الموضوع: ارشادات من خبرتي البسيطه للسفر مع الأطفال

السلام عليكم...
حبيت اليوم أكتب لكم موضوع مو جديد عليكم بس ان شاء الله يفيدكم من خبرتي البسيطه بالسفر مع الأطفال يمكن تكون غايبه عن البعض
عشان تتجنبون بعض المواقف اللي تسبب الملل وعدم الراحه للطفل التي قد تسبب الصراخ والإنزعاج...

يحتار الأزواح إذا ارادوا السفر مع أبنائهم ويفكرون ألف مره قبل اتخاذ القرار (ناخذهم ولا لأ) مع إن آبائنا أول ياخذونا ويتحملونا ويفترون فينا كل مكان بدون ملل بس الحين الزمن تغير وكل ياهل معاه خدامته وممكن توفير المكان المناسب لهم مع أهل الزوجه او الزوج لمراقبتهم والإهتمام بهم...
برأيي إذا قررتوا أخذ الأبناء معاكم لازم يكون الزوجين متفقين مع بعض باختياراتهم وتحديد المسؤوليات في السفر وتوزيع المهام بينهم وأن لايترك الواحد فيهم المسؤوليه على الطرف الآخر بدون احساس فتكون المسؤوليه مشتركه وهذي مااسميها بدايه السفره الناجحه سواء مع الأطفال أو بدون الأطفال وحتى مع الربع
رأيي بالنسبه للرضع أتوقع إنهم أسهل بالسفر فقط يحتاجون تغيير للحفاض والحليب وينامون بسلام إلا إذا حاشهم لاسمح الله مرض كإسهال أو إنفلونزا مع إني ماجربت السفر لديره بعيده مع رضع بس هذا اللي شفته مع اللي اعرفهم وطبعا قبل السفر لازم تجهيزات السفر للأطفال عربة الطفل السهلة الطي موتشترون جديدة حزة الحزة ماتعرفون تفتحونها ولا يسكرونها سووا بروفه عليها قبل السفر بامبرز -حليب -لهاية ووحده زياده -ملابس بزياده -ملابس مريحه ودافئه للطائره لأني بصراحه أنغث لما اشوف الماما شايله الياهل بالطياره ورايحه لديره بارده ولابس الياهل قصير وبأكمام قصيره خصوصا البنات الأمهات يبدعون فيهم يكفي المطارات والطياره بارده على الطفل لأنه مايتحرك واايد وإذا وصلوا البلاد اللي رايحين لها تكون بارده بس الله يهدي بعض الأمهات لزوم الكشخه يمرضون الطفل بعدين يقولون ليش مرض !!!

أنصح للرضع بلبس البيجامه الكامله مع توفير غطاء للرأس مع أخذ اللحاف الخاص بالطفل
وبالنسبه للأطفال الأكبر سنناوطبعا إذا كانت الرحله طويله عزيزاتي الأمهات لاتلبسون عيالكم بنطلون غير مريح من الخصر تجنبوا الحزام والجينز الثقيل والأكمام القصيرة والسفر ببدلات رياضيه بدون حزام ويفضل أن يكون من أسفل الرجل(سير) =(مطاط) ماأدري شنو تسمونه عشان (كرمكم الله) لما يروحون الحمام مايطيح بالأرض وانتوا عارفين بعض حمامات الطيارات ومطارت بعض الدول أو حتى للسفر بالسياره
وأنصح لبس الجوارب الطويلة مع حذاء مريح كأحذية الرياضه لأنها بعد تنفع إذا ما انوجد البنطلون اللي فيه سير من تحت فتصلح الجوارب لأدخال البنطلون من تحت داخلها لتمنع سقوطها على الأرض عند دخول الطفل للحمام واتلاف نفسه

وطبعا دايما لما الطفل يلبس لبس مريح وحذاء مريح يحبه تكون نفسيته مرتاحه وهادئ وأنصح باللبس الغامق قليلا عشان لا يتسخ بسرعه فيلعبون وياكلون على راحتهم بدون تقييد إن الملابس ستتسخ ..
يجب توفير حقيبه إضافيه باليد فيها ملابس أخرى وملابس داخليه -ألوان (تتوفر بالمكتبات ألوان خاصه بالأطفال تزال بالماء عن الملابس) روعه عشان الوالدين مايتحسفون على الملابس ملاحظة :كل طفل لازم تكون له أدواته الخاصه عشان تتجنبون معاهم الهوشه مع معض والصوت العالي يفضل يكونون أغراضهم متشابهه عشان لايقول كل واحد ان الثاني أحسن منه -أوراق بيضاء وملونه للرسم عليها - قصص يحبها الطفل بعضها جديده وبعضها قديمه يكون الطفل متعود عليها
طبعا السناك فطاير (التصبيره ماركة الوزين السعوديه روعه وتشبع زعتر وجبن تكفي وتوفي بصراحه)
حلويات ميخالف عطوهم حلويات بس ديروا بالكم بكميات معتدله وبأوقات مختلفه حتى مو شرط بطلب منهم فاجئوووهم بدون مايطلبون لاتكثرون عشان لايعورهم بطنهم خطتي دايما افتح كيس الحلاو واخش نصه واسوي نفسي توني فاتحته يحسبون إني معطتهم الكميه كلها فيفرحون
لاتخلون الأطفال يشعرون بالجوع اشبعوهم قبل لايبدأون بالصراخ لطلب الأكل

