+ الرد على الموضوع
النتائج 1 إلى 11 من 11

الموضوع: هل تم مساعدتك و انت في الخارج ؟

  1. #1
    عضو مسجل
    تاريخ التسجيل
    Dec 2014
    المشاركات
    1,962,817

    هل تم مساعدتك و انت في الخارج ؟


    السلام عليكم

    كثير منا يمر بمواقف قد تكون مضحكه و قد تكون محزنه ..

    منها الضياع اثناء السفر !

    سؤالي للجميع هل احتجتوا لمساعده اي شخص في البلد اللذي تكونوا مسافرين اليه؟

    كشرطي او عابر سبيل .. الخ ..

    راح ابداء انا :

    في السنة الماضيه عندما كنت في بريطانيا مع اخي الصغير للدراسه .. فذهبنا الى العاصمه لندن لقضاء العيد ..

    و في احدى الايام اردنا التوجهه الى نادي تشيلسي ! طبعا لم نعلم اين المكان لاننا لم نبحث بالشكل الصحيح ..

    اتجهنا من ادجور رود الى غرب لندن ثم الى جنوبها مشيا على الاقدام ..!! و استغرق الوقت حوالي ساعتين و اكثر !!

    بعدها شاهدنا شرطيا يتكلم الانجليزيه بشكل مكسر و قال لنا : بعد شارعين راح تحصلوا النادي !! و اي شارعين كان للاسف ..

    شاهدنا بقالة فيها من الجاليه الهنديه و عندما سالناهم قال لي ويحكم المكان بعيد جدا !! نصحنا باخذ اقرب اندرقراوند و النزول في محطه فولهام !!

    و بالفعل .. وصلنا بعد 10 دقايق !!


    فياريت لو نتكلم عن النقطه هذه و هل استفدتوا من السؤال ام لا .. ؟

    انتظركم

    مواضيع عشوائيه ممكن تكون تعجبك اخترناها لك:



  2. #2
    عضو مسجل
    تاريخ التسجيل
    Dec 2014
    المشاركات
    1,962,817

    مساء الخير...
    حلو الموضوع وتذكرت موقف صار معي في شهر العسل
    كنت في روما واخذت تاكسي من الفندق وذهبت الى مكتب طيران الامارات وللاسف لقيته مقفل وكل المكاتب اللي جنبه طلع ان اليوم كان عطله مدري وش مناسبتها وجيت ابرجع مالقيت ولا تاكسي وقعدت امشي انا والمدام لعل وعسى نلاقي تاكسي ومر علينا واحد معه عائلته ايطالي وما كان يتكلم انجليزي وفهمنا منه ان مافيه تاكسي الا لازم تتصل على الشركه تجيك سياره واتصل من جواله وجانا تاكسي وصراحه ما توقعت منهم ان احد راح (يفزع لي) بعدها كل سفريه لازم احفظ في جوالي رقم شركة تاكسي عشان لو حصل واحتجته...

  3. #3
    عضو مسجل
    تاريخ التسجيل
    Dec 2014
    المشاركات
    1,962,817

    المشاركة الأصلية كتبت بواسطة سيرفس15
    http://www.arabtravelersforum.com/tr...3/#post3735663

    أنت متأكد إن الشرطي اللي في لندن إنكليزيتة متكسرة ...

    [/color]




    هلا اخوي ايه نعم هذا الشي اللي ما انساه و بعد ما رجعت للقريه اللي ساكن فيها سالت المدرسه و قالوا لي عادي راح تلاقي كثير .. لغتهم متكسره و فيها لهجات متداخله لانهم في الاساس من دول اخرى مهاجرين

  4. #4
    عضو مسجل
    تاريخ التسجيل
    Dec 2014
    المشاركات
    1,962,817

    موضوع حلو

    وخليتني اتذكر ونعم انا صارتلي مواقف وايد

    ولاكنهم مايقصرون يعني كذا موقف اكون ضايع فيه واسال ومايقصرون ويرشدوني لطريق الصحيح

    وانا الي خلاني استغرب شي ثاني ان في ماس يحبون يساعدون يعني مره كنت بلفربول وكنت ادور على مقهى عربي وماكنت اعرف لاني كنت رايح لفربول امتحن وارجع المهم ان التكسي ماقصر ووداني لين المقهى مع ان ماكنا انعرف هو وين وهو الي دخل وسال الي ماطلعه لنا

