الموضوع: تنصحوني ببطاقه ماستر كارد والا فيزا مسبقه الدفع

بغيت شورتكم شوي

بطاقه الفيزا مسبقه الدفع شنو عيوبها و اذا عبيتها شكثر تاخذ على ما يدخل المبلغ و هل كل الاماكن تقبلها نفس الماستر كارد و الا لا .

او الماستر كارد اللي يخصمون على طول المبلغ اللي استخدمته (مو اقساط)

انا ابيها لاستخدمها بالسفر و الانترنت .

شكرا مقدما و اذا مكان الموضوع غلط يرجى نقله لانني ما لقيت قسم مناسب.

تعديل: للعلم ، البنك الوطني.

مواضيع عشوائيه ممكن تكون تعجبك اخترناها لك:

• بطاقة برفلج كلوب
• مآهو شعورك يوم الســفر حيآآآآآآآآآآكم
• مواقع شركات الطيران
• نصائح للمسافرون بالسيارة
• إستفسار مهم يا خبراء السفر و عشاق اوروبا
• الى ايام عائلة وين اروح؟
• للفائدة حمل التطبيق بدلاً من ارسال صورة من الجواز للسفارة
• انا جزائري ومقيم في السعوديه ابي اسافر الى جورجيا
• السفر لاوروبا في فبراير حلو ولا نخليه في مارس
• اهل الخبره في حجز الفنادق استفسار بخصوص الفيزا
• صور من رحلتى الى الاسكندرية
• كيف تستمتع بالسفر وحيداً ؟
• العروض التشجيعية على الخطوط السعودية جديد
• ما هى السفارات التى تختم بختم رفضاو الريفيوز على جواز السفر فى مصر ؟
• الحذر الحذر
• جزيرة .الباريلا بايطاليا جنة لا يعرفها الكثير
• سرقة من البطاقة الائتمانيه هل من مساعده؟
• بطاقة ائتمانية مسبقة الدفع الآهلي دبي
• 14 يوم بين سويسرا و المانيا و ايطاليا
• منكــــــــــم وإليكــــــــــم

بتكل بشكل عام
المسبقه بعض محلات تأجير السيارات ما تقبلها بأوربا
المسبقه انك تتحكم بميزانيتك ومش اقساط ترهقك مثل الماستركارد وتتزايد النسبه
المسبقه علي طول يدخل المبلغ بالحساب الائتماني
الماستر مقبوله لكل المحلات

المشاركة الأصلية كتبت بواسطة فيصل 2006
http://www.arabtravelersforum.com/tr...8/#post4966008

بتكل بشكل عام
المسبقه بعض محلات تأجير السيارات ما تقبلها بأوربا
المسبقه انك تتحكم بميزانيتك ومش اقساط ترهقك مثل الماستركارد وتتزايد النسبه
المسبقه علي طول يدخل المبلغ بالحساب الائتماني
الماستر مقبوله لكل المحلات



غير محلات التاجير في مكان ثاني يرفضها ؟ و هل في سبب ؟

انا اقصد نوع الماستر كارد اللي ينخصم مره وحده المبلغ كله مو اقصاد ، شنو سلبياتها ؟

مالها سلبيات ابدا
بعض المحلات ترفض لان الارقام ما تكون بارزه مطبوعه طباعه فقط

سوري اختي بس مادري ليش مب قادر افهم عليج هل انتي قصدج الفيزة دبت كارد

الي اتكون مسبقة الدفع انتي اتحطن فيها فلوس اذا كان هذا قصدج ف الفيزة دبت يقبلونها بكل مكان حتى تاجير السيارات لانها فيزه وهي دبت يعني مسبقة الدفع فتاخذ خصائص الفيزة من الهولد والبلوك وهاي الاشياء ولاكنها بفلوسج انتي الي حطيتيها مو من البنك

وبنسبة للماستر كارد سؤالي هل هي ماستر دبت كارد ولا ماستر كردت كارد

الدبت كارد الي اتكون مسبقة الدفع وانتي اتحطين فيها الفلوس فخصائصها هي والفيزة دبت نفس الشي

اما الماستر كردت كارد فخصائصها مثلا لو تطلبينها من البنك ويقولج والله فيها ضعف او ضعفين الراتب واذا سحبتي في فوائد وهشكل وترا في بطاقات اسلاميه يعني ماستر اسلامي

