الله لا يمسيكم الا بالخير
ويعطيكم العافية
ترى ما جيتكم الا بعد ما افتر راسي من كثر ما قراءة في ذا المنتدى ما شاء الله
لي يمكن شهر وانا اقراء عشان اختار بلد اسافر لها انا ومدامي
وبعد ما يعجبني تقرير من تقارير الاخوان اقول خلاص هذي المقصد وفيها كل الي احبه
واشوي واحصل واحد ثاني يحذر من السفر لذا المكان طبعاً يذكر بعض المشاكل في البلد الي حاط عيني عليه
يعني يقول لا تطلع بعد المغرب ، ولا يقول ابتعد عن السنتر سكارى وبنات لليل اللهم ياكافي
والله اني محتار ودي بسفره طيبة بدون مشاكل لني طالع انبسط ما ابي اخسر والا ادفع دراهمي عشان اتوهق
وانا بصراحة اعجبني في ذا المنتدى الحميمية في تقارير كل الاخوان وسجلت اليوم وقلت مالي الا الله ثم انتم
ابي الشور الطيب والنصيحة والله يجزاكم خير
انا عمري ما سافرت براء السعودية وهذي مهمه لني بصراحة خايف
ميزانيتي عشرة الالف غير التذاكر يعني اقامة ومواصلات وترفيه وبدون تسوق التسوق له ميزانية لوحده عند المدام
وسفري ابغى اضبطه في شهر شعبان هذي السنة ان شاء الله ما عندنا اجازة الا في ذا الوقت
وما ادري واين الله مودين بخصوص الحجوزات والفيزاء ولو اني قراءة عنها كثير لكن الغشيم غشيم
طبعاً انا ميت على اورباء خبركم عيال النعمة الله يديمها على الجميع
والمدام نفسها في شرق اسياء عشان الاسواق
انا ابغى اجواء رومنسية ورفاهية ابغى ادلع المدام وادلع نفسي من يوم عرفت خشتي ما سافرت
والعوض على الله واهم شي عندي الامان والهدوء والراحة
انتظر ردودكم
تكفون لا تبخلون علي
عساني ما اعدمكم
تحياتي للجميعمواضيع عشوائيه ممكن تكون تعجبك اخترناها لك:
- تكفووووووووون ابي المساعده عاجله
- استاجار سيارة أثناء السياحة بالدول الأربية
- الخطوط السعودية حكاية لا تنتهي
- كيف تُجهز حقائب السفر ؟
- طلب مساعدتكم في سفرى لكوستاريكا
- خبراء الخطوط السعودية أفيدونا جزاكم الله خيرا
- إلغاء العمولات الممنوحة من الخطوط السعودية سينعكس سلباً على الإيرادات
- لايف تريكر تطبيق سفر فريد من نوعه
- محتاره بين
- ودي اسافر لاوربا ارجو المساعدة من اهل الخبرة مهم جدا يا اخوان
- أسعار الخطوط السعودية لشهر ابريل ومايو القادمين
- التملك عن طريق الشركات السياحية؟؟
- أفضل مدن العآب مآئيه في العالم
- سأسافر بأطفالي
- مصر للطيران تُطبق “تأشيرة السودان”
- محتاج مساعده في رحله
- هدايا السفر ماذا تهدي من تحب؟
- شهر او ميلادي احد يفيدني
- «دول الشنقن» تستغني عن شروط إثبات السكن وكشف الحساب لاستخراج التأشيرة
- هل أستطيع البحث باسم الفندق في موقع بوكينق ؟؟
المفضلات