الموضوع: ابي رايكم تركيا او ماليزيا شهر اكتوبر

شنو رايكم تركيا او ماليزيا؟ نبي البراد اهم شي والطبيعة و السفر بداية اكتوبر. انا مع زوجتي.
وشكرا لكم.

مواضيع عشوائيه ممكن تكون تعجبك اخترناها لك:

• حقائب سفر مناسبة .. أين أجدها
• وش الزين هونج كونج سيريلانكا
• شورو علي
• ابي رايكم عن افضل نوع لجارمن نوفي ؟
• يا اخوان في احد جرب الحجز ل
• إستفسار عن إجراءات المطار
• بعد العودة من السفر لماذا الشعور بالملل والضجر
• أبغى بكج حلو وجميل وسعر كويس لأي مكان سياحي
• تركيا او لبناان ؟
• الى كل المسافرين الى اوروبا احذركم ثم احذركم من النشالين و النشالات ادخل للحذر
• نصائح لحمايتك وحماية عائلتك لمن يسافر للدول الاوربية والامريكية
• اللي حجز عن طريق موقع بوكينق يدخل
• قطر تتجه لشراء فندقين مشهورين في لندن
• موقع الحجز بالتفصيل
• يا اهل الخبرة مشكلة بالحجز بالفيزا من موقع بوكينق
• متى موعد رحلتك ؟ يمكن نكون نفس الموعد
• ممكن طلب
• استفسار شهر عسل اي البلدان اقضيها
• كارثة تكفون الفزعة
• © الـشواطـئ الـ فريــدة من نوعها في العالم ©

ماليزيا جوها ثابت ومداري يعني طووول السنه حر ورطوبه بس هي حلوة وانا زرتها من قبل

تركيا زينه بس مادري احنا بعد كنا بروح لها السنه الي طافت بس ماتشجعنا لان لود عمي راح لها هو وزوجته ومامدها يقولون مافيها اماكن سياحية بس الاعضاء يمدحونها وانا اقول روح البوابات وانت قارن بنفسك

بس نصيحتي بلهفترة اتروح اسبانا لانها رااااائعه او ايطاليا الوقت جدا مناسب لهم وهم حلوين وايد

شوف البوابات واحكم موفق

المشاركة الأصلية كتبت بواسطة حلو ومدلع
http://www.arabtravelersforum.com/tr...9/#post4003699

ماليزيا جوها ثابت ومداري يعني طووول السنه حر ورطوبه بس هي حلوة وانا زرتها من قبل

تركيا زينه بس مادري احنا بعد كنا بروح لها السنه الي طافت بس ماتشجعنا لان لود عمي راح لها هو وزوجته ومامدها يقولون مافيها اماكن سياحية بس الاعضاء يمدحونها وانا اقول روح البوابات وانت قارن بنفسك

بس نصيحتي بلهفترة اتروح اسبانا لانها رااااائعه او ايطاليا الوقت جدا مناسب لهم وهم حلوين وايد



جنك تدري.. كنت بضيف ايطاليا.. بس حبيت بفكرة تركيا او ماليزيا بحكم ان هالمناطق انا مازرتها نهائيا اوروبا رحت كثير دول فيها وستايلهم تقريبا شبه واحد..ومشكور عالفكرة الطيبة.

المشاركة الأصلية كتبت بواسطة ابومحمد فهد
http://www.arabtravelersforum.com/tr...9/#post4003989

بداية أكتوبر تركيا بارده


روح لماليزيا




مشكور بومحمد وكلامك بعين الاعتبار بس ليش اروح لماليزيا وحر ورطوبة؟وهالجو عندنا بالكويت؟؟؟ ؟؟ مع ان كثير من الاهل يمدحونها بس ياخي انا ماعرف السفر الا لتغيير الجو(الطقس من الحر الي البارد) والروتين. في الثانية ماليزيا تكسب ..بس بالجو..وين الجو؟

تركيا جوها بارد والطبيعة حلوة

لكن ايضا ممكن تروح ماليزيا وتخلي مدة الاقامة الاطول في الاماكن المرتفعة الباردة مثل جنتنج وكاميرون

بما أنك خيرت بين تركيا او ماليزيا
انا ارشحلك ماليزيا بتنبسط اكثر وسالفة الحر لا تطلع الصبح
وبعدين غيوم وامطار وفلة احجاج
واتمنى لك رحله سعيده

انا ارشح لك ماليزيا
انا رحت لها شهر 9 ميلادي تجنن

حرهم غير مو زين حرنا

المشاركة الأصلية كتبت بواسطة الكاتب المسافر
http://www.arabtravelersforum.com/tr...6/#post4005976

مشكور بومحمد وكلامك بعين الاعتبار بس ليش اروح لماليزيا وحر ورطوبة؟وهالجو عندنا بالكويت؟؟؟ ؟؟ مع ان كثير من الاهل يمدحونها بس ياخي انا ماعرف السفر الا لتغيير الجو(الطقس من الحر الي البارد) والروتين. في الثانية ماليزيا تكسب ..بس بالجو..وين الجو؟




أتمنى لك التوفيق وأنشأ الله تلقى الدوله المناسبه لك


علمآ عندنا بالخليج الجو رائع بأكتوبر

المشاركة الأصلية كتبت بواسطة ابومحمد فهد
http://www.arabtravelersforum.com/tr...1/#post4009141

أتمنى لك التوفيق وأنشأ الله تلقى الدوله المناسبه لك


علمآ عندنا بالخليج الجو رائع بأكتوبر



يالشيخ.. عندنا بالكويت الي النص الثاني من شهر اكتوبر درجة الحرارة تعانق الال35 نهارا اذا مو اكثر. اما بالليل فتنزل بشوي. علشان هالموضوع انا ما اسافر من نوفمبر الي مارس. (هذا بالنسبة للبلاد البعيدة اوروبا وناحية شرق اسيا).
غير لبنان ودير اللي حولنا نروح لها بأي وقت. والف شكر ياطويل العمر.

الله يسهل امورك

روح ماليزيا او تايلند او اندونيسيا جزيرة بالي وراح تدعي لي

شوف مادم الكويت اقولك
( بلاده حلوة بس الوطن ماله مثيل )
شوف ماليزيا حلوووه حيييل و تقدرتشوفها في توقيعي( رحلتي الي ماليزيا ) فيها بانهاية video للرحلة
لو تشرفني في موضوعي و تستفيد منها الاني اشوووفها ممتعة حيل
( ف الندامة الندامة لم لا يتمتع بافرح و السرور ) هذا شعارهم ل افاموزا
و الله يوفقك اخوك violetq8 كويتي غير مزدوج

المشاركة الأصلية كتبت بواسطة violetq8
http://www.arabtravelersforum.com/tr...9/#post4023879

شوف مادم الكويت اقولك
( بلاده حلوة بس الوطن ماله مثيل )
شوف ماليزيا حلوووه حيييل و تقدرتشوفها في توقيعي( رحلتي الي ماليزيا ) فيها بانهاية video للرحلة
لو تشرفني في موضوعي و تستفيد منها الاني اشوووفها ممتعة حيل
( ف الندامة الندامة لم لا يتمتع بافرح و السرور ) هذا شعارهم ل افاموزا
و الله يوفقك اخوك violetq8 كويتي غير مزدوج




مشكور اخوي violetq8 عالنصيحة اللي الغالبية ينصحون فيها بس ياخي حته اهني (ازدواجية).
عموما بشوف موضوعك وبتفرج والف شكر للجميع.