الموضوع: عطون رايكم مصر بتكفلة ولا اندونيسيا ولا شو

بسم الله الرحمن الرحيم

السلام عليكم ورحمة الله وبركاته


اخباركم ؟؟؟


بدخل بالموضوع


ناوي اسافر بشهر 8 ان شاء الله وحبيت استشيركم ..

لانكم بالفعل ساعدتوني بشهر العسل وكلامكم كان مفيد لي كثير خصوصا للمبلغ



انا معاي مبلغ 10.000 ريال وممكن ازيدهم 2000 ومحتار مره اقول (مصر ) مده اسبوع

ولما قريت ان اندونيسيا تكلفته مب غالية قلت اسالكم يكفيها 12000 انا وزوجتي مع تكلفة الطيران

واذا ما تكفي وش تنصحوني بديرة غير مصر اروح له بالمبلغ هذا وانا ماعندي مانع لو تصير اسبوع الروحه

انا احس مصر افضل من اندونيسيا لان اندونيسيا قريب جوها لماليزيا وانا رايح لها قبل 7شهور


اتمنى اني استفيد منكم مثل المره اللي راحت والله يجزاكم الجنه

مواضيع عشوائيه ممكن تكون تعجبك اخترناها لك:

• أسئلة لشخص أول مره يركب طائرة في حياته
• لأهل الخبره الاماراتالبحرينلبنانتركيا
• ممكن اسعار تذاكر طيران الامارات
• مدينة مثل ماليزيا ؟؟
• مشكلتي مع الخطوط السعوديه
• ممكن استفسار بسيط
• ابي رايكم عن افضل نوع لجارمن نوفي ؟
• فيزا بريطانيا وفيزا اوروبا
• ماهي الدول التي سافرت له وكيف كان تعامل اهل البلد معك من كل دولة من هذه الدول شاركونا
• أدوات تساعدك في التخطيط لسفرك (خذ السنارة و اترك السمكة المشوية)
• استخراج رخصة قيادة دولية في السعودية للبنات؟ ممكن؟
• ألف دينار بحريني فقط ،، ساعدونا
• الصقيع في أمريكا
• سؤال عن حجوزات الطيران والفنادق بواسطة البطاقة الائتمانية
• كرت حساب الاميال
• هدايا من الحج
• أجمل عشر عواصم حول العالم
• بالصور فندق بالم رويال سوما باي نجوم الغردقة
• تذاكر دولية
• طلب استفسار عاجل

أنا دائمـــا أفضل شرق اسيــا ، ولا أحبذ الدول العربية ، والقرار الاخير لك

المشاركة الأصلية كتبت بواسطة hkmoosawi
http://www.arabtravelersforum.com/tr...0/#post3922940

أنا دائمـــا أفضل شرق اسيــا ، ولا أحبذ الدول العربية ، والقرار الاخير لك




مشكووووووووووووور اخوي

اندونيسا ثم اندونيسا ثم اندونيسا توكل على الله وماراح تندم باذن الله

شرق اسيا وبس

يمكن أونس اندونيسيا خصوصا جزيرة بالي
لكن مصر اذا ودكم بشي جديد .. مع اني شخصيا ماحبيت فيها الا شرم الشيخ.. القاهره مااعجبتني مره بس بما ان وقتكم بأوقست يمكن تكون احسن ..

عليكم السلااااااام
اخوية من أمي وأبوية زواجة قريب أن شاء الله
انا اقترحت علية يسافر شرم
حيث الهدوء والرومانسية
أي سؤال حاضرين في بوابة مصر
ادخل هذي الروابط من تقارير الأخوان
أن شاء الله يارب تعجبك شرم

http://www.arabtravelersforum.com/travel169233/

http://www.arabtravelersforum.com/travel104297/

http://www.arabtravelersforum.com/travel160233/

http://www.arabtravelersforum.com/travel165664/

اسأل مجرب ولا تسأل طبيب


والله العظيم حسوفه تدفع ريال بمصر

انت رايح مع المدم تتمشى وتوسع صدرك

مو رايح لعوار الراس والزحمة وجو غير صحي ابد واستغلال عيني عينك

حتى الخليجيين بالقاهرة ذبحهم التميلح الزايد وشغل المراهقين

لا يوجد سياحة حقيقية بدولة عربية

وهذا رأيي الشخص والخيار و القرار بيدك

البلد المرشح مثل ماقالو اغلب الاعضاء المحترمين _( اندونيسيا_)



