الموضوع: دلوني وين أسافر ؟؟

أخواني واخواتي دلوني حسب الميزانية فين ممكن نسافر ؟؟
عددنا 6 افراد ..
3 بالغين أنا وزوجي وولدي الكبير
+ 3 اطفال ..
الميزانية 40 الف ..
ودنا نسافر لو 12 يوم ..

محتارة فين نسافر حسب ميزانيتنا لأن حتى التذاكر نار بهذا الوقت تأخرنا كثير ...

العام سافرنا ماليزيا لمدة 26 يوم وكلفتنا السفرة بالتذاكر والسكن والمصاريف 80 الف
عشان كذا خايفة ماتكفي الميزانية ..

ماودي دولة عربية
ياريت تساعدوني بالاختيار ..

مواضيع عشوائيه ممكن تكون تعجبك اخترناها لك:

• فندق كتراكت اسوان
• وحشتوني موووووووووووووووت
• مساعده في تخطيط رحله صيف حقيقيه
• تكفون ساعدوني طلبتكم الله يوفقكم عآآجل
• أسرة الفنادق المريحة أين توجد
• ما هو اول بلد سافرت له خارج وطنك
• أرغب في السفر إلى الجزائر
• دبي تفتتح المرحلة الأولى من أضخم مطار في العالم
• ساعدوني متوهقة حديبليز ردو بسرررعة
• سافر مع صوفي للسياحة والسفر التركية، وتمتع بجنة الله في الأرض Read More at :http:/
• تجربتي التأمين على السفر
• مين سافر عن طريق طيران ناس
• موقع دستينيا لحجز الطيران والفنادق وكلللل شي
• تفضل معنا شرح مصور للحجز عن طريق موقع بوكنق
• مشكلة حجز في البوكنق
• داماك هيلز جولف فيتا
• صرف العملة من السعودية
• الخطوط السعودية تطوّر موقعها وتقدّم يوماً في التاريخ الميلادي
• بخصوص الخطوط السعوديه شي غرررريب
• ساعدوني وين اسافر في نوفنمبر

يوجد طيران لوفتهانزا دايركت من الرياض الى ميونيخ والمده 5 ساعات وربع

لأن الخطوط السعودية ماتروح للنمسا وماتروح لميونيخ

ويكون المخطط كالتالي :

النزول في مطار ميونيخ والأنطلاق فورا الى سالزبورغ

3 ليالي سالزبورغ

5 ليالي زيلامسي

3 ليالي ميونيخ


الافضل البحث عن شقق لأن عددكم كبير مشاء الله تبارك الله , وأرخص لكم بعد

تبي الصراحه اشوي صعبه لان 6 اشخاص يعني مب واحد ولا اثنين

فانا اقول انسو اوربا لان الميزانية يدوووووووب التكت والسكن من غير المصروف

انا حاجز على اوربا اسبوعين كلفني تكت وسكن من غير مصروف 50 الف

لهشي انا اقول مافي الا اتروحون هونغ كونغ وسنغافورة او حتى بس هونغ كونغ

اقل شي اسعارها زينه وبتكفيكم ان شاءالله

ممكن تاخذون غرفتين غرفه عائلية فيها العيال الكبير مع الصغار الله يحفظهم وغررفه ثانيه لج ولزوجج

وهونغ كونغ فيها دزني لان وفيها اكثر من مدينة ملاهي وسوقهم حلو وراح تستانسون

وشوفو الكاثي بسافيك او السنغافورية لانهم يسون عروض واسعهارهم حلوة

تركيا حلوة طبيعة وآثار ومتاحف وفية تسوق حلو
واسعارها مناسبة

طيران الاتحاد كانو مسوين عرض للعائلة, و هو انك تاخذ تذكرة من عندهم و طفل واحد يسافر مجاناً.

و ما ادري اذا ممكن يستغل العرض!!! توفير قليل و لكن حبيت اذكر العرض.

