الموضوع: ساعدوني ابي خطة لشهر العسل في اوروبا

اوربا في هذا الوقت بيكون الجو بارد جدا و ربما يكون ثلوج و ما تقدر التمشى في الحدائق او القعدة في الكوفيهات اللي على الرصيف و بتكون دائما في داخل الأبنية و مش راح تستمتع بهذي الرحلة ۔ شوف لك مكان آخر غير اوربا ۔ و بعدين ما انصحك تعمل حجوزاتك عن طريق مكاتب السفريات اسعارهم غالية ، ليش ما تسوي حجوزاتك بنفسك عن طريق الانترنت احسن لك و ارخص لك . . ۔
ارجو لك التوفيق

مبرووووك مقدما
اوروبا في الوقت هذا بررررد وثلوج
انا اشوف إنك تغير وتروح الى جنوب شرق آسيا
تحياتي لك

امممممم انزين شنو الي تنصحوني فيه سولي جدول اذا ممكن ...۔

لانه الصراحة كان خاطري اروح اوروبا بس مادري

والشكر الجزيل للي رد علي


واتمنى التفاعل من باقي الاعضاء

هلا اخوي واحنا بلخدمه

فعلا اوربا وايد وايد بارده هلحزة ما انصحك فيها لاصراحه واذا انت مصر ممكن اتروح للمدن الكبيره مثل باريس ولندن وفينا

ولو تبي نصيحتي اقولك باريس لندن حلوين لان ميونخ صغيرة وزلامسي ماتنفع لان برد ومافيها طبيعها فينا حلوة بس بعد لندن وباريس اشرح

ومع اني ما افضل اوربا في هلوقت لان وايد برد

ممكن اتروح لشرق اسيا ماليزيا وسنغافورة وراح تستانس وايد اهناك

او ممكن اتروح بيروت او القاهرة وشرم الشيخ لو حاب

وبعد في اقتراح حلو ول بتسويه وهي اتروح على لااماراتية من الدوحه لين المالديف تقعدون 6 او 8 ايام فيهلمنتجاعات السنعه والطبيعه الحلوة والجو والمناظر الي اترد الروح وبعدها ترجعون وانتو مارين دبي اترازيت اقعدو فيها 4 ايام جوهم بكون بارد وانت عارف الجو عندنا بهلحزة شنو اينن وايد حلوة وبتستانس اهناك

وان شاءالله بصيف اذا الله عطانا عمر اتعوضها للمدام واتروح فينا وزلامسي وميونخ لاني توني ياي منهم بصيف الصراحه ايننون

وبنسبة للحجز اول شي بسالك اذا عندك خبره بلحجوزات على النت ولا لا لان اذا ماعندك فخلك على مكتب سفريات وايد احسن هاي شهر عسل مانبي فشيله

وانصحك اتشوف من الحين سوان القطرية للعطلات ولا الاماراتية للعطلات واتشوف اسعارهم

وبعد روح شوف عروض رجنسي مرات يسون عروض حلو وبعد عندك سفريات الدرويش

وبعد اذا عندك خبر على النت شيك وقارن الاسعار لان مايبيلها خبرة موقع الطيران لي بتسافر عليه وشوف فرق التكت لان مرات يعطونك الريت العالي علشان يغلون عليك وموقع بوكنق اكتب المدينة والمدة وبتطلعلك الفنادق وقارن اسعار بوكنق بسعار السفريات بس اهم شي حدد وجهة سفرك لان ضروري اتقرر مافي وقت وهاي شهر عسل لازم كل شي مترتب

واي استفسار اخوي انا بلخدمة

المشاركة الأصلية كتبت بواسطة alma3ani
http://www.arabtravelersforum.com/tr...4/#post6262154

هلا اخوي واحنا بلخدمه

فعلا اوربا وايد وايد بارده هلحزة ما انصحك فيها لاصراحه واذا انت مصر ممكن اتروح للمدن الكبيره مثل باريس ولندن وفينا

ولو تبي نصيحتي اقولك باريس لندن حلوين لان ميونخ صغيرة وزلامسي ماتنفع لان برد ومافيها طبيعها فينا حلوة بس بعد لندن وباريس اشرح

ومع اني ما افضل اوربا في هلوقت لان وايد برد

ممكن اتروح لشرق اسيا ماليزيا وسنغافورة وراح تستانس وايد اهناك

او ممكن اتروح بيروت او القاهرة وشرم الشيخ لو حاب

وبعد في اقتراح حلو ول بتسويه وهي اتروح على لااماراتية من الدوحه لين المالديف تقعدون 6 او 8 ايام فيهلمنتجاعات السنعه والطبيعه الحلوة والجو والمناظر الي اترد الروح وبعدها ترجعون وانتو مارين دبي اترازيت اقعدو فيها 4 ايام جوهم بكون بارد وانت عارف الجو عندنا بهلحزة شنو اينن وايد حلوة وبتستانس اهناك