اتمنى لك اجازة سعيدة وين مارحت

المشاركة الأصلية كتبت بواسطة فهد330
http://www.arabtravelersforum.com/tr...7/#post3923837

البلد المرشح مثل ماقالو اغلب الاعضاء المحترمين _( اندونيسيا_)

ماذا تقصد ؟؟
شرم الشيخ واحدة من أجمل أربع مدن في العالم

مرااااااااااااحب
دام انت رايح اندونيسيا قبل 7 شهور
سيبك من اندونيسيا وخليك في شرم الشيخ
لك كامل الحرية أخي سالم
تحياتي للجميع

القرار لك حسب شخصيتك وشخصية المدام.....يعني إذا تحب الحياة البسيطة والزحمة والدم الخفيف والأكل اللذيذ عليك بأم الدنيا ....يعني أنا وأعوذ بالله من كلمة أنا ماعجبتني وايد ماليزيا جوها رطب بس آمووووووووووووووووووووت في مصر وإذا عندك بس اسبوع روح شرم بس او روح القاهرة يومين واطلع الاسكندرية وخذ لك 3 أيام في منتجع بورتومارينا....وااااايد بتستانس ومنها دولة جديدة ما شفتها من قبل وارجع يومين القاهرة للشوبنغ.....الساحل الشمالي ابرد من البحر الأحمر الجوعجيييييييييييييييييب والمبلغ اللي عنك إن شاء الله راح يكفيك غي مصر تقدر تعيش ب 1000و10000و1000000 كل شي متوفر وجميل

ديما
وفا
اوكسجين

مشكورين على رائكم

غطيطة تشكوراااااااااااااااااااات وصادق بكلمتك على حسب الجو اللي يحبه الواحد المشكله مافيه مانع مرتي تقول اهم شي سفره

مشكور ابو الغدا بروح لبوابه واشووووووووووف

المشاركة الأصلية كتبت بواسطة أبو الفداء
http://www.arabtravelersforum.com/tr...9/#post3924119

ماذا تقصد ؟؟
شرم الشيخ واحدة من أجمل أربع مدن في العالم

يمكن تكون من وجهة نظرك افضل رابع بلد ولكن من غير الضروري تعجبنا

لاني مجرب البلد واعرف السياحة في البلدان العربية والاستغلال الغير طبيعي للخليجي

بالنسبة لكلمة ماذا تقصد

هل كلمة محترمين لها مقصد غير الاحترام

لك مني كل احترام وتقدير

اخوي سالم الميزانية ان شاءالله راح تكفي مثل ماقلت لك لو التكت بطيران اقتصادي مابكلفك وايد وروح بوابة مصر واحجز من النت لان الاسعار تختلف وان شاءالله راح تعجبك مصر واتغير جو فيها والجمال مو بتعامل الشعب او غيره الجمال في الدولة مثلها وكل مكان فيه الزين والشين لان حتى في اندونيسيا بعد في نصابين وفي اماكن وايد مب نظيفة وهاي على كلام التقارير الي شفتهم
وانا رشحت لك مصر لسببين اول شي لان الميزانية ماتسمح ولا عدد الايام مايسمح حرام اتروح لدوله بعيده وكلها اسبوع لان بيروح يوم بروحه ويوم برجعه

وعلى العموم اي استفسار احنا بلخدمة والاخوان ماقصرو

المشاركة الأصلية كتبت بواسطة حلو ومدلع
http://www.arabtravelersforum.com/tr...5/#post3925575

اخوي سالم الميزانية ان شاءالله راح تكفي مثل ماقلت لك لو التكت بطيران اقتصادي مابكلفك وايد وروح بوابة مصر واحجز من النت لان الاسعار تختلف وان شاءالله راح تعجبك مصر واتغير جو فيها والجمال مو بتعامل الشعب او غيره الجمال في الدولة مثلها وكل مكان فيه الزين والشين لان حتى في اندونيسيا بعد في نصابين وفي اماكن وايد مب نظيفة وهاي على كلام التقارير الي شفتهم
وانا رشحت لك مصر لسببين اول شي لان الميزانية ماتسمح ولا عدد الايام مايسمح حرام اتروح لدوله بعيده وكلها اسبوع لان بيروح يوم بروحه ويوم برجعه

وعلى العموم اي استفسار احنا بلخدمة والاخوان ماقصرو





والله ياخوي شكلها بتثبت على مصر ورحت للبوابة وشفته وحطيت في بالي القاهره وشرم الشيخ بس فيه مشكله بالايام يعني انا احس الميزانيه هذي حقت اسبوع ومايكفي اقسم اسبوع بشرم والقاهره ولا وش رايك

فيه احد رد علي وقال تكفيك اكثر من اسبوع ولا ادري صدق ولا لا

انصحك بشرق اسيا
تايلند
ماليزيا
اندونيسيا
دمت بود..