انا من راي اخواني
خلوها على
سيرلانكا
كيرلا
اندونيسيا

40 الف يالله تذاكر مع التأشيرة لدوله اوربيه
من دون سكن ولا مصاريف أختي ميزانيتك ضعيفة
لوكنتم شخصيت كان بسطنها لكم
الدول العربيه (مصر بيروت ) احذفوها لانها اساساً فيها
اظطرابات سياسية ودبي مره غالية للي يبغى يروح
للملاهي وكذا ودبي بعد مافيها طبيعه يعني لازم
تخسرون قيمة تذاكر لاي شئ لستة اشخاص
ميزانيتكم ضعيفة .

مثل ماقلتي الدول العربيه كلها قلاقل واضطرابات

انصحك بالنمسا او تركيا

المشاركة الأصلية كتبت بواسطة ابو نزيه
http://www.arabtravelersforum.com/tr...8/#post5206808

يوجد طيران لوفتهانزا دايركت من الرياض الى ميونيخ والمده 5 ساعات وربع

لأن الخطوط السعودية ماتروح للنمسا وماتروح لميونيخ

ويكون المخطط كالتالي :

النزول في مطار ميونيخ والأنطلاق فورا الى سالزبورغ

3 ليالي سالزبورغ

5 ليالي زيلامسي

3 ليالي ميونيخ


الافضل البحث عن شقق لأن عددكم كبير مشاء الله تبارك الله , وأرخص لكم بعد



جزاك الله خير أخوي ماقصرت ..
هي المشكلة بضعف الميزانية

المشاركة الأصلية كتبت بواسطة حلو ومدلع
http://www.arabtravelersforum.com/tr...8/#post5207328

تبي الصراحه اشوي صعبه لان 6 اشخاص يعني مب واحد ولا اثنين

فانا اقول انسو اوربا لان الميزانية يدوووووووب التكت والسكن من غير المصروف

انا حاجز على اوربا اسبوعين كلفني تكت وسكن من غير مصروف 50 الف

لهشي انا اقول مافي الا اتروحون هونغ كونغ وسنغافورة او حتى بس هونغ كونغ

اقل شي اسعارها زينه وبتكفيكم ان شاءالله

ممكن تاخذون غرفتين غرفه عائلية فيها العيال الكبير مع الصغار الله يحفظهم وغررفه ثانيه لج ولزوجج

وهونغ كونغ فيها دزني لان وفيها اكثر من مدينة ملاهي وسوقهم حلو وراح تستانسون

وشوفو الكاثي بسافيك او السنغافورية لانهم يسون عروض واسعهارهم حلوة



جزاك الله خير أخوي .. أثق برأيك كثير ..
راح أفكرباللي اقترحته


طيب ايش رأيك بتركيا ؟؟

المشاركة الأصلية كتبت بواسطة المسفهله
http://www.arabtravelersforum.com/tr...6/#post5207386

تركيا حلوة طبيعة وآثار ومتاحف وفية تسوق حلو
واسعارها مناسبة



للآن هي المرشحة الأولى ..
جزاك الله خير أختي

المشاركة الأصلية كتبت بواسطة corleone
http://www.arabtravelersforum.com/tr...6/#post5208336

طيران الاتحاد كانو مسوين عرض للعائلة, و هو انك تاخذ تذكرة من عندهم و طفل واحد يسافر مجاناً.

و ما ادري اذا ممكن يستغل العرض!!! توفير قليل و لكن حبيت اذكر العرض.



جزاك الله خير على الإفادة ..

المشاركة الأصلية كتبت بواسطة مسافره 27
http://www.arabtravelersforum.com/tr...6/#post5208676

انا من راي اخواني
خلوها على
سيرلانكا
كيرلا
اندونيسيا



مشكورة أختي على إبداء رأيك ..

المشاركة الأصلية كتبت بواسطة kata
http://www.arabtravelersforum.com/tr...2/#post5210272

40 الف يالله تذاكر مع التأشيرة لدوله اوربيه
من دون سكن ولا مصاريف أختي ميزانيتك ضعيفة
لوكنتم شخصيت كان بسطنها لكم
الدول العربيه (مصر بيروت ) احذفوها لانها اساساً فيها
اظطرابات سياسية ودبي مره غالية للي يبغى يروح
للملاهي وكذا ودبي بعد مافيها طبيعه يعني لازم
تخسرون قيمة تذاكر لاي شئ لستة اشخاص
ميزانيتكم ضعيفة .



