السلام عليكم ورحمة الله وبركاته
انا بحثت في المنتدى وماحصلت الا القسم المناسب لكي اطرح موضوعي ،، لكن لقيت ان القسم هذا هو القريب من الموضوع تقريبا
السالفه ،،،
انا عملت حجزين عن طريق الخطوط السعوديه من الرياض - دبي - الرياض .. وطبعا تأكد الحجز الاول اللي هو الساعه 7 الصباح الحجز الثاني انتظار الساعه 6 المغرب وكل اموري تمام .. اتصل علي موظف من الخطوط وحب يتأكد من موعد السفر ويتأكد من الحجز لان الصباح تأكد وهو حب يلغي الثاني بس طلبت منه انه مايغليه لانه ممكن يتأكد .. طبعا قالي تقدر تشتري التذكره عن طريق النت او التسديد بالصراف .. انا اعجبني الموضوع .. خصوصا اني عجاز .. قلت اوكي بشتريها عن طريق النت .. قالي اوكي سلام
طبعا حوسه الموضوع ،، لاني دخلت على سداد .. وكلمت البنك .. وبعدين كلمت الخطوط وقالي الموظف ان العمليه ماتفعلت ,, انا الحين بفعلك العمليه ,, اوكي
انا بعد مافعل العمليه قلت ماراح ادفع الحين لاني قلت ممكن يتأكد الحجز الثاني ،، طبعا الرحله اللي اكيده الين الحين حقت 7 الصباح وجت الساعه 12 ولاصار اي جديد ،، واخر موعد لقص التذكره الساعه 3 الفجر ،،انا رجعت البيت الساعه 12 ودفعت التذكره عن طريق النت ،، طبعا انتظر يجي مسج منهم بالبيانات . ماوصل شي انا يمكن قعدت ساعه او اكثر وبرضوا ماوصل شي .. يعني المبلغ مابعد وصلهم ,, المهم
طلعت المطار وكلمت الموظف وشرحت له ،، قال انا مو مبين عندي اي شي .. وقالي ان المبلغ ماراح بوصل الا من بكره الساعه 10 الصباح تقريبا.. وفعلا وصلني مسج من بكره .. المهم شيك على الحجز وقال اخر موعد للتذكره قبل تلغى بعد ساعه .. قلت اوكي اصدر لي التذكره ..
الان انا دفعت المبلغ مرتين .. طبعا الاجراء اللي بيصير بروح لمكتبهم اللي بحي المروج بالرياض ..
انا طرحت الموضوع هذا لاني حبيت اتأكد هل احد صار معه هالموقف قبل .. وللعبره فقط لاني ماراح اتعامل مع الخطوط الا بالطريقه المباشره .. شغل النت والتطور هذا مابعد وصلو له
واتمنى احد يفيدني اذا يعرف اجراء معين يتبع معهم .. وشكرا واسف على الاطاله والتفاصيل
مواضيع عشوائيه ممكن تكون تعجبك اخترناها لك:
رد مع اقتباس
المفضلات