استفسارات لاهل الخبره تكفون
السلام عليكم
مسافر انشاء الله الخميس الجاي مع واحد من الشباب وعندي بعض الاستفسارات الله يعافيكمم لاني اول مره اسافر برا :rolleyes:
1. من وين احول الفلوس ( اخذ معي كاش بالريال السعودي واحولهن من مطار اتاتورك ) ولا احول الفلوس بالريال السعودي إلى فيزا مسبقة الدفع واصرف الفلوس هنا ولا كيف ؟ وش تنصحوني فيه :confused: ؟
2. انا رايح لمدة 8 ايام قريت بالنت عن تأشيرة دخول ( فيزا )هل لازم تاشيرةدخول (فيزا) واذا كان لازم كيف الطريقه ؟؟
3.انا حاجز فندق ( تقسيم هل ) يبعد عن محطة تقسيم للمترو 100 متر ,, افضل اروح بالترام ولا المترو ؟ وكيف اعرف الوجهه ولا اعرف المحطات ألي يتوقف فيها يعني مثلاً وانا راكب المترو وتوقف عند نقطه كيف اعرف اسم هذي النقطة ؟؟
4. بطاقة اسطنبول كارت ( حقت المواصلات العامه ) بطاقة واحدة تكفي شخصين يعني مو لازم بطاقتين وادفع عني وعن رفيقي ولا يكفي شخص واحد يدفع؟
5. ابي شريحة بيانات تروكسل هل موجود في المطار ولا وين ؟
6. رحلتنا 3 ايام اسطنبول ثم 4 ايام اوزنجول ثم يوم طرابزون ومن ثم العوده للوطن اذا وصلت طرابزون وش تنصوحني استاجر سيارة من مطار طرابزون عشان نروح لاوزنجول رايكم ؟ وكم تكلفة اجار سيارة لمدة 5 ايام من مطار طرابزون ؟ وعادي استأجر برخصتي السعوديه ؟
7. كم الميزانيه اليومية تكفي شخصين هل 400 ليرة للاكل والتجٌول كافية ؟
والله يبيض وجه كل من يرد علي ويجزاه خيررر
رد: استفسارات لاهل الخبره تكفون
أنا ارد عليك
بس لازم بعد ماتقرأ الرد ترجع وتشكرني موتقرا الرد وفص ملح وذاب
ترى كل شي بثمنه بادعو عليك
( لم يشكرني من لم يشكر عبدي )
هذا شرطي وحرام عليك ماتنفذ الشرط
ونبدأ باسم الله الرحمن الرحيم :
اقتباس:
مسافر انشاء الله الخميس الجاي مع واحد من الشباب وعندي بعض الاستفسارات الله يعافيكمم لاني اول مره اسافر برا
1. من وين احول الفلوس ( اخذ معي كاش بالريال السعودي واحولهن من مطار اتاتورك )
ولا احول الفلوس بالريال السعودي إلى فيزا مسبقة الدفع واصرف الفلوس هنا ولا كيف ؟ وش تنصحوني فيه ؟
:
1- نصيحتي تاخذ معاك كاش ريالات سعوديه فئة 500 ريال وتصرفهن وسط البلد
يوجد مكاتب صرافه في السلطان احمد وكل مكان
ولاتصرف من المطار (غالي )
وتقدر تستعمل بطاقة صراف البنك العاديه للسحب من اجهزة ال (ATM ) لكن يفرق السعر عليك
اقتباس:
2. انا رايح لمدة 8 ايام قريت بالنت عن تأشيرة دخول ( فيزا )هل لازم تاشيرةدخول (فيزا) واذا كان لازم كيف الطريقه ؟؟
[
FONT=Arial]
2- ايه لابد من تاشيرة الفيزا وتقدر تاخخذها من النت او المطار بستين دولار
https://www.evisa.gov.tr/en/
وهذا رابط الفيزا من النت اذا بتدفع الرسوم بببطاقة الفيزا كارد
