السلام عليكم ورحمة الله وبركاته
اليوم موضوعنا عن طائرات ايزي جت
وهي احد الشركات التي تسمح للمسافرين التنقل في اوربا بأسعار رخيصه جدا وقليلة التكاليف حتى لدرجة انها ارخص من القطارات في التنقل في اوربا
موقعهم على الانترنت
http://www.easyjet.com
وتنتقل هذه الخطوط في كل من: النمسا- بلجيكا- بلغاريا-كرواتيا- قبرص- التشيك-الدنمارك- مصر - المغرب- استونيا - فنلندا- المانيا-فرنسا- اليونان- هنجاريا- اسرائيل- ايطاليا- مالطا- هولندا- البرتغال- بولندا- رومانيا-سلوفينيا- اسبانيا-السويد- تركيا-بريطانيا .
وتطير من مناطق كثيره من هل الدول مثلا ايطاليا . فتلقاها تقلع من روما وميلانو وفنيسيا ...الخ
لكن مو معناتها انها لازم تطير من باريس الى كل الدول ، في دول معينه تروح لها ، مثلا اسافر من باريس الى برشلونه ، لكن لاتوجد من برشلونه الى روما ، لازم تغير وجهتك علشان تسافر للدوله الي تبي تسافرلها لكن اغلب الاحيان تحصل مرادك من الدول الي تبيها
واليوم نبي نسافر معاكم من باريس الى برشلونه ومن ثم الى جنيف ومن ثم الى روما ...؟ بسعر بسيط جدا
اعتقد الكثير ودهم يسافرون لهل الدول لكن ... راح يقولون اسعارها غاليه و و و و و و .
طيب شرايكم انه السعر فقط 121 يورو تقريبا ؟؟؟
يابلاش ..
خلونا نبدي الطريقه مع بعض ..
نبدي اول خطوه
بعد ماشفنا الطريقه خلونا نبدي على سفرتنا الى اتفقنا عليها وهي باريس برشلونه جنيف روما
يالله بدينا
شفتو كيف السعر رخيص ؟؟ تنقل في اوربا على راحتك ...
بسهوله وبساطه واسعار رخيصه
بعدها راح توصلك رسالة تأكيد ورقم حجزت في الايميل ماعليك الا طباعته وسلامتكم
ملاحظات :
1- حدد وجهاتك الي بتسافر لها وابحث من الاول الى الاخير لانه في دول ماتودي للدوله الي انت تبيها لازم تروح دوله اخرى علشان تنتقل الى مبتغاك
مثال : روما و جنيف و باريس وبرشلونه . اذا بحثت فيها لازم اروح اول شي باريس ومن ثم برشلونه ومن ثم جنيف ومن ثم روما
2- تأكد من تواريخك . لانه ممكن تغير التواريخ لكن تغير الموعد ممكن يكلفك مبلغ
3- البطاقه البنكيه الي حجزت منها لازم تكون معاك علشان يتأكدون
4-احرص على الوزن الي معاك فا انت الي راح تحدد الوزن المطلوب وكل مازدت في الوزن كل مازاد في السعر
5ـبخصوص الاكل والشرب في الطائره فهو بفلوس ماكو شي ابلاش
6- الاماكن في الطائره عشوائي .. ادخل واختار المكان الي تبيه اذا محد قاعد عليه
7-مسموح لك بأدخالك الطائره شنطه وحده فقط .. يعني مثلا اذا عندك شنطة سفر صغيره تبي تدخلها معاك ونفس الوقت عندك شنطة لاب توب .. ماتدخل يحسبونها قطعتين ..
والشنطه الي تدخل الطياره بهل الحجم ..
وايضا كما هو الحال اذا البنت دخلت في شنطه سفر صغيره .. ومعاها شنطه نسائيه في ايدها .. تنحسب قطعتين مايصير تدخل .
8- بخصوص الوزن هذي قائمة الاسعار للوزن الزائد المبلغ باليورو كما هو بالصوره
انا مره معاي ثلاثه كيلو مشوني بس مو كل مره تمشي السالفه
هذا درسي لكم واذا ماهو واضح اتمنى تعذروني وان اخطأت ارجو منكم العذر وان اصبت ارجو منكم الدعاء
تقبلو تحياتي
اخوكم ببسي كولا
مواضيع عشوائيه ممكن تكون تعجبك اخترناها لك:
- سائق ممتاز جدا في سريلانكا
- خدمات سياحية في دولة جورجيا
- 13 يوم 12 ليلة لعائلة 2 كبار و 3 اطفال 2017
- عرض شركة Booking4Gulf للسياحة لفندق شيراتون بالقاهرة
- داماك هيلز جولف فيتا
- استمتع باستجار السيارة التي ترغب بدون سائق اثناء اجازتك في تركيا 2017
- اكواخ كمانوغلو هوتيل آند بانغالوز اوزنغول |اكواخ اوزنجول تركيا |حجز|تاجير
- عرض سيارة بسائق بالشمال التركي مقدم من طرف شركة جسور
- برنامج شهر عسل للسياحه فى ماليزيا لمدة 10 ايام بارقى الخدمات واقل الاسعار
- عروض السياحة في ماليزيا
- سائق ومرشد سياحي في اوكرانيا
- فيلا سحاب طرابزون فلل مناسبة للعوائل
- افضل واجمل 10 فنادق في ماليزيا
- افضل عروض شهر يناير بباريس لشحضين
- السياحة في تركيا متعة لا حدود لها
- جدول سياحي 9 ايام لزوجين وطفلين 4 نجوم 2018
- برنامج سياحي في بورصة لمدة اربعة ايام| اهم الاماكن السياحية في بورصة
- فيلا كوروكواي 2 طرابزون |استئجار سيارة في طرابزون
- افضل شركة تاجير سيارة في بورصة |رحلات طرابزون
- ٥ أسباب تجعلك تزور أرمينيا
المفضلات