اذا نويَت على مصر
لاتروح القاهره والله ماتسوى .. شرم الشيخ اسبوع كافي عليها

ليدي بيرد شوووووووووكرا

اخوي ان شاءالله الميزانية راح تكفي بس انت ظبط امورك وحاول تحجز من الحين
وروح للبوابة وشوف اسعار الفنادق والتكت واحجز من النت لان ارخص لك ولا تنسى الطيران من شرم الى القاهره لان المسافه بينهم مب قريبه لو بتروح بلباص فحرام بياخذ عليك يوم في الروحه ونفسه في الرجعه لان المسافه بينهم اكثر من 10 ساعات
واذا ماكفتك الميزانية اكتفي بوحده منهم يا القاهرة يا شرم مدة اسبوع

واتمنالك سفره سعيده

المشاركة الأصلية كتبت بواسطة سالم القصيم
http://www.arabtravelersforum.com/tr...2/#post3925612

فيه احد رد علي وقال تكفيك اكثر من اسبوع ولا ادري صدق ولا لا

بلا بهلله.....

نص الميزانية تروح في الفندق
اما لوكان فندق 3 نجوم
تفرق معاك والفرق ينفعك في المصاريف
أدخل هذا الرابط

http://www.arabtravelersforum.com/travel386038/

اجل شرم اجمل رابع مدينه بالعالم ؟؟؟؟؟؟؟
والله ما ادفع ريال لسياحه بدوله عربيه غير الخليج

حرام عليج اختي وفاء بلعكس شرم الشيخ حلوة وراقية جدا وفنادقها على مستوا عالي جدا
والسياحه العربيه حلوة فليش هنظرة السوداوية يعني اتصير مواقف بس ترا بكل العالم
انا مثلا صارتلي مواقف وايد بدول اجنبية اكثر من العربية
بنمساء باقوني وعلى عينك يا تاجر ومحد سوا شي بلمانية يكلموني بعنصرية وغرمونا الفندق على شي تافه
بماليزيا وبسدني مارجعولنا فلوس الفندق مع ان حجزنا فلكسبل وقابل لتغير والالغاء
بلندن صارو يفتشون تفتيش ذاتي ويحققون وياك
بفرنسا باقو شنطتين واحنا بلمطار يعني شحناهم ويوم وصلنا حصلنا القفل مفتوح والشنط فاضية وكلهم شنط جهاز عروس
بجنيف حصلنا السيفتي بوكس مفتوح تخيلي يعني اشعاد اامن من السيفتي بوكس

فهلمواقف وهاي الاشياء اتحصلونها بكل مكان ومن غير تعامل بعض الشعوب بلندن يسبونك احيانا ويشتمون وممكن يحذفونك بكرات ماي وهشي صار وياي مره بليل ونفس الشي بلمانيا الصوت يعلى ومافي احترام ولا تفاهم
والطراروة بكل مكان وان شافوك يجلبون فيك وجنهم شايفين غنيمة وحتى بتصوير لو اتصورهم يجيك يقولك ليش صورتني ومادفعت

وهاي المواقف كلها بدول غييييير عربية انا حبيت اذكر هلامثله بعد اذن صاحب الموضوع علشان اقول شين

ان الشخص ماتكون نظرته سوداوية من موقف ولا غيره وترا حتى ديرتنا والله ان فيها الزين والشي لان هشي بكل مكان ومو حكر على دوله معينه

انا توني جاي من لبنان عاملوني احسم معامله وماقالولي شي والي نبيه يجيبونه والفندق ماقصر كل يوم يسال عنا واذا محتاجين شي وكل يوم ولا اثنين يرسلولنا سويت ولا فواكه ضيافه من الفندق

حتى بلمطار وهو المطار الي يشيل الشنطة والله انه ارشدنس ووداني لعند الكونتر وماقصر معي ولا خلاني انتظر بطابو ويوم بطلت بوكي ابي اعطيه شي تخيلي ماحصلت فلوس لاني ماسحبت من البنك ويوم حصلت البنك داخل المطار كانت المكينه ماتقبل بطاقتي والله انه قالي وحلف علي ما ادفع وقالي عادي واحنا نخدمك ومب طالبين شي والله ان موقفه احرجني وصغرني بيني وبين نفسي

