+ الرد على الموضوع
النتائج 1 إلى 23 من 23

الموضوع: رحت البحرين واستقبلوني الاجازات العالمية حياكم معنا

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    رحت البحرين واستقبلوني الاجازات العالمية حياكم معنا


    اول شي السلام عليكم جميعاااا وكل صيفيه وانتوا الاروع والاجمل بالسفر


    ماراح اطول بالموضوع وبقول لكم اليوم وش صار معي ...كنت انا وزوجي طالعين من بيتنا متوجهين الى البحرين وبالاخص لمجمع السيف وبالاخص الاخص السينما

    الي صار ان حنا وصلنا بالسلامة الى البحرين وتوجهنا الي السيف ودخلنا المجمع واشوي يمكن بعد عشر خطوات بس الا

    ويتلقانا هذاك الادمي تبع شركة الاجازات العالمية international holidays وهي تقوم بيبيع الاجازات في المنتجعات

    السياحية في العالم.... دخل علينا مثل النوم الي استسلمنا له والله مو بعادتنا بس شكله قرى علينا هالمره

    ونبي نتفلت منه ماعرفنا

    وقال بسالكم سؤال واذا جاوبتوه لكم هدية اقامة اسبوع بأي دوله بالعالم بفندق خمس نجوم هنا احنا وقفنا قلنا هات السؤال وعطانا السؤال

    وجاوبناه وبعدها قال تعالوا اعطيكم الجائزه وتدخلون معنا في مهرجان للعوائل مدري والله وشسماه .. حركات تسويق ومن هالكلام الي مؤخوذ خيره

    ورحنا على مقر الشركة السياحية والتقينا باعضاءها وبعدها دخلنا قاعه وهناك كل موظف ماسك له عيله الزوج والزوجه وهاااات يااااشرح تقريبا ست عوائل وجا دورنا وجلسنا مع وحده من الموظفات هناك وتشرح لنا عن الشركة والبرنامج تبعهم وخذي يالمقدمات ويالاغراءات المهم

    السالفه كلها يبونا ندفع 53 الف ريال سواء تقسيط او كاش مقابل اقامة لمدى الحياه بفنادق خمس نجوم بكل مافيها من خدمات ووسائل ترفيه مدة 12 اسبوع بالسنه بأي وقت وبأي دولة في العالم تقريبا 79 دوله على مااظن

    المهم قال لنا ادفعوا 17 الف كدفعه اولى وتمتعوا بالاقامه والخدمات ونقسط الباقي تقريبا 1410 ريال كل شهر لحد مايكتمل المبلغ

    وبصراااااحه احنا ترددنا اعطيناهم الف ريال بس الي كان معنا واتفقناا معهم قبل السفر نعطيهم الباااقي من الدفعه الاولى يعني الشهر الجاي نكمل لهم 16 الف وناخذ العقد قبل نسافر

    والحين وبعد ماقلبنا الموضوع انا وزوجي بروسنا وبيدينا ورجولنا حسينها كذبه وماارتحنا ومش عارفين وش الخيره فيه

    انا الي اقنعني في الموضوع وخلاني اوافق وبالفعل اغراني خخخ شي واحد ان الموظفه قالت لي اقدر اأجر الاسابيع الي ماابيها على شركات بالنت تستأجرها مني وبكذا اقدر ادخل قيمة الاقساط وزياده

    يعني مثلا انا عندي بالسنة 12 اسبوع اقامة ممكن اخذ اسبوعين وال0 1اسابيع ااجرها على شركات سياحية بالنت وش هالشركات والله مدري وماعلموني
    اخواني وخواتي دخيل الله شيروا علي مالي بعد الله الا انتو ولكم مني دعوووووووه من كل قلبي ربي يسعد ويسخر الي يرد علي وحتى الي مايرد

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    عليكم السلام



    نصيحه لوجه الله افتكوا منهم بأي طريقه حتي لو راح الألف اللي دفعتوه

    كلها نصب وإحتيال وكذب بعدين يتشرطون عليكم بالوقت اللي يبون وفي فنادق

    معينه وتعبانه وماتصلح هذا إذا بقوا مكانهم ماختفوا بين ليلة وضحاها

    المهم نصيحه لا تدفعون لهم ولا ريال انا مجرد اشوفه ماعطيه وجه لو يسوي اللي يسوي محترفين نصب

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    مااتوقع انك بتكونين انتي الرابحه وهم الخسرانين!!
    اتركيهم هذولا شركات ماهمهم الا الربح ومره قريت عنهم ان بعضهم اساسا تكون شركات وهميه بعد ماتشفط فلوسك ماتلقينها!

