-
أرجو المساعدة من مسافر جديد إلى أمريكا
مساء الخير ، اخوي عزيز أنا رايح أمريكا الغربيه لوس أنجلس سان دييغو لأس فيغاس ، من مطار الكويت على الطيران القطري او البريطاني ، موضوع الاستفسار : 1. ترتيب الولايات اللي ابي اروح لها منو الاولى منو الثانية منو الثالثة والمسافه اللي بينهم بالسيارة. 2. الفنادق بكل ولاية ، كل ولاية فيها 10 أيام إجازتي 30 يوم بشهر يوليو. 3. السفر لشخصين الفنادق تكلفتها 1000 دينار 4. تكلفة المصروفات الأكل السياحة رسوم الألعاب التسوق 4000 دينار كويتي كافي ولا لأ وشكرا جزيلا ، الرجاء الكتابة بخط كبير شكرا لكم من الموبايل
-
رد: أرجو المساعدة من مسافر جديد إلى أمريكا
اذا بتخلي وصولك ورجوعك من مطار لوس انجلوس
خلها :
لوس انجلوس
لاس فيغاس
سان دييغو
لوس انجلوس
اما اذا بتخليها
الوصول لاس فيغاس و العودة لوس انجلوس
لاس فيغاس
سان دييغو
لوس انجلوس
و اجوفه الخط الافضل عشان ماتضرب مشوار 4 - 5 ساعات مرتين
-
رد: أرجو المساعدة من مسافر جديد إلى أمريكا
شكرا انه في احد رد علي ناطر من أمس ولا في اي رد من الأعضاء والمشرفين التابعين لأمريكا، المهم لأس فيغاس فيها مطار؟؟؟؟؟ من الموبايل
-
رد: أرجو المساعدة من مسافر جديد إلى أمريكا
اذا لأس فيغاس فيها مطار يصير تكون الرحلة لوس أنجلس سان دييغو لأس فيغاس؟؟؟؟؟ المسافات جم بينهم الثلاثة ؟؟؟؟؟؟؟؟؟؟؟ بالسيارة من الموبايل
-
رد: أرجو المساعدة من مسافر جديد إلى أمريكا
مشكوره منيره اعتقد انتي راح تخططين لي رحلتي بس لا تتأخرين بالرد علينا مشكوره من الموبايل
-
رد: أرجو المساعدة من مسافر جديد إلى أمريكا
نعم لاس فيغاس فيها مطار
المسافة منها الى لوس انجلوس او سان دييغو تقريبا متقاربة في حدود 4 الى 5 ساعات
لوس انجلوس الى سان دييغو يعتمد وين مكانك بالضبط في لوس انجلوس بس بحدود ساعة ونص ساعتين
-
رد: أرجو المساعدة من مسافر جديد إلى أمريكا
أوكي حلوووو ، الحين أنا راح انزل بمطار لأس فيغاس عشرة ايام بعدين سان دييغو جم المسافة بالسيارة عشره ايام بعدين من سان دييغو إلى لوس أنجلس جم المسافة بالسيارة وارجع الكويت من مطار لوس أنجلس وشنوا الفنادق اللي لأس فيغاس وسان دييغو ولوس انجلس من الموبايل
-
رد: أرجو المساعدة من مسافر جديد إلى أمريكا
او العكس لوس أنجلس الوصول المغادرة لأس فيغاس من الموبايل
-
رد: أرجو المساعدة من مسافر جديد إلى أمريكا
لاس فيغاس ماتحتاج 10 ايام !!!!!!
