الحمد لله طلعت تأشيرتي الالمانية - الموضوع سهل ياجماعة تفضلو شوفو

السلام عليكم ورحمة الله وبركاته


اولاً انا كنت خايف من التأشيرة وقالو معقد وقالو تتأخر وقالو وكلن يعطيك من عندة ابي اقولكم وش صار معي بإختصار :

أول شي حجزت موعد عن طريق الاونلآين وهذا الرابط : http://www.vfsglobal.com/Germany/Sau...pointment.html

بعدين عبيت الفورم الأونلاين وهذا رابطة : https://videx.diplo.de/videx/;jsessi...J4.undefined?0

بعدين تروح في يوم موعدك حتى لو كان موعدك الساعة 11 تعال الساعة 8 واطلع الدور الأول راح يوجهك كاونتر يعطيك رقم وتدخل انت لوحدك وتخلص التقديم وتكون جهزت التالي :

1- صورة مكشوف الرأس للرجل وللمرأة .
2- كشف حساب ثلاثة أشهر مختم من البنك كان فيه 14 ألف ريال فقط والكشف اخر شهر مارس وانا مقدم في ابريل .
3- صورة الجواز.
4- التأمين الطبي من بوبا لأني موظف قطاع خاص وواحد معي موظف شركة ارامكو جايب خطاب من ارامكو بالتأمين.
5- الحجوزات جايب صورة وحدة والموظفه ما قصرت صورتها لي وحطتها مع الابليكشن حق زوجتي ( حجز من بوكنج المانيا اكثر من النمسا).
6- الابليكشن عن طريق الاون لاين اللي ذكرته فوق .
7- تعريف من العمل مختم فقط غير مصدق من الغرفة التجارية موضح فيه الراتب وباللغة الانجلزية.

بعد ما تقدم الأوراق يكون باقي التبصيم وراح يعطونك فاوتشر لإستلام الجوازات روح جيب عائلتك وبصم وبكذا تكون خلصت امورك بمشيئة الله .

الموضوع سهل جداً وخلال 8 أيام استلمت الجوازات طبعاً من المكتب الموحد بالرياض وعطوني 90 يوم لنا كلنا والموظفات مرررره تعاملهم ممتاز.

هذا الموضوع كتبته لأني والله اتشتت مخي من كثر الآراء والكلام على التعقيدات .


بالتوفيق للجميع ،،

Read More at :http://www.arabtravelersforum.com/ne...newthread&f=65