOLLARيالله اوريكم كيف حجزت السيارة:

الدخول لموقع CARRENTALSوتحديد التاريخ والوقت والمكان

https://www.otlaat.com/arabtravelers...9ec7DOLLAR.jpg

بتطلع لك لسته طويييله اختار السيارة والسعر اللي تبي وجنبها اسم الشركة ولا تنسى تختار الشركات اللي موجودة بالمطار

https://www.otlaat.com/arabtravelers...c4DOLLAR+2.jpg

عبي بياناتك كاملة

https://www.otlaat.com/arabtravelers...c4DOLLAR+3.jpg

بيطلع لك سعر الايجار لازم تختار YES في الخانة اللي تخص التأمين وبينضاف سعر التأمين وبعدين عبي بيانات الفيزا
https://www.otlaat.com/arabtravelers...c4DOLLAR+4.jpg

ملاحظة/ مبلغ التأمين بيخصم مباشرة ومبلغ اجار السيارة بتدفعة عن طريق الفيزا لما تستلم السيارة علماً بأن فيزا تسوق الراجحي مقبولة في امريكا بدون مشاكل عن تجربة شخصية لكن بشرط تكون من النوع اللي الأرقام تكون محفورة بالبطاقة

حجز الفنادق

نيويورك

4 ليالي 5 ايام 878 $ غير شامل الضرائب والإجمالي = 1021 $.

Metro Apartments

https://www.otlaat.com/arabtravelers...256c4METRO.jpg

تحديد التاريخ وعدد الأيام ونوع الغرفة مع ملاحظة الشروط المحددة بالأحمر, احنا اخترنا ستوديو علشان نطبخ لنا اكل او اي شي خفيف لو جعنا بالليل

https://www.otlaat.com/arabtravelers...b7aMETRO+2.jpg

تعبئة البيانات كاملة مع معلومات الفيزا علماً بأنهم ماخصمو ولا ريال الا لما وصلت دفعت لهم كاش بالدولار ارخص من اني اخليهم يخصمونها من الفيزا لأن فرق الصرف بيكون اكثر

https://www.otlaat.com/arabtravelers...b7aMETRO+3.jpg

اورلاندو

5 ليالي 6 ايام 291.80 $ غير شامل الضرائب والإجمالي = 345 $

Travelodge Suites East Gate Orange

اورلاندو 7 ليالي 8 ايام 392 $ غير شامل الضرائب والإجمالي = 441 $

Super 8 - Orlando International Drive North


آآآآآخ تعبت 3 ساعات ونص اكتب المقدمة https://www.otlaat.com/arabtravelers...25b7a7tmqf.gif بنام الحين وبكره ان شاء الله اكمل لكم التقرير ومع احلى بداية والإنطلاق إلى مدينة نيويورك


... تابعوني

تقرير ثري و منظم، فجزاك الله خيراً.

متابعون ....

شكرا لكموضوع متميز جدا ومفيد

بداية قوية
يعطيك العافية على المعلومات
متابعين للاخر

سعود بن محمد
تسلم يالغالي

حمود 2013
العفو حبيبي

حبيب الكل Aziz
يالله كيف نسيتك !!!
سامحني والله نسيت احط اسمك اول واااااااحد لأن انت اكثر واحد استفدت من مواضيعه والعذر والسموحه منك :( فالفضل لله ثم لك يابو العز :) من الموبايل

ابو لانا
تعجز كلمات الشكر والثناء
عن مدحك
فلك الشكر للجهد الجبار اللي تقوم به
سجلني متابع للاخر
اخوك ابوسلمان

الله يعطيك العافية موضوع جدا مفيد

سجلني من اشد المتابعين

https://www.otlaat.com/arabtravelers...quote_icon.png المشاركة الأصلية كتبت بواسطة فتى الوجيد

ابو لانا
تعجز كلمات الشكر والثناء
عن مدحك
فلك الشكر للجهد الجبار اللي تقوم به
سجلني متابع للاخر
اخوك ابوسلمان

حياك يابو سليمان أنا اللي عجزت اوصف مشاعري فديتك https://www.otlaat.com/arabtravelers...1c25b7a001.gif

https://www.otlaat.com/arabtravelers...quote_icon.png المشاركة الأصلية كتبت بواسطة الإكوادوري