كفاية عليها 3 4 ايام بس
مادام عندك شهر زور سان فرانسيسكو
يعني خل الرحلة تبتدي بسان فرانسيسكو
وتنتهي بلاس فيغاس
يعني
4 ايام سان فرانسيسكو
و بالسيارة الى لوس انجلوس 16 يوم
و ممكن تستخدم يومين منها للمبيت في الطريق
اقرى عن خط سان فرانسيسكو لوس انجلوس خط رقم 1 على المحيط
رحلة اقرب للخيال
بالسيارة الى سان دييغو 5 ايام
و بالسيارة الى لاس فيغاس 4 ايام
-
رد: أرجو المساعدة من مسافر جديد إلى أمريكا
مابي سان فرانسيسكو حاره يقولون وبالطريج بالسيارة طويل مابيها ، عطيني الوصلة مالت سان فرانسيسكو اقرأ عنها ويمكن اروح لها من الموبايل
-
رد: أرجو المساعدة من مسافر جديد إلى أمريكا
من قال سان فرانسيسكو حر
بالعكس هي ابردهم
لاس فيغاس اللي حر
-
رد: أرجو المساعدة من مسافر جديد إلى أمريكا
امممممممممم ، انزين رتبي لي الوصول لوس أنجلس والمغادرة لأس فيغاس ، من لوس أنجلس إلى ساندييغو بالسيارة جم ساعه وهكذا للولايات الثانية لما أوصل حق المغادرة لاس فيغاس مشكوره من الموبايل
-
رد: أرجو المساعدة من مسافر جديد إلى أمريكا
جاوبت على السؤال من قبل :)
-
رد: أرجو المساعدة من مسافر جديد إلى أمريكا
دقريني اكثر :( من الموبايل
-
رد: أرجو المساعدة من مسافر جديد إلى أمريكا
وين رابط سان فرانسيسكو علشان أقرى عنه من الموبايل
-
رد: أرجو المساعدة من مسافر جديد إلى أمريكا
امممممممم ، أنا راح أسوي مخطط لرحلتي وإذا في تغييير قولي لي ومشكوره من الموبايل
-
رد: أرجو المساعدة من مسافر جديد إلى أمريكا
-
رد: أرجو المساعدة من مسافر جديد إلى أمريكا
ممكن مساعدة من ناحية التذكرة بالأول كانت سهله إقلاع ووصول نفس المطار الحين تغير ، على الخطوط القطرية مو قادر اضبطها، ابي السعر على الدرجة السياحيه و على درجة رجال الاعمال شخصين الكويت لوس أنجلس العودة لاس فيغاس الكويت التاريخ شهر ابريل كامل1-31 ابي اعرف السعر مشكورين من الموبايل
-
رد: أرجو المساعدة من مسافر جديد إلى أمريكا
روح على اليونايتد
http://www.united.com
سعر الشخص 372 دينار .. واحجز مبجر عشان السعر يكون مناسب
-
رد: أرجو المساعدة من مسافر جديد إلى أمريكا
على السياحيه هالسعر؟ شوف لي درجة رجال الاعمال اذا سمح تحط لي رابط التذكرة علشان اعرف مشكور من الموبايل
-
رد: أرجو المساعدة من مسافر جديد إلى أمريكا
على اليونايتد يعطيني بس من الكويت إلى لوس انجلس ما يعطيني الرجعة أنا كاتب من لاس فيغاس الى الكويت علشان جذي اقولك انسخ لي رابط التذكرة ومشكور من الموبايل
-
رد: أرجو المساعدة من مسافر جديد إلى أمريكا
www.united.com
دش الموقع وسو بحث الطريقة سهلة .. حط الروحة اللي تبيها والردة وتطلعلك الاسعار
رابط التذكرة لو حطيته لك هني ممكن تدش يكون متغير
-
رد: أرجو المساعدة من مسافر جديد إلى أمريكا
سان فرانسيسكو باردة بالصيف وتحتاج ملابس شتوية!! وطبعا بالشتاء الجو أبرد.. من قالك انها حاره؟؟
لا فيغاس حاره جدا، الدرجة بالأربعينات بالصيف ، وراح تذكرك بالكويت،، ومثل ما قالولك الاخوان، فيغاس حدها 3 او 4 ايام من الموبايل
-
رد: أرجو المساعدة من مسافر جديد إلى أمريكا
بالنسبة ليونايتد، في دايركت من الكويت الي واشنطن 4 ايام بالأسبوع ، وإذا طاير من لاس فيغاس لازم ترجع واشنطن بالأول بعدين الكويت