الموضوع: محتااااره وابي اسافر

السلام عليكم ورحمة الله وبركاته


_عدد الايام ؟ 10ايام
_ عدد الافراد وأعمارهم ؟ انا وزوجي
_ الميزانية ( شاملة تذاكر السفر أو بدون ) ؟ 30الف
_ تاريخ السفر ؟ 7ابريل
_ الدول اللتي تم زيارتها من قبل ؟ ماليزيا-دبي -باريس-لندن-مصر
_ الفعاليات المفضلة في الوجهة ( تسوق _ شواطئ _ طبيعة _ ثلوج ...) ؟ كل هالاشياء خخخخ ابي طبيعه شواطى -تسوق
_ ( معلومات إضافية ) .


بقولكم الي فراسي فكرنا بتايلاند قالو لي يومين طيران يصير باقي 8ايام وغير كذا سالفه تجديد الجواز وقالو ماتكفي قليله المده

فكرت فباريس بحثت طيران حصلت بالقطريه 6000الاف وشوي والسكن حصلت خيارات كثيره بحدود 7الاف

السوال لو بروح لباريس تكفي حدود ال15 الف للتنقل والاكل والشرب والخ بدون تسوق انا رايحه باريس بس من كم سنه مااذكرها حاليا زين ولااعرف كيف صارت الان


قلت اندونيسيا زوجي تحمس ولاتحمس


الحين هو اعطاني خيارات وياليت ترشحون لي افضل شي

دبي-قطر-باريس قال يمكن 10بالميه بس انا بحمسه لها مع العلم اني زرت باريس بدونه -تايلند بس خايف من سالفه الجواز-مصر بس احس وضعهم ابد مايصلح -بيروت

تحمست لدبي لنقطه وحده بس لعالم فيراري مع العلم ان اخر زياره لي لدبي بعيد الفطر شفت كل شي جديد الا فيراري

لوفيه مدن ثانيه انصحوني فيها

انتظركم
الله يجزاكم الجنه

مواضيع عشوائيه ممكن تكون تعجبك اخترناها لك:

• صرف العملة من السعودية
• هل يجب ان يكون الجواز ساري المفعول عن الحجز
• كيف اغير موعد الرحله على الخطوط القطريه
• استفسار
• عاااااجل استفسار عن خطأ في الحجز عن طريق اجودا
• بطاق الصراف
• مصطلحات مهمة عليك معرفتها قبل الحجز من بوكينج
• استشاره بخصوص الفيزا الفرنسية
• ارجوا مساعدتي باختيار دوله سياحيه
• ما أفضل وجهة في السفر الى النمسا وسويسرا؟؟
• نداء للي سافروا لانونيسيا تعالو ابيكم شوي
• معلومات مهمة عن الرحلة رقم خبر الساعة
• محتاره بين
• برج غلاتا سراي في اسطنبول
• مساعده تغيير معلومات الحجز
• برنامج سياحي في ماليزيا لشهر العسل 7 ليالي و 8 ايام
• ارجو المساعده من اخواني واحبائي في المنتدى
• استفسار بخصوص فيزا التشيك
• وجهاتكـ في السفر لـ عام الوجهات الأفضل لـ ميزانيتك
• احلى تحيه للجميع بخبرتكم استفيد

الدول العربيه ماأنصحك فيها لأنها كلها اضطرابات وقلاقل الحين وثورات ووضع مايطمن

من الدول الاسيويه انصحك بأندونيسيا او تايلاند او سنغافوره او هونج كونج او سيريلانكا

من الدول الاوروبيه انصحك بفرنسا او ايطاليا او اسبانيا

عندك تركيا كذلك

طيب اخوي بخصوص الميزانيه والايام تكفي للدول الي ذكرتها

اساسابيروت ومصر مستبعدتها

شكرا لك

انصحك بميونخ تمرون كم ليلة لزيلامسي ... هذا طبيعة + تسوق + ثلج
أو
ديسلدوف و كولون تمرون كم ليلة لامستردام
أو
هونج كونج

10 ايام تروحون فيه 4باريس..2بروكسيل..2امستردام..2باريس استعدادا للعوده. اوممكن تكون عودتكم من امستردام ... ويكون الترتيب بهالشكل 4باريس و3بروكسيل و3امستردام...

