+ الرد على الموضوع
النتائج 1 إلى 16 من 16

الموضوع: انا بسافر لحالي وابي رايكم

  1. #1
    عضو مسجل
    تاريخ التسجيل
    Dec 2014
    المشاركات
    1,962,817

    انا بسافر لحالي وابي رايكم


    السلام عليكم ورحمة الله وبركاته

    ياجماعة انا لي ثلاث سنين متوظف وكل سنه اقول بسافر وما كتب الله نصيب

    وبصراحه انا ملّيت من اجواء الدوام والقلق والضغط النفسي

    ابي اسافر اسبوعين اغير جو وارتاح

    بصراحه من اهم الاسباب اللي خلتني ما اسافر هالثلاث سنين اني مالقيت احد يخاويني

    فـ كل ما اقول بروح مكان ما احصل احد فاضي

    لاني بصراحه احب اسافر وقت الدوامات الرسميه

    ما احب اسافر في العطلات الرسميه

    عشان الزحمه والاسعار

    والواحد ياخذ راحته

    المهم انا قررت هالسنه اني اسافر لحالي

    ما عندي استعداد انتظر احد يخاويني

    وبصراحه متردد من هالتجربه اني اسافر لحالي احس اني بطفش لحالي

    لكن فكرت في القروبات السياحيه وانا اسمع عنها لكن ما اعرف عنها اي تفاصيل

    فـ وش رايكم اسافر لحالي ووش الدوله اللي تصلح للواحد اذا كان بحاله ؟

    او اني اسافر مع قروب سياحي وهل القروب السياحي متعه ووناسه ولا رسميات وربطات ؟؟

    تكفووون يا اهل الخبرهـ عطوني جواب انا اجازتي قرّبت

    ابداءاً من أبريل 01/04/2010 الى 30/04/2010

    فـ تكفون وش تنصحوني فيه لاني ملييييييييييييت ابي اسافر واغير جو

    ابي اجدد النفسيه شوي خخخخخ

    تحياتي للجميع ولهذا المنتدى الجبار الجبار الجبار واكثر من رائع بصراحه انا اعتبره مشروع وليس فقط منتدى

    مواضيع عشوائيه ممكن تكون تعجبك اخترناها لك:



  2. #2
    عضو مسجل
    تاريخ التسجيل
    Dec 2014
    المشاركات
    1,962,817

    بالرغم انه اربع مشاهدات ومحد رد

    لكن لعطيكم معلومه عشان تعرفون كم ميزانيتي

    انا طبعاً اذا بسافر من 14 يوم الى 20 يوم

    والميزانيه تقريباً 15,000 ريال الى 18,000 ريال سعودي
    همّتكم ياجماعه تكفووون ردولي باسرع وقت

  3. #3
    عضو مسجل
    تاريخ التسجيل
    Dec 2014
    المشاركات
    1,962,817

    اسمح لي أكون أول واحد يرد على تساؤلاتك
    بالنسبة للسفر منفرداً ( يعني بروحك ) أو مع زميل أو زملاء , فهذا يعتمد على مزاج الشخص و طبيعته
    أعرف كثير من الناس ما يحب يسافر إلا بروحة
    و ناس يحبون الجمعة
    إذا أنت شخص اجتماعي و تحب تخالط الناس
    أنا أنصحك أنك تسافر للقاهرة بتحصل هناك من سولف معك بمناسبة أو غير مناسبة , مثل : سائق التاكسي
    , بواب العمارة , جرسون المطعم , البائع في المحل , وخذ من السوالف و النكت اللين تشبع
    و غيرهم و غيرهم
    و توكل على الله , و أتمنى لك سفرة سعيدة

  4. #4
    عضو مسجل
    تاريخ التسجيل
    Dec 2014
    المشاركات
    1,962,817

    الاخ العزيز ..
    زي ما قالك الاخ .. الناس اطباع ومزاجات
    واحس اهم شي في السفر الرفيق الوسيع صدر .. لأن المتعه مو بالشي اللي تشوفه لكن وشلون قاعد تعيشه
    والمواقف والذكريات والمغامرات هي حلات السفرة ووجود الرفقه المرحه هو اللي بيحقق لك هذا ..
    فأنا اقترح اذا ما لقيت احد يروح معك اجل السفره .. يمكن ربي يبغالك سفره احسن مع ناس كويسين ..

