السلام عليكم ورحمة الله وبركاته
اليوم موضوعنا عن طائرات ايزي جت
وهي احد الشركات التي تسمح للمسافرين التنقل في اوربا بأسعار رخيصه جدا وقليلة التكاليف حتى لدرجة انها ارخص من القطارات في التنقل في اوربا
موقعهم على الانترنت
http://www.easyjet.com
وتنتقل هذه الخطوط في كل من: النمسا- بلجيكا- بلغاريا-كرواتيا- قبرص- التشيك-الدنمارك- مصر - المغرب- استونيا - فنلندا- المانيا-فرنسا- اليونان- هنجاريا- اسرائيل- ايطاليا- مالطا- هولندا- البرتغال- بولندا- رومانيا-سلوفينيا- اسبانيا-السويد- تركيا-بريطانيا .
وتطير من مناطق كثيره من هل الدول مثلا ايطاليا . فتلقاها تقلع من روما وميلانو وفنيسيا ...الخ
لكن مو معناتها انها لازم تطير من باريس الى كل الدول ، في دول معينه تروح لها ، مثلا اسافر من باريس الى برشلونه ، لكن لاتوجد من برشلونه الى روما ، لازم تغير وجهتك علشان تسافر للدوله الي تبي تسافرلها لكن اغلب الاحيان تحصل مرادك من الدول الي تبيها
واليوم نبي نسافر معاكم من باريس الى برشلونه ومن ثم الى جنيف ومن ثم الى روما ...؟ بسعر بسيط جدا
اعتقد الكثير ودهم يسافرون لهل الدول لكن ... راح يقولون اسعارها غاليه و و و و و و .
طيب شرايكم انه السعر فقط 121 يورو تقريبا ؟؟؟
يابلاش ..
خلونا نبدي الطريقه مع بعض ..
نبدي اول خطوه
بعد ماشفنا الطريقه خلونا نبدي على سفرتنا الى اتفقنا عليها وهي باريس برشلونه جنيف روما
يالله بدينا
شفتو كيف السعر رخيص ؟؟ تنقل في اوربا على راحتك ...
بسهوله وبساطه واسعار رخيصه
بعدها راح توصلك رسالة تأكيد ورقم حجزت في الايميل ماعليك الا طباعته وسلامتكم
ملاحظات :
1- حدد وجهاتك الي بتسافر لها وابحث من الاول الى الاخير لانه في دول ماتودي للدوله الي انت تبيها لازم تروح دوله اخرى علشان تنتقل الى مبتغاك
مثال : روما و جنيف و باريس وبرشلونه . اذا بحثت فيها لازم اروح اول شي باريس ومن ثم برشلونه ومن ثم جنيف ومن ثم روما
2- تأكد من تواريخك . لانه ممكن تغير التواريخ لكن تغير الموعد ممكن يكلفك مبلغ
3- البطاقه البنكيه الي حجزت منها لازم تكون معاك علشان يتأكدون
4-احرص على الوزن الي معاك فا انت الي راح تحدد الوزن المطلوب وكل مازدت في الوزن كل مازاد في السعر
5ـبخصوص الاكل والشرب في الطائره فهو بفلوس ماكو شي ابلاش
6- الاماكن في الطائره عشوائي .. ادخل واختار المكان الي تبيه اذا محد قاعد عليه
7-مسموح لك بأدخالك الطائره شنطه وحده فقط .. يعني مثلا اذا عندك شنطة سفر صغيره تبي تدخلها معاك ونفس الوقت عندك شنطة لاب توب .. ماتدخل يحسبونها قطعتين ..
والشنطه الي تدخل الطياره بهل الحجم ..
وايضا كما هو الحال اذا البنت دخلت في شنطه سفر صغيره .. ومعاها شنطه نسائيه في ايدها .. تنحسب قطعتين مايصير تدخل .
8- بخصوص الوزن هذي قائمة الاسعار للوزن الزائد المبلغ باليورو كما هو بالصوره
انا مره معاي ثلاثه كيلو مشوني بس مو كل مره تمشي السالفه
هذا درسي لكم واذا ماهو واضح اتمنى تعذروني وان اخطأت ارجو منكم العذر وان اصبت ارجو منكم الدعاء
تقبلو تحياتي
اخوكم ببسي كولا
مواضيع عشوائيه ممكن تكون تعجبك اخترناها لك:
- السياحة في ماليزيا
- كل ما يخص الفلبين من علاج,سياحة, دراسة .
- اكتشف جورجيا مع مون لايت للسفروالسياحه
- عرض خاص سياحه بماليزيا فقط 6900 ريال
- شهر عسل 7 ليالي في ماليزيا من المطار الى المطار
- تمتع بالثلوج في أرمينيا
- عرض عيد الفطر المبارك 5 ليالي 6 أيام...
- هنا افضل فنادق دبي الفخمة و القريبة من الاماكن السياحية و المناسبة للعائلة .
- سائق عربي في روما
- مرشد سياحي في طرابزون |سيارة مع سائق |رقم
- بكج سياحي مميز 12 يوم بماليزيا فنادق 4 نجوم 2018
- للمسافرين لشرم الشيخ سائق ومرشد سياحي
- السلام عليكم ورحمة الله وبركاته
- جدول سياحي فاخر للعرسان في ماليزيا
- الأجازة احلى مع القاهرة اكيد
- العرض الذهبي من شركة النادر للسياحة في تركيا - اغتنم الفرصة
- بكجات سياحية بافضل الاسعار في جميع المدن التركية
- رحلة الحب و الرومانسيه و العسل فى جورجيا عروس القوقاز
- أجمل البرامج لشهر 7 **8 لمدة 15 يوم في تركيا
- متعه السفر مع ليموزين
المفضلات