الموضوع: تــحـذيييير من التعامل مع موقع

تــــحــذيـــــــــــر

السلام عليكم ورحمة الله وبركاته

يا شباب حبيت احذركم من التعامل مع الموقع هذا www.flightscanneronline.com لان صارت لي سالفه مع الموقع .
طبعا نويت اسافر على الفلبين في شهر ابريل و قلت خلني احجز عن طريق النت ارخص و اسرع
ودورت بين المواقع على افضل سعر ولقيت هذا الموقع سعر معقول و وفر لي 1000 ريال على كل تذكره و كنت ابي احجز ثلاث تذاكر .
لقيت الرحله و التاريخ المناسب لي و ادخلت بيانات الركاب و كل شي اوكي حتى الان . طبعا يوم جيت ادفع كان فيه ثلاث اختيارات للدفع اما عن طريق paypal او تحويل بنكي او عن طريق الوسترن يونيون وقلت مو معقوله مافيه فيزا او ماستركارت و شيكت في الموقع و لقيت ان الدفع عن طريق الفيزا و الماستركارت متعطل في الموقع و كاتبين انهم راح يحلون المشكله في اقرب وقت قلت ما فيه مشكله عن طريق التحويل البنكي ودقيت على البنك علشان اعرف المستفيد و قالو بعد 48 ساعه قلت ما فيه الا عن طريق paypal لكن قريت كاتبين
Please note that unfortunately we will not be able to accept PayPal payments from .Africa and Middle East


قلت ما فيه الا الحل الاخير عن طريق الوسترن يونيون و ارسلو لي الموقع بيانات المستلم و المبلغ كامل كان التحويل لبريطانيا .

For your convenience our company can provide eTickets BEFORE your payment is received. These tickets can be confirmed by the air company, but will be fully activated after your payment is confirmed. Please let us know if you'd like to receive your eTickets before you submit your payment.

Recepient First Name: MODRIS
Recepient Last name : KONONOVS
Recepient City: Birmingham
Recepient Country: United Kingdom
Transfer Amount: $2561.3 (after 3.2% discount)

Please note that your transfer is sent to our UK outlet.



و حولت المبلغ كان 1545 باوند يعني مع عموله التحويل حوالي 10026 ريال بالضبط
وارسلت ايميل للموقع انه تم التحويل وعطيتهم رقم العمليه MTCN وقالو خلاص .


Thank you for your payment!


We will verify your payment information and provide you with your eTickets after your payment is processed. We will email you once your eTickets are ready. You can also check your eTicket status on the Trip Information page.


Thanks again!


طبعا انتظرت يومين ولا صار شي و ارسلت ايميل ثاني اسال عن الحجز و ارسلو لي .
Hello,

We do apologize for the delay. You would be getting it within a short while.


Thanks!


و بعد كم ساعه شيكت على الموقع ولقيت انه تم استلام المبلغ و تاكد حجزك و تقدر تروح تقص التذاكر في شركة الطيران طبعا كنت حاجز على الاتحاد للطيران رحت الى المركز الرئيسي للاتحاد على طريق الملك عبدالعزيز و طبعت التذاكر من الموقع و عطيتها الموظف و يوم شاف ارقام الحجز قال هذي مو ارقام حجز في الاتحاد لانها كانت تبدا ب 123 قلت وشلون و الموقع يقول هذا رقم حجزك قال خلني اشيك على اسم العائله و ما لقى شي انا هنا حسيت بالسرقه قلت طيب خلني اكلم عليهم وفعلا كلمت الدعم الفني وطلع هندي و جالس يخربط بالانجليزي المهم قال كلمني بعد خمس دقايق خلني اشيك على السستم ؟ قلت كيف الموظف يقول كذا دق علي وين عايشين قلت خلاص ادق عليك وبعد خمس دقايق دقيت و سكر الخط بوجهي ؟؟؟؟؟؟ و ابثرته بالاتصال حتى رد و جالس يتاسف وقال السستم متعطل دق بعد ساعتين ؟؟ و دقيت بعد ساعتين ولا حياة لمن تنادي و على وجهها و راحت الفلوس و لا صار شي حتى موظف الاتحاد دق على المطار و ارسل لهم فاكس بالتذاكر وقالو ما فيه حجز بالاسماء هذي هنا خلاص وقفت و قلت الله يعوضني على اللي راح . ورجعت البيت و شيكت على اسم مدير المبيعات اللي الموقع و طلع ابو الشباب نصاب و هذا رابط لواحد انسرق من نفس الموقع و من نفس اسم مدير المبيعات .


http://www.scambook.com/report/view/...-on-04-02-2012


وهذي كل اللي صار معي فحبيت اني احذركم من التعامل معهم فقلت لازم احذر الناس من هالموقع و هذي اول مشاركه لي وارجو من الجميع التحذير ونشر هذا الموقع .


و السلام عليكم و رحمة الله وبركاته

مواضيع عشوائيه ممكن تكون تعجبك اخترناها لك:

• ابي رااااايكم اندونيسيا او البوسنه والهرسك
• الله يخليكم رشحولي وين اسافر
• استفسار عن موقع للحجز
• أسرة الفنادق المريحة أين توجد
• روسيا بلدي الثاني
• لمعرفة سعر صرف العملة من الصراف خارج السعودية بالصور
• شغف الطيران
• شو افضل دولة للسفر في شهر فبراير و مارس؟ ياليت تعطوني اقتراحاتكم
• ماذا تأخذ معك في سفرك
• استفسار عن سفر طفل بدون والدته
• كيف تتصرف في حال تغيير موعد الرحله دون ابلاغك
• موضوع شامل عن السياحة في طوكيو وهوكايدو
• عزيزي المسافر السعودي
• سفرتى مع شركة اوريزون انترناشيونال هوليداى
• جولة سياحية في أجمل منطقة في الأرض
• سؤال بخصوص جواز السفر
• اتمنى فتح قسم خاص للـطـــيــــران
• ايهم افضل الصـــين او الفلبين رحلة سياحية
• أنواع ال
• رأيكم و إستشاراتكم حول السفر الى تركيا

و عليكم السلام و رحمة الله و بركاته

الله يعوض عليك

هنا ننادي دائماً بالتعامل مع المواقع الموثوقة و المجربه و ان زاد السعر

النصابين كثير و لازم الواحد يكون حريص

الله يعوض عليك يالغالي

وجزاك الله خير على التنبيه

الله يعوض عليك
وجزاك الله خير على التنبيهـ

شاكر لك على التحذير وموفق اخي الكريم

شكرا لك لتنبيه الجميع ،،،

شكرا للتنبيه وجزاك ربي كل خير .. والله يعوضك ويخلف عليك بخير

حسبي الله عليهم

ياخي بالنسبه لأسعار شركات الطيران
مستحيل تلاقي سعر ارخص من الموجود في موقعهم !!!
لانه شركات الطيران تحط السعر الاقل وتعرضه في موقعهم في حالة شرائك التذكره من موقعهم
لكن لو شريت عن طريق مكتب حجوزات او موقع حجوزات بتكون التذكره اغلى لانه بيكون في عمولات للاطراف في التذكره

حسبي الله عليهم النصابين
اشكال والوان بعالم النت
انا احجز من شركة الطيران مباشرة افضل..ارتاح نفسيا..
مشكور اخي لتحذيرك..

جزاك الله خير
والله يعوضك خير

الله يعوضك

يعطيك الف عافية على التحذير