الرخصه من احد دول الخليح لغير المقيمين ؟
السلام عليكم ..
بستفسر الحين انا سعوديه وابي اطلع رخصه من احد الدول ويفضل دول الخليج
لكن ماعندي اقامه ! ولا اعرف وشلون اطلع الرخصه من غير اقامه ، يعني الي اعرفه ان كثير ناس طلعوها ولا عندهم اقامه ولا اعرف شلون
و تقريبا كم المده تكون للتعليم واستخراج الرخصه من البحرين مثلا ، يكفي اسبوع
دورت بكل المواقع لكن مالقيت شي اكيد
والله يعطيكم العافيه ..
رد: الرخصه من احد دول الخليح لغير المقيمين ؟
وعليكم السلام ورحمة الله وبركاته ..
بالنسبة لإصدار رخصة القيادة من البحرين بتكون كالتالي :
1- تفعيل بطاقة الهوية الوطنية السعودية عند . الجهاز المركزي للمعلومات , لهم فروع كثيرة بس لازم يكون معاكي احد عنده عنوان في البحرين شقة او سكن بحيث انك قريبته او ساكنه معاهم .
2-تروحين المرور وتعبي ابليكشن ومعاكي بطاقة الهوية الوطنية والجواز وصور شخصية تدفعي رسوم الدفتر والابليكشن وبيعطونك موعد للمحاضرة بالعربي . بتكون مدتها ساعتين تقريبا ً . بعدها , اذا كنت اول مره تصدري رخصة , ماعندك اي رخصة قيادة من اي دولة ثانية في العالم بيلزموكي بـ 22 حصة قيادة مع مدرب معتمد من جهتهم بيختملك ويوقعلك في الدفتر .
3-تلقين اوراق معلقة عند الكفتريا في اسامي وارقام مدربين السواقة ع حسب المنطقة القريبة من تواجدك في البحرين من الجنسين بتتصلين ع اللي تشوفيه مناسب وبيعطيكي موعد وتتفقي معاها بالايام اللي راح تبداي في حصص القيادة اللي ع الأغلب تكون حصتين باليوم ( ساعتين ) والحصة الوحدة بتكون بـ 5 دينار=50ريال
4- بعد اتمام الـ22 حصة بتروحي المرور معاكي دفتر الحصص موقع ومختوم . ويعطونك موعد للاختبار .اللي بيكون مره سهل وتنجحي وتدفعي رسوم اصدار الرخصة 20 دينار مدتها 5سنوات تخولك بالقيادة في جميع دول مجلس التعاون الخليجي .