اقتباس:
3.انا حاجز فندق ( تقسيم هل ) يبعد عن محطة تقسيم للمترو 100 متر ,, افضل اروح بالترام ولا المترو ؟ وكيف اعرف الوجهه ولا اعرف المحطات ألي يتوقف فيها يعني مثلاً وانا راكب المترو وتوقف عند نقطه كيف اعرف اسم هذي النقطة ؟؟
3- اذا كنت في تقسيم توجّه الى ساحة تقسيم عند النصب التذكاري (الاصنام السود)
بتشوف لوحه مكتوب عليها حرف M بالانجليزي انزل تحت بالدرج تكون وصلت الى المترو اركب المترو
المترو هذا بيوصلك الى منطقة الميناء ( كاباتاش) اصعد بالدرج الى الخارج بتشوف الترام اركب فيه يوصلك الى السلطان احمد او لاللي او اكساري
ويكمل طريقه انت شف عاد وين تروح وانزل المكان الذي تبي
تعرف المحطه التي تبيها من الشاشه في كل مترو و في كل ترام شاشات
او تقراها مكتوبه على نفس كل محطه توصولن لها تقرا اسمها أوتعرف المحطات التي بتمرون عليهم من مخطط سير الرحله
تشوفه على لوحه في نفس الممترو والترام
4. بطاقة اسطنبول كارت ( حقت المواصلات العامه ) بطاقة واحدة تكفي شخصين
يعني مو لازم بطاقتين وادفع عني وعن رفيقي ولا يكفي شخص واحد يدفع؟
4- على راحتك تبي تشترك معاه في نفس البطاقه يمشي
تبي كل واحد يكون عنده بطاقه خاصّه به يمشي
اذا اثنينكم تشتركون في بطاقه تمررها مرّه عنك ومرّه عن صاحبك
والافضل تاخذون لكم بطاقتين
8- والله يبيض وجه كل من يرد علي ويجزاه خيررر
8- هذي اهم شيء احرص عليها
5. ابي شريحة بيانات تروكسل هل موجود في المطار ولا وين ؟
5- موجوده في المطار
وموجوده وين ماتروح بتشوففها لوحه زرقه قدّامك
اقتباس:
6. رحلتنا 3 ايام اسطنبول ثم 4 ايام اوزنجول ثم يوم طرابزون ومن ثم العوده للوطن اذا وصلت طرابزون وش تنصوحني استاجر سيارة من مطار طرابزون عشان نروح لاوزنجول رايكم ؟ وكم تكلفة اجار سيارة لمدة 5 ايام من مطار طرابزون ؟ وعادي استأجر برخصتي السعوديه ؟
6- الاقضل تستاجرون السياره من مطار طرابزون
وتروحون تتمشون يها طول 5 الايّام وعند رجوعكم الى المطار تسلمونها وتركبون الطياره راجعين
السعر على حسب مواصفات السياره وعدد الايّام والموسم وكل شركه لها سعر خاص بها
في حدود 120 ليره كحد وسط
وعادي تستاجر برخصتك السعوديه السارية المفعول اذا كانت مترجمه بالانجليزي
لكن لابد يكون عندك بطاقة فيزا ليحجزون منها التامين
اقتباس:
7. كم الميزانيه اليومية تكفي شخصين هل 400 ليرة للاكل والتجٌول كافية ؟
7- 400 ليره تركيه في اليوم تكفي اذا من غير السكن والسياره بشرط اذا حسنتوا التصرّف ان شاء الله [/FONT]
رد: استفسارات لاهل الخبره تكفون
لاهنت ي سليم والفففف الفففف شكررر لك ,,, والله يعطيك العافيه ويجزاك خيرررر يارب
رد: استفسارات لاهل الخبره تكفون
السلام عليكم
نرجوو ممن لديه الخبرة ان يفيدك