وهي نفس الفيزة كردت كارد

اتمنى ان شرحي وافي لهشي ابي اعرف انتي الي بطلعينها دبت ولا كردت

واذا كان قصدج ببطاقة البنك العادية الي اذا تبين تفتحين احساب يعطونج اياها فهاي بس دبت وفعلا هاي ماتقبلها شركاة التاجير لان مايقدرون يسون عليها بلوك او هولد على طول ينخصم المبلغ اذا بيسحبون

وقصدج بنك الوطني قطر ولا الوطني الكويت

واي استفسار انا بلخدمة

الماستر كارد اللي المبلغ ينخصم مره وحده و يندفع كله مرة واحدة و ليس اقساط طبعا هي الأحسن , و مقبولة في جميع انحاء العالم

بصراحه اختي الاخوان قالوا لك كل الي كنت بقوله

المسبقة الدفع غالبا- وهي تختلف من بنك لبنك- هي نفس مزايا بطاقات الائتمان العادية اللهم الا ان الفلوس الي فيها هي فلوسك من حر مالك وليس مبلغ ائتماني- سلفة من البنك-
لذلك قبول التقديم عليها مباشر لانه لايحتاج موافقه قسم الائتمان عليها للتاكد من العميل وقدرته على سداد الائتمان الي سيعطى له.






المشاركة الأصلية كتبت بواسطة فيصل 2006
http://www.arabtravelersforum.com/tr...6/#post4967526

مالها سلبيات ابدا
بعض المحلات ترفض لان الارقام ما تكون بارزه مطبوعه طباعه فقط



اخوي فيصل ايضا ترا المسبقة الدفع يجي منها بطاقات تجي الارقام بارزه
مثل حقت البنك الاهلي

المشاركة الأصلية كتبت بواسطة Super Arsha
http://www.arabtravelersforum.com/tr...4/#post4969064

مشكورين على الردود

للتوضيح : البنك الوطني الكيويتي

انا اللي اسأل عنده بطاقتين

1- فيزا مسبقه الدفع (بنك الوطني)

2- ماستر كارد (البنك الوطني) ما عندهم مسبقه - طبعا اللي ينخصم المبلغ كله مره وحده مو اقساط

انا متردد اي وحده اطلع للسفر و للانترنت ، بس بغيت شنو سلبيات و ايجابيات كل وحده

و شكرا



غالبا مسبقة الدفع ماتكون مربطه بالحساب البنكي لذلك لايمكن نطلق عليها debit card

ايجابياتها:
1- الامان,في حالة(تصفير رصيدها) حتى لو حاول احد اختلاس مبلغ من البطاقة ماراح يستفيد لان رصيدها صفر وهو عكس البطاقة الائتمانية التقليديه.لذلك يفضل انها تبقى رصيد صفر ومتى احتاج احد منها مبلغ يحول لها من حسابه بالبنك.
2-غالبا رسومها السنويه او رسود السحب النقدي اقل من البطاقات التقليديه
3- تتمتع بنفس القبول العالمي للبطاقة التقليدية.

السلبيات:

1- تعتبر بلا فائدة للاشخاص الذين يستخدمون البطاقة الائتمانية -لفك الزنقات- فهي تعتمد على قدرتك المادية.
هناك بعض الجهات الي قد تطلب وجود بطاقات معينه لقبولها مثل البطاقة الذهبية او بطاقة ائتمانية لتقديم الخدمة -قليله جدا-

شخصيا ارى الشخص الي قدرته المادية حلوه ولايحتاج الى سلف من البنك انه يطلع بطاقة مسبقة دفع من اجل الشراء من النت او في السفر من المحلات والمطاعم.


تحياتي

مشكور حبيبي و ما قصرت

طلبت مسبقه الدفع و انشالله ما تواجهني مشاكل فيها .

أنـــا أستعمل الإثنين الفيزا والماستر

أعبيهم من حسابي في البنك أون لاين

ما شفت فرق أبدا
(البطاقتين صادرين في دبي و ما أعرف عن المدن الثانية)

بس كأنهم إخوان توأم

.

