تجديد الجواز والفيزا ارجوا المساعدة

السلام عليكم ورحمة الله وبركاته

يا اخوان عندي سؤال بخصوص تجديد الجواز
انا جوازي راح ينتهي في ١١/١٢ ميلادي يعني في ديسمبر
وراح اسافر لندن مع عائلي في تاريخ ٢٨ june لمدة اسبوعين ان شاء الله
لما قدمت على الفيزا دخلت على شروط دخول بريطانيا وما حصلت اي شي بخصوص ان الجواز لازم يكون صالح لمدة ٦ شهور ع الاقل من تاريخ المغادرة، كل اللي طالبينه انه يكون صالح للمدة اللي راح اجلس فيها.
والحمدالله طلعت الفيزا بدون مشاكل. لكن فيه ناس قالوا لي ما راح اقدر ادخل بريطانيا بما ان جوازي راح ينتهي خلال ٥ شهور تقريبا!
فما اعرف وش اسوي! هل هذا الكلام صحيح؟ ،اذا كان صحيح ايش ممكن اسوي ؟ ما باقي غير اسبوعين تقريبا ع السفر!
و لو جددت الجواز هل لازم اطلع فيزا ثانية؟

ارجوكم ساعدوني بأقرب وقت اخاف فعلا ما اقدر ادخل بريطانيا بسبب شغله صغيرة زي هذي !و ما عاد عندي وقت عشان اتصرف!

وعليكم السلام أخي

علي الاغلب أن لازم الجواز يكون ساري لمدة أكثر من 6 شهور حتي لا تواجة أى مشاكل
فالافضل أن تجدد الجواز وأنتبة جيدا عندما تجددة قول للموظف أن معك تأشيرة فى الجواز القديم حتي لا يتم تخريم الصفحة وتروح عليك التأشيرة
عموما عندما تبلغ الموظف سيترك صفحة التأشيرة كما هي ويمكنك السفر بها بشكل طبيعي ( يكون معك الجواز القديم والجديد )
وحاول أيضا ان تتأكد من موظفي الجوازات .

شكرا جزيلا اخوي