استفسار عن ذا الفندق اللي كوتا بونقــأ في بونشــــــــــــــــــاك طلبتـــكم

الســــــــــلأأم عليكم

بعد البحث والخيارات الموجودة في بوكنج


لقيت ذا الفندق مدري كيف كويس او لا ابي رائيكم




Club Bali Suites at Kota Bunga






واتوقع انة في وسط كوتا بونقا بيطلع علي انا وخويي بـ 1200 ريال مدة سبع ليالي


يستاهل او لا


علما باني اول مرة اسافر ومتوهق في سكن بونشاك ذا


ومابي اروح هناك واحجز لاني احس اني بتوهق


علما بان سفرتي في 14 سبتمبر


وش رايكم ي الربع


واذ فية خيارات


ثانية


علموني


ترا اول سفرة

والله يااخ انا رحت لمجمع كوتا بونقا الفلل من برا شكلها جميل ولكن مانسمع عن حوادث مخيفه تحصل فيها روح اسكن في جراند هيل او سيروني فنادق جميله وامنه وقريبه من اغلب الخدمات
وفيه موضوع في القسم عن اخ صارت له مشكله وهو نايم تعرض لسرقه
اتمنى لم سفره امنه ...

وعليكم السلام ورحمة الله وبركاته
مثل ما قالت اختنا منيرة الفندق يقع في مجمع كوتا بونقا والفندق عادي جداً واثاثه متواضع ...
اذا رغبت بالافضل فتوجه الى فندق سيروني او فندق قراند هيل قريبة من الخدمات وموقعها رائع

https://www.otlaat.com/arabtravelers...quote_icon.png المشاركة الأصلية كتبت بواسطة moneira70
http://www.arabtravelersforum.com/tr...6/#post8330866

والله يااخ انا رحت لمجمع كوتا بونقا الفلل من برا شكلها جميل ولكن مانسمع عن حوادث مخيفه تحصل فيها روح اسكن في جراند هيل او سيروني فنادق جميله وامنه وقريبه من اغلب الخدمات
وفيه موضوع في القسم عن اخ صارت له مشكله وهو نايم تعرض لسرقه
اتمنى لم سفره امنه ...





وودي في سيروني بس ماعرف طريقة الحجز فية وجربت الموقع الاندونسي من اسبوعين ومحد رد علي وماعرف احد هناك


؟؟

انا لما رحت سيروني سألتهم قلت لو ابي احجز عندكم وانا ف السعوديه كيف قال لي اتصلي فينا وعطاني الكرت حقهم بس للاسف ضيعته
سألته هل احتاج احول مبلغ قال لا
ابحث عن رقم الفندق او بخششهم اذا وصلت وراح تحصل على كل ماتبي

شف ونا اخوك اذا تبي براد وسط غيوم وضباب خذ فندق اسمه بونشاك باس واحرص علي طلب غرفه 301 حيث مطل البلكونه ممتاز بس حقت 2 وعندهم اكواخ جميله اذا عددكم اكبر ميزته امن ومجاور للخط حقهم بمنطقه شيبناس يعني خط البلده رايح جاي وهي اعلي وابرد منطقه بالجبل يغلب الهدؤ فيه واذا تبي جنب مطاعم واسواق ورخيص فيه فندق اسمه اعتقد بوشناك بلاس ذي اتوقع المنابه لك وكله باالبوكننق تلقاه بس انتبه اذا تتروح بعطلة الحج لازم تحجز مبكر حيث عطلة العيد لديهم تتوافق معنا

نصيحه ابتعدت عن مجمع كوتا بونقا لنها غير خاضعه لـ امان كما يقوله البعض لن فيها مشاكل كثيره

عندك سيروني افضل والامان بعد الله موجود وموقعها مميز برضو

جزاكم الله خير كلككم خلوكم معي تكفون خويكم اول مرة يسافر

http://www.arabtravelersforum.com/user24166/

نعم اخي الغالي حنا اثنين ونبي شي نظيف وبراد وضباب وبالنسبة للفندق اللي قلت علية ممتاز ممكن تعطيني رابطة في البوكنج لاني ابي شي مريح ادخل انام واطلع ولا ارجع الا على النومة