الله يعطيك العافية موضوع جدا مفيد

سجلني من اشد المتابعين



الله يعافيك يالإكوادوري

تقرير رااائع
بانتظار الجزء الثاني من الموبايل

مبييييين خووووش تقرير تنظيم + سرد التفاصيل عندي اهم شيي

لااااا يووقف متشوقين لنيويورك

يعطيك العافيه من الموبايل

لكن أبو لانا قص البوردينغ اللي من لندن إلى نيويورك مطار
اكفشhttps://www.otlaat.com/arabtravelers...5b7atongue.gif
مين اللي بيكتب التقرير بالظبط ( انت ) ولا ( ام لانا)
مسنترهhttps://www.otlaat.com/arabtravelers...b8da49d025.gif وحطيت بيرة الرمان بالثلج امزمز عليها
بس دخيلك ابغي تصوير بالتفصيل الدقيق للفندق
وهل توجد قنوات عربيه في التلفزيووو

ما شاء الله تبارك الله


تقرير راااايق الصراحه ومرتب ومتكتك !
أحب الرحلات الاقتصادية ..
متابع للتقرير بإذن الله ,

الله يعطيك العافيه يا ابو لانا
شرح وسرد جميل
الله يبارك فيك لحبك النصيحه ونشر الفائده
عندي استفسارات
كم مدة الفيزا الي اعطيتك لك من القنصليه الامريكيه بالظهران
وكم اعطاك فتره اقامه موظف الجوازات عند دخولك لامريكا
وبالتوفيق

بداية التقرير أعجبتني كثير
ترجع بالسلامة وأتمنى أنكم إستمتعتم بالرحله
متابع معك

بصراحة قمة في السرد و التسلسل و الروقان. كمل ترى في انتظارك من الموبايل

https://www.otlaat.com/arabtravelers...quote_icon.png المشاركة الأصلية كتبت بواسطة شكبم


لكن أبو لانا قص البوردينغ اللي من لندن إلى نيويورك مطار
اكفشhttps://www.otlaat.com/arabtravelers...a49dtongue.gif
مين اللي بيكتب التقرير بالظبط ( انت ) ولا ( ام لانا)
مسنترهhttps://www.otlaat.com/arabtravelers...18b7b71025.gif وحطيت بيرة الرمان بالثلج امزمز عليها
بس دخيلك ابغي تصوير بالتفصيل الدقيق للفندق
وهل توجد قنوات عربيه في التلفزيووو



ههههه لا والله انا اكتب التقرير لكن من كثر الصور تلخبطت وبالنسبة للبوردينغ انا طلعته من النت وصورته ووريته لهم ولما اوصل المطار هم على طول يقصونة لي اختصار للوقت يعني لو كان عندي طابعة ماكان قصو لي البوردينغ, وبالنسبة للتفاصيل ابشروا انا بحاول اسردها كاملة.

https://www.otlaat.com/arabtravelers...quote_icon.png المشاركة الأصلية كتبت بواسطة kakashi9

ما شاء الله تبارك الله


تقرير راااايق الصراحه ومرتب ومتكتك !
أحب الرحلات الاقتصادية ..
متابع للتقرير بإذن الله ,

حياك ياكاكاشي
تراني استفدت من تقريرك كثير فديتك تابعني وفالك طيب ...

https://www.otlaat.com/arabtravelers...quote_icon.png المشاركة الأصلية كتبت بواسطة مهند الاصلى


الله يعطيك العافيه يا ابو لانا
شرح وسرد جميل
الله يبارك فيك لحبك النصيحه ونشر الفائده
عندي استفسارات
كم مدة الفيزا الي اعطيتك لك من القنصليه الامريكيه بالظهران
وكم اعطاك فتره اقامه موظف الجوازات عند دخولك لامريكا
وبالتوفيق



هلا اخوي مهند الله يعافيك
بالنسبة للفيزا انا حطيت موضوع كامل عن الفيزا بالصفحة الأولى لكن بجاوبك حبيبي عطوني فيزا لمدة سنة ومدة الإقامة ستة شهور من تاريخ 9-5-2013 الى 8-11-2013

https://www.otlaat.com/arabtravelers...quote_icon.png المشاركة الأصلية كتبت بواسطة عادل الردادي

بداية التقرير أعجبتني كثير
ترجع بالسلامة وأتمنى أنكم إستمتعتم بالرحله
متابع معك

الله يسلمك اخوي عادل

https://www.otlaat.com/arabtravelers...quote_icon.png المشاركة الأصلية كتبت بواسطة أم سلمانو


مبييييين خووووش تقرير تنظيم + سرد التفاصيل عندي اهم شيي

لااااا يووقف متشوقين لنيويورك

يعطيك العافيه من الموبايل



حياك الله يا ام سلمانو ابشري تابعيني وفالك الطيب

https://www.otlaat.com/arabtravelers...quote_icon.png المشاركة الأصلية كتبت بواسطة رياض الرياض


بصراحة قمة في السرد و التسلسل و الروقان. كمل ترى في انتظارك من الموبايل



انت القمة ياحلو .... تابعني ...