    ومره ثانية كنت ابي اروح لمحطة الباصات علشان اخذ باص واروح فيه المطار المهم ان انا تاخرت كم دقيقة وراح الباص اول شي يافي بالي اني انتظر الباص الي بعده الي هو بعد ساعه ولاكنه التاكسي اقترح علي اقتراح ان نلحق الباص في المحطة الي بعدها لانها قريبه وايد وان ممكن نوصل قبل الباص لان احنا حركتنا اسرع منه وفعلا صار ولحقنا الباص وقدرت اركب وياه وعجبني موقفه لان الموقف ماجا على بالي ولاكن هو اقترح علي وكان باين انه يبي يساعدني

    وفي مواقف بعد اتصيرلي وهي اني انا الي اساعد الناس يعني كذا موقف اشوف عايلة خليجية تبي تسحب من الكاش مشين في لندن وماتعرف واكون واقف مثلا وراهم ويسالوني اذا اعرف ولا لا واعلمهم ومره كانو عايلة كويتيه وسحبت لهم لاكن الفلوس في بريطانية اتاخر لين ماتطلع مو مثل عندنا فتاخرت اشوي الا امهم اتقول ياولدي وين الفلوس وانا اقولها بتطلع يا يمى الحين وفعلا اطلعت الفلوس واتحس بشعور حلو لمى اتساعد الناس لان فعلا في مواقف وايد اتصيرلك وحزتها بتكون محتاج من يساعدك

    تقريبا هاي الي في بالي بحاول اتذكر وارجع لكم

  5. #5
    عضو مسجل
    تاريخ التسجيل
    Dec 2014
    المشاركات
    1,962,817

    وعليكم السلام والرحمه ...

    المواقف كثيره ... والسؤال لا بد منه وين ما كنت ... تسأل وتنسأل ..

    في استراليا وتحديداً محطة قطارات سدني وفي عز الفجر والبرد وبوجود أطفال وعفش لا ينتهي كانت هنا المشكله؟؟؟
    طبعاً لا يوجد من يحمل العفش ولا حتى عربيات .. والأغراض كانت متناثره والقطار على وشك الأنطلاق .. وقفت عند
    العفش وخواتي وبنت خالتي ينقلون الأغراض داخل القطار ومن الله جت وحده مع بنتها وما معها أغراض قالت تبغون مساعده طبعاً حنا من السعاده قلنا يس يس بليز .. وهالسالفه ما نسينها لليوم الله يجزاهم خير ..

    في مصر .. اذا بتسأل عن شيء كان الله في عونك .. بدايه أنا أشبه الشعب المصري بالإيطالي من هذي الناحيه
    وهو لما توقف شخص وتسأله عن مكان يوقف معه 5 أشخاص غيره وكل واحد يقولك من الناحيه دي والثاني يقول
    أسمعي كلامي النحيا دي والواحد بالنص يصير ضايع ما يدري من يصدق ... وهذا الموقف مر علينا مره وبعدها حرمنا نسأل..

    في أمريكا .. ما تركت سكيرتي في مول ولا عامل في فندق إلا وسألته عن وين الشمال حتى أقدر أطلع القبله ..
    والحمدلله يقولون لي الجواب الصحيح بس واحد منهم عطان العكس ولكن تداركناه وما كررنا الغلط ..


    حلو تسأل وتطلع بفائده بس الأحلى أنك تنسأل و أنت الي تفيد الناس وخاصه للناس الي مو عارفه تصرف نفسها..


    هذا الي في بالي الحين ... شكراً على الموضوع الحلو ...

  6. #6
    عضو مسجل
    تاريخ التسجيل
    Dec 2014
    المشاركات
    1,962,817

    المشاركة الأصلية كتبت بواسطة hudaabdullah
    http://www.arabtravelersforum.com/tr...8/#post3735818

    وعليكم السلام والرحمه ...

    المواقف كثيره ... والسؤال لا بد منه وين ما كنت ... تسأل وتنسأل ..

    في استراليا وتحديداً محطة قطارات سدني وفي عز الفجر والبرد وبوجود أطفال وعفش لا ينتهي كانت هنا المشكله؟؟؟
    طبعاً لا يوجد من يحمل العفش ولا حتى عربيات .. والأغراض كانت متناثره والقطار على وشك الأنطلاق .. وقفت عند
    العفش وخواتي وبنت خالتي ينقلون الأغراض داخل القطار ومن الله جت وحده مع بنتها وما معها أغراض قالت تبغون مساعده طبعاً حنا من السعاده قلنا يس يس بليز .. وهالسالفه ما نسينها لليوم الله يجزاهم خير ..

