شهر العسل في اندونيسيا بعد تردد

السلام عليكم ورحمة الله وبركاته

اهنيكم على هذا المنتدى الاكثر من رائع

احب ادخل على الموضوع سريع سريع

انا زواجي في شهر اغسطس وقررت بعد تفكير وتردد كبير وحيرة عن مكان قضاء شهر العسل
قررت اخيرا :

اني اقضي في دبي ( ثلاث ايام )
وبعدين انتقل الى اندونيسيا واجلس فيها
تقريبا ثمان ايام
موزعة بين جاكرتا - وبونشاك - وبالي
يوم واحد في جاكرتا اثناء الوصول من الرحلة الطويلة ..
واليوم الثاني انتقل الى ( بونشاك ) والجلوس بها ثلاث ايام .. وبعدها اسافر الى بالي واتكي فيها ثلاث ايام واليوم الاخير في جاكرتا راحة ماقبل السفر والعودة الى السعودية ..

لكن بغض النظر عن دبي ..
احب اسأل عن اندونيسيا ؟!
انا ميزانيتي 15 الف للاحتياط مع علمي انني لن اصرف في هذه الرحلة بين دبي واندونيسيا اكثر من (10 الاف ريال )

لكن انا جديد على السفر واقرا هنا وهناك عن الرحلة في اندونيسيا فهل هي مناسبة لشهر العسل ؟
وحبيت اسال عن العملة قريت في اكثر من منتدى انهم ينصحون بتحويل العملة الى $ دولار يعني اخصص مبلغ 2000 $ دولار للرحلة في اندونيسيا ؟!
وهل اخذ معي هالمبلغ كاش ام احفظه ببطاقات الصراف ؟
وهل يوجد هناك صرافين في بونشاك وبالي ؟؟

وفوق كذا كيف الوضع في اندونيسيا وطريقة تعاملهم !!
وهل اندونيسيا مناسبة للعوايل ؟
وهل هناك امان ؟!
وهل ينصح الحجز في فنادق ام منتجعات ؟!
لاني سمعت ناس ينصحون الحجز في مكان عليه حراسة امنية !!!
وسمعت ان المطار يسال عن ورقة تثبت انك حاجز فندق خلال فترة اقامتك في اندونيسيا فهل هذا صحيح ؟! لاني حجزت في جاكرتا بس اما بونشاك وبالي لم احجز ..
وهل هناك استغلال ام لا مع الرغم انني اعلم ان السعودي مستغل في كل مكان هههههه

وارجوكم اذا عندكم نصايح لاتبخلون علي فيها

اما عن التكاليف :

فقد حجزت التذاكر على الخطوط الاماراتية ب 6000 ريال للشخصين و فندق في دبي 4 نجوم لمدة ثلاث ايام ب1100 ريال وفندقين في جاكرتا 5 نجوم اليوم الواحد ب 400 ريال واجمالي الحجوزات مع التذاكر 7900 ريال اما بونشاك وبالي فقررت الحجز عن طريق السواق .. وتواصلت مع السايق ويوميته ب 500 الف روبية ماعدا من جاكرتا الى بونشاك ب 600 الف روبية بسبب بعد المسافة
اما بالي فتواصلت مع اخو السايق فقال يوميته ب 400 الف روبية .. وهل هذا المبلغ مناسب وفوق كذا دبرلي شغالة تغسل الملابس وتطبخ لنا فطور غدا وعشا ب 250 الف روبية اي مايعادل 70 ريال
وابي رايكم بالجدول حقي واي انتقادات فيدوني من الحين قبل مااسافر ..