مساعده عاجله جدا جدا لرحله مفاجأه ولا على البال

**alifun** · 01-12-2015, 04:15 AM

السلام عليكم يا اخون

هذه اول مشاركه لي بالمنتدى واتمنى اني اكون من زواره دايم ونفيد ونستفيد

انا اخوكم الصغير بالسفر بس شايب بالعمر

اخوكم مو مسافراتي والسفر بالحسره آخر سفره رحت ميونخ عام 2008 وكانت عباره عن كارثه ... ما اعرف شي ولا ادري وين ربي قاطني بذللك الوقت

الخط الي في بالي وحاب استشيركم فيها هي كالآتي

تاريخ السفره 2/3-9-2011

والعوده ان شاء الله 12/14-9-2011

ودي ارووح ميونخ بالبدايه ومن ثم زلمسي يومين الا ثلاثه ومن ثم باريس ومنها زياره الى دزني لاند

زماني عارف شلون اوزعها ولا هالايام مناسبه للمناطق المعنيه ولا في اقتراح افضل

وبالمناسبه في ثلج بالاماكن الي قلتها ... مشتاقله وانا اخوكم خبري فيه 1994 في سويسرا

وان شاء الله القى ردكم بسرعه لأني بحجز باجر ولا ادري راح تطلع الفيزا قبل العيد ولا لأ

تمت الاجابة على هذا السؤال هنا
مساعدة في رحلة عاجلة الى ميونخ وباريس

مواضيع عشوائيه ممكن تكون تعجبك اخترناها لك:

**alifun** · 01-12-2015, 04:15 AM

شوف اخوي ماني خبير بس
كان لي تجارب في اوربا
اللوفتازا تروح ميونيخ
لا تجلس فيها
علي طول اخذ سيارة اجار وروح زلمسي اجلس فيها ليلتين
ومنها اطلع الي ميونيخ 4 ليالي
ثم اطلع الي باريس
اجلس فيها علي الاقل 5 ليالي

بالنسبه للثلج
ماراح تلقي الا في لوقانو او في جبال الالب انترلاكن
ما دام عندك سيارة
تقدر تغير الجدول
وتخلي بعد ميونيخ انتر لاكن
ثم باريس

اختار اللي يريحك

**ahmed2** · 01-12-2015, 04:15 AM

هلا بشايبنا
والله اذا الاسعار ما تهمك خطط وابشر باللي يساعادك لان الاسعار الحين وخاصه باريس ناااااااار لانه موسم ومضغوط
خل الوصول ميونيخ والعوده من باريس
لا انصح بزيلامسي ايامك كلها بحدود 12 يوم يادوب دولتين
اذا معاك اطفال وتبون ديزني يومين اسكنوا فيها ولا من باريس تطلعون لها 40 دقيقه بالقطار وترجعون بالقطار
تحب من ميونيخ تمر يورب بارك ومنها الي ستراسبورغ فرنسا القريبه من الحدود الالمانيه يومين تأخذون فيها هدوء وراحه ومن ثم باريس تسكنون فيها وتروحون ديزني او تكملون ديزني

**ahmedali** · 01-12-2015, 04:15 AM

اشكركم على الردود والاقتراحات ، بالنسبه للسياره مو من عشاق فكرتها لاني طول عمري مقزرها سياره ...... حلاته قطارات وتضيع واقعد على طرف اعيط واصيييح وام العيال تبجي على حالها .... الخ

طرء تعديل بالمواعيد
الطياران تاريخ 6/9/2011 و الوصول الى ميونخ تاريخ 7/9/2011
والعوده من باريس تاريخ 18/9/2011

وانا فكرت اني اقعد في ميونخ لانه الرحله الفجر اقعد ليلتين ومن ثم التوجه الى زلمسي ثلاث ليالي وبعدين التوجه الى باريس

قلت اذا بمسك القطار من زلمسي الى باريس ودي امر يوربا بارك اقعد ليله اذا تسوى وبعدين من هناك اروح باريس اقعد باقي الرحله لانه ام العيال ودها تنشفني على الآخر وقلت اطلع يوم من باريس اروح دزني ليله اذا تسوى

خبرتي في آخر كارثه اني رحت ميونخ ومنها الى زلمسي ليله
بس للامانه بما اني عليمي بس جيد بالاعنجليزي

ماشفت شي بزلمسي غير البحيره وميونخ مافيها شي رحت القريه الاولمبيه ورحت الحديقه انجليش بارك ورحت حديقة حيوان عزكم الله وسامحونه على اللفظ قالوا انها صغيره بس في وحده اكبر

والرحله بس انا والحكومه ان شاء الله العيال عند جدتهم يتعرفون على عمامهم

ان شاء الله اتضحت الصوره والشباب اهل الخبره يضبطونه عشان مابي المره تقول سفرني بعد ابي ازهقها

موفقين يارب