الموضوع: اسعار الفاست فوود والماء والببسي

السلام عليكم ورحمة الله وبركاته ...
انا مرة صقر

بس استاذنت من ابو صقر والحمد لله اذن لي ^^^ مؤدبه
عندي موضوع محيرني ابي الله يعافيكم الكل يعطين تجربته ولا حد يقوول ليه قويه بعد خخخخخ
ابي الي زر دول اوروبا او اي دول يفيدنا باسعار كل من :::
الماء ( القاروره الصغيره ام ريال )
الببسي ؟؟
طبعا سؤالي عن الي موجود في البقالات
واسعار الفاست فود مثل ماكدونالز وكنتاكي وطقته الوجبه العادي مثل سبايسي وغيره
لحديقول سخيفه لان الموضوع مهم مره مره اهم من ماتتوقعون لان الواحد لما يسافر وهو ملحط ومايبي يتسوق ولا يكثر الهجوله بس يبي ينستر في الفندق ويويق مع الاوندو ويتمشي ويشم هو ببلاش ماراح يخسره الا هالاشياء الي تقولون عنها سخافه ^^^ تتغدا فيكم قبل لا تتعشون فيها
لانك اذا سافرة راح تحجز الطيران والفنادق من ديرتك وتستخرج الفيز يعني مايبقا الا اسعار الاكل وشرايكم فيني ذكيه
هاه بس لا يكثر ياليت تجاوبوني لاني ماكتبت الا بعد الحاح لان زوجي يقول عيب المره تكتب في اماكن مختلطه
ياكثر الصور بس كنهن جازلي ...
يالله تجاربك لا هنتو ....

مواضيع عشوائيه ممكن تكون تعجبك اخترناها لك:

• وين تقترحو يروحو؟؟
• على اي خطوط اسافر؟
• حدد وجهتك لاى دولة ودع الباقى علينا 560030072
• هل يمكن تغير موعد العودة علي الخطوط السعودية
• اللى من اهل المدينه يدش
• ملتقى سوق السفر العربي
• فين أسافر ؟؟؟؟
• مهتم بالطبيعه وابي اغير عن شرق اسيا
• استفسار هل يسمح بحمل عربة اطفال في الطائرة
• نداااء لكبار المسافرين واصحاب الخبره محتاااره
• تعرفون قنوات تلفزيونيه عن السياحه والاطلس ؟
• السفر مع الاطفال موضوع نقاش
• تحب تركب طياره اجل تعال شوي ابيك
• شخص يطلب نصيحتكم بخصوص خطّته السياحية لخمس سنوات قادمة
• طريقة معرفة إحداثيات الفنادق حسب عناوينها
• من جرب عروض الـــ اللي ليالي بــ دولار
• فئات التذاكر يا خبراء و موظفي الخطوط
• مسااااااااااااعدة
• بخصوص السفر
• هل انت ممن يحرصون عليه ؟؟؟؟؟؟؟؟؟

ههههههههههههههههه والله اسلوبج تحفه

عزيزتي انا اقول لو اتحددين لنا الدول يكون احسن وانا رديت على موضوع مشابه قبل فترة وبقولج الي اتذكره لاني ناسي

فبنسبة للندن الي انا عايش فيها فيختلف الوضع يعني في دكامين الي هي البقالات الصغيره فيكون والله سعر البيبسي العلبة ب 40 بنس يعني 3 ريال او اقل اشوي اما الغرشة اتكون بباوند او باوند وعشرين بنس يعني 6 ريال
بنسبة للماي فيكون بباوند يعني 5ريال ونص واما الجمعيات الكبيره او المعروفه مثل تسكو وسنسبري وازدا وسسابارو فتكون اسعارهم اعلى بشوي يعني زيدي نص ريال او ريال

بنسبة للوجه في ماكدونالز حجم كبير اتكون مابين 4باوند ونص الى 5 باوند ونص يعني مابين ال 28 ريال الى 35 ريال وتوصل 40 ريال واما برجر كنغ فاغلى اشوي بكم ريال وماكدونالز يعتبر ارخص شي