تحطيم
والله عارفة إن الميزانية ضعيفة عشان كذا محتارة
إذا ماليزيا صرفنا فيها 80 ألف كم بنصرف بدولة اوربية ..
بس ودنا نسافر إيش اسوي عشان كذا طلبت رأيكم

جزاك الله خير

المشاركة الأصلية كتبت بواسطة خليجنا
http://www.arabtravelersforum.com/tr...6/#post5211126

مثل ماقلتي الدول العربيه كلها قلاقل واضطرابات

انصحك بالنمسا او تركيا



تركيا هي المرشحة الأولى وبنشوف ..
جزاك الله خير ..

مرحبا اختي

لا عاد اشهتحطيم الزايد المسكينه قالت لكم ميزانيتها 40 الف مب 15 او 20 الف

وهم صح 6 اشخاص بس في ثلاث يهال يعني مب من كثر مصاريفهم

ماعليج اختي وان شاءالله راح اتسافرون

بس عطيني تاريخ السفر وقوليلي انتي من وين

وان شاءالله بنشوفلكم دولة اتروحون لها

مثلا سنغافورة تذاكرها من البحرين الى سنغافورة على 2800 على الاماراتية ضرب 6 بساوي 16800 واكيد بيطلع اقل لان في اطفال

السكن ممكن تاخذون غرف عائلية يعني في غرف عندهم يكون حجمها كبير وفيها 4 اسره وسعرها كان ب 450 ريال والفندق حلو وايد وعلى اشهر شارع فيها كان اشسمه اورشيد بريه وانا مجربه ممكن تاخذونها واتحطون سريرن زياده للاطفال وراح تكفيكم لان حجم الغرفه كبيييييير كانها غرفتي ومع جلسه وبلكونه

يعني لو قلنا سعر الغرفه مع الاسره تقريبا 650 ريال في 7 ايام بتكلفكم 4550 ريال

ولو قلنا بتمرون دبي 3 ايام لان اوردي بكون في ترانزيت دبي فتقعدون فيها 3 ايام وتسكنون في روز ريحانه والفندق حلو واسعاره زينه ممكن يكلفكم بليله 400 ريال وانتو بتاخذون غرفتين قولو 800 ريال في 3 بساوي 2400 ريال

يعني المجموع كامل التذاكر 16800 ريال + سكن سنغافورة 4550 ريال + سكن دبي 2400 = المجموع 23750 ريال

والباقي من الميزانية 16250 ريال اتوقع انها كافيه للمصروف

وزيدولكم 5 الاف ريال احتياط تحسبا لظروف

انا رحت لسنغافورة 5 ايام وكنا 4 اشخاص بالغين كلفنا المصروف بحدود 5 الاف واحنا ماخلينا رحلة ولا مكان مازرناه انتو بحكم بتقعدون يومين زياده وعددكم اكثر ممكن يكون مصروفكم بين ال 10 الاف الى 13 الف لان سنغافورة اغلى اشوي من ماليزيا

انا طبعا هاي جدول اشوفه حلو وراح يناسبكم


الجدول الثاني

اتروحون بيروت

بتكلفكم التذاكر بلكثير الفين على الشخص ضرب 6 اشخاص بتساوي 12 الف

السكن بكلفكم 500 ريال بليله قولو مع سرير اضافي يعني 600 ريال في غرفتين يعني 1200 في 10 ايام بساوي 12 الف

وبتاخذون سياره بدريول بكلفكم 150 دولار مكسمون وانا اعرف ناس اهناك بيعطونكم ارخص بعد في 10 ايام يعني 1500 دولار بلريال بتساوي 5475 ريال

ا12 الف تكت وممكن اتحصلون ارخص + 12 الف سكن وبعد ممكن اتحصلون ارخص + 5475 ريال = المجموع 29475 ريال

الباقي 10 الاف واذا ممكن اتزيدونها 5 بعد بتكون حلوة وبتكفيكم اكيد والاوضاع في بيروت حلوة اخوي توه راجع منها وانا بعد بروح الشهر الجاي لها