المشاركة الأصلية كتبت بواسطة نسيت اسمي
http://www.arabtravelersforum.com/tr...2/#post4969562

غالبا مسبقة الدفع ماتكون مربطه بالحساب البنكي لذلك لايمكن نطلق عليها debit card


تحياتي




مشكور اخوي على المعلومات المهمه بس في شغل وضحتها بردي وارجع اقولها لك عزيزي

الدبت كارد هي الي اتكون مسبقة الدفع لان الفلوس اتكون افلوسك مو سلفه من البنك

ومثلا لو حطيت فيها الف ريال فيكون الف بلس

اما الكردت كارد فهي الي اتكون سلفه من البنك او اتكون نزلت بلماينس وانت اتسددهم

ومثلا لو فيها الف ريال فيكون الف ماينس لين ما اتسددهم

يعني وبختصار الكردت الي يكون رصيدها اقل من صفر وانت اتسددها وهي الي يكون المبلغ من البنك
اما الدبت الي يكون الرصيد اعلى من الصفر لان انت حاط فلوسك يعني مو سلفه من البنك او تسديد لهم

اتمنى ان شرحي كان وافي

تحياتي

حقت الاهلي حلوه خاصة لمن تربطها من حسابك وتقدر تغذي الببطاقة من حسابك الجاري للماستر كارد عن طريق الانترنت وهيه عندي و مجربة في السعودية وفرنسا

اخوي نسيت اسمي شكلك مصرفي والله حسبت ما فيه ارقام بارزه علي العموم معلومتي اعتبرها خطأ وهي لا تعمم علي كل البنوك السعوديه
اخوي حلو مدلع انا عندي فيزا ذهبيه حتي لو هي بالماينس تسحب معاي لأن الليمت عالي وما استغليت كل المبلغ وهي تخصم مره واحده مع نزول الراتب لأني مختار من بنك البلاد
وعندي من الامريكي حتي وهي ماينس بعد أقدر أستخدمها وحسابي مو عليهم لكن المستفيدين هم لأن بالسعوديه لو تتأخر بالسداد إئتمانيا لدي جميع بنوك السعوديه تعتبر عميل متعثر بالسداد وحتي تصحح ذلك يلزمك بالسداد حتي تكون مقبولا ائتمانيا وتستحق أي تسهيلات من قروض وغيره
أنا أعتقد أن الأنظمه المصرفيه الداخليه تختلف نوعا ما
صراحه الكل أثرى الموضوع وأستفدنا من الجميع

انا فاهمك اخوي فيصل واساسا السداد في الفيزة يكون اختياري يعني يا انت تطلب منهم ياخذون المبلغ الي انت استخدمته كله اول ما ينزل راتبك او اقل شي لاز ادخل 5% من القيمة الاجمالية للفيزه

يعني لو فيزتك كانت ب عشر الاف واستخدمت 5 الاف هنا انت مخير يعني يا اتقولهم اخذو الخمسه اول ماينزل الراتب

او ياخذون منك 500 ريال وهي ال 5% من قيمة الفيزة الي هي 10 الاف ريال وتستمر انك كل شهر تعطيهم 5% لين تسدد المبلغ طبعا هنا المبلغ الي انت اتسدده والفيزة الي انت مطلها تعتبر كردت كارد لان المبلغ يعتبر عليك ماينس وانت اتسدد فيه بس الدبت كارد مثل ما شرحت لا هي الي اتكون مسبقة الدفع بس فيها خصائص الفيزة ويسمونها فيزا دبت

وانا عندي الثنتين يعني الفيزا دبت وعندي الماستر كردت كارد

وترا حتى لو تاخرت بسداد تعتبر مثل ماقلت عملية متعثره ولازم اتسددها يعني لك مجال 3 شهور بس كل شهر بينحسب لك لازم ادخل 5% ومن غير الفوائد عن كل شهر ممكن 4%

وهاي هو نظامهم

ومن غير فوائدهم عن عمليات السحب يعني لامى تسحب من البنك مبلغ في بنوك تاخذ على كل عملية سحب خصم 45 ريال سوان سحبت 100 ريال او سحبت 10000 ريال

ومعظم البنوك عندهم هشي بس تختلف العموله من بنك لثاني وعلى فكره لو انت مسدد الباقة كامل بس حاب اتخليها عندك للحاجه ممكن من دون ماياخذون منك شي حتى لو قعدت شهور ما ستخدمتها وهنا اتكلم عن الكردت كارد اما الدبت اساسا هي فلوسك فبراحتك

وبنسبة لنظام الاسلامي للماستر او الفيزة حلو لانه اسلامي بس بعد فوائدهم عاليه الصراحه مادري اشلون فوائد وهم اسلامي مادري اشلون مظبطينها بس حلوة للي يقول مابي اخذ الكردت كار العاديه لان ممكن يكون عليها شبهه