وان شاءالله بصيف اذا الله عطانا عمر اتعوضها للمدام واتروح فينا وزلامسي وميونخ لاني توني ياي منهم بصيف الصراحه ايننون

وبنسبة للحجز اول شي بسالك اذا عندك خبره بلحجوزات على النت ولا لا لان اذا ماعندك فخلك على مكتب سفريات وايد احسن هاي شهر عسل مانبي فشيله

وانصحك اتشوف من الحين سوان القطرية للعطلات ولا الاماراتية للعطلات واتشوف اسعارهم

وبعد روح شوف عروض رجنسي مرات يسون عروض حلو وبعد عندك سفريات الدرويش

وبعد اذا عندك خبر على النت شيك وقارن الاسعار لان مايبيلها خبرة موقع الطيران لي بتسافر عليه وشوف فرق التكت لان مرات يعطونك الريت العالي علشان يغلون عليك وموقع بوكنق اكتب المدينة والمدة وبتطلعلك الفنادق وقارن اسعار بوكنق بسعار السفريات بس اهم شي حدد وجهة سفرك لان ضروري اتقرر مافي وقت وهاي شهر عسل لازم كل شي مترتب

واي استفسار اخوي انا بلخدمة





اول شي يعطيك الف عافية اخوي

ومشكوور على الرد الجميل وهذا ان دل دل على طيبتك ومعدنك الطيب

اممم قررت اني اروح ماليزيا وجزر المالديف

بس ماعرف اسامي الفنادق وماعرف كيفية الوصول حق الجزر الحلوه الي نسمع فيها

حبيبي دامك بتروح لماليزيا فهي تغنيك عن المالديف لانهم بعاد عن بعض بس ممكن اتروح لسنغافورة لو حبيت

لان ماليزيا فيها جزر وحلوة وتقدر اتروح للبوابة الماليزيا واتشوف التقارير اهناك

واهم المدن اهناك هي كوالالمبور وجزيرة بنغ وجزيرة لانكاوي وسلانجور

بنسبة لي اقولك

اول شي روح سلانجور وقعد فيها ليلتين بلفندق وهي فيها مجمعات ومدينة مائية وراح تستانسون فيها وانصحك تسكن بفندق صن واي لاقون

وبعدها انصحك اتروحون لجزيرة لانكاوي وتقعدون فيها 3 ليالي وانصحك تسكن بفندق لانكاوي لاقون وهو وايد حلو

وبعدها انصحك اتروح لكوالالمبور وتسكن في فندق الملنيوم او الجي دبليو ماريوت لان مانهم وايد حلو وعلى شارع العرب واذا تبي شي ملاسق للبرجين ممكن تسكن بفندق مندرين وهو من ارقى الفنادق اهناك

وبعدها ممكن تطلع على سنغافورة لو حاب 3 ليالي وتسكن بلماريوت او بجراند حياة وكلهم على شارع اورشيد اهم شارع بسنغافورة وبعدها ترجع لدوحه وبنسبة للايام انت تقدر اتزيد عليها واتنقص

واذا ما تبي سنغافورة وتبي تكتفي بماليزيا ممكن بعد لانكاوي اتروح جزيرة بينغ وانصحك تسكن فندق الشنغريلا او الهوليدي ان وبعدها اتروح الى كوالالمبور او ممكن حتى تلغيها وتكتفي بس بسلانجور ولانكاوي وكوالالمبور

انصحك نصيحه مني ومن مجرب هي كل تنقلاتك اتكون بطياره بين المدن لا تستخدم العبارة ابدا لانها متعبه

وممكن وانت في كوالالمبور اتروحون لجنتنغ وترجعون بنفس اليم وهي حلوة وفوق جيل وباااااااارده

واي استفسار انا بلخدمة

وانصحك بعد تاخذ لفة على تقارير ماليزيا وتاخذ فكره عن البلد وانا موجود وبلخدمة وكل الفنادق الي كتبتهم انا مجربهم شخصيا

المشاركة الأصلية كتبت بواسطة alma3ani
http://www.arabtravelersforum.com/tr...4/#post6264824

حبيبي دامك بتروح لماليزيا فهي تغنيك عن المالديف لانهم بعاد عن بعض بس ممكن اتروح لسنغافورة لو حبيت

لان ماليزيا فيها جزر وحلوة وتقدر اتروح للبوابة الماليزيا واتشوف التقارير اهناك

واهم المدن اهناك هي كوالالمبور وجزيرة بنغ وجزيرة لانكاوي وسلانجور

بنسبة لي اقولك

اول شي روح سلانجور وقعد فيها ليلتين بلفندق وهي فيها مجمعات ومدينة مائية وراح تستانسون فيها وانصحك تسكن بفندق صن واي لاقون

وبعدها انصحك اتروحون لجزيرة لانكاوي وتقعدون فيها 3 ليالي وانصحك تسكن بفندق لانكاوي لاقون وهو وايد حلو