الجدول الثالث

هونغ كونغ

التكت للشخص ب 3 الاف ريال بنحاول يكون اقل لان في اطفال

السكن كمعدل متوسط انحاول يكون 600 ريال للغرفه يعني غرفتين 1200 ريال في 10 ايام 12 الف ريال

المجموع 18 الف تكت + 12 الف سكن = المجموع 30 الف ريال

الباقي 10 الاف حاولو اتيزونها 5 الاف ولا 10 الاف تحسبا لاي ظرف وان شاءالله انها تكفي


وممكن لو اتكونون محظوظين في اسعار التكت والسكن

ان تطلعون الى سنغافورة 4 ليالي وبعدها هونغ كونغ 6 ليالي او العكس وبعدها ترجعون بتطلع رحله حلوة بس اكيد بتعدي الميزانية

يعني ممكن اتكلفكم تكت وسكن 30 الف او اكثر اشوي لهشي بتكونون ملزومين اتسيدون الميزانية 10 الاف زياده يعني اتوصلونها 50 الف او حتى ممكن 55 الف بس حاولو تستفسرون من الحين


بنسبة لتركيا انا للامانه مارحت لها بس كنت بروح لها صيف 2009 وغيرنا الى فرنسا وكنا بروح لها صيف 2010 بس الصراحه الي حوالينا راحو لها ومامدحوها صح طبيعه بس محلات اتصكر بدري وممله بشكل واستغلالين وصرفها وسكنها حالها حال دول اوربا الثانية لهشي بعد غيرنا منها ورحنا دبي وبيروت

وهسنه ماطرحنا اسمها اساسا من بعد ماسمعنا عنها حتى رفيجي توه ياي منها من كم يوم مامدحها وايد

انا طبعا اقولج رايي ومااحاول اغير رايج لان الناس اذواق وللامانه لو اطلعت اهنا تكفي ميزانيتكم راح اقولكم روحو بدون تردد براد تركيا ولا حر الخليج بس اهم شي اتكونون مقتنعين

انتي شوفي الجداول الي حطيتهم وان شاءالله تكفي

وعلى فكره اذا عليتو الميزانية مثلا لل 50 الف او 550 الف ممكن اتروحون فيها بلجيكا او اتروحون فيها ميونخ وزلامسي

او حتى اسبانيا لان اسعار التكت مثل شرق اسيا وحتى الفنادق اغلى بشوي والمصروف هو ممكن الي اغلى بس بعد لو تحسبونها صح ان شاءالله بتكفي


انتي شوفي واي استفسار انا بلخدمة

الله يجزاك كل خييير اخوي ..
كفيت ووفيت ماقصرت والله
كنت متأكدة إن رأيك غير ودائما تسهل الأمور الله يسهل لك دوووم ..

أنا من المدينة والتاريخ اللي نبغى نسافر فيه 29/6/ 2011

بالنسبة لتركيا زوجي هو اللي مرشحها ولا أنا ماودي فيها فعلاً حتى زميلتي سافرت لها
مرررررة ماعجبتها تقول بس طبيعة بس ملل مررررة مامدحتها ..

فكرت ببيروت
كمان هونج كونج حطيتها ببالي ماادري والله ..

سنغافورة مااعتقد أحطها ضمن الخيارات لأني أفكر لو عدت سفرة ماليزيا اروح كمان سنغافورة
فماافكر فيها حالياً ..

طيب كيف بيروت للاطفال ؟؟

أنتظر ردك أخوي .. معليش تعبتك معي

صباح الخير

لا افا عليش انا بلخدمه ولا اتقولين هلحجي بلعكس

اي استفسار انا بلخدمه

بنسبة لبيروت فهي حلوة وتنفع للكل يعني فيها مدينة ملاهي وفيها سينمات واسواق

وفيها اجبال وممكن اتروحون صوب عالية وبحمدون وبرمانه هم كلهم مصايف في قمم جبال

يعني بيروت شامله لو تبونها بس ابي انوه شي ان انتو بتروحون بصيف يعني الموسم عندهم لهشي معظم المطاعم ترفع الاسعار

