اول شي السلام عليكم جميعاااا وكل صيفيه وانتوا الاروع والاجمل بالسفر
ماراح اطول بالموضوع وبقول لكم اليوم وش صار معي ...كنت انا وزوجي طالعين من بيتنا متوجهين الى البحرين وبالاخص لمجمع السيف وبالاخص الاخص السينمااخواني وخواتي دخيل الله شيروا علي مالي بعد الله الا انتو ولكم مني دعوووووووه من كل قلبي ربي يسعد ويسخر الي يرد علي وحتى الي مايرد
الي صار ان حنا وصلنا بالسلامة الى البحرين وتوجهنا الي السيف ودخلنا المجمع واشوي يمكن بعد عشر خطوات بس الا
ويتلقانا هذاك الادمي تبع شركة الاجازات العالمية international holidays وهي تقوم بيبيع الاجازات في المنتجعات
السياحية في العالم.... دخل علينا مثل النوم الي استسلمنا له والله مو بعادتنا بس شكله قرى علينا هالمره
ونبي نتفلت منه ماعرفنا
وقال بسالكم سؤال واذا جاوبتوه لكم هدية اقامة اسبوع بأي دوله بالعالم بفندق خمس نجوم هنا احنا وقفنا قلنا هات السؤال وعطانا السؤال
وجاوبناه وبعدها قال تعالوا اعطيكم الجائزه وتدخلون معنا في مهرجان للعوائل مدري والله وشسماه .. حركات تسويق ومن هالكلام الي مؤخوذ خيره
ورحنا على مقر الشركة السياحية والتقينا باعضاءها وبعدها دخلنا قاعه وهناك كل موظف ماسك له عيله الزوج والزوجه وهاااات يااااشرح تقريبا ست عوائل وجا دورنا وجلسنا مع وحده من الموظفات هناك وتشرح لنا عن الشركة والبرنامج تبعهم وخذي يالمقدمات ويالاغراءات المهم
السالفه كلها يبونا ندفع 53 الف ريال سواء تقسيط او كاش مقابل اقامة لمدى الحياه بفنادق خمس نجوم بكل مافيها من خدمات ووسائل ترفيه مدة 12 اسبوع بالسنه بأي وقت وبأي دولة في العالم تقريبا 79 دوله على مااظن
المهم قال لنا ادفعوا 17 الف كدفعه اولى وتمتعوا بالاقامه والخدمات ونقسط الباقي تقريبا 1410 ريال كل شهر لحد مايكتمل المبلغ
وبصراااااحه احنا ترددنا اعطيناهم الف ريال بس الي كان معنا واتفقناا معهم قبل السفر نعطيهم الباااقي من الدفعه الاولى يعني الشهر الجاي نكمل لهم 16 الف وناخذ العقد قبل نسافر
والحين وبعد ماقلبنا الموضوع انا وزوجي بروسنا وبيدينا ورجولنا حسينها كذبه وماارتحنا ومش عارفين وش الخيره فيه
انا الي اقنعني في الموضوع وخلاني اوافق وبالفعل اغراني خخخ شي واحد ان الموظفه قالت لي اقدر اأجر الاسابيع الي ماابيها على شركات بالنت تستأجرها مني وبكذا اقدر ادخل قيمة الاقساط وزياده
يعني مثلا انا عندي بالسنة 12 اسبوع اقامة ممكن اخذ اسبوعين وال0 1اسابيع ااجرها على شركات سياحية بالنت وش هالشركات والله مدري وماعلمونيمواضيع عشوائيه ممكن تكون تعجبك اخترناها لك:
- الذي مسافر لجورجيا محتاج منكم نصيح
- فندق ريتال فيو العين السخنة
- الحجز في بوكينج
- من يفيدنا بشأن الخطوط الكويتيه
- السفر لاوروبا في فبراير حلو ولا نخليه في مارس
- رابط مقارنة اسعار تذاكر الطيران و الفنادق
- شهر العسل شهر مارس وابريل
- اتمنى الخبيرين او المسافرين من طيران ناس يدخلون
- قطعة جلب الماء
- ومااا ادراك ماالعباه
- هل الخبر صحيح
- أفضل فيزا للأستخدام في السفر
- تملك فيلتك واحصل على سيارة مرسيدس
- استفسار ضروري بخصوص حجز الفنادق ببطاقة الفيزا
- الخطوط البحرية
- صور لساعة مكة المكرمة
- اماكن ومواقف شاهدتها وتتمنى وجودها بالسعودية
- السفر
- اوروبا في الصيف من ناحية الأسعار
- معلومات مهمة عن الرحلة رقم خبر الساعة
المفضلات