علشان هشي انا اقول ان اصابعكم مب سواا وترا محد احسن منا بشي بس اهم شي الواحد يكون تعامله حسن مع الناس والله بيسخرله الي يساعده وهو مسافر

وبنسبة لصاحب الموضوع انصحك تحجز من النت واتشيك على الاسعار وممكن اتحصل فنادق ليلتها على 500 ريال وفايف استار في 6 ليالي بتكلفك 3 الاف ريال والتكت على اعلى تقدير لو قلنا كل واحد 2000 ريال يعني اربع الاف ريال يعني كلهم 7 الاف ريال وبكون باقيلك 5 الاف ريال اتوقع بتكفيك على مصروف وشيك على تكت الطيران لانك بتلاقي ارخص

والله يوفق الجميع

دبي ..

انا شخصياً انصحك بدبي .. والخيار لك ,,
موفق عزيزي ..

ابو الغدا

اتوقع لو اني بروح للقاهره والشرم بخلي وحده منهم اربع نجوم واثانيه خمسه علشان التكاليف واخلها 8 ايام اربع بالقاهره واربع بشرم


حلو ومدلع

وهو كذلك تقسيمك عين العقل لو قلنا ان الخطوط السعوديه 1800 وانا ناوي اروح من جده وبدور خطوط ارخص يعني نقول يمكن 1300 بتكلف على الاقل

اما السكن لازم فايف ستار او ع الاقل فور مع انهم يقولون ان فنادق مصر رخيصه ..

بس فيه مشكله ماعرف صراحه احجز من النت المره الاولي حقت شهر العسل وصيت واحد من اقاربي بالرياض عطيته الفلوس ومشى اموري وهالمره مابي انط له وابلشه فياليت تعلموني واشلون ادور خطوط ارخص بالنت وكيف احجز فنادق

ادري ابلشتك ياحلو بس انا هذي سفرتي الثانيه برى الاولى ودبرها قريبي والثانيه ابي مساعدتكم

وتشكر اخي

افا عليك اخوي انت تامر وانا بلخدمة لو تبيني حتى احجزلك

وخلني اشيكلك على الطيران واشوفلك الاسعار ونفس الشي على الفنادق واشوفلك الاسعار وبعطيك الا سامي والاسعار وبعلمك اشلون تحجز لان مافي اسهل من الحجز بالنت وانت بعد شيك على المكاتب لان في مكاتب يسون عروض حلوة واسعارهم اتكون ارخص لانهم يتعاملون مع الفنادق من زمان لهشي يعطونهم عروض اكثر

وان شاءالله ارد عليك بعد كم ساعه لاني اشوي مشغول قاعد اكتب بحث من اخلص منه بشيك لك وبرد عليك خبر

بس ماقلت لي وين تبي اتروح قبل شرم ولا القاهره وكم تاريخ السفر الروحه والرجعه وعطني التاريخ بلميلادي

واي استفسار انا بلخدمة

مرحبا اخوي مثل ماوعدتك شيكتلك على فنادق شرم الشيخ على بداية شهر 8 وكلهم اسعارهم حلوة ومايتعدون ال 650 ريال في فنادق اسعاره على 300 ريال و400 ريال وكلها خمس نجوم
وهذا الرابط عن طريق موقع فندقكم وتقدر تتاكد بنفسك واسعار شهر 7 ارخص بعد
http://www.fendeq.com/results_new.ph...der=class_desc

وانا مجرب الموقع ومضمون

وبعد شيكت لك على فنادق القاهرة وفي فنادق اسعارهم حلوة وايد واقل من ال 500 ريال مثل السفير والكونكورد
وهذا الرابط وتقدر اتشيك عليه واذا اعجبك فندق معين اسال عن سمعته في البوابة المصرية وشوف شقولون لك الشباب اهناك
http://www.fendeq.com/results_new.ph...der=class_desc

وشيكت لك اخوي على موقع الخطوط السعودية وحصلت تذاكر على اول شهر 8 وسعر التذكره ذهاب وعوده ب 1700 ريال تقريبا
وهذا رابط الصفحه
http://www.bookonline.saudiairlines....170!-132858424
وشيكت لك على الخطوط السعودية من جدة الى شرم الشيخ واطلعة التذكرة بحدود 1300 ريال تقريبا
وهذا رابطهم



http://www.bookonline.saudiairlines....170!-132858424

وشيكت لك اخوي على الخطوط المصرية من جدة الى شرم الشيخ وعطوني السعر ب 450 باوند بريطاني وطلعلي بريطاني بحكم انا داخل وانا في بريطانية المهم انها اتعاد 2400 ريال تقريبا