وبعدها انصحك اتروح لكوالالمبور وتسكن في فندق الملنيوم او الجي دبليو ماريوت لان مانهم وايد حلو وعلى شارع العرب واذا تبي شي ملاسق للبرجين ممكن تسكن بفندق مندرين وهو من ارقى الفنادق اهناك

وبعدها ممكن تطلع على سنغافورة لو حاب 3 ليالي وتسكن بلماريوت او بجراند حياة وكلهم على شارع اورشيد اهم شارع بسنغافورة وبعدها ترجع لدوحه وبنسبة للايام انت تقدر اتزيد عليها واتنقص

واذا ما تبي سنغافورة وتبي تكتفي بماليزيا ممكن بعد لانكاوي اتروح جزيرة بينغ وانصحك تسكن فندق الشنغريلا او الهوليدي ان وبعدها اتروح الى كوالالمبور او ممكن حتى تلغيها وتكتفي بس بسلانجور ولانكاوي وكوالالمبور

انصحك نصيحه مني ومن مجرب هي كل تنقلاتك اتكون بطياره بين المدن لا تستخدم العبارة ابدا لانها متعبه

وممكن وانت في كوالالمبور اتروحون لجنتنغ وترجعون بنفس اليم وهي حلوة وفوق جيل وباااااااارده

واي استفسار انا بلخدمة

وانصحك بعد تاخذ لفة على تقارير ماليزيا وتاخذ فكره عن البلد وانا موجود وبلخدمة وكل الفنادق الي كتبتهم انا مجربهم شخصيا






تسسسلم ياخوي على الرد الراقي
وعسااك على القووه يارب

اممم امس اتناقش مع الزوجة وقالت لي خاطرها تروح فينا وفرنسا

وانا اقول لها انه الجو باارد تقول لا معليش عادي

وانا بيني وبينك مابي اردها من اول مره يعني هاي اول مره تطلب مني شي

مرحبا اخوي

دامها هي الي طالبه وفي خاطرها خلاص انت اخليت مسؤوليتك

لان باجر لو مثلا تضايقت من الجو مايحطون اللوم عليك

زين ليش ما اتقولها اتخليها باريس ولندن

واتخلي فينا في الصيف

لان الجو بارد وفينا بتكون كئيبه على الاقل باريس ولندن ناسها وايد

ومن غير ها كله واهم شي لا تنسى ان لازم اتروحون بطياره من فينا لين باريس

اما لندن وباريس فلمسافه قريبه كلها اقل من ساعتين بلقطار

ومثل ماقلت لك اخوي انت استقر على رايي وانا حاظر وبلخدمة

وانا اقول خلها 6 ايام باريس و 5 ايام لندن

وانصحك تسكن في باريس بفندق الماريوت شانزليزيه او فندق كلارج شانزليزيه او الوارويك شانزليزيه

وبنسبة للندن فانصحك بسكن في الماريوت بارك لين او جراند رجنسي تشرشل او الهلتون بارك لين او الانتركونتننتل بارك لين او شرتون بارك تور او كارلتون جميرا او الملنيوم ماي فير او الهلتون متروبلتون او الكمبرلاند او ردسوسن ساس بلو بورت مان

تقريبا هاي افضل الفنادق من ناحية الموقع وكل شي

واذا المدام مصره على فينا فانصحك تسكن بفندق الماريوت فينا او فندق الامبسدور او فندق ليمريديان او فندق ردسون ساس بلو

واخوي اي استفسار انا بلخدمة

والله ياخوي انا افضل ماليزيا لانها اقرب

انا اقولك بكل صراحه استراليا وايد وايد حلوة بس جوها حاااااار لان بصادف عز الصيف عندكم

والحرارة توصل لل 35 درجة ويمكن اكثر

انا اعرف واحد راح لها بنفس وقتكم شهر عسل وما استانس لان يقول جوها حار

هي حلاتها اتروح لها بصيف عندنا لان بصادف الشتاء عندهم

صح يمكن اتقولي ماليزيا بعد حارة ومب بارده بس انا اشوف اقل شي ماليزيا اقرب وجوهم كله غيم ومافي شمس مثل استراليا

لان تبي الصراحه انا بلندن لو توصل الحراره 25 اموت من الحر فشلون بسرتاليا وهي فوق ال 30

انا هذا رايي وانت شوف وتخير وعلى العموم انا رايح استراليا بعد واي استفسار عنها انا بلخدمة

تسسلم فديت خشمك ويعطيك الف عااافية يالغالي

حبيب قلبي ولو ما سويت شي اذا ماساعدت اهل ديرتي من اساعد

وانا موجود وبلخدمة باي وقت

والله دام هيا في خاطرها تروح روحو
باريس ولندن
مررره راح تنبسطووو
روحو وعيشو التجررربه
والف مبروك

طيب ماليزيا في شهر 12 كيف جوها؟