اللهم لك الحمد ... سؤال عن مبلغ مطلوب

السلام عليكم ورحمه الله وبركاته اخوه/اخوات
أنا في شهر August الماضي تزوجت بفضل من الله ومنته ... وإستقريت كخيار على الHoney-Moon على ألمانيا والنسما ( على إني منب من عشاقهن بس قلت نجرب )
على العموم أول ما وصلت ألمانيا خذيت سياره من النوع الغالي ( بدلع روحي على بالي ) المهم إستلمت السياره والحرمه اللي سملتني السيارة قالت لي إنو نوع الFuel بنزين ... أمنت عليها تأمين شامل وعطيتهم عربون ومشيت ... قضيت 3 أيام في ميونيخ والأمور تمام ... مشيت إلى زيلامسي وهنا بدت المشكله رحت أبي أعبي بنزين ماش ما نفع المهم عبيتها بعد طلعه الروح !! الإشكاليه وين ؟ إن السياره طلعت ديزل وليست بنزين !! يالله وصلت فيها زيلامسي ونزلتها عند الفندق وأنا أكلم الشركه والنفس قافله
لإن كلامهم مضروب جلست أزاعق عليهم وقالوا بكرا روح سالزبورغ وخذ سياره ثانيه ! طبعا رحت وإستلمتها ورجعت ولحد كلمني عن السياره الجديده ولا وش صار بالقديمه ! على العموم من القفله باقي 3 أيام على إنتهاء العقد بس ما إرتحت ورجعت لهم سيارتهم الثانيه لا أبوهم لا أبو تعاملهم وقزرتها تكاسي ومترو ! Anyway
سحبوا مني مبلغ التأمين ومبلغ المتبقي وكلش ! ما مجموعه الف ريال ! الكلام وشو رجعت السعوديه وأتفاجأ إنهم يبون ما مجموعه 6500 ريال إضافيه !! أنا هنا قلت والله يبطون عظم وما راح أدفعها ! سحبت وهم إختفوا من شوي جاني ايميل إنهم راح يرفعون قضيه علي !! طبعا أنا أفكر أسحب عليهم جديا ... فعندي نقطه + إستفسار.
1- لا تتعامل في سفرك نهائيا إلا بعقد واضح وصريح وموقع وخل أي موظف يكتب إسمه نصيا
2- أنا بالسعوديه وهم بألمانيا .... وأفكر جديا أسحب على أم أمهم بالمبلغ ... فهل تنصحوني .؟ ( ما أفكر أدخل أي دوله من دول الإتحاد الأوروبي نهائيا )

أنتظر إثراءكم أعزائي ودمتم في رعايه الله