    والله يكتبلك اللي فيه الخير

  5. #5
    عضو مسجل
    تاريخ التسجيل
    Dec 2014
    المشاركات
    1,962,817

    مرحبا عزيزي وبنسبة لي توني اشوف موضوعك
    بنسبة اذا انت اتروح ابروحك او ماتروح هشي يرجعلك مابدخل فيه الحين انا بتناقش وياك بنسبة لسفرتك

    يعني انت المدة عنك طويلة يعني تبيها من اسبوعين الى 3 اسابيع

    وسفرة بلمدة وهلمبلغ الي حاطه يعني بتحصل اشويت صعوبه

    بنسبة لاوربا حلوة ولاكن مانصح فيها بتكون لحين بارده اشوي ومن غير ميزانيتك ماراح اتكفي لانك ابروحك وانت الي بتدفع يعني مافي شي اسمه شيرنق او قطيه مثل ماتقولون وثاني شي في شغله ثانية ابي اعرفها هل انت زرت دول قبل وشنهي الدول الي زرتها وابي اعرف انطباعك عنها

    فانا انصحك اذا انت ابروحك انك اتروح لاحد الدول العربية او ممكن اتروح لماليزيا ولاكن مانصح في ماليزا وايد وخصوصن انت ابروحك لانها مجرد حدايق ويمكن اتمل بعكس لو اتروح لبنان او مصر وانا اشوف ان لبنان صغيره وايد عليها اسبوع بس ليش ماتاخذلك جولة على مصر
    انا صارلي فترة افكر بمصر ومره سالت واحد اذا في ناس يسون لي جدول حلو يعين يعرفوني على مصر ومنها اكون زاير مناطق ثانية وقالي ان في هشي

    وممكن دام ان تاجازتك طويله اتزور كذا منطقه مثل القاهرة وبعدها الاسكندرية وبعدها الاقصر واصوان وبعدها شرم الشخ وبعدها ترجع للقاهرة يعني اتسويلك جدول حلو بينهم واذا ماتحب الاثار ممكن نلغي الاقصر واصوان واتروح القاهرة وشرم الشيخ وممكن اتزور الاسكندرية يومين لو حبيت وبتكون حزتها تفرفرت فيها كلها واستغليت وقتك ومصر بتحصل فيها عرب وايد واكيد بترافجلك ناس اهناك ومابتمل بعكس الدول العربية

    بنسبة للقروبات السياحية انا احب فكرتها بس بعد ممكن اتملل لان العادة يكونون مجموعه الي يروحون يعني اثنين متزوجين او اصحاب او عائلية بس اذا ابروحك بتحصلهم كل واحد من دولة وانت الي ابروحك ويمكن اتملل منهم بس ممكن لو حصلت لك قروب سياحي على مصر ممكن اتكون فكرة حلوة

    انا هاي وجهة نظري بنسبة لسفر لان انا جربت السفر ابروحي وكنت اتملل وخاصه لو رايح سياحه يعني مو منطر او رايح علاج او دراسة ممكن استحمل بس سياحه ماحب لهشي مابيك اتملل او يصيبك احباط لهشي اخترت لك مصر لانها حياة 24 ساااااااعه واكيد بتغير جوو ولاتنسى انها مناسبة لميزانيتك وهاي اهم شي

    واي استفسارا حنا بلخدمة

  6. #6
    عضو مسجل
    تاريخ التسجيل
    Dec 2014
    المشاركات
    1,962,817

    انا اشوف انك تروح المغرب راح تنبسط حتى لو انت لحالك اهلها طيبين او ممكن تروح اوربا واتوقع ان التخطيط بدري يخلي ميزانيتك تكفي

  7. #7
    عضو مسجل
    تاريخ التسجيل
    Dec 2014
    المشاركات
    1,962,817

    يا حبي لكم والله الف الف الف مليون شكراً للي ردوا على الموضوع

    والله كلامكم كلكم عالعين والراس واقنعني بصراحه

    والله لبنان انا اشوف انها ما تصلح اني اسافر لها لوحدي

    مصر فكرت فيها اكثر من مرّه والمغرب فكرت فيها اكثر من مرّه ومحتار بينهم وبين اي وحده فيهم تصلح لميزانيتي والمده اللي بجلسها