عزيزتي الأم إذا في مجال صنع كيكه منزليه يحبها الأبناء والزوج بعد عشان لايغار كل شي لليهال ووضعها بعلبه سهله الحمل وطبعا البسكويت بأنواع مختلفه لأن في مطارات لاتتوافر فيها مايحبها الطفل وانتوا تدرون عيالنا بالخليج ماشاء الله متدلعين ومتعودين على أصناف محدده

الآن وفي ظل التكنلوجيا عيالنا بصراحه مايسكتون إلا وفي إيد كل واحد ipad أو ipod touch هذا إذا مو بو 6 سنوات عنده iphone وفي أنواع مختلفه من الفيديو جيمز تقدرون توفرونها لعيالكم وتحطون فيها الألعاب اللي يحبونها وتتجنبون وتريحون الناس من حركتهم بوضع الصور والفيديو اللي يحبونها واللي موحابين يشترون منتجات Apple لعيالهم تتوفر في بعد الأسواق مثل جيان و كارفور ipod تقليد للأصلي بصراحه فادوني وايد بسفراتي بالسياره معاهم قبل لا اشتري الآيبود الأصلي كان هدوء رهيييب بالسياره فهذا شجعني بعد ماكبروا اشوي وقاموا يعرفون للأجهزه إني أشتري لهم أصلي
وبالنسبه لولدي الصغير 3 سنوات مايعرف للأجهزه عطيناه القديم وحطينا له صور وفيديو وسماعات مريحه

حبيباتي البنيات الصغار اللي معاكم بالسفر واللي بعمر ال9 ومافوق اشغلوهم بالأشغال اليدويه المتوفره بالأسواق والمكتبات ولازم تكون تسريحه الشعر للبنات الصغار مريحه بدون شباصات وايد وللشعر الغير ناعم عمل جدايل بالصالون قبل السفر عشان الأم لاتتعب بالسفر بالتمشيط وصراخ البنت وتضييع الوقت بتسريح الشعر

عزيزتي الأم احملي الحقيبه السهله الحمل يفضل التي تعلق على الظهر يقدر زوجج يساعدج في حملها بدون احراج وتكفي لحمل الأشياء مع مراعاه وضع قنينة ماء فيها واشوية بسكويت للظروف الطارئه


اعزائي ... للسفر بالصيف لاتنسون وضع ملابس السباحه لأبنائكم عشان إذا رحتوا مكان في احواض سباحه مايضطرون يسبحون بالملابس الداخليه مثل مانشوف البعض يتوفر بالسوق عند الرياضي ملابس سباحه محتشمه للبنات سواء للمحجبات أولغير المحجبات اللي يحب يلبس بنته محتشم وهو أفضل من الملابس القطنيه عندالسباحه باحواض السباحه

للأطفال أقل من 4 سنوات يفضل أخذ عربه صغيره للتمشي من النوع الذي يطوى بسرعه
وضع بجيب كل طفل وحتى الكبار كرت الفندق تحسبا للضياع وللأطفال الي يفهمون اشوي مصروف جيب بسيط مع التنبيه لعدم صرفه إلا بحالة الضروره

لاتنشغلون عزيزاتي الحريم بالسوق وتتركون عيالكم عرضه للضياع وتنبيه الطرف الآخر بإمساك الطفل في حال الإنشغال وتأكيد وجوده عند الطرف الثاني

في النهايه تحملوا بعض مع مراعاة ان معاكم اطفال هواشكم يؤدي إلى التأثير بنفسياتهم وتذكروا دايما انكم مسافرين تستانسون وتغيرون جو مو واحد يلوم الثاني على أخطاء تافهه وبسيطه يعني طوفوا وايد الدنيا ماتسوي
وفي نصيحه أخيره إذا طفلكم من النوع اللي يحن وايد طوفوا وجنكم ماتسمعونه مو كل مايبجي تصرخون عليه ووفروا له اللي يبي دايما مو نفس ماتكونون بالديره تقدرون تتحكمون لأن المهم بالسفره الهدوء يعني لازم تتغير اطباعكم اشوي

الصديق والأخو والزوج والأبناء يبينون بالسفر فهذا اختبار للكل أتمنى للجميع النجاح فيه وهو فرصة للتغلب على النفس الأمارة بالسوء فحافظوا على صلاتكم وأرحامكم وبحفظ الله ....
هذي نصائحي وقولوا Mekyaag ماقالت...

تمنياتي لكم بإجازة صيف سعيده
وتردون بالسلامه ان شاء الله
إذا في شي نسيته ذكروني ...