10 أيام = 9 ليالي

الوصول الى مطار ميونيخ

واستأجار سياره والأنطلاق بها الى سالزبورغ فورا تبعد 70 كلم يعني ساعه تقريبا

2 ليلتين سالزبورغ ( فندق ساخير , فندق بريستول , فندق الشيراتون )

4 ليالي زيلامسي ( فندق القراند , فندق سي فيلا )

3 ليالي ميونيخ ( فندق لي ميريديان , فندق سوفتيل )

وتسليم السياره والعوده الى أرض الوطن

وبكذا جمعتوا كل شي من ( قمم ثلجيه + طبيعه وشلالات + قرى ريفيه + مدن جميله + تسوق + ساحات )


والميزانيه كافيه وكثيره بعد , باقي أقل شهرين قدموا على التأشيره يبي لها اسبوعين علشان تخلص

وان شاء الله راح تستمتعون

انا انصح بأسبانيا بلد جدا جميل

10 ايام في باريس بقولك ما تصلح وكثيره
تبين تجمعين بين شواطي وتسوق وثلوج باريس الريف الفرنسي
الطيران ممكن تلاقون 6000 للشخصين
السكن يوميا 220 يورو بالراحه = 12 الف تقريبا
مكتب يخلص الفيزا = 2000 ريال بالكثير
متبقي 10 الاف ريال
مصروف يومي 200 يورو تقريبا
زودوها حبتين وتضبط الامور
بس أنا مع رأي ابو نزيه بعد

تايلند رائعه حقيقه ولكن اذا انتم سعوديين ومعكم واسطه تجدد الجواز روحوا لها ابصم لك عندي افضل من باريس واهدأ وأكثر استجمام وأرخص كتسوق

باريس 8 ايام اذا حبيتي تفضلي بالوابه الفرنسيه وضعي اقتراحات بقسم الاستفسارات
واذا رغبتي بتايلند نفس المصير لاستفسارات تايلند
ولله يوفقكم

بصراحه مافي زي اوربا
بس شكلك انتي داخله في راسك تايلند
وانا نصيحتي باريس افضل

المشاركة الأصلية كتبت بواسطة حلو ومدلع
http://www.arabtravelersforum.com/tr...2/#post4932212

تايلند من الدول الممنوعه على السعودين وانا مانصح فيها لان اوضاعها مش مطمانه
وبانكوك ماتسوا الصراحه يمكن الجزر اهون اشوي

اذا تبين رايي ونصيحتي باريس اكيد اختيار اكثر من رااااااااائع

بس ليش ماتغيرين دام انتي اوردي رايحها باريس

انا اقول روحي اسبانيا او ايطاليا

الوقت الي انتو مختارينه رهيييييييييب خصوصا اسبانيا بتحصلون البحر والسوق والمتعه الصراحه شي خيال والبوابه الاسبانيا تشهد بكلامي

وايطاليا عليها نفس الكلام

ومن الدول الاسيوية انصح بهونغ كونغ و سنغافورة

بس اذا ماقتنعتي تبقى باريس مدينة الاحلام ومدينة الرومنسية الي ماينمل منها ابدا فاكيد هي اختيار حلو بعد

والميزانية باذن الله كافيه




احترت صراحه
ايطاليا ابدا مامدحوها لي امس جت هونج كونغ فبالي وقلت لزوجي عنها حسيته يقول سلامات


طيب الحين استفسار ولاسعودي راح لتايلند موب معقولهيعطيك العافيه ماقصرت

المشاركة الأصلية كتبت بواسطة سلطه خضراء
http://www.arabtravelersforum.com/tr...0/#post4934110

بصراحه مافي زي اوربا
بس شكلك انتي داخله في راسك تايلند
وانا نصيحتي باريس افضل



الله يكتب الي فيه الخير يارب اكيد اوروبا افضل بس ودي بااعلى ميزانيه وابي احلل سفرتي فيها لان السفره الحين بس 10ايام 8ليالي لي بس وليلتين طيران

يعطيك العافيه ماقصرتي

المشاركة الأصلية كتبت بواسطة شغب قلم
http://www.arabtravelersforum.com/tr...6/#post4934146

