ساعدوني لإعداد برنامج سياحي إلى هونغ كونغ مع بيبي صغنون .. بليييز

السلام عليكم ورحمه الله وبركاته ..

أسعد الله أوقاتكم بكل خير

هذي مشاركتي الأولى .. وهي البداية إن شاء الله .. واتمنى تساعدوني ولو بدعوة بسيطة :d

إذا ربي سهل وقدر لنا .. ناوين نزور هونغ كونغ إن شاء الله تاريخ 28 نوفمبر إلي 5 ديسمبر تقريبا ..

وراح تكون زيارتي الأولى .. حلو الكلام .. :rolleyes:

زيييييين .. نجي للأهم .. عندي طفلة عمرها 8 أشهر .. وما أقدر اخليها عند أحد من أهلي :confused:

اريد تنصحوني .. أول شي .. هل الجو مناسب وخاصة لطفلتي .. ؟ :eek:

ثاني شي .. أحسن مكان للسكن كعايلة .. ؟ :o
شو هي أهم الأماكن إلي تناسب للتنقل مع البيبي ؟
أنا قرأت في المنتدى عن الأوشن بارك .. ودزني لاند .. واذا ربي كتب لنا ناوين نزورها ..
بس لو في حد يقدر يقدم لي برنامج مناسب والأماكن قريبة من بعض مافيني اتبهدل معاها الله يحفظها :p

والشي الأخير .. من جرب يسافر مع طفل في هالعمر؟؟
هل في اشياء اخذها بالاعتبار .. شو التجهيزات إلي راح احتاجها ؟ :rolleyes:
أي شي تشوفونه ممكن يساعدني .. شورو علي الله يجزاكم الخير ..

وسلامتكم