مواضيع عشوائيه ممكن تكون تعجبك اخترناها لك:

• شابين ألف ريال اجازه اسبوعين إقتراحاتكم
• ضرائب لم تصرف والحل
• كيفية المشاركة فى تقييم الفندق عن طريق بوكنج
• اقتراحكم لسفرة الى بلد بميزانية منخفضة في شهر أكتوبر بإذن الله
• السفر لأول مره
• عاجل جدا طيران الاتحاد علقوا تذكرتي رحلتي بكرة الحقوووووني عاجل جدا
• معلومات للسائح في اسطنبول المعالم وأماكنها ارشادات كلمات للتواصل خارطة المترو
• تنظيم قربات سياحية للسفر الى جميع انحاء العالم
• استفسار بسيط
• ارجو المساعده
• دليل البوبة السياحية
• ساعدوني في إختيار البلد المناسب اوروبا
• نصائح سفرية
• ساعدوني بليز
• كرتون فاضى ب ريال بمطار الملك خالد
• موقع جميل جدا لمعرفة أسعار الصرف
• عاجل جدا واحتاج مساعدتكم أستفسار عن فيزا الشنقن
• الوجهة خلال شهر نوفمبر
• تحذير من تذاكر طيران الخصم بالمية
• سؤؤؤؤؤؤؤؤؤال عن موقع بوكنج للمجربيين أرجوا المساعدة

ماشاء الله عليكِ حسستيني ان السفر مع الاطفال له متعه بس لابد من الخبره القليله

انا ماجربت السفر مع طفل الا مره وحده بعمر 5سنين تبهذلت شوي بسس يمكن لانه لحـاله وحس بالملل

ان شاءالله اجرب مع اخـته وتتسهل اوضاعنااااا ويكونوا كبرووا شووووووووي ...
المتعب في سفررر المواليد والرضع هو الخوف على صحتهم لان المنااااااااااعه تكون قليله وتقلبات الجو متواجده في السفرر

فهذاالشيء يضر الكبار قبل الصغار

موضوع رااائع وماقصرتي
كانك قاريه ردي في موضوع السفر مع الاطفال
طيب بسألك.. ولدي الله يحفظه من النوع الملول.. قررت قبل السفر اشتريله
دي اس
واي بود تتش
واخليها مفاجأه عشان يلهي فيها
بس لظروف شريتها له الحين ومل منها,,, برايك وش ممكن اوفر شي مسلي وجديد.؟

المشاركة الأصلية كتبت بواسطة شغب قلم
http://www.arabtravelersforum.com/tr...8/#post5379458

ماشاء الله عليكِ حسستيني ان السفر مع الاطفال له متعه بس لابد من الخبره القليله

انا ماجربت السفر مع طفل الا مره وحده بعمر 5سنين تبهذلت شوي بسس يمكن لانه لحـاله وحس بالملل

ان شاءالله اجرب مع اخـته وتتسهل اوضاعنااااا ويكونوا كبرووا شووووووووي ...
المتعب في سفررر المواليد والرضع هو الخوف على صحتهم لان المنااااااااااعه تكون قليله وتقلبات الجو متواجده في السفرر

فهذاالشيء يضر الكبار قبل الصغار



فعلا عزيزتي. السفر مع الاطفال متعه وإن شاء الله تطبقين اللي ذكرته وراح تشوفين كل خير
وآنه طبعي أول شي أسافر مع زوجي نستكشف المكان اللي رايحين له ونسهر ونتمشى ونتسوق على راحتنا وإذا انكتبت لنا روحه ثانيه مع اليهال لنفس المكان يصير ماعندي مشكله لاني شفت المكان من قبل واستانست فيكون وقتي ومن كثر حبي لليهال دايما أحاول أبتكر لهم الجديد
والحين في وسائل كثيره للترفيه استخدميها عل وعسى تنفعكم وتفيدكم وأهم شي طوله البال

المشاركة الأصلية كتبت بواسطة مسافره 27
http://www.arabtravelersforum.com/tr...2/#post5380862

موضوع رااائع وماقصرتي
كانك قاريه ردي في موضوع السفر مع الاطفال
طيب بسألك.. ولدي الله يحفظه من النوع الملول.. قررت قبل السفر اشتريله
دي اس
واي بود تتش
واخليها مفاجأه عشان يلهي فيها
بس لظروف شريتها له الحين ومل منها,,, برايك وش ممكن اوفر شي مسلي وجديد.؟





بالنسبه لملل الطفل من الجهاز لوكنت مكانك كنت راح أتصرف كالإتيآقبل السفر بفتره كافيه أخبئ الإيبود لمده كافيه حتى يفتقده أو ينساه أو أخبره بأنه ضاع قبل الخروج من البيت أخبره بأني وجدته وطبعا أحط له الالعاب اللي يحبها والعاب جديده وأفلا م جديده وأغاني إذا كان يحبها أو قرآن لان الياهل إذا ضاع منه شي يصير عزيز عليه وطبعا مشاركه الطفل باللعب وإبداء الإهتمام يعطي الطفل طاقه وحب وشعور بأن الجهاز جديد وحلو وفي اللي يشاركه اللعب
وتحسبا للطوارئ آخذ لعبة جيم بوي جديده أطلعها في وقت الطوارئ
وإذا مافاد آنه أقول خلوووه بالبيت وايد أحسن ...أتغشمر

المشاركة الأصلية كتبت بواسطة عذبة
http://www.arabtravelersforum.com/tr...6/#post5383166

مشكورة اختي

والله يعينا و يعينكم على حنة اليهال في السفر

وانشالله هالسفرة تكون اهدى لانهم كبروا شوي

و تحياتي



عفوا عفوا وبالخدمه.....