    لكني حبيت مصر اكثر من كلامكم وشكلي بروح لها

    بس يا جماعه انا بكون صريح معكم

    فيه حاجه مخوفتني من مصر

    انا بطبيعتي احب المصريين والجو المصري واحب فكاهتهم

    لكن برضو بطبيعتي اكره شي اسمه استغفال

    يعني ما احب احد يستغفلني او يلعب علي عيني عينك

    مع اني من كبير المبقششين
    يعني اذا سافرت اي مكان وربي اني ابقشش بمبالغ كبيره واعطي بقشيش بدون ما يلمح لي الشخص
    لكني اكره اني ابقشش وبنفس الوقت يلعب علي او يستغفلني

    فـ اخاف اني اواجه صعوبات من هالمشكله
    وخصوصاً ان ماشاء الله النصب في كل مكان لكن في مصر بزيادهـ حبتين ومن غير ما يزعلون اخواننا المصريين والله اني احبهم واعزهم لكني اتكلم بالحقيقه

    فـ وش رايكم ان شاء الله تقريباً من بعد ردودكم قررت على مصر ومش قرار اكيد لكن مبدأياً

    بس ابي رايكم في مزاجي الصعب من ناحية الاستغلال او الاستغفال
    بحيث انه هل اروح ولا ما اروح مع العلم اني ما رحت لها مصر من قبل

  8. #8
    عضو مسجل
    تاريخ التسجيل
    Dec 2014
    المشاركات
    1,962,817

    المشاركة الأصلية كتبت بواسطة خلاص انا مسافر
    http://www.arabtravelersforum.com/tr...1/#post3636221

    والله اندونيسيا فكرت فيها بعد

    لكن حدثت تغيرات
    الان لقيت لي خوي يقول معاك معاك وين ما تروح قلت كويس

    فـ قلت بشيل فكرة مصر دام اننا اثنين

    وفكرت باندونيسيا - تايلند - اوكرانيا

    وحده من هالثلاث

    بس اوكرانيا يقولون تخوّف وعصابات فـ مادري صحة هالكلام من كذبه

    واذا عندكم آراء ثانيه خصوصاً ان الوضع اختلف صرنا اثنين بدال ما كنت لحالي

    اذا فيه آراء دور بعيده مابي دول عربيه

    ابي اوروبا او اسيا

    ممنون لكم وربي وشاكر لكم صدقكم وتعاونكم الصادق

    تحياتي وقبلاتي وبانتظار ردودكم وآراءكم



    اهني اختلفت الامور


    عيل
    جذي
    روح تايلند وانت مغمض

  9. #9
    عضو مسجل
    تاريخ التسجيل
    Dec 2014
    المشاركات
    1,962,817

    والله وفيكم الخير
    الله يسعدكم يارب جميع
    بصراحه انا مندهش من قابلية الاعضاء في هالمنتدى للناس الغشيمه اللي مثلي
    اي سؤال نلقى له جواب
    والله منتدى المسافرون العرب بمشرفينه واعضاءهـ يستاهلون ان الناس تعرفهم
    والمفروض يكون لهالمنتدى مكتب خدمات
    والله انا من اطرح عليكم فكره يفتحون مكتب خدمات للسفر والسياحه باسم المسافرون العرب
    والله بسمعته الحلوه وشهرته راح يشتغل شغل مو صاحي
    عالعموم مو هذا موضوعنا بس حبيت انفع هالمنتدى بفكره مثل ما نفعني باشياء كثيره

    بالنسبه لأندونيسيا
    انا الان جتني الحاله الهستيريه يمكن الكثير مر فيها

    خصوصاً اللي مر بمثل حالتي باقي على اجازته شهر ومو عارف وين يروح ومو عارف يختار الدوله المناسبه

    والله ياجماعه كل شوي اطلع بدوله جديده واقول بروح لها وابحث عنها في المنتدى وفي قوقل واشوف صور ومعلومات واروح وطي واقول بروح لها

    الحين محتار بين اندونيسيا والبوسنه والهرسك

    والله البوسنه والهرسك يمدحونها شفت لها كم موضوع اعجبتني
    وبيني وبينكم انا بصراحه انسان احب التميز
    يعني احب اكون غريب الله يعيني على نفسي
    يعني البوسنه والهرسك دوله مو معروفه للناس انها سياحيه ومو كثير ناس يروحون لها
    يعني مابي دول معتادين الناس يروحون لها
    احب الدول النادره
    والبوسنه والهرسك نادره
    وفيها طبيعه سبحانه ربي اللي سخّر هالطبيعه فيها
    والمميز انها آمنه على حسب اللي سمعته واهلها والمسلمين فيها يشكلون اكثر نسبه من الشعب
    والاذان تسمعه خمس مرات في اليوم
    يعني شي حلو