ونظام الكردت كارد الاسلامي هو انك تدفع لهم مبلغ معين ممن يكون الف ممكن الفين ممكن اكثر على حسب المبلغ الي بحطونه لك بلكردت وهاي اتكون عمولتهم وطبعا هاي حلوة للي يسددهم بلقساط لان خلاص ماياخذون الفايده منه وحتى لمى بيسحب عمولة السحب اتقل من 45 ريال الى 11 ريال بس فيها عيب للاسف
ان هم يخصمون 20% من المبلغ اليي انت تسحبه من احسابك ويعتبرونه فايده لهم يعني انت سحبة 5 الاف ريال ببطاقة الكردت كارد الاسلامي فهم يخصمون الف ريال الي هي 20% من المبلغ الي سحبته ويعتبرونه لهم فايده من غير ال 11 ريال لعملية السحب ومن غير اساسا انت دافع لاهم قبل علشان لمى اتسدد ماياخذون عليك فوائد

وهاي مع الاسف عيب الاسلامي وانا لمى سالتهم عن هلموضوع قالولي اشلون تبونا نستفيد لان لو انت عطيتنا مبلغ من البداية خلاص بتوقف فايدتنا وحنا نبي نستفيد

وهاي تقريبا الانواع الي اعرفهم طبعا مبالغ الفوائد الي انا كاتبهم تبع البنك الي انا متعامل معه بس لكل بنك فوائد مختلفه اتزيد وتنقص حسب مبلغ الكردت كارد وحسب البنك ونسبة عمولته

تقريبا هاي الانظمه الي اعرفها

ويعطيك العافية على معلوماتك عزيزي فيصل

تحياتي

شرحك وافي عزيزي

وفي شغله بعد انت ماوضحتها ان بدبت كارد ممكن تسحب كاش بعكس البري بيد كارد وهي الي اتكون للمشتريات او لتسوق بالانترنت واذا حطييت فيها فلوس ما تقدر ترجعها او تسحبها كاش ثاني مره بس ما اتوقع ان صاحب الموضوع كان يسال عنها

وانا اشوف الدبت افضل شي وحتى الكردت لشخص الي يسدد اول باول وللازمات

وبنسبة للماينس مرات مايدخل ماينس الا لمى هم يفتحون لك الدخزل بالماينس من البنك نفسه

يعطيكم العافيةالصراحه انا استفدت كثير من الموضوع !!!

مشكورين على المعلومات المفيدة

ويعطيكم الف عافية

ماشالله عليكم

مشكورين و ما قصرتوا

يعني لو معي فيزا المسبقه ورحت فرنساا واستخدمه مايخصمون عل كل عملية سحب صح ؟؟

ومعليش عل الاسئل

موقع بوكنيج ا حطيت الفيزا يخصم المبلغ كله ولا تامين ولا احسابهم هناك لي ماعندي فكره

واسف عل الاطـاله

اكيد راح يخصمون لانج برا السعوديه بس بشكل عام لو مسبقة الدفع الخصم بكون قليل

وموقع بوكنق مثل ماقلت لج كسسياسة موقع مايخصم بس مرات الفنادق عندهم شروط وهي

يا يسون بلوك على ليله وحده

او لمى اتقرب السفره ويكون ماباقي عليها شي يسون بلوك على اول ليله او مرات على نص المده

واغلب الفنادق ما اتسوي بلوك الا في الموسم والزحمه

وممكن اتراسلين الفندق واتاكدين عن شروطهم

ولمى توصلين الدفع يكون ابراحتج يا كاش او بلفيزه او اي بطاقة ثانية

اعرف اني جاي متأخر
لكن يعطيكم الف عافيه على المعلومات الوافيه ،، استفدت كثير

سؤالي :
استئجرت سيارة من شركة هرتز ، لكن الموظف اخبرني ان السداد في المكتب عند الوصول
واخبرني انهم راح يحجزون ايضاً مبلغ تأمين ويشترطون ماستر كارد ..

انا من السعودية ومحتااار من وين اطلع البطاقة ؟
فيه اشخاص يقولون بطاقة الأهلي مايقبلونها مكاتب التأجير وفيه ناس تقول الفيزا افضل وماادري ايش!
انا كل الي ابيه بطاقة احجز فيها الفنادق عن طريق البوكنق ، واسدد فيها تأمين استئجار السيارة فقط !
مع العلم (وهذا الموووهم ) اني لست موظف وليس لي راتب ، وحسابي في بنك الراجحي

ياليت تعطوني العلم الأكيد لأن تلخبطت من كثر ما أقرأ في مواضيع الماستر كارد والفيزا ..!!!

الله يجزاكم خير وينور دروبكم يارب .... باالانتظارك

مثل ما قال خبيرنا حلو ومدلع بطاقه مسبقة الدفع
وممكن تتصل علي بنك الراجحي التسويق 8001241222
او الاهلي المجاني 8002443333