الله لا يمسيكم الا بالخير
ويعطيكم العافية
ترى ما جيتكم الا بعد ما افتر راسي من كثر ما قراءة في ذا المنتدى ما شاء الله
لي يمكن شهر وانا اقراء عشان اختار بلد اسافر لها انا ومدامي
وبعد ما يعجبني تقرير من تقارير الاخوان اقول خلاص هذي المقصد وفيها كل الي احبه
واشوي واحصل واحد ثاني يحذر من السفر لذا المكان طبعاً يذكر بعض المشاكل في البلد الي حاط عيني عليه
يعني يقول لا تطلع بعد المغرب ، ولا يقول ابتعد عن السنتر سكارى وبنات لليل اللهم ياكافي
والله اني محتار ودي بسفره طيبة بدون مشاكل لني طالع انبسط ما ابي اخسر والا ادفع دراهمي عشان اتوهق
وانا بصراحة اعجبني في ذا المنتدى الحميمية في تقارير كل الاخوان وسجلت اليوم وقلت مالي الا الله ثم انتم
ابي الشور الطيب والنصيحة والله يجزاكم خير
انا عمري ما سافرت براء السعودية وهذي مهمه لني بصراحة خايف
ميزانيتي عشرة الالف غير التذاكر يعني اقامة ومواصلات وترفيه وبدون تسوق التسوق له ميزانية لوحده عند المدام
وسفري ابغى اضبطه في شهر شعبان هذي السنة ان شاء الله ما عندنا اجازة الا في ذا الوقت
وما ادري واين الله مودين بخصوص الحجوزات والفيزاء ولو اني قراءة عنها كثير لكن الغشيم غشيم
طبعاً انا ميت على اورباء خبركم عيال النعمة الله يديمها على الجميع
والمدام نفسها في شرق اسياء عشان الاسواق
انا ابغى اجواء رومنسية ورفاهية ابغى ادلع المدام وادلع نفسي من يوم عرفت خشتي ما سافرت
والعوض على الله واهم شي عندي الامان والهدوء والراحة
انتظر ردودكم
تكفون لا تبخلون علي
عساني ما اعدمكم
تحياتي للجميعمواضيع عشوائيه ممكن تكون تعجبك اخترناها لك:
- شاركنا بإفادة المسافرين بتحديد المدة الميزانية المناسبة ،، لكل دولة موضوع تفاعلي
- مساعدتكم يا جماعه
- محتاره بين دبي واندونيسيا
- الزيارة السياحية المجانية
- ســـــــــــــــــــــــــــــــاعدوني في الاختيــــــــــــــــــــــــــار
- عروض رحلات نايل كروز الاقصر واسوان في نصف العام 2016 مستوي فاخر بأفضل سعر مع الماسه
- طيران ناس هل ينكبوني والسعودية هل ينتظروني
- صح ولااااااالأ
- ارخص البنوك في رسوم السحب من الصراف الالي دولياً
- تجديد جواز السفر
- فنادق في البحرين
- مساعدة ياشباب تكفون
- أين العولمه يا التأشيرات
- قررت السفر لأوربا هذا الصيف ولكن اود مشورتكم ؟
- احتفالات لندن في شتاء 2015
- ياجماعه مساعده ضروريه الله يباركلكم
- موضوع خاص للناس الي تحب تسافر او العيش في بلدان جديدة بشرط يكون عندهم تجربه شخصيه
- مقطع رائع لصلاة العشاء من الحرم المكي مع تساقط الأمطار
- قمة الديمقراطية
- honeymoon
المفضلات