بنسبة للخليج فنفس اسعار السعودية يمكن ازيد بكم ريال بس

بنسبة لستراليا فكان الماي بنص دولار يعني بريال ونص او بريالين ونفس الشي البيبسي واسعار الوجبات نفس الي عندنا مافي فرق ونفس الكلام على ماليزيا وسنغافورة بعد
بانكوك ارخص يعني الوجبات والماي والبيبسي ارخص من عندنا بس مومتذكر بظبط
بجنيف الماي بفرند يعني ريالين ونص ونفس الشي البيبسي والوجبات اعلى من اسعارنا بشوي يعني ب 20 ريال او 22 ريال
وبنسبة للمانيا والنمسا وبلجيكا وفرنسا فسعارهم متقاربه يعين الماي 1 يورو يعني 4ونص والبيبسي ب 3 ريال ونص
والوجبات مابين ال 25 ريال الى 33 ريال لشخص الواحد
بنسبة لدول العربيه ماتذكر لان من زمان مارحت لهم

تقريبا انا هذي هي الدول الي زرتهم

واي استفسار احنا لخدمة واتظل لندن اغلى دوووووووله لان تكاسيها نار المشوار الواحد عادي 20 باوند يعني فوق المية ريال

الف شكر اخوي مناحية الدول اللي ناويه ازورها ان شاء الله
المانيا والنمسا
او باريس
او لندن
وناوين ان شاء الله نجلس عشر ايام انا وابوصقر وصقر وصقوره
صقر 9 سنوات وصقوره خمس سنوات بس مدري الفنادق ياخذون سعرزياده للاطفال لو طلبنا غرفه بالافطار .
لاني سافرت لشرق اسيا ودول عربيه وتركيا بس ماخذو شي مدري عن اوروبا وغلاها ...
بس غريبه اسعار الوجبات عندهم مره حلوه لاني سمعت انها توصل الي سبعين ريال
والتنقلات مافكرة بالسياره ناوين نركب مواصلات عامه المترو وطقته مدري وش اسمه قصدي مثل خط البلده الي عندنا خخخخخخخخخخخخخخخخ ووووووووووووو

والتنقلات مافكرة بالسياره ناوين نركب مواصلات عامه المترو وطقته مدري وش اسمه قصدي مثل خط البلده الي عندنا خخخخخخخخخخخخخخخخ ووووووووووووو
هذي فكرة زينه انكم تستعملون المواصلات العامة مثل الباصات
و الاندرجراوند , اذا انتو بتروحون لندن احسن لكم تشترون تذاكر اسبوعية تنفع للباصات و القطار اللي تحت الارض انتي و الصقر اللي معاج اما صقير و صقورة ببلاش ,

لكن ممكن يرتفع قيمة كوب الشاي في الشانز الى 60 ريال في الصيف
يادافع البلا معقوله يوصل سعر الشاي ل60 ريال اف اف سعر مبالغ فيه

انا رايي مع راي اختي نسيت اسمي وفعلا سويسرا غالية ولاكن ماتوصل مثل لندن وسعر البغماك بلندن سعر مغلوط لان يبيعون الساندوتش ب 3باوند و 75 بنس والوجبة توصل قريب 5 باوند

وبشكل عام لندن غالية بس لو عرفتو اشلون تتصرفون فيها والمواصلات عندكم الاندر قراوند وعندكم الباصات بس تحملي على اعيالكم لان زحمه الانرقراوند وكتمه وحر تحت

صح انتي اتقولين عن اسعارهم عادي بس انتو ماراح تاكلون كل يوم فاست فود لان بتملون ومن غير انتو اكثر من شخص والي بيدفع شخص واحد وهنا بيحس بلفرق ومن غير الالعاب والاشياء الثانية والكوفيات كلها غاليه لان لو تبين كوفي وساندويتش من استاربكس عادي يطلع احسابكم 10 باوند او اكثر بشوي