    بس اللي مالقيت له جواب الميزانيه
    هل 15 الف ريال او 18 الف ريال سعودي
    تكفيني في البوسنه والهرسك لمدة 14 يوم مع الاكل والشرب والسكن والمواصلات ولالا ؟؟؟؟

  10. #10
    عضو مسجل
    تاريخ التسجيل
    Dec 2014
    المشاركات
    1,962,817

    مرحبا عزيزي
    بنسبة لفكرة المكتب لحد يسمعك واتصك المنتدى بعين ترا انا اشوف ان المنتدى بارد هليومين لان لحين مابدو الناس
    وان شاءالله انكون عند حسن ظنك

    انا يا عزيزي قلت لك من البداية ان لازم اتقولنا عن ميولك
    بنسبة لي للامانه مو متشجع للبوسنه والهيرسك يعني انت تبي دولة سياحية تستانس فيها والمناظر موجوده في كل مكان

    انا اقول لو في خاطرك باوربا لايردك الا اسبانيا نوع ما مو غالية والسكن بتحصل اكيد سكن معقول وحلو ولا تقدر بعد تشترك في قروب سياحي على اسبانيا وبكون سعرهم وايد وايد حلو

    انا اشوف ان اذا كنتو اثنين ومع قروب سياحي صدقني بتستانسون اقل شي بودونك اهم المناطق واهم المعالم وبرتبون لكم كل شي

    بس انك اتروح لدوله مافي ناس وايد راحول لها وانت صارلك 3 سنين ماسافرت انا اشوف حرام يعني مابكون عندك خبره وايد عن المكان وبهلمبلغ تقدر اتروح لديره ثانية وتستمتع فيها
    بنسبة لشرق اسيا فاانا ضدك يعني مب شرط بس بتحصل الاسيوين بتحصل بعد العرب والاجانب بس اكيد كل واحد وميوله
    بس حط في بالك ان شرق اسيا مناسبة لميزانيتك واما اوربا فمو كلها يعني اسبانيا واليونان ويمكن ايطاليا بكونون مناسبين جدا
    وانا انصح بسبانيا لانها رووووعه وصدقني راح تستمتع فيها وشيك على القروبات السياحية

    وشي حلو ان في مسلمين وانك تسمع الاذان بس بقولك شي لو انت تبي يكون المكان ديني فمالك الا مكة صح ولا لا

    وان شاءالله ان كلنا متدينين وانحب نسمع الاذان بس بعد الواحد خاطرة يشوف ويكتشف

    والتميز بوجهت نظري مو بسفره او بسيارة او غيره التميز بنسبة لي بالاخلاق والعلم والسيرة الحلوة

    وانا كل كلامي هاي حتى لو طلعت عن الموضوع ان ماودي بعد هنطرة وه3 سنوات اتروح على سفره مااتمن لك رغباتك واحتياجاتك وماتامن لك تغير الجو

    على لاعموم انت فكر بس ترا مافي وقت

  11. #11
    عضو مسجل
    تاريخ التسجيل
    Dec 2014
    المشاركات
    1,962,817

    والله كلامك صحيح
    يعني اسبانيا تنفع بهالمبلغ وهالمدّهـ ؟؟

    وبالنسبه للقروبات السياحيه
    انا رحت مكتب الطيار ومكتب الصرح
    وقلت لهم ابي اسافر مع قروب سياحي ضحك علي المصري يقول مافيه قروبات سياحيه في السعوديه
    قلت له شلون مافيه انا اقرى في الانترنت الناس يكتبون يقولون رحنا مع قروب سياحي
    قال مادري بس ما عمري سمعت ان فيه بالسعوديه مكتب يأمن لك سفره مع قروب سياحي

    ابي اعرف اذا فيه مكتب مضمون يضبطني اروح مع قروب سياحي في الرياض يا ليت تدلوني عليه
    وتحياتي

  12. #12
    عضو مسجل
    تاريخ التسجيل
    Dec 2014
    المشاركات
    1,962,817

    اضافه
    اللي يقول تايلند ممنوعه على السعوديين مو صحيح
    اللى فى السعوديه وحاب يطلع تايلند على الخطوط الاماراتيه طبعا يطلع من السعوديه على الامارات وبعدها على تايلند
    والرجوع بيكون تاسلند الامارات السعوديه وسمعت انه بعد تقدر من البحرين تطلع
    الموضوع كله انه مافيه خط مباشر من السعوديه الى تايلند والخطوط السعوديه ماتروح تايلند
    فقط هذا كل الموضوع .