سلام

حلوه النصائح .. يعطيك العافيه

انا مره سافرت مع بنتي عمرها 3 شهور مرررررررره مريحه

وناوين نسافر الحين واهي عمرها سنه و3 شهور مررررررره خايفين منها لان شيطانه وحركيه ههههه

بس استفدت من الي ذكرتيه

يسلمووو

بصراحة اختي ما قصرتي
فعلا الاطفال يبي لهم طولت باااااااااااااال
اذا كان الاب حار او عصبي ما ينفع الطفل يسافر مع الاهل

واختي نفس النصايح حقت الملابس حق الصغار و الكبار نفس الشي لازم البس مريح واسع من النوع الي مايتكسر

يسلمو على هالنصايح الرااااائعه

ما قصرتي اختي حقيقه نقاط رائعه

وخاصه الهواش للأطفال علي أمور ممكن ان تنحل

المشاركة الأصلية كتبت بواسطة بسمة حياتي
http://www.arabtravelersforum.com/tr...6/#post5384416

سلام

حلوه النصائح .. يعطيك العافيه

انا مره سافرت مع بنتي عمرها 3 شهور مرررررررره مريحه

وناوين نسافر الحين واهي عمرها سنه و3 شهور مررررررره خايفين منها لان شيطانه وحركيه ههههه

بس استفدت من الي ذكرتيه

يسلمووو




الله يعافيج ...
الياهل الحركي بعدي الككاو عنه...
وحاولي تشغلينها باللي تحبه وطبعا العربانه ضروريه معاها وعطيها وقتج عشان إذا أهملتيها راح تحس بالإنزعاج وتبدي تحن
خلي عينج عليها عشان لاتضييييع ....الله الحافظ

المشاركة الأصلية كتبت بواسطة وحيدة اهلها
http://www.arabtravelersforum.com/tr...4/#post5387164

بصراحة اختي ما قصرتي

فعلا الاطفال يبي لهم طولت باااااااااااااال
اذا كان الاب حار او عصبي ما ينفع الطفل يسافر مع الاهل

واختي نفس النصايح حقت الملابس حق الصغار و الكبار نفس الشي لازم البس مريح واسع من النوع الي مايتكسر

يسلمو على هالنصايح الرااااائعه

الأبو الحار...مشكلته مشكله...
هذا طبع في الريال, والحرمه ماتقدر اتغيره فالوحده تحاول انها تغير نفسها وتتجنب اللي مايحبه وتطوف وايد وتخليه اهو يتعلم منها الهدوء
ودايما تحاول تضحك وتخلي قلبها بارد عشان لايرتفع ضغطها ... وذلك يؤدي إلى الإنفجار وابتداء المشاكل
والله يهدي كل الريايييل حق زوجاتهم والدنيا ماتسوى كل هذا
يعني مسفر مرته وعياله يخليهم يتحسفون لو انهم قاعدين بالبيت أحسن
آنه عندي ان الزوجه تقعد بالبيت معززه مكرمه ولا انها تسافر مع زوج عصبي ومن النوع اللي يفشلها جدام الناس

المشاركة الأصلية كتبت بواسطة فيصل 2006
http://www.arabtravelersforum.com/tr...0/#post5394980

ما قصرتي اختي حقيقه نقاط رائعه

وخاصه الهواش للأطفال علي أمور ممكن ان تنحل



صح ...آنه اشوف بعض الأهل اهم اللي يستفزون الياهل ويكون بإمكانهم تجنب هالشي

نصائح مفيده وحلوووة يعطيك الف عافيه

السفر مع الأطفال متعب جدااااا بس مالنا غنى عنهم هم زينه الحياه

موضوع جدا مهم واريد اضيف ان الادوية مهمه مثل خافض الحراره والاسهال والامساك
والله يعطيك العافيه

جزاج الله خير ونصائح مفيدة..

المشاركة الأصلية كتبت بواسطة عيون الطيف
http://www.arabtravelersforum.com/tr...2/#post5407912

جزاج الله خير ونصائح مفيدة..