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    نصيحه لوجه الله ابعدي عنهم نهائي

    والمبلغ اللي تبغو تدفعو لهم سافرو فيهم كدا سفره من غير هم ووجع قلب

    من واقع تجربه

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    نصاااااااااااااااااااااااااااااااااااااااااااااااا ابين

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485


    الســلام عليــكم ورحمة الله وبركاته


    تحصل عمليات نصب كثيرة فالاحسن ما تدفعي لهم و المكاتب السياحية كثيرة تقدري تحجزي منهم


    بارك الله فيــك



    تحياتي

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة zazaz
    http://www.arabtravelersforum.com/tr...1/#post3923351

    عليكم السلام



    نصيحه لوجه الله افتكوا منهم بأي طريقه حتي لو راح الألف اللي دفعتوه

    كلها نصب وإحتيال وكذب بعدين يتشرطون عليكم بالوقت اللي يبون وفي فنادق

    معينه وتعبانه وماتصلح هذا إذا بقوا مكانهم ماختفوا بين ليلة وضحاها

    المهم نصيحه لا تدفعون لهم ولا ريال انا مجرد اشوفه ماعطيه وجه لو يسوي اللي يسوي محترفين نصب






    شكرا لك اخوي على النصيحة وانت صادق كلها نصب يعطيك العافيه على هالرد

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة *ديما*
    http://www.arabtravelersforum.com/tr...7/#post3923397

    مااتوقع انك بتكونين انتي الرابحه وهم الخسرانين!!
    اتركيهم هذولا شركات ماهمهم الا الربح ومره قريت عنهم ان بعضهم اساسا تكون شركات وهميه بعد ماتشفط فلوسك ماتلقينها!





    والله احتراف في النصب الله لايربحهم مشكوره لمرورك الغاليه

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة زوجة المهاجر
    http://www.arabtravelersforum.com/tr...7/#post3923597

    سمعت ان الي بالماريوت مرتاحين واستفادوا من النقاط بمنتجعاتهم لكن برضه مشكلة الوقت انه فيه هاي سيزون ولو سيزون ويبي لهم ترتب سفرك من وقت
    وصعب للي ماي قدر يلتزم او اجازته مو على كيفه


    لكن انا ما اثق بهذه الشركات





    تصوري قالوا لي لازم ابلغهم قبل 15 يوم من السفره ويوم اخذت الكرت والا كاتبين لازم قبل 45 يوم ابلغهم وتلاقين بعد ال45 يوم بيقلون مافي حجز شكرا لك الغاليه على المرور والرد

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة miss_dodo
    http://www.arabtravelersforum.com/tr...0/#post3923730

    نصيحه لوجه الله ابعدي عنهم نهائي

    والمبلغ اللي تبغو تدفعو لهم سافرو فيهم كدا سفره من غير هم ووجع قلب

    من واقع تجربه




    حياك مس دودو ...فعلا 53 الف للسكن بس كثيره خصوصا اني مو كل اجازه اسافر يعطيك العافيه قلبوو على المرور

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة فهد330
    http://www.arabtravelersforum.com/tr...1/#post3923821

    نصاااااااااااااااااااااااااااااااااااااااااااااااا ابين




    وبقوووووووووه شكرا لمرورك

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة planazur
    http://www.arabtravelersforum.com/tr...1/#post3924771


    الســلام عليــكم ورحمة الله وبركاته


    تحصل عمليات نصب كثيرة فالاحسن ما تدفعي لهم و المكاتب السياحية كثيرة تقدري تحجزي منهم


    بارك الله فيــك



    تحياتي





    وعليكم السلام ورحمة الله وبركاته

    شكرا لردك واكيد راح الغي الاتفاق الي بينا وبينهم يعطيك العافيه

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485







    المشاركة الأصلية كتبت بواسطة zazaz
    http://www.arabtravelersforum.com/tr...0/#post3936190

    عليكم السلام


    ماشاء الله اول مره اسمع واحد استفاد منهم

    أعرف واحد من الشباب في السفانيه

    دفع 45 الف وإلي الأن له اكثر من 5 سنين يطارد وراهم لا منتجع ولا حتي صندقه

    لكن للآمانه ماعرف هي نفس الشركه ولا ماهي نفسها

    وقصص كثير لكن انت يمكن نيتك طيبه فتيسرت لك

    وانا اقول يازين فلوسك بجيبك متي بغيت افتح النت واحجز محل ماتبي في المكان اللي تبي