  13. #13
    عضو مسجل
    تاريخ التسجيل
    Dec 2014
    المشاركات
    1,962,817

    المشاركة الأصلية كتبت بواسطة wolf man
    http://www.arabtravelersforum.com/tr...1/#post3672101

    اضافه
    اللي يقول تايلند ممنوعه على السعوديين مو صحيح
    اللى فى السعوديه وحاب يطلع تايلند على الخطوط الاماراتيه طبعا يطلع من السعوديه على الامارات وبعدها على تايلند
    والرجوع بيكون تاسلند الامارات السعوديه وسمعت انه بعد تقدر من البحرين تطلع
    الموضوع كله انه مافيه خط مباشر من السعوديه الى تايلند والخطوط السعوديه ماتروح تايلند
    فقط هذا كل الموضوع .




    لا يا حبيبي الموضوع اكبر من هشي بوايد الدولة ممنوعه على السعودين صح تقدر اتروح لها ماقلنا شي بس لمى اتجدد جوازك ويشوفون انك سافرت علليها فيها غرامات وسحب جواز مدة 5 سنوات والمنع صادر من السعودية مو من تايلد وتقدر تتاكد من الجوازات
    وفي موضوع كامل في البوابة التايلندية عن هشي

  14. #14
    عضو مسجل
    تاريخ التسجيل
    Dec 2014
    المشاركات
    1,962,817

    اخوي خلاص انا مسافر

    انت سئلت هل مبلغ 15 الف ريال يكفي بنسبه لسفره بكل لوزمهآ ؟

    انا اتكلم بصفتي مغربيه وعارفه وضع المغرب واسعرها وانت بتقول بتقعد 14 يوم بالعكس تكفيك وزيآده امممممممممم هدا اول موضوع ارد عليه ون شاء الله تبسط بسفرتك

  15. #15
    عضو مسجل
    تاريخ التسجيل
    Dec 2014
    المشاركات
    1,962,817

    تقريبا نفس مزاجي...لاننى من محبين الغرب والتعامل معهم خصوصا الاوروبيين اهل الايتكيت واللباقه..
    شرق اسيا كنك بالخليج نفس الوجوه...الدول العربيه اخر شى تفكر فيه الا تكون منحددد عليهم....مضيعه للوقت والمال..
    باريس ولندن وجنيف وزيورخ وبس....هنا تغيير الجو والناس وكل شى.....اوروبا جنة الله فى الارض بطبيعتها وناسها وكل شى فيها...

    لاتضيع اجازتك فى اى شبر فى الوطن العربي والراي الاول والاخير لك...

  16. #16
    عضو مسجل
    تاريخ التسجيل
    Dec 2014
    المشاركات
    1,962,817

    انا سافرت كينيا لحالي ..روعه وسفاري وغابات وبعد على اجواء المدينه وهم شي مافي ربعنا ولا عرب

+ الرد على الموضوع

المواضيع المتشابهه

  1. بسافر لحالي مع اطفالي ساعدوني
    بواسطة Robot في المنتدى بوابة فرنسا|باريس France
    مشاركات: 12
    آخر مشاركة: 02-03-2015, 10:11 PM
  2. بسافر مصر وابي تدلووووني
    بواسطة Robot في المنتدى بوابة السفر إلى مصر Egypt
    مشاركات: 6
    آخر مشاركة: 01-30-2015, 10:28 PM
  3. بسافر لحالي ومتوهق
    بواسطة Robot في المنتدى بوابة السفر إلى المغرب Morocco
    مشاركات: 22
    آخر مشاركة: 01-30-2015, 06:27 AM
  4. بسافر إلى القاهرة لحالي
    بواسطة Robot في المنتدى بوابة السفر إلى مصر Egypt
    مشاركات: 16
    آخر مشاركة: 01-30-2015, 01:20 AM
  5. بسافر لحالي وولدي
    بواسطة Robot في المنتدى بوابة السفر إلى مصر Egypt
    مشاركات: 14
    آخر مشاركة: 01-23-2015, 03:40 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X