وانا رايح في الحج زي ماقلت لزم يكون معي حجز

وهل تنصحون فية او في منتجع نفوس في بونشاك وش رايكم يالربع وماهي مميزات نفوس وماهي مميزات بونشاك باس وكم يبعون عن الاماكن السياحة وحديقة الحيوانات والشلالات السبع شكرا لكم

كما اجابك الاخوان ياغالي
كلوب بالي التاثيث وقديم وبوسط كوتا بونقا علي طرف بحيرتها وكل المنتجعات تقريبا بنفس النمط لايوجد شي تاثيثه فخم مثلا الا فلل غاليه

شف هلرابط عنه
http://www.arabtravelersforum.com/travel301178/

نوفوس ايضا مثله مو جديد وشكلك تدور بالنت علي حجز مؤكد يوم الوصول
رغم انكم شباب ممكن تحجزون وتدورون فلل براحتكم انت حسب اسئلتك خايف من وقت السفر وعيد الاظحي ياغالي انت رحلتك يوم 14 سبتمبر يعني يوم 19 ذي القعده توك علي اجازه الحج 20 يوم بينك وبين العيد
عموما
نوفوس قديم ولا هو مجدد وغويلي شوي مهب حق تاثيثه كفلل لان فيه فلل وفندق
وكلوب بالي في كوتا بونقا زي ماافادوك الاخوان وهو اقل درجه من نوفوس

ممكن تشوف مجمع جياكرتا وهو اغلي منهم بس مافيه غرفتين فيه فلل من 3 غرف
http://www.agoda.com/ar-ae/jayakarta...EpLKdlme8IQ%3d
وفيه غرف فندقيه بدون فلل وتراه غويلي شوي وفيه ازعاج شباب
بس ممكن يوم وتدور فلل براحتك اذا حاب

بونشاك باس هذا رابطه من بوكنق
http://www.booking.com/hotel/id/punc...tml?aid=358324


--------------
وكاجابه سريعه
بونشاك باس ونوفوس تقريبا في وسط القمه بين بونشاك وشيباناس يعني منطقه مرتفع شوي تفصل بين بونشاك وشيباناس
كوتا بونقا وكلوب بالي فيها في شيباناس
جياكرتا في بونشاك اقرب لشيسرواه

سفاري والشلالات السبعه وماتاهاري تامان هذي اقرب لشيسرواه وبونشاك

البراشوت ومصنع الشاهي وبحيره الالوان في النص في القمه يعني اقرب لنوفوس وبونشاك باس

حديقة الزهور وشيبوداس اقرب لكوتا بونقا

جاك اشهذ بالله انك وافي ونعم الرجل ماقصرت وبالنسبة زي ماقلت لك انا جاي في 14 سبتمبر جاكرتا وبنروح بالي الى 26 سبتمبر 10 ايام والرجعة لجاكرتا 26 والذهاب الى الجبل يعني بيكون وقت ضيف جدا وممكن اني ما احصل حجز فانا ادور الافضل وابي ابتعد عن المجمعات لاني سمعت انها مشبوهة وابتلشت احصل حجز في سيروني وخايف احجز من بوكنج في بونشاك باس ويكون بعيد عن الخدمات والاماكن السياحية مطاعم مقاهي وغيرة فا وش رايكم علما اني بجلس في الجبل 7 ايام لين 3 اكتوبر وايش تنصح علما باني احب كل شي يكون مرتب تفادي للمطبات هناك من الموبايل

والنعم بحالك اخوي وملا عليك زود
امرك بسيط وانااخوك انت بسعه من امرك اقلب البرنامج اول شي عشان ترتاح من زجام بونشاك
ابدا ببونشاك اول لانه حتي لو افتكيت من من مشكله سكن بونشاك وبتحجز فيها مؤكد مثلا بعد ماتروح بالي بوقت العيد ماراح تفتك من زحمتها وزوارها بالعيد
فليش ما تبدا فيها اول اول ماتوصل ؟ يعني ريح يوم بجاكرتا واطلع ثاني يوم مثلا خلص منها واقعد قد ماتبي همن اطمر لبالي خل بالي ايام عيد الاظحي
هذا حل مبدئي بسيط