    لا احد يجلس يتشرط عليك بفلوسك ولا يقيدك بشروطه

    وبالنسبه للأسبوعين اللي تبي تئجرهم شوف بو مشعل وطلعها دبل من ظهره



    /

    هلا والله أسعد الله صباحك بكل خير

    الكلام على الشركه .. فـ هناك شركات وهميه تبيعك الوهم و يا كثرهم و حتى هنا في السعوديه موجودين لذلك الواحد يحذر و يسأل و يستفسر قبل ما يقدم على أي خطوه حتى لو قالوا لك هذا عرض و ينتهي اليوم ..
    و زي ما تفضّلت .. حلاة الواحد فلوسه في جيبه و يحجز في أي مكان وفي أي وقت بدون إرتباطات و بعدين للمعلوميه أكثر المنتجعات المشاركه في هذا النظام .. في الولايات المتحده .. يااا بعدها وما يكفي لها أسبوع .. أصلا الطريق لها يومين رايح و يومين جاي
    وبو مشعل طموحه تعدّى كوكب الأرض يبي يروح القمر الأخ عسى ما تتطوّر الحاله ويقلبها لـ زحل بس خخخخ
    ألف شكر على مرورك و على كلامك اللطيف و دمت في حفظ الله وتوفيقه


    /

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    يابنت الحلال ابعد ي عنهم اسلم لك هم يتصيدون السعوديين
    انا عن نفسي صادفتهم اكثر من مره واطردهم بكل ادب
    كانت شركات هالنصب بدبي من سنوات تتزعمهم شركه نصب اسمها الصقر العربي الا الحرامي العربي بعدين حولوا على البحرين والسعوديه
    لكن لوبيصادفني بالرياض ابعطيهم معاملتي يخلصونها لانهم بياعين كلام ههههههههه

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    كان عندنا من كم سنة نفس هذه الشركات وانا اقولك تراهم نصابين واول مرة اسمع عندهم 12اسبوع اكيد غلطانين انا سامعو ان حدهم اسبوعين ...........

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    وفاء

    فابيلوس


    شكراااااا لمروركن يعطيكم العافية

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    بصراحة مارتحت لهم هالشركات وبدأ انتشارهم ايضا بالسعوديه .. انا اذكر مررره بمصر جاتنا ذيك الجنتل وحنا طالعين من القرية الفرعونية وقالت بس ادفعو خمسين جنيه مسترجعه عند حضوركم المقر قلت ابشري .. ويوم رحت نمت وصحيت قلت الا اروح اجيب الخمسين واجيهم اول مادخلت قلت وين الخمسين قالوا موجودة بس تفضل نشرح لك قلت اول هاتوها بعدين اشرحوا براحتكم جابوها مسكت الباب وسلام ياأحلى نيل

    ماانصح فيهم مازالوا يعتبرون وهميين اكثر

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    قريب لي صار له مثلكم
    لكن الفرق ان المنتجعات والفنادق داخليه بس في المملكه
    يقول كل سنه ياخذون منه مبلغ صيانه مع انه مايسافر
    وما يستخدم منتجعاتهم على قولتهم
    مره قرر يروح المنطقه الشرقيه وطلب شاليه في قرية الخليج اعطوه اسوء فئه في الشاليهات
    ومره سافرمع اهلي وقال بنسكن في منتجع في ابحر
    يقول ابوي عشه تخب عليه من شافه ابوي رفض يبات فيه وتركوه
    نصاااابين اتركيهم واستخلفي الله في الالف

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    يووووووووووووووووووووووه ههههههه والله باقي ماشفتي بعد شي وراح تلاقينهم بكل مكان بعد

    انا وزوجي ايام زواجنا مسكونا بجدة بمجمع التحليه ومااعطيناهم وجه مو لاننا كنا نعرفهم لا بس لاننا كنا نبي نطلع نتعشى ومو فاضين وبعدين يوم جبت بنتي مسكونا في الرياض عند ساحة المعارض وصار لنا نفس اللي صار معكم بالتفصيل ورحنا للشركة واعطونا تعليقة ذهب صغنونة وطاولة لحالنا وعصير وعروض وبلا وبلا وووووووووو
    والمره الثالثة بالرياض مجمع غرناطة فوق عند ملاهي الاطفال والمرة الرابعه بجدة في بيت الحوت سابقا (افريكانو حاليا)
    قصة حياتنامعهم حتى تعرفين انهم في كل مكان
    بس شوفي مثل قالوا اخواننا نصابين يعني تقيلي راح تدفعين مقدما مبلغ وقدره؟؟؟؟ طيب خلال السنه ذي لو صار لكم ظرف وماقدرتوا تطلعون تسافرون بتروح عليكم وفلوسكم في جيوبهم شفتي كيف؟

    فسيبيك منهم كلها دعايات فاضيه

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    الاخ نزاف بغيت اتصل فيك ضروري بخصوص شركة الاجازات العالمية في البحرين

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    بخصوص هالشركه انا صديقتي شافتهم بالبحرين مثلك بالسيف

    وضاع يومهم كله معاهم لاتمشوا ولاشافوا شيء جاء الليل وتعبوا ورجعوا البيت خخخخ

    أغروهم من هالكلام وعطوهم دفعه بسيطه وقالوا لهم لكم اسبوع في السنه وهم يحدددون في كل سنه دوله مب على كيفك يعني اللي متوفر عندهم

    تبين ماليزيا يقوولون مالك الا شرم الشيخ او تونس اختاري وحده تقولين شيء ينطون لك بشيء ثاني

    فنادقهم 3نجوم ومش علـى السنتر بعيده تمااااااماً..