وشيكت لك على الخطوط المصرية من جدة الى شرم الشيخ على بداية شهر 8 وطلعلي 380 باوند بريطاني يعني بلريال يطلع حدود ال 2000 ريال
وهذا الرابط

[url]https://wftc2.e-travel.com/plnext/egyptAir/Override.action?SITE=BAYLBAYL&TRIP_FLOW=YES&DIRECT _LOGIN=NO&SEVEN_DAY_SEARCH=TRUE&EMBEDDED_TRANSACTI ON=FlexPricerAvailability&COMMERCIAL_FARE_FAMILY_1 =LONFARE&PRICING_TYPE=O&DISPLAY_TYPE=1&EXTERNAL_ID =FLEXPRICER&B_LOCATION_1=JED&E_LOCATION_1=SSH&B_AN Y_TIME_1=TRUE&B_DATE_1=201008010000&B_ANY_TIME_2=T RUE&B_DATE_2=201008070000&TRIP_TYPE=R&DIRECT_NON_S TOP=FALSE&TRAVELLER_TYPE_1=ADT&SO_SITE_POINT_OF_SA LE=*&SO_SITE_OFFICE_ID=LONMS08AA&SO_LANG_SITE_AGEN CY_LINE1=
وشيكت لك اخوي على طيران سماء من جدة الى الاسكندرية لان مافي رحلات على شرم ولا على القاهرة
وطلع السعر شامل كل شي ب1730 ريال

وهذا الرابط

https://booking.flysama.com/Contact.aspx
وشيكت لك على طيران ناس من جدة الى الاسكندرية لان مافي رحلات على شرم ولا على القاهرة والسعر كان ب 1690 ريال

وهذا الرابط

https://book.flynas.com/Contact.aspx
وتقريبا اخوي هم اسعارهم متقاربه وهذي كل الخطوط الي تطلع دايركت من جدة الى مصر بدون توقف

واذا في شركة معينه تبيني اشيكلك عليها فترا ماعندي مانع واحنا بلخدمة
واتمنى اني ساعدك لو بلقليل

تحياتي لك

المشاركة الأصلية كتبت بواسطة وفاااء
http://www.arabtravelersforum.com/tr...5/#post3926585

اجل شرم اجمل رابع مدينه بالعالم ؟؟؟؟؟؟؟
والله ما ادفع ريال لسياحه بدوله عربيه غير الخليج



اتفق معك اختي الغالية

يعجبني في ردودك مختصرة ولا فيها حشو كلام زايد ومفيدة يعني تجبينها من الاخير


لك مني كل تحية وتقدير

حلو ومدلع


الله يجزاك الجنه ويرزقك اللي تمناااه .. شكل الرحله راح تبدى من جده لشرم الشيخ على الرابط اللي قلته هو مافتح معاي بس بدق على الخطوط وشوف .. وبشوف الخطوط الاماراتيه والبحرين يمكن ارخص اذا كانت متوافره من جده ..


اما الفنادق فجاري البحث

مع اني قريت انه الحجز بالفنادق من النت ومن دون دفع الدفع بالفندق هناك هل هذا صحيح اخاف اتوهق

اشكرك اخوي مره ثانيه

والله اذا تبي ترووق ابدا لاتفكر بمصر

واذا تبي عوار الراس روح لها

بصراحه جدا نفسيتي تعبت فيها

اكره الاستغلال بشكل مو طبيعي

بكل مكان تحس انك مستغل ومرااقب والسبب انك ( خليجي )

الكل يبي يستغلك

معليش لو الكلام بيزعل احد بس هذي هي الحقيقة

مصر اجوائها حلوه لولا الاستغلال اللي يذبح

نعم اخوي الدفع عند الفندق وهذا صحيح وانا مجربهم اكثر من مره
بس اكيد راح اتحط بطاقتك كضمان لا امكثر واحيانا يسون بلوك على جزء من المبلغ بس مايسحبونه مجرد بلوك واول ما توصل تدفع عادي

وتقدر بعد الحجز اتاكد حجزك مع الفندق

بنسبة لطيران البحرين فمايروح الا على الاسكندرية ومايروح لا شرم ولا القاهر وبعد مافي طيارات في بداية شهر 8