بدايه موفقه بأنتظار القادم

آخوي تكلفة رحلتك شهر مآششآءآلله لـ آمريكآ بس 20 من غير آلتذآكر .. ؟؟

https://www.otlaat.com/arabtravelers...quote_icon.png المشاركة الأصلية كتبت بواسطة niceguy888


بدايه موفقه بأنتظار القادم



هلا بالفتى الكويس ابشر بعزك

https://www.otlaat.com/arabtravelers...quote_icon.png المشاركة الأصلية كتبت بواسطة Bashier


آخوي تكلفة رحلتك شهر مآششآءآلله لـ آمريكآ بس 20 من غير آلتذآكر .. ؟؟



هلا بشير الرحلة على بعضها 18 يوم بس والحمد لله مع التخطيط كفت الميزانية بالراحة

ماشاء الله تبارك الله

اول شي : الحمد لله على السلامة

ثاني شي شكلنا بالفعل موعودين بتقرير مرتب ومنظم وبالتفاصيل الرائعة

سعيد جداً بالبداية القوية

ومتحمسين للتكملة

تقبل ردي المتأخر واعتذاري

وفي الانتظاااااار :)

وعليكم السلام ورحمه الله وبركاته
ماشاءالله تبارك الرحمن
التقرير ناري

الله عليك تقرير ولا اروع متابع معك وخصوصاً اني ناوي ازور usaالله الله بالتفاصيل الممله الموضوع الى المفضله لاهنتــ ولا تبطي

تقرير مفصل ورائع جداًأستمر بأدق التفاصيل
والحمدلله على السلامة

https://www.otlaat.com/arabtravelers...quote_icon.png المشاركة الأصلية كتبت بواسطة mmmr240


هلا بشير الرحلة على بعضها 18 يوم بس والحمد لله مع التخطيط كفت الميزانية بالراحة



حلو بس غريبه كل شي غآلي بـ آمريكآ وآغلب الاشياء عليهآ ضرآئب
مآتوقعت تكون ب هـ آلررخص إلآ إدآ آلوآحد تقشف ..~
آسمي بشآير :) مو بشير ..~
وبـ آلتوفيق ..~

ان شاء الله جاي يوم الخميس نيويورك والف شكر على المعلومات الجميلة والرائعة من الموبايل

https://www.otlaat.com/arabtravelers...quote_icon.png المشاركة الأصلية كتبت بواسطة Bashier


حلو بس غريبه كل شي غآلي بـ آمريكآ وآغلب الاشياء عليهآ ضرآئب
مآتوقعت تكون ب هـ آلررخص إلآ إدآ آلوآحد تقشف ..~
آسمي بشآير :) مو بشير ..~
وبـ آلتوفيق ..~



هههههه اسف والله اخت بشاير المعذرة والعتب على النظر، بالنسبة للرحلة ابشرك بدون تقشف كلها فله ووناسة وانا كنت ضارب حسابي على اكثر لكن الحمد لله، تابعي التقرير واتمنى انه يعجبك :-)

https://www.otlaat.com/arabtravelers...quote_icon.png المشاركة الأصلية كتبت بواسطة Impact


ماشاء الله تبارك الله

اول شي : الحمد لله على السلامة

ثاني شي شكلنا بالفعل موعودين بتقرير مرتب ومنظم وبالتفاصيل الرائعة

سعيد جداً بالبداية القوية

ومتحمسين للتكملة

تقبل ردي المتأخر واعتذاري

وفي الانتظاااااار :)



نورت الموضوع ياشيخ Impact وابشر ترى الجاي احلى

https://www.otlaat.com/arabtravelers...quote_icon.png المشاركة الأصلية كتبت بواسطة فــيـصـل


وعليكم السلام ورحمه الله وبركاته
ماشاءالله تبارك الرحمن
التقرير ناري



هلا والله بالمدير فيصل دايما تنورنا بوجودك وطلتك الحلوة

شباب اعذروني اذا مارديت على بعضكم تراني الان اكلمكم من مطار واشنطن راجعين للسعودية بإذن الله، بس نوصل بالسلامة بكمل لكم التقرير... تابعوني...

تقريرك رحلة بحد ذاته



الف شكر

الحمد الله على السلامة

الحمد الله يسر سفرتكم
زين يوم حصلتوا مطعم حلال في نيويورك

في انتظار باقي التقرير

الحمد لله على السلامة

ماشاء الله تقرير دقيق وبه الكثير من التفاصيل المهمة

متابع معاك

ما شاء الله تقرير صاااروخي

أبداااع

لا يوقف لا يوقف لا يوقف

متابعه وبقوووة