رحلتي لجورجيا وتحذير من بعض المواقف* ألقي نظرة عشان تأمن نفسك

بسم الله الرحمن الرحيم
شلون الجميع أتمنى تكونون بخير وبأتم صحة
اقترب موسم السفرات والطلعات ولكن هالموسم غير مع وباء كورونا أبعده الله عنا
ولكن إن شاء الله مسألة وقت وتعدي هالأزمة
حبيت أشارك معكم موقف حصل لي الصيفية السابقة 2019
ومنها تاخذون خبرة في السفر وتحذرون لا توقعون باللي وقعت فيه
قبل أي سفرة شي طبيعي تنسق لها وتحاول تكون مع شركة سياحية محترمة تسنع امورك
خصوصاً اذا كانت بلد أول مره تروح له ( مثل جورجيا بالنسبة لي )
رتبنا مع شركة اسمها : السماء الزرقاء للسفر والسياحة & blue sky
و تواصلنا مع المدير العام أسمه : ليث فخري محمد من دولة العراق
رقم جواله : 00995579366600
هذا سلمكم الله اتفقنا معه قروب 7 شباب بكج 10 أيام
نبي فنادق 4 نجوم حسبه لنا بـ 6300 دولار
شامل تنقلات ورحلات وفنادق بكل الأماكن السياحية
طلب تحويل ربع المبلغ كعربون وما حولنا الا 10% من المبلغ كون ان المبلغ كبير وشخص ماتعرفه صعب تحول له
وصلنا لجورجيا بالسلامة وكانت المفاجئة الأولى أنه جاي بسيارتين بيريوس ما تشيل 4 أشخاص الوحده
وكانت اول مخالفة للمتفق عليه لأننا اتفقنا على فان يشيل 7 أشخاص + السايق
ودفعنا المبلغ بناء على هالاتفاق
قلنا له هالنقطه بالمطار وقال هذا عشان ما دفعتم العربون كامل !!!!!!!!
قلنا خير ان شاء الله ودينا للفندق
وصلنا للفندق ونزلنا اغراضنا وكلش
جانا يقول وقت دفع باقي المبلغ عشان نكمل الإجراءات , قلنا له الدفع يكون بمكتبكم وبناخذ شيك وبندفع المبلغ على أجزاء ماحندفعه كامل مرة وحده , هنا أنقلب وجهه علينا وسار هو و الجورجي اللي معه ينافخون وأنه ليش ومافي ثقه ؟ وحنا شركة قديمة ومعروفة ولنا 10 سنوات في المجال و و و و , قلنا مافيه إشكال ولكن الدفع في المكتب وإلحين عن اذنك بنرتاح , مشيت 3 ساعات من المشاورات مع الشباب وقررنا اليوم الثاني نروح مكتبه كلنا لأن ما كنا مأمنين جانبه , وبالفعل جا اليوم الثاني على أساس نطلع رحلة لجبال القوقاز بعد الدفع , تونا ياكريم خارجين من الفندق بناخذ تاكسي الا نشوفه جاي صوب الفندق , يسلم وشلون نومتكم ومن هالكلام , عطيناه جوه لين قال جيتكم عشان لا اتعبكم وآخذ الدفعه وننسق الرحلة , قلنا له ندفعها في المكتب وبناخذ عليها شيك مختم من شركتكم غير كذا ماحندفع , قال اوك بس ثواني أجيب الفان واجيكم نروح ماله داعي التاكسي , ومن يومها لليوم وهو يجيب الفان ههههههههه ,
كملنا يم الموقع إللي يقول فيه مكتب شركته وكانت المفاجئة أنه لا مكتب , ولا شركة , ولا أي شي , خذينا بعضنا لـشارع اسمه مرجانشفيلي وقعدنا بالمقاهي العربية نسأل عنه طلع أخونا منشهر أنه نصاب وهذي سوالفه مع السياح الخليجين والعرب المهاجرين , زدت بحثت عنه بقوقل وبكل مكان , الناس متشكيه منه ومن أعماله .
الشاهد يا اخوان انتبهوا من السياحة في دول جديدة عليكم لا تروحون الا مع ناس ثقااااات أو روحوا برؤوسكم دون أحد وعيش المغامرة .

ِكرا جزيلا لكم