وعندج مثلا صاب وي في لندن لو تطلبين ساندويشتين كبار و3 بيبسي بكلفج اقل شي من 15 الى 18 باوند

لهشي في اماكن رخيصه وفي اماكن غالية

ولازم اتحسبون احسابكم على مبالغ احتياط

باريس حلوة بس ترا طبقو قرار منع النقاب لهشي اتمنى انج ماتروحين اهناك لان لبس النقاب في الاماكن العامه يعتبر جريمه لهشي الغوها بعد
وخليكم على النمسا والمانيا وتقدرون اتروحون لميونخ وزلامسي وفينا

شوفي اختي مرت الصقر الاسعار للوجبات ضربي باثنين عن السعر عندنا يعني ديل تقريبا ...........والماء والبيبيسي اخذيهم من الجمعيات الرخيصة وخذي كمية في بميونخ جمعيات رخيصة تكون عند المحلات التركية واخذي ماجلتج منهم لا تروحين الجمعيات الالمانية ولا البقالات التونسية والعراقيين هم غاليين وبس يشوفون خليجيين يغلون بالسعر

الف شكر لكل من نور الصفحه
مدلع ............ عندي كم استفسار عن باريس ياليت القاء الجواب وتطول بالك شوي
اذا نويت اروح باريس لان اعرف وحده تقول انها في باريس وتشوف المنقبات الا يومنا هذا والحمد لله
هل يوجد فندق قريب من الشانز بسعر مناسب يعني مو شرط قريب مره بس يمكن اروح رجليه انا وعيالي وهل سياسة الفنادق عندهم تاخذ سعر على الاطفال يعني لو طلبنا غرفه وحده انا وابو العيال وعيالنا عادي مايزيدون في السعر وبالنسبه للافطار يشملنا كلنا مجانا ؟؟ ( اسئله وحده قعيطيه ) لان حدنا 750 ريال في اليوم ( ظريبة الاسهم )
وبالنسبه لتنقلات تكون سهله يعني فيه باصات قريبه ..
والاكل هل مطاعم الشانز الفاست فود اسعارها حلوه حتي لو دبل مرتين ثلاث تعتبر كويسه في نظري يعني لو وصلت 40 ريال سعر الوجبه حاجه معقوله
واذا ابي اروح دزني كيف تكون الطريقه وهل هي مكلفه اقصد التنقل من الفندق الي دزني والمبيت يومين وكيف الفنادق واسعار دخول الدزني كيف لي ولعيالي ؟
لان الميزانيه محدده وانا علي اتصرف على حسب الي معنا ...
جزاك الله الف خير

مرحبا اختي بنسبة للفنادق فهي وايد عندج فندق كالفورنيا اسعارهم حلوة وبعد فندق نابولي وفندق الكونكورد وفندق النوفتيل كلهم حوالين الشانز وقوس النصر واسعارهم مناسبة لو حجزتي من بدري
وبنسبة للاطفال كم اعمارهم الله يحفظهم وكم عددهم

بنسبة لدزني ممكن اتروحين لها بلاندرقراوند وهي ارخص وسيلة تنقل وقبل محطة دزني في محطة الاوت لك فيلج وهي فيها معظم الماركات بسعار رخيصه
وممكن اتروحون لدزني بتاكسي لو تبون
وفي باصات قريبه من الشانز والتكاسي بعد موجوده ولااندرقراوند
والاكل مثل ماقلت لج مطاعم الفاست فود بس دبلي عن اسعارنا وكل امورج تمشي بس اكيد الرقم الي حطيتيه للوجبه الوحده يكفي
واذا عندج بعد استفسارات ثانية ممكن اتزورين البوابة الفرنسية وهم بفيدونج اكثر وانا بعد بلخدمة
وممكن تحجزون من النت لان اسعارهم ارخص وفي مواقع مضمونه وانا مجربها شخصيا مثل بوكنق وفندقكم وحجوزات ومايخذون منكم ولا ريال الا لمى توصلون الفندق وحجز الفندق يكون اكيد عندهم