انصحك بالنمسااااااااااااااااا

والميزانيه كافيه ماشاءاالله تبارك الرحمن




الله يسهل الامر يارب
يعطيك العافيه

فيه سعودين كثير يروح تايلندا ولكن معهم احد لا انتهي جوازه يضبطه بالتجديد ولا ماوده يسافر المهم يدبرون عمرهم ولا يعتبرون من فئة رجال الاعمال ولهم زياارت كلها كم سجل تجاري والامور سهالات

تركيا مناسبة ل10 ايام

تايلند رطوبة ولا فيها ثلج بعدين خل عنك باريس بالصيف ما تنفع زحمة عالفاضي عندك جنيف بس السكن يكون بديفون بفرنسا ومنها تقدري تروحي لشامونيه بفرنسا وانترلاكن بسويسرا وانسي بفرنسا طبعا شامونيه وانسي كل وحدة فيهم يوم من الصباح الى الليل لانهم قراب من ديفون اما انترلاكن خلي 3 ايام لها او عندك ميونيخ وزلامسي موفقة يا رب

المشاركة الأصلية كتبت بواسطة فيصل 2006
http://www.arabtravelersforum.com/tr...0/#post4935360

فيه سعودين كثير يروح تايلندا ولكن معهم احد لا انتهي جوازه يضبطه بالتجديد ولا ماوده يسافر المهم يدبرون عمرهم ولا يعتبرون من فئة رجال الاعمال ولهم زياارت كلها كم سجل تجاري والامور سهالات




والله صدع راسي كل مابحثت عن منطقه طلعت منطقه ثانيه امس اكلم صديقه لي واقولها ابغى اسافر ولاادري وين اروح قالت روحي اندونيسيا قلت لاخاطري بديزني ومنطقه رايقه وطبيعه قالت هونج كونج كثثثير يقولون روعه وكانت مستعمره بريطانيه وفيه ديزني وطبيعه واروح للبلاك بيري اذكر وحده من صديقاتي رايحه لها قلت فلانه كيف الحال قالت الحمدلله قلت انتي رحتي هونج كونج قالت لاتصيحيني قلت ليش قالت تهبل ودي ارجع لها قلت طيب كم مدة الطياره قالت بحدود 9ساعات قلت اروح امريكا طويله الرحله خخخخخخ قالت لو اقعد يوم كامل بالطياره تستاهل حمستني لها ورجعت قلت لاابو الشباب خلاص ترى هونج كونج الان حصلت حجز بالاماراتيه انا وهو 6300ريال السكن بشوف اكثر من خيار والله يكتب مافيه الخير حسيت اني قلق ههههه تحملوني لين اسافر بس ان شاء الله

المشاركة الأصلية كتبت بواسطة Abdulhameed Ali
http://www.arabtravelersforum.com/tr...0/#post4935860

تركيا مناسبة ل10 ايام



خطرت فبالي وكنسلتها احس كلها طبيعه واثار ابي اكشن انا

المشاركة الأصلية كتبت بواسطة كابرون 1
http://www.arabtravelersforum.com/tr...6/#post4936396

تايلند رطوبة ولا فيها ثلج بعدين خل عنك باريس بالصيف ما تنفع زحمة عالفاضي عندك جنيف بس السكن يكون بديفون بفرنسا ومنها تقدري تروحي لشامونيه بفرنسا وانترلاكن بسويسرا وانسي بفرنسا طبعا شامونيه وانسي كل وحدة فيهم يوم من الصباح الى الليل لانهم قراب من ديفون اما انترلاكن خلي 3 ايام لها او عندك ميونيخ وزلامسي موفقة يا رب




خيووو يعطيك العافيه بس انا ان شاء الله رحلتي فاابريل للمعلوميه انا اكره السفر فالصيف زحمممه يادونيا زحمه

عاد هونج كونغ ما يحتاج بعد روووعه
استخيري

الله يكتب لي ولكم مافيه الخير يارب يعطيكم العافيه على تفاعلكم واجاباتكم

باريس.......ميلانو.......جنيف......برشلونه.......ه ونج كونج.......سنغافوره......القولد كوست.......كوالالمبور

تايلاند......سنغافوره


هذه مدن وبلدان تستحق الزياره وتستحق ان تدفع فيها كل قرش صرفته