شكرا اخوي أتمنى انكم تكونن استفدتوا هذي الاشياء مجربتها كلها

انا سافرت السنة الي فاتت مع ولدي وكان عمرة سنتين و 4 شهور
اخذت له حيوانات ومرة انبسط فيهم خصوصا بالطيارة كان هادئ جدا
ولما وصلنا كان مستمتع بالاجواء فارتحت من حركته وشطانته
السنة هي الويكند الي فات رحنا قطر ..عمره سنتين و10 شهور
في الروحة كان عنده اي بود .واضطرينا نطفيه عند اقلاع الطيارة وسوالنا مصيبة
هدا شوي لما فتحت المجلة وفيها صور حيوانات ومناظر طبيعية
في الرجعة شريت له السبورة المائية والحلو فيها انها تتسكر وتصير شنطة وماتوسخك و تغلبك وانبسط فيها
احس الي بهالعمر ممكن تاخذي لهم كتب مصورة خفيفة
اي بود او احد الاجهزة
دفاتر للتلوين في حال انه يحب التلوين
العاب صغيرة يستمتعوا فيها

المشاركة الأصلية كتبت بواسطة نونة حبيبها
http://www.arabtravelersforum.com/tr...4/#post5420984

انا سافرت السنة الي فاتت مع ولدي وكان عمرة سنتين و 4 شهور
اخذت له حيوانات ومرة انبسط فيهم خصوصا بالطيارة كان هادئ جدا
ولما وصلنا كان مستمتع بالاجواء فارتحت من حركته وشطانته
السنة هي الويكند الي فات رحنا قطر ..عمره سنتين و10 شهور
في الروحة كان عنده اي بود .واضطرينا نطفيه عند اقلاع الطيارة وسوالنا مصيبة
هدا شوي لما فتحت المجلة وفيها صور حيوانات ومناظر طبيعية
في الرجعة شريت له السبورة المائية والحلو فيها انها تتسكر وتصير شنطة وماتوسخك و تغلبك وانبسط فيها
احس الي بهالعمر ممكن تاخذي لهم كتب مصورة خفيفة
اي بود او احد الاجهزة
دفاتر للتلوين في حال انه يحب التلوين
العاب صغيرة يستمتعوا فيها




الله يخليه لكم ... وآنه معاج في كل اللي ذكرتيه لازم الوالدين يبتكرون طرق لتلهية الياهل
شكرا ع المرور والإضافة

المشاركة الأصلية كتبت بواسطة ابو عوكل
http://www.arabtravelersforum.com/tr...8/#post5400678

موضوع جدا مهم واريد اضيف ان الادوية مهمه مثل خافض الحراره والاسهال والامساك
والله يعطيك العافيه



الأدويه مهمه وضروريه قبل السفر فعلا وشكرا ع الإضافه

المشاركة الأصلية كتبت بواسطة عيون الطيف
http://www.arabtravelersforum.com/tr...2/#post5407912

جزاج الله خير ونصائح مفيدة..



شكرا وأتمنى انكم استفدتوا ولو قليلا ...

الله يخليهم لناا .. ويصلحهم يارب..
ويعطيك العافيه على هالموضوع الرائع ..
صراحة الاطفال لازم نوفر لهم مسليااات //
زي ماقالو الاخوات والاخوان ..
اضافة السبورة المغناطيسيه معاها اشكال ..
او السبورة اللي تكتب ببرادة الحديد ..
توفير السناك اللي يحبونه .من مشروبات واكل ..
حمل بالون .. و ببلز (فقاعات الصابون )
هذا اللي اسويه مع اطفال ,, طبعا بالاضافه للايبود ,, والقصص اللي فيها حيوانات وتطلع اصوات ..

اهم الاطفال لو بس يفكونه من البكي

حنا بخير

الله يعطيك العافيه على الموضوع القييم

فعلا فعلا رائع

شكرا لك

المشاركة الأصلية كتبت بواسطة The universal
http://www.arabtravelersforum.com/tr...6/#post5427146

الله يخليهم لناا .. ويصلحهم يارب..
ويعطيك العافيه على هالموضوع الرائع ..
صراحة الاطفال لازم نوفر لهم مسليااات //
زي ماقالو الاخوات والاخوان ..
اضافة السبورة المغناطيسيه معاها اشكال ..
او السبورة اللي تكتب ببرادة الحديد ..
توفير السناك اللي يحبونه .من مشروبات واكل ..
حمل بالون .. و ببلز (فقاعات الصابون )
هذا اللي اسويه مع اطفال ,, طبعا بالاضافه للايبود ,, والقصص اللي فيها حيوانات وتطلع اصوات ..



الله يعطيج العافيه .. إضافات رائعه
آنه حبيت أضيف لكم بعد الكاميرات اليهال يحبون تقليد الكبار والتصوير يسليهم

المشاركة الأصلية كتبت بواسطة بيبسي كولا
http://www.arabtravelersforum.com/tr...0/#post5427190

اهم الاطفال لو بس يفكونه من البكي

حنا بخير

الله يعطيك العافيه على الموضوع القييم

فعلا فعلا رائع

شكرا لك



تبي تفتك من الحنه اتبع الخطوات اللي قاعدين نقولها لك ماكتبت هالموضوع إلا لخدمتكم ومساعدتكم

بارك الله فيك وحزاك خير

خطوات مهمه جدا ان شاء الله راح اتبعها

شكرا لك

ما شأالله موضوعك حلو ومفيد يجزاك ربي خير

المشاركة الأصلية كتبت بواسطة Mekyaag
http://www.arabtravelersforum.com/tr...2/#post5435342