    في مصر .. اذا بتسأل عن شيء كان الله في عونك .. بدايه أنا أشبه الشعب المصري بالإيطالي من هذي الناحيه
    وهو لما توقف شخص وتسأله عن مكان يوقف معه 5 أشخاص غيره وكل واحد يقولك من الناحيه دي والثاني يقول
    أسمعي كلامي النحيا دي والواحد بالنص يصير ضايع ما يدري من يصدق ... وهذا الموقف مر علينا مره وبعدها حرمنا نسأل..

    في أمريكا .. ما تركت سكيرتي في مول ولا عامل في فندق إلا وسألته عن وين الشمال حتى أقدر أطلع القبله ..
    والحمدلله يقولون لي الجواب الصحيح بس واحد منهم عطان العكس ولكن تداركناه وما كررنا الغلط ..


    حلو تسأل وتطلع بفائده بس الأحلى أنك تنسأل و أنت الي تفيد الناس وخاصه للناس الي مو عارفه تصرف نفسها..


    هذا الي في بالي الحين ... شكراً على الموضوع الحلو ...




    اعجبتني جملتك الاخيره : حلو تسأل وتطلع بفائده بس الأحلى أنك تنسأل و أنت الي تفيد الناس وخاصه للناس الي مو عارفه تصرف نفسها.

    مشكوووره يا مشرفتنا على المشاركه

  7. #7
    عضو مسجل
    تاريخ التسجيل
    Dec 2014
    المشاركات
    1,962,817

    السلام وعليكم.موضوع رائع
    وفقني الله لأداء مناسك الحج سنة 2006 . كانت الرحلة من الديار الاسبانية مع مسلموا اروبا . وكانت الرحلة الاولى لي للديار المقدسة حيث كنت دائما أتبع المجموعة لأنني لا أعرف ولا مكان هناك. وكذالك مع كثرة الحجيج الواحد يدوخ.
    المهم صعدنا لمنى بيتنا. في اليوم التالي الصبح مجموعتنا قررت انتظار الباس واحنا 8 شباب قررنا أن نصعد الى عرفة مشيا.
    في طريق المشاة عند بداية عرفة أمام مسجد نمرة بالضبط كانت الواقعة...... حيث كان الوقوف يوم الجمعة وكانت الوفوود تتكاثر على المسجد .المهم..... افترقنا على بعضنا البعض ولم يكن معي جوال وبقيت لوحدي من دون رفقاء... سبحان الله في البداية اختنقت وضاق صدري بدأت أسأل بعض أفراد الشرطة لكن ولا أحد استطاع أن يدلني للمكان الصحيح. تقريبا ساعة وأنا أسأل .
    بدأت أدعي الله ....... سبحان الله تغيرت الأفكار عندي بسرعة واعتبرت ما وقع لي فيه خير . حيث كانت خلوة مع الله.
    قضيت اليوم في عرفة . نزلت مع الحجيج الى مزدلفة. بيت .في الصباح اتجهت معهم الى الجمرات. بعد ذلك البيت الحرام .بحيث النحر كنت قد اديته نقذا. لما أديت واجبي على أكمل وجه اتجهت للفندق في مكة وجدت هناك بعض الأصدقاء ورجعت معهم الى منى لقضاء ما تبقى من المناسك...
    والله كان احلى ضياع ضعته في حياتي.

  8. #8
    عضو مسجل
    تاريخ التسجيل
    Dec 2014
    المشاركات
    1,962,817

    السلام عليكم ورحمة الله وبركاته
    موضوع جدا رائـــــع
    أول ما وصلت استراليا وخاصة ملبورن للدراسة أصعب شي كانو يقولون عنه هو البحث عن سكن دائم لانه مثل التقديم على وظيفة أكثر من شخص يقدم على نفس الشقه والمكتب يرد علينا بعد فتره بالموافقة أو الرفض
    فكان هذا هاجسي
    المهم رحت للمعهد علشان أكمل أوراقي وزوجي ينتظرني في مقهى جنب المعهد وبعد ما خلصت رحت المقهى عند زوجي إلا يقولي انه اتعرف على الشيف اللي في المقهى وهو هندي مسلم والله يجزاه خير قال حوريكم كذا شقه جنب المعهد المهم رحنا معاه وشفنا الشقق وأخترنا وحدة ودفعنا العربون ثاني يوم وسكنا فيها وسعرها الحمد لله كويس فما أتوقعت الامر بالسهولة هذه الله يعطيه العافيه ويرزقه يارب.
    وكمان في نفس اليوم وأنا في المعهد نكمل الاوراق كان في نفس الوقت معاي طالب كويتي جديد مثلي
    المهم الطالب مررره كان ضايع ولغه الانجليزية ضعيفه ومو عارف يعبي الاوراق ولا ايش تقول الاستاذه
    المهم ساعدته وقلت له ايش يكتب بالضبط ورحت
    سبحان الله يمكن علشان ساعدت الطالب ربي ارسل لنا شخص يساعدنا ؟
    وأشكرك اخي على هالموضوع فرصه ندعي فيها للناس اللي ساعدونا

