عرض للطباعة
السلام عليكم
حابة اسأل ايش أفضل تخصص غير المجال الصحة يكون ممتاز له وظايف في السعودية و خارج السعودية للبنات بكالوريوس معدلي 2.0 تخصص علاج تنفسي و حابة أغير السبب مافي جامعة تقبلني على البرنامج و الملحقية عطوني خيار صحة عامة قريت عنه ما عجبني
ياريت كل وحدة واحد يحط لي أفضل تخصصات لها مستقبل قوي
اذا تفكر انك تبي تخصص له وظائف راح تتعب في كل التخصصات ولا راح تنجز ولا تتعلم انا اقدر اقولك هندسة او حاسب خصوصاً الحاسب قوي جداً الان ولكن الحاسب يبغى له ٤ ساعات مذاكره يومياً عشان تكون شاطر ف التخصص وتوظف ولكن بالمقابل الحاسب لو تخرجت وماكنت متمكن من التخصص ماراح تتوظف ابداً الا قطاع حكومي يوظف بدون مقابله شخصيه لكن اذا فيه مقابله شخصية وانت مو متمكن ماراح تجتازها الله يوفقك ويكتب لك الخير انا انصحك اذا بنت بتخصص إدارة مالية او محاسبة تخصصات قوية جداً ومطلوبة في سوق العمل وفيها جهد ولكن اسهل من غيرها
انا اشوف السياحه والفندقة وتنظيم الموتمرات الحين في السعوديه منسقين ومنسقات الحفلات ياخذون ذهب وماعندهم شهاده خبره وشوي معارف وغير كذا السعوديه الان متجهه لتطوير المناطق السياحيه والفنادق بعد بس يفضل الي يتعلم لغه اظافيه على العربي والإنجليزي واذا برا السعوديه ممكن تفتح مكتب سياحة تودي ناس لشرق الاوسط مثل مصر السعوديه الاردن وكثير مناطق وتقدر تنظم رحلات للخليجين والعوئل عندنا في الخليج يرتاحون اذا بنت خليجيه تقابلهم برا وتنظم لهم جدول الرحلات يحسون في الثقه لنه بكل بساطه حنا نعرف وش الاماكن الي تنفع عوائل والاماكن الي تنفع لشباب
واللغه شي اساسي في التخصص لنه يعتمد على الاقاء البرزنتيشن والقدره على مواجهت الجمهور ولا الدراسه سهله جداً بس اللغه لازم تكون ممتازه على الاقل التحدث ويفضل تدرس لغه ثالثه معها لنه الأميركان نفس الشي اغلبهم عندهم اسباني مع لغتهم
اذا تبي تخصص ( health information) جامعتي كثير سعوديات بهالتخصص ويقولون سهل ومااااشي مره راح اساعدك اذا ودك واتوقع التخصص يعتبر اداري بمستشفى ومطلوب
هندسة
إدارة مستشفيات في جامعة أعرفها سهلة جدا
علاج طبيعي
Indiana University of Pennsylvania شوفي هذي الجامعة يمكن تقبلك في تخصصك ، الحقي قدمي عليهم
هندسة، بزنس الي كل الناس تدرسه، بس تخصص صحه عامه حلو ترى ودراسته حلوه بتنبسطي اعرف وحده تدرسه والكل حاسدها عليه هههههه