الله يعطيج العافيه .. إضافات رائعه
آنه حبيت أضيف لكم بعد الكاميرات اليهال يحبون تقليد الكبار والتصوير يسليهم



ويعافيك يااارب ..
ايه صادقه والله ,, ماشاء الله اللي عندنا مو مقصرين بالايبود تتش يصورون ولابعد يقولون قولي تشيز
وان ذكرت شي او خطر في بالي جديد مريت عليكم

المشاركة الأصلية كتبت بواسطة The universal
http://www.arabtravelersforum.com/tr...4/#post5435834

ويعافيك يااارب ..
ايه صادقه والله ,, ماشاء الله اللي عندنا مو مقصرين بالايبود تتش يصورون ولابعد يقولون قولي تشيز
وان ذكرت شي او خطر في بالي جديد مريت عليكم



حياج ياقلبي

اختي ابغى نصايح بالنسبه للاكل عندي طفل رضيع عمره وقت السفر 7 شهور
باخذ معاي بسكويت وسيريلاك وحليب طبعا وفواكه معلبه هل هذا يكفي انا ودي اخذ شي مثل خضروات مسلوقه او شوربه شلون اقدر وانا اسكن بفندق مو شقه

المشاركة الأصلية كتبت بواسطة يالبيه ياانا
http://www.arabtravelersforum.com/tr...2/#post5447842

اختي ابغى نصايح بالنسبه للاكل عندي طفل رضيع عمره وقت السفر 7 شهور
باخذ معاي بسكويت وسيريلاك وحليب طبعا وفواكه معلبه هل هذا يكفي انا ودي اخذ شي مثل خضروات مسلوقه او شوربه شلون اقدر وانا اسكن بفندق مو شقه



هلا وغلا ... في السوق في خلاط صغير خاص بأكل الأطفال تقدرين تاخذينه معاج بالسفر وبالنسبه للخضار اشتري من هناك أو من البلاد وخزنيه بثلاجه الفندق وإذا لم يتوفر بالغرفه سخان للماء اشتري واحد صغير واخذيه معاج ...كما يوجد اندومي (شعريه) السريع التحضير علبته على شكل كوب مع وضع القليل من جبنه الشيدر بداخله أو الكريمه أو الأثنين معا او حتى أي جبن سائل فتصبح وجبه دسمه مشبعه للطفل
يمكنك مزج الخضار المقطعه لقطع صغيره(حتى تستوي سريعا) مع الشعريه لاتضعي البهارات والمنكهات اللتي تأتي بالعلبه معه
لاتترددي بطلب المساعده من الفندق من ماء حار او اي شي فهم موجودين لتلبيه احتياجاتكم لاتحرمين الطفل من وجبه ساخنه ولذيذه ...
وإذا رحتوا مطاعم حاولي ان تختارين له الأرز وتطلبين منهم ماء حار حتى تمزجينه مع الأرز ليصبح مهروسا لينا يستطيع الطفل أكله أو طبعا طبق فيه خضار مضاف اليه الجبن

والفواكه إذا كانت غاليه بالديره اللي رايحين لها ...اشتري من ديرتج فواكه على الأقل للأيام الأولى للسفر وإذا انتوا مطولين مالكم حل إلا انكم تشترون من هناك
قدمي الفواكه للطفل بقطع جانب منها مثلا التفاحه قومي بقطع جانب منها وبعدين بالملعقه قومي بالغرف منها وإعطاء الطفل والموز كذلك ...
والبرتقال إذا كان الطفل يستطيع الشرب عن طريق الماصه اعملي بالسكين شكل X صغير بجانب البرتقاله وأدخلي الماصه في الX ويقوم بمص العصير وطبعا ذلك بعد تليينها له ليخرج منها العصير بسلاسه

هذا ما ستطيع المساعده فيه والله المستعان ويخلي لكم البيبي
وإذا تذكرت شي ماراح ابخل فيه عليج

موضوعك حلو ومفيد

ماجربت ،، لكن حسيتهم دوشه ههههه يمكن ماني متعوده او مااعرف اتعامل معاهم

ماشاءالله موضوع خطييييييييييييييييييييييير

الاخت ميكياج

تم نسخ النصائح في ملف وورد

لكِ مني الف تحية

يعطيج الف عافيه

المشاركة الأصلية كتبت بواسطة mekyaag
http://www.arabtravelersforum.com/tr...4/#post5449394