    حصلت لك ظروف ماتتأجل وتروح عليك فلووووووووووووووس ...

    المهم مانصح لان المبلغ جامد

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    انا بحريني من اللي احتالوا عليه
    احذروا شركة الإجازات العالمية في البحرين...
    هي الشركة السياحية( النرجس ) التونسية لها فرع في المنامة يديره تونسي يدعى /عيسى و نزار 39507428 ومصريين منهم اكرم زكي و حسام سالم ومحمد خميس للأسف الشديد يدعون أنهم مسلمين. ولكن معاملتهم وأخلاقهم بعد البيع لا ترقى لمستوى المسلمين في التعاملات...
    وشراء أسبوع الإجازات بواسطة نظام اقتسام الوقت وتكسب معهم 13 أسبوعا لتكتشف أنها غير قابلة للحجز أو ستكلفك أكثر من قيمتها الحقيقية. وتكتشف ان عليك دفع مبلغ 350 دولار سنويا سواء ان سافرت ام لم تسافر بالاضافة على المبلغ الذي تدفعه لشراء الاسبوع ما يقارب 4600 دينار بحريني.
    في البداية وقبل دفع المبلغ المطلوب يبدون لك مدى مرونتهم في التعامل ومدى رغبتهم في تلبية طلبات الحجز في الفنادق في أي وقت ومكان تريده في العالم بسهوله ولكن بعد دفعك للمبلغ تبدأ معهم رحلة المماطلة و التطنيش. وليس لك الا السفر الى تونس فقط.
    الاسم التجاري المسجل في وزارة الصناعة والتجارة في مملكة البحرين : الإجازات العالمية international holidays -
    العنوان: مملكة البحرين المنامة /السيف مركز المؤيد. شقة 404 خدمات العملاء ت: 0097317533378 / 0097317533327 /
    وكما ان لديهم مكتب في المنطقة الدبلوماسية فوق بنك البحرين والكويت الطابق الثاني.
    اللهم إني قد بلغت اللهم فأشهد..

    وحسبنا الله ونعم الوكيل على كل محتال...
    الرجاء النشر لكي لا يقع احد في هذا الفخ

    فنادق عطلات


  23. #23
    عضو مسجل
    تاريخ التسجيل
    Nov 2015
    المشاركات
    1

    رد: رحت البحرين واستقبلوني الاجازات العالمية حياكم معنا

    معقولة للحين موجودة هذي الشركات النصابة!!!!

    أختي احذروا منهم قبل 6سنوات ماقدرنا نفلت منهم ونصبوا علينا خذوا فلوسنا 12الف
    كانو يبون اكثر بس لمن تأكدوا ان مامعنا المبلغ المطلوب سألوا كم عندكم
    الله لايوفقهم
    الي صار كان مثل الحلم بالبداية انا قلت لزوجي خلينا نشوف وش عندهم مايضر ولمن وصلنا مكان شركتهم الوهمية النصابة
    ماقدرنا نتخلص منهم
    خمس ساعات كل مانقولهم بنفكر وبنرجع قالو يروح عليكم العرض وتعبنا كثير
    شلة عصابة حقيرررة الله يأخذهم ويفك العالم منهم

    بعدها شكيناهم لمحكمة البحرين وماستفدنا شيء
    محاكمهم متسترة عليه
    حسبي الله عليهم

    فنادق عطلات


+ الرد على الموضوع

المواضيع المتشابهه

  1. الاجازات العالمية بالبحرين تحتال على السعوديين
    بواسطة Robot في المنتدى بوابة السفر الى مملكة البحرين Bahrain
    مشاركات: 57
    آخر مشاركة: 09-12-2017, 02:19 PM
  2. ممكن تعلموني وشلون افيز للخادمه عشان تروح معنا البحرين
    بواسطة Robot في المنتدى بوابة السفر الى مملكة البحرين Bahrain
    مشاركات: 6
    آخر مشاركة: 01-31-2015, 06:16 PM
  3. شقق محمود بلازا البحرين حياكم الله
    بواسطة Robot في المنتدى بوابة السفر الى مملكة البحرين Bahrain
    مشاركات: 27
    آخر مشاركة: 01-31-2015, 02:17 PM
  4. سافر معنا من دولة الكويت الى مملكة البحرين رحلة صور
    بواسطة Robot في المنتدى بوابة السفر الى مملكة البحرين Bahrain
    مشاركات: 51
    آخر مشاركة: 01-30-2015, 01:41 AM
  5. مشاركات: 11
    آخر مشاركة: 01-12-2015, 02:12 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X