المشاركة الأصلية كتبت بواسطة swissri
http://www.arabtravelersforum.com/tr...8/#post5462378
مع احترامي لك بس انا أستغرب كيف تحط دوله مثلا مثل الكويت وتترك دولة عمان؟؟؟
انا من وجهة نظري أرى ان عمان افضل سياحيا وبمراحل كثيييييره عن الكويت لأن الكويت وش فيها صراحه كسياحه؟ شارعين ومول تجاري مثلا؟؟ في حين عمان يستقطب عشرات السواح الأجانب كل عام وفيه مناطق اثريه عديده وفيه سواحل رائعه ومنتجعات راقيه وطقس معتدل ولاتنسى كذلك صلاله ومهرجانها وغيره الكثير.
على العموم هي وجهات نظر
!!!!!!! اسلوب لطيف جدا .. شكرا لكم .. اخي اذا مو عاجبتك الكويت وجهة نظرك و انت حر فيها لكن كنت اتمنى عدم
استخدام جملة مثل ( دولة مثل الكويت !! ) وايد طايحة من عينك !!! ما فكرت ان اهلها يعشقون ترابها ولا يرضون حد يقلل
من مكانتها !
و شارعين و مول ؟؟؟ !!
و بعدين وين التعصب ؟؟؟ كل الاعتراض على الطريقة !!! و كل دول الخليج اهلها يهجون على قولتك وقت الصيف لان مناخها
متشابه .. الا اللي ما يقدر او ظروفه ما تسمح له ... و السياحة ما تقتصر على فصل الصيف .. ولا حدد صاحب الاستطلاع
موسم معين .. و في كثير من اهل الخليج يجون الكويت على مدار السنه و خصوصا من شهر 9 الى آخر 4 .. في ناس
تحبها و ترتاح فيها و تستمتع بهالشارعين و مول ... كنت تقدر يا اخي ترشح عمان من غير ما تحدد دولة بدالها و تترك
الاختيار لصاحب الموضوع ..
ما يهمني وجود الكويت بالاستطلاع من عدمه .. لانني ما اشوف انها دولة سياحية .. كل اعتراضي عالاسلوب و الطريقة
ليتك يا صاحب الموضوع ما حطيت الكويت بالاساس بدال هالحركة
ما قصرتوا .. و موفقين باستفتائكم
المفضلات