هلا وغلا ... في السوق في خلاط صغير خاص بأكل الأطفال تقدرين تاخذينه معاج بالسفر وبالنسبه للخضار اشتري من هناك أو من البلاد وخزنيه بثلاجه الفندق وإذا لم يتوفر بالغرفه سخان للماء اشتري واحد صغير واخذيه معاج ...كما يوجد اندومي (شعريه) السريع التحضير علبته على شكل كوب مع وضع القليل من جبنه الشيدر بداخله أو الكريمه أو الأثنين معا او حتى أي جبن سائل فتصبح وجبه دسمه مشبعه للطفل
يمكنك مزج الخضار المقطعه لقطع صغيره(حتى تستوي سريعا) مع الشعريه لاتضعي البهارات والمنكهات اللتي تأتي بالعلبه معه
لاتترددي بطلب المساعده من الفندق من ماء حار او اي شي فهم موجودين لتلبيه احتياجاتكم لاتحرمين الطفل من وجبه ساخنه ولذيذه ...
وإذا رحتوا مطاعم حاولي ان تختارين له الأرز وتطلبين منهم ماء حار حتى تمزجينه مع الأرز ليصبح مهروسا لينا يستطيع الطفل أكله أو طبعا طبق فيه خضار مضاف اليه الجبن
والفواكه إذا كانت غاليه بالديره اللي رايحين لها ...اشتري من ديرتج فواكه على الأقل للأيام الأولى للسفر وإذا انتوا مطولين مالكم حل إلا انكم تشترون من هناك
قدمي الفواكه للطفل بقطع جانب منها مثلا التفاحه قومي بقطع جانب منها وبعدين بالملعقه قومي بالغرف منها وإعطاء الطفل والموز كذلك ...
والبرتقال إذا كان الطفل يستطيع الشرب عن طريق الماصه اعملي بالسكين شكل x صغير بجانب البرتقاله وأدخلي الماصه في الx ويقوم بمص العصير وطبعا ذلك بعد تليينها له ليخرج منها العصير بسلاسه

هذا ما ستطيع المساعده فيه والله المستعان ويخلي لكم البيبي
وإذا تذكرت شي ماراح ابخل فيه عليج



تذكرت ... سمك التونا مفيد جدا جدا للأطفال تقدرين تاخذين معاج بعض المعلبات

المشاركة الأصلية كتبت بواسطة Bu SaLeM
http://www.arabtravelersforum.com/tr...0/#post5457740

يعطيج الف عافيه



الله يعافيك

المشاركة الأصلية كتبت بواسطة albadar15
http://www.arabtravelersforum.com/tr...0/#post5457670

الاخت ميكياج

تم نسخ النصائح في ملف وورد

لكِ مني الف تحية



شكرا لثقتك برأيي يسعدني التواصل

الا والله صدقتي بكل كلمه قلتيها وكلامك عين العقل ،،
لك

سافرت ورجعت بالسلامه مع العيال وابو العيال ...
تأكدت من نصايحي اللي كتبتها لكم بتجربتها مره أخرى على أرض الواقع بسفره كانت طويله بالطائره ولأول مره مع أطفالي بأعمارهم المختلفه 3 و 7 و 9سنوات ...رحنا لكوريا
استفدت من وضع حقيبتين للظهر واحده لي ووحده لزوجي الله يطول بعمره ويخليه لي يارب وحده لأغراض طفلي الصغير من بامبرز ومشمع للتغيير وفوطه صغيره وكريم واقي للحفاض وبعض البسكويت والحلويات والنودلز بالأنواع اللي يحبها أبنائي وبساط صغير سهل الطي وفي حقيبتي أغراضنا الخاصه كالنقود وبطاقات الإئتمان ونظارات شمسيه للأطفال وقبعات للرأس الدائرية الشكل السهلة الطي لتسهل وضعها بالشنطة ولم أترك أبنائي يحملون أي شيء حتى لايشعرون بالملل من الأغراض ...
وللطيارة قمنا بأخذ شنطه حجم متوسط ترولي قمنا بوضع الأغراض الإضافيه وبعض الملابس الإضافيه للأطفال ودفاتر التلوين وألوانهم ...
الحمدلله وبفضله ومن ثم بفضل تعاون أبو العيال وياي عاد قولوا آمين تمت الرحله بنجاااح والحمدلله بدون تعب أو ملل....

أكرر وأقول أهم شي التعاون بين الوالدين وتحمل الأطفال وتخصيص الوقت لهم ...وتطوفون خرابيط اليهال الوايد ومحاولة اشراكهم معاكم المواضيع وباختيار الأماكن السياحيه ووين بيروحون يعني موشرط تسمعون كلامهم بس الحوار راح يكون حلو وشيق وراح يحسون إنهم مسؤولين ويشتاقون للمكان اللي بيروحون له
ويستمتعون بالتخطيط له بدال مايحنون ع الفاضي ...
المهم الرحله كانت رائعه وإذا تذكرت شي ماراح أبخل عليكم بأي معلومه ...
وانتظرو مني المزيد وصوري عن رحلتي

يسلموووووووووو

الله يعطيك العافية على النصائح

المشاركة الأصلية كتبت بواسطة abodi2008
http://www.arabtravelersforum.com/tr...6/#post5625166

الله يعطيك العافية على النصائح



الله يعافيك
شكرا للمرور ...