ثاني شي تري 10 ايام واجد في بالي و7 ايام واجد في بونشاك مدري وش ترتيبك بالظبط انت تسال اساله محدده ولا سئلت عن برنامجك كامل ؟ اذا تبي مساعده بالامر ازهله واذا امرك منتهي ومقرر بس هلمنطقتين توكل علي الله وكخيارات عندك لومبوك قريبه من بالي تقدر تطمر لها 3 ايام مثلا وعندك سورابا يا ومالانغ تقدر تخلي لها 3 او 4 ايام قبل او بعد بالي عشان تكسر عدد ايام بالي لان 10 ايام في بالي واجد زي ما بلغتك
وايضا بونشاك 7 ايام واجد عليها تقدر تطمر يومين باندونق ان حبيت

بخصوص حجز سيروني انصحك فيه موقع اندونيسي مجرب من الاخوان كذا موضوع وحجزوا منه ولا فيه اشكال
http://www.arabtravelersforum.com/travel759519/

http://www.arabtravelersforum.com/travel554932/



تبي نصيحتي الفنادق ما تنفع لشباب بتروح نص متعه التمشيه ببونشاك العوائل ودهم بالفلل للطبخ والنفخ والشوي الفلل افضل للشباب عندك موضوع مثبت باعلي القسم فيه فلل حليله مختلفة الاسعار والاحجام لا تدور علي فيلا من غرفتين لانها شويه وغالبا رديئة عادي لو 3 او اربع غرف دام سعرها مناسب لان اغلب الفلل من 3 او اكثر من الغرف الحليله
طق حجز ليله بسيروني همن دور براحتك حسب العناوين بالموضوع اعلاه ولا حسب نظرك
واذا ملزم علي حجز مؤكد في بونشاك عندك فندقين متوسطين مو فخمات بس تمشيه حال
واحد اسمه بالاس في شيباناس
هذا رابطه من بوكنق
http://www.booking.com/hotel/id/pala...tml?aid=358324

والثاني الياسمين
هذا رابطه من اقودا لانه يوضح نوع الفلل بعكس بوكنق يعني هو فندق وفي اطرافه فيه فلل بعد
http://www.agoda.com/ar-ae/yasmin-pu...id.html&cklg=1

شف رابط الفندق المباشر يوضح بعض الفلل
http://www.yasminpuncak.com/accomodition.html

وبونشاك باس عطيتك رابطه من قبل ممكن تطقه ليله بفيلا راح تجد اسمها مو فيلا راح تجده بونقيلا وتراه مافيه ازعاج ولاشباب وفلله تمشي الحال ومنطقته بارده شوي ابرد من اللي حولهلانه مرتفع شوي

الكلام عن الحجز المؤكد من مواقع الحجز المعتمده
فيه فيلا وضعت رابطها من فتره توها جديده في بوكنق كان سعرها بحدود ال ميتين دولار اسعارهم الان بلعلالي مدري من تاريخ الحجز التجريبي ولا هم فعلا رفعوا الاسعار بكل الفترات
هذا رابطها
http://www.booking.com/hotel/id/plat...ain?aid=358324

اذا اسعارها غاليه بوقت صولك كما تبين لي ببحث سريع من شوي اجحدها فيه فلل فخمه ممكن حجزها بلتلفون اذا ما همك السعر العالي مثلا وغرفها طبعا كثيره عل يالاقل اربع غرف

اعطيتك عدة خيارات اقرا بتمعن وقرر واستخر بعد ما تحسب حساب ميزانيتك
طبعا نصحي اذا تبي شي فخم خله لبالي لان فللها افخم وبونشاك حلاته ببساطته والله يسهل امرك يارب ورحلة موفقه ياغالي

الله يسعدكم جميعا

ماقصرتوو وفعلا 10 ايام كثيرة في بالي وانا مرتب طلعة الى لامبوك لكسر الايام

جــأك

جزاك الله خير والله يوفقك ماقصرت معي

ما شاءالله ما قصر عمدتنا القدير jaka
افادك إفادة شافية باذن الله
ومثل ما قال استخر وتوكل على الله
والتنويع في المناطق جميل لكي لا تمل ويعتبر استكشاف ايضاً
دمت بود محبكم / البرنس المسافر