  9. #9
    عضو مسجل
    تاريخ التسجيل
    Dec 2014
    المشاركات
    1,962,817

    المواقف كثير ..
    الاول في الكاميرون في ماليزيا .. كنا نمشي في الشارع في اتجاه الاوتيل ولحقنا 3 كلاب وواحد منهم اسود
    بسراحه مره خفنا منهم وكان الشارع فاضي فجاه مرت سياره فيها عائله ماليزيه وشافو الوضع وانو خايفين قامو يبعدو الكلاب عنا بعدين عرضو علينا انو نركب معهم في السياره يوصلونا الى باب الاوتيل وبسراحه ركبنا ياروح مابعدك روح.
    الموقف الثاني في انترلكن في سويسر في محطه القطار عاد تعرفو شنط الخليجين كان معاي شنطه اسحبها وفي الصباح ومافيه لياقه ابد مره صعب لان الطريق القطار لزم تنزل الشنطه بعدين ترج تسحبها تطلعها فوق فمر من جنبي واحد واخذ مني الشنطه قالي ابي اساعدك وسحبها لي ليما وصالها القطار الله يجزه خير
    الموقف الثالث في مطار منتريال كندا كنا شخصين ومعنا عربيه بيبي وعربيتن لشنط ومافيه احد يساعد في دف العربيات فصرت ادف العربيتن مع بعض اقدم وحده شوي بعدين ارجع وقدم الثانيه عشان اوصل الباب فمرت من جنبي موظفه وشافت الوضع المزري الي حنا فيه مشت شوي بعدين رجعت وخذت العربيه وقالت ريحين باب التاكسي
    كل هذي المواقف ساعدونا من غير حتى مانطلب منهم المساعده شكله من الحاله الي حنا فيها متسر لاصديق ولا عدوو
    اما في حاله طلبي المساعده فغالبا ماحد يقصر خصوصا في الضياع في الطريق او عن الشاع الى نبيه حتى السواح يساعدو ويفتحو الخرايط خصوصا في فنيسيا فوق 60 مره في الطلعه الوحده

  10. #10
    عضو مسجل
    تاريخ التسجيل
    Dec 2014
    المشاركات
    1,962,817

    موضوع جمييييييييييييييييل

  11. #11
    عضو مسجل
    تاريخ التسجيل
    Dec 2014
    المشاركات
    1,962,817

    المواقف اللي نحتاج للناس فيها كثيره بس موشرط سؤال
    انا اسوء شي صار لي بمصر مرض زوجي وماكان قادر يقوم من مكانه واحنا بروحنا طلعت من الشقه وسالت شاب في الشارع وماقصر فزع لي حتى انه شال زوجي الله يجزاه خيروودانا الطبيب
    المره الثانيه في باريس ادور متحف الشمع مابقى احد ماسالته وكل واحد يقول كلام غير
    ضعنا ضيعه بس كنا ماخذين الموضوع تمشيه
    وفي النهايه خذنا تاكسي ودانا له والمضحك انه طلع في نهاية الشارع اللي كنا واقفين فيه
    من سأل ما تاه
    مع انو احنا تهنا ههههههههه
    موضوع حلو مشكور

+ الرد على الموضوع

المواضيع المتشابهه

  1. يسعدني مساعدتك
    بواسطة Robot في المنتدى بوابة فرنسا|باريس France
    مشاركات: 5
    آخر مشاركة: 02-03-2015, 09:05 PM
  2. ممكن مساعدتك
    بواسطة Robot في المنتدى بوابة البعثات مبتعث في الخارج
    مشاركات: 2
    آخر مشاركة: 02-03-2015, 08:22 PM
  3. مساعدتك يالفارس
    بواسطة Robot في المنتدى بوابة السفر إلى الإمارات U.A.E
    مشاركات: 16
    آخر مشاركة: 02-03-2015, 02:51 AM
  4. أحتاج مساعدتك
    بواسطة Robot في المنتدى بوابة السفر الى نيوزيلندا New Zealand
    مشاركات: 5
    آخر مشاركة: 01-30-2015, 12:10 PM
  5. يا اريد مساعدتك
    بواسطة Robot في المنتدى بوابة السفر إلى الدول العربية و الاسلامية الأخرى
    مشاركات: 0
    آخر مشاركة: 01-15-2015, 03:54 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X