بنسبة لهونغ كونغ حلوة وانا شفت لها تقارير رائعه ولولا وجهتنا هسنه لاوربا ولولا زلزال اليابان كان رحنا هسنه هونغ كونغ وكوريا الجنوبية واليابان

ومثل مااتعرفين هونغ كونغ فيها دزني لاند وفيها مدن ملاهي ثانية واسواق واسعارهم اغلى من ماليزيا بس مب غالية مثل اوربا

وممكن اتشوفين البوابة الصينيه اكيد بساعدونج اكثر نصيحتي لج شوفي التقارير قبل اذا اعجبتج استفسري وشوفي الاسعار اذا حلوة اسعارهم توكلي على الله وروحيلها

وبنسبة لسنغافورة فيه رااااااااائعه بس انا وياج لان للامانه هي صغيره واصغر من البحرين وحدها 4 او 5 ايام وحرام اتسافرون علشان 5 ايام بس ممكن اتضيفون وياها بانكوك بتايلند وهي زينه فيها مجمعات واسواق وملاهي بس ابعدو عن شارع العرب لانه مب نظيف وايد وفوق هاي كله اسعارها حلوة


وبقولج شي لو اطلعت بيروت وهونغ كونغ نفس السعر ارشح هونغ كونغ اكيد لو كانت حتى اغلى بشوي لان راح تدفعون على شي يستتاهل بيروت حلوة وللامانه انا احبها وسنويا اروح لها من مره الى مرتين

بس الحق ينقال هي قعده وموفيات ومطاعم واشويت سوق بس يعني تمشين وتصرفين

او تاخذون لكم شقة بحدا هلمصايف الي فوق وتستمتعون بلبراد بس بكون روتين يعني نظام ابها وشققها والاردن فهمتي علي تنفع حق كبار السن الي يبون يغيرون جو

لهشي يوم سالتيني عن الاطفال ترددت اشوي مااقدر اقول انهم ماراح يستانسون لان دايم اشوف عوايل مع اطفالهم اهناك بس بعد مااقولج ان كلها اماكن ترفيه لهم ممكن اتحطين هلسؤال في بوابة لبنان ممكن حد رايح وياه اطفال ممكن يقدر يساعدج اكثر لاني مااروح مع اطفال

واي استفسار انا بلخدمه

صباح النور ..
ماقصرت أخوي الله يعطيك العافية .. اوك بشوف المنتدى وأقرر بعد كذا
جزاك الله خير ..

لا يأس مع الحياة و لا حياة مع اليأس.

انتو من وين, و وين اقرب مطار لكم؟
الاطفال الـ 3, كم اعمارهم؟
متى ناوين تسافرون او على الاقل بشكل تقريبي ؟

و بعدين يسير خير .

بالعكس ياعسل ماأبغى أحبطك بالنفس الوقت
مابغاك تروحين لهناك وتنصدمين بالاسعار
بيروت شيليها من راسك استغلالين بشكل موطبيعي
بالتاكسي
(حلو ومدلع ) معليش بس سعر الفندق او الشقه اللي حكيتها
لكاتبة الموضوع مره قليل تذكر انها بتسافر بشهر
كل الخليجين هناك واللبنانين لزوم يعرفون الاسعار

من قالك قليل اخوي بلعكس انا مسوي حجوزات على بيروت بشهر 6 وحصلت سعر الليلة ب 550 ريال في اكثر من فندق 5 نجوم مثل ارجان روتانا والسفير متروبلتو وكلهم على الروشه و5 نجوم

وتقدر اتاكد بنفسك عن طريق بوكنق

واختي رديت على سالتج واي استفسار انا بلخدمه

نصيحه ابتعدي عن جميع الدول العربيه في الوقت الراهن
كلها قلاقل ومشاكل وأخرتها ماحصل اليوم في المغرب انفجار ضخم جدا في احد اكبر المقاهي السياحيه وسط احد اكبر الميادين في مدينه مراكش وقتل فيه لحد الآن عشره اشخاص

خليكي على اوروبا أو آسيا لسلامتك وراحه البال مقدمه على اي شي ثاني

جزاكم الله خير جميعاً ماقصرتوا ..