الموضوع: زوجتي حامل ومحتار وين أسافر

الله يتمم عليها ويرزقكم الذريه الصالحه
اول شي راي الدكتورة اذا عطتكم الضوء الاخضر توكل على الله
بما انها بكريه لازم تنتبهون اكثر
واجازتكم قصيره يعني اسبوع مايمديها تريح من مشوار الطياره اذا كانت الرحله طويله
انا عندي افضل شي كوخ في الريف الاوروبي ( النمسا او سويسرا او بلجيكا) والله انها راااحه ومتعه حقيقيه
لكن المسافه وقصر المده لذلك أنصحكم لبنان
وأكيد اللاعضاء ما راح يقصرون

ماتقصرين اختي يزاج الله الف خير...طبعا نحن استشرنا الدكتوره وقالت عادي بس تكون المسافه مش طويله ولازم تتحرك بين فتره وفتره في الطياره.. حلو الواحد يغير ويسكن في كوخ اقتراح جميل جداً بس نحن نحب الاسترخاء. على البحرخصوصا في هالفتره كون ان ماكملنا سنه من زواجنا..انا خصصت اسبوع لان ناوين نسافر جزيره بس الخوف من الاحداث الي صارت... وفي مجال نغير لمكان ثاني بس ماتكثر المسافه اكثر عن 6 ساعات من دبي...*

اذا براسك جزيرة ,, شوف موريشوس او سيشيل ,,

او مدينة ساحلية جنوب فرنسا ,,

الله يتمم لزوجتك بالعافية ويقر اعينكم بالمولود

اقتراح اختي ام نوره ونواف حلو
فعلا سيشل اومورشيس
سيشل احلى من موريشيس
من دبي اقل من 5 ساعات
احلى شي عندهم فنادقهم بس شوي غاليه
أكواخ مطله على البحر وماتشوف الا الجبال الخضرا والبحر*

على كذا وقت السفر بتكون على مشارف بدايه الشهر السابع

انصحك توفر قروشك وترتاح وتريحها وبس تالد روح خذها في رحله من العمر

انا دائما اعارض سفرالحامل بس تراني خوافه مره مااحب اغامر
اذا معزمين لاتبعدون خليكم على تركيا
او لبنان اذا الاوضاع مطمئنه
الله يتمم حملها على خير ويخليكم لبعض

الله يسهل عليها
ما دام ملزمين بالسفر
إختار من
النمسا
باريس
لبان ( اذا الوضع كويس )

انا طبعا مع وبشده انكم اتسافرون وانا اعرف بنات اشكثر مسافرين وهم بواخر حملهم لا وحده منهم كانت حامل بتؤام وفي الشهر السادس ورايحه امريكا سياحه يعني الموضوع باذن الله مافيه خطوره على المدام

واختيار الجزر فعلا اختيار موفق واحيكم عليه

انا طبعا مع المالديف واحس ان اتسونامي اليابان بعيد عنها وماراح ياثر

واذا خايفين شوفو سيشل او موروشيس

او شوفو جزيرة مالطا الصراحه وايد يمدحونها

او ممكن اتروحون على ايطاليا واتزورون بعد جزيرة سقليه

او مثل ما قالو لبنان حلوة

بس انا مع الجزر والراحه والرمنسيه اكثر

ماأنصحك بالدول العربيه في هذي الظروف والايام كلها انقلابات ومظاهرات وثورات واوضاع غير مستقره

روح لأحدى دول شرق اسيا

واذا ماتبغى تبعد شوفلك دبي حلوه لتغيير الجو كم يوم او تركيا لأنها قريبه وجوها حلو بشهر 5

المشاركة الأصلية كتبت بواسطة samx
http://www.arabtravelersforum.com/tr...6/#post4989196

ماأنصحك بالدول العربيه في هذي الظروف والايام كلها انقلابات ومظاهرات وثورات واوضاع غير مستقره

روح لأحدى دول شرق اسيا

واذا ماتبغى تبعد شوفلك دبي حلوه لتغيير الجو كم يوم او تركيا لأنها قريبه وجوها حلو بشهر 5



هم من الامارات يا غالي

أحنا نفس الشيء نبغي نسافر في الصيف لانها اجازتنا مع العيال و مب عارفين وين نروح و نفكر ببلد قريبة خاصة اني أن شاء الله بكون في الشهر الثامن و سفرتنا اسبوع ... أن شاء الله نستفيد من النصائح

اجل مالكم الا تايلاند بلد العجائب