وبنسبة لنقاب والله انا خايف عليكم لان القرار قالولي انه صدر
وبسالج سؤال اختي واسمحيلي بس فرضن لو صار هشي هل انتي مستعده تكشفين او لا
وانا مابي اتدخل بلخصوصيات بس لان الوجه والكفين حلال ومعظم المشايخ حللو هشي
انا الوالده منقبه ولاكنها لمى انسافر برا تكشف الويه منعن للحرج والمضايقات ولان في مشايخ عندنا حللو هشي

واهم شي اختي اتكونين مرتاحه ولاتنسون التخطيط بدري لان الحجوزات مليانه بحكم قرب شهر رمضان الكريم الله يعوده علينا وعلى امة المسلمين

شكر على الافاده
عيالي واحد 9 سنوات و5 سنوات الله يطول في عمرهم
لا ماني مستعده لفتش الوجه لاني مقتنعه بان اظهار الوجه حرام ولا عندي استعداد ابيع ديني بدنيياي
الف شكر

ياناس ان سمعت الوجبات السريعه عندهم غير حلال لانها مذبوحه على غير الطريقه الاسلاميه
لما رحنا اوروبا ما اكلنا فيها لاني كنت متخوفه
ياليت اللي عنده خبر اكيد اكيد يخبرنا

اصلا الله محلل اكل اهل الكتاب مثل اليهود والمسيحيين وهذا لانهم يذبحون لله سبحانه بس طبعا الطريقة تختلف بس المهم انك تسمين وتاكلين وما عليج اذم ان شاء الله ......وانتي بس تدخلين اي مطعم للوجبات السريعة هم راح يحذرونك من الوجبات اللي فيها لحم خنزير ويقولك انه لا يصلح لك..........واذكر بماكدونالدز بميونخ يوم بغينا نحلي وطلبنا كيك قالت لنا البائعة انه فيه كحول بس نوع واحد ما فيه وهو اللي اخذناه...............ومرة بعد الازمة دخلت ومبي وكان مشهور عندنا ومنقطع في ذيك الايام واحنا بس شفناه وسيده دخلنا وتوني مقبله على البائع ولا يقولي نو بيف اول هام .........يعني مافي لكن شي عندي وطلعنا..........يعني لا تخافين يعلمونج اذا فيه شي غير اسلامي ..............بعكس الدول الاسيويه اللي ما يعرفون الله وعباداتهم البوذية هاذي لا تقربينها

المشاركة الأصلية كتبت بواسطة fab u lus
http://www.arabtravelersforum.com/tr...4/#post3883404

اصلا الله محلل اكل اهل الكتاب مثل اليهود والمسيحيين وهذا لانهم يذبحون لله سبحانه بس طبعا الطريقة تختلف بس المهم انك تسمين وتاكلين وما عليج اذم ان شاء الله ......وانتي بس تدخلين اي مطعم للوجبات السريعة هم راح يحذرونك من الوجبات اللي فيها لحم خنزير ويقولك انه لا يصلح لك..........واذكر بماكدونالدز بميونخ يوم بغينا نحلي وطلبنا كيك قالت لنا البائعة انه فيه كحول بس نوع واحد ما فيه وهو اللي اخذناه...............ومرة بعد الازمة دخلت ومبي وكان مشهور عندنا ومنقطع في ذيك الايام واحنا بس شفناه وسيده دخلنا وتوني مقبله على البائع ولا يقولي نو بيف اول هام .........يعني مافي لكن شي عندي وطلعنا..........يعني لا تخافين يعلمونج اذا فيه شي غير اسلامي ..............بعكس الدول الاسيويه اللي ما يعرفون الله وعباداتهم البوذية هاذي لا تقربينها



شكرا اختي
بس هم يذحونه بالصعق او الخنق وهنا الواحد يخاف
ياليت اختي ماتقولينحلال الا اذا تأكدتي الاكيد اليقين عشان مايدخل شي بذمتج