سؤال لك اختي بالنسبه للماء الحار حق رضعة البيبي والماء المعدنيه والحليب عادي يدخلون بالتفتيش ولا ينزلونه مني ؟؟

المشاركة الأصلية كتبت بواسطة يالبيه ياانا
http://www.arabtravelersforum.com/tr...2/#post5663682

سؤال لك اختي بالنسبه للماء الحار حق رضعة البيبي والماء المعدنيه والحليب عادي يدخلون بالتفتيش ولا ينزلونه مني ؟؟



على حسب المطارات لازم تسألين لكل ديره انتي رايحه لها عن نظامهم ....

مرحبا اختي مكياج
ابشرك رجعت من السفر والحمدلله اموري كانت هناك تمام .. الاولاد مرضوا بعد مارجعنا
بالنسبه للتجهيزات زي ماقلتي ولدي جهزت له شنطة ظهر بدون مايدري وحطيت فيها الوان ودفتر تلوين والدي اس.. والاي بود.. وحلاو شبسات وخليتها مفاجأه لما وصلنا المطار اعطيته اياها.. فرح فيها ولهى شوي
اما بنتي فنومتها لانها صغيره وماتفيد معها الالعاب والحمدلله عدت ال5 ساعات طيران على خير..
اما في العوده كانوا مالين من الالعاب ونايمين بس الحمدلله التهوا بالقنوات الترفيهيه الموجوده في الطياره ويااااهي فكة ازمه الحمدلله
...
سفر الاطفال متعب شوي لهم بس مريح نفسيا لنا احنا
والشكر لك ولكل من افادني ونصحني
,, تحياتي لك

[QUOTE=مسافره 27;5744602]مرحبا اختي مكياج
ابشرك رجعت من السفر والحمدلله اموري كانت هناك تمام .. الاولاد مرضوا بعد مارجعنا
بالنسبه للتجهيزات زي ماقلتي ولدي جهزت له شنطة ظهر بدون مايدري وحطيت فيها الوان ودفتر تلوين والدي اس.. والاي بود.. وحلاو شبسات وخليتها مفاجأه لما وصلنا المطار اعطيته اياها.. فرح فيها ولهى شوي
اما بنتي فنومتها لانها صغيره وماتفيد معها الالعاب والحمدلله عدت ال5 ساعات طيران على خير..
اما في العوده كانوا مالين من الالعاب ونايمين بس الحمدلله التهوا بالقنوات الترفيهيه الموجوده في الطياره ويااااهي فكة ازمه الحمدلله
...
سفر الاطفال متعب شوي لهم بس مريح نفسيا لنا احنا
والشكر لك ولكل من افادني ونصحني



الحمدلله ع السلامه......
والعفو ماسويت شي .... والواحد مايتمنى المرض بس الحمدلله إنهم مامرضوا بالسفر كنتوا تأذيتوا أكثر

وأهم شي الطياره إنهم مازعجوا الناس ...

ما قصرتي يا Mekyaag

نصائح من ذهب .... الصرحة انا من الذين يحبون ويفضلون السفر مع الابناء ..... في النهار مع الابناء وفي الليل رومانسية .....الصراحة السفرة بدونهم ما لها طعمة بدون مزاحهم ومواقفهم الجميلة والمحرجة

الله يوفقك دنيا وآخرة

الادوية جدا مهمة وخاصة دواء لقرص الباعوض .... للحرارة والكحة ومصاص البلعوم .... ولا تنسون بخاخ للحروق الاولى وبخاخ الاسعافات الاولى "ولصقات جروح في لازم في شنطة الام " ..... طبعا إذا فيه انسلين تشترون من الصيدلية الشنطة الخاصة اللي فيها مكان للابر مع كيسين ثلاج ....
الله الموفق

الاي بود التقليد كم سعره وهل يتحمل؟

المشاركة الأصلية كتبت بواسطة جسر المحبة
http://www.arabtravelersforum.com/tr...4/#post5781044

الادوية جدا مهمة وخاصة دواء لقرص الباعوض .... للحرارة والكحة ومصاص البلعوم .... ولا تنسون بخاخ للحروق الاولى وبخاخ الاسعافات الاولى "ولصقات جروح في لازم في شنطة الام " ..... طبعا إذا فيه انسلين تشترون من الصيدلية الشنطة الخاصة اللي فيها مكان للابر مع كيسين ثلاج ....
الله الموفق




صحيح آنه بالنسبه لي لصاقات الجروح أهم شي في شنطة الأم وتتوفر بأشكال جميله في بعص السوبرماركت والصيدليات عشان يحبون أشكالهم ومايشيلونهم إذا انجرحوا لاسمح الله وكذلك الأدول

السلام عليكم
حبيت ارفع الموضوع
وشكرا
ارجو التفاعل ))

ماشاء الله
تجارب ونصائح رائعة بل أكثر من رائعة
شكرا على الموضوع المميز

المشاركة الأصلية كتبت بواسطة gawab
http://www.arabtravelersforum.com/tr...1/#post6545151

ماشاء الله
تجارب ونصائح رائعة بل أكثر من رائعة
شكرا على الموضوع المميز

شكرا للمرور
يسعدني التواصل
اتمنى ان تكونوا استفدتوا