شيكت لك على طيران الاتحاد ماتروح من جدة الى مصر ونفس الشي الخطوط الكويتية
والقطرية مافي رحلات والاماراتية نفس الشي مايروحون على شرم الشيخ والقاهره مافي رحلات

وعزيزي معظمهم مايروحون لان انت في جده فاذا تبي تطلع عن طريقهم ممكن اتروح من جدة الى الدول البعيده مثل استراليا او امريكا او شرق اسياء فتحصل اما الى القاهره فماتحصل

لهشي اشوف ان افضل عرض هو الخطوط السعودية تاكد من عرضهم واذا اوكي روح واحجز لاتنسى ان موسم وصيف واحيانا العودة ماتحصل فيها فيها مقاعد بحكم رمضان وبعض الناس الي بترجع

واي استفسار انا بلخدمة

شرق اسيــاء ولا تقارن

اكيد اختي وفاء اختلاف الراي لا يفسد للود قضية
وانا احترم الي يناقشون بحترام وغرضي هو ان لو في شي صار معاج حلو ان احنا نتذكره ونتناقش فيه
بس في ناس الله يهديهم اتحاول اتغلطج غصب وحتى مايعطونج مجال اتقولين رايج حتى لدرجة انهم يلاحقونج بردود يعني اي رد انتي بتقولينه لازم هم يردون عكسه وهشي ان دل فبدل على صغر عقلهم
وبنسبة لفينا فانا اشوفها تغيرت وين فينا ايام التسعينات كانت غير في التعامل بعكس السنوات الاخير
واهم شي الواحد يحترم نفسه عشان الناس يحترمونه وبنسبة للحجوزات اهم شي تحجزين من اماكن معروفه لان الكل راح يستغلج قد مايقدر

وان شاءالله مافي اختلاف كلها اراء اتصب في هلمنتدى

واي استفسار ان ابلخدمة

أنصحك بعدم الذهاب إلى مصر..
أفضل الذهاب إلى أندونيسيا او سيرلنكا ..

مصر وع وع وع
خساره فيها ريال واحد
خسااااااااااااااااااااااااااره

المشاركة الأصلية كتبت بواسطة حلو ومدلع
http://www.arabtravelersforum.com/tr...3/#post3933513

اكيد اختي وفاء اختلاف الراي لا يفسد للود قضية
وانا احترم الي يناقشون بحترام وغرضي هو ان لو في شي صار معاج حلو ان احنا نتذكره ونتناقش فيه
بس في ناس الله يهديهم اتحاول اتغلطج غصب وحتى مايعطونج مجال اتقولين رايج حتى لدرجة انهم يلاحقونج بردود يعني اي رد انتي بتقولينه لازم هم يردون عكسه وهشي ان دل فبدل على صغر عقلهم
وبنسبة لفينا فانا اشوفها تغيرت وين فينا ايام التسعينات كانت غير في التعامل بعكس السنوات الاخير
واهم شي الواحد يحترم نفسه عشان الناس يحترمونه وبنسبة للحجوزات اهم شي تحجزين من اماكن معروفه لان الكل راح يستغلج قد مايقدر

وان شاءالله مافي اختلاف كلها اراء اتصب في هلمنتدى

واي استفسار ان ابلخدمة



شكر لك يعطيك العافيه
مانستغني عن نصايحك الله يردك لديرتك سالم غانم

المشاركة الأصلية كتبت بواسطة وفاااء
http://www.arabtravelersforum.com/tr...8/#post3933828

شكر لك يعطيك العافيه
مانستغني عن نصايحك الله يردك لديرتك سالم غانم



اكيد ولا نستغني عنج انتي الخير والبركه

وماتصورين اشقد دعوتج اتفرح الواحد لان والله وصلت مرحله صعبه لا الواحد قادر يكمل ولا الواحد قادر يرجع

بس هانت الله يسهل واتعدي هسنه على خير

ويعطيج العافية

أعتذر من صاحب الموضوع ..



أخوي حلو ومدلع

تجي الواحد هالحاله ماهو قادر يكمل ولا هو قادر ينسحب

انصحك تلهي نفسك بشي مفيد

وتحاول بالتدريج تلغي الفكرة من راسك وتحط في بالك الندم لو تركته

إن شاء الله تروح دون عودة


مرت علي كثير واجتزتها الحمدلله

لا مصر ولا اندونيسيا

فكر في سريلانكا والمبلغ يكفيك 12 يوم واذا حصلت سعر التذكرة رخيص على الاماراتية ممكن تجلس يوم في